時代冰室 (崇齡街) (已結業)

早前見有烤魚今日嚟試食，入了餐廳內見到很多人也叫了烤魚，今次試了吾辣嘅酸菜烤魚＄118。賣相可以幾大條，魚肉也很滑，最重要無咩骨。湯也很濃郁，另也可以加火鍋料。加了＄15要了杯XXL龍鳳可樂，來時係冰底加兩罐可樂，抵飲。另加兩個火鍋料及一個煲仔飯味道可以，今餐兩人共＄228，扺食。

放工約了朋友在附近吃過簡單晚餐，來到了時代冰室，這裏勝在餐牌食物種類繁多，包羅萬有。麻辣烤魚，點菜時特別跟餐廳侍應講我們不太吃辣，於是就幫我們點了少少少少辣，非常貼心。烤魚選用肉質結實的鉗魚，十分大條，份量十足。魚肉鮮美，魚骨不多，而且吸附麻辣湯底的湯汁，相當惹味。另外的配菜有萵筍、蓮藕片、雜菌、油豆腐等。最多肉煲仔飯，其實就是排骨臘味飯，米飯熱辣辣香噴噴，一邊食仍然可以保持溫熱，飯面加臘腸、潤腸和排骨，排骨醃得非常入味，煲底仲有飯焦。巨人炸雞髀伴肉燥撈手工刀削麵，炸雞髀相當大隻，難怪用巨人級數形容，表皮香脆，雞肉嫩滑，油炸火候控製的剛剛好。刀削麵質地彈牙，加入肉噪、鹵水蛋味道更惹味，搭配炸雞髀整體而言性價比頗高。跟餐加了兩杯餐飲，包括紅豆冰和蛋白杏仁茶。紅豆棉滑，濃度恰到好處，值得一試。

收工經過新蒲崗，來到位於崇齡街的時代冰室來感受下香港的冰室情懷。時間已經不早，但店來的客人依然不少，等了幾分鐘後便由店員安排入座。與一般的冰室不同，除了一般冰室可以見到的食物外，這裏更有雞煲和煲仔飯可以食。由於天氣轉涼，我們便叫了一款煲仔飯，名為最暗然煲仔飯。材料有半肥瘦叉燒，青菜和三隻流心蛋，而煲仔飯又點少得主角飯焦，拌上煲仔飯豉油，簡簡單單已經能夠為嚴寒冬天帶來一絲溫暖。第二樣主食我們重量級。英國。西冷牛扒，西冷牛扒非常厚身，果然夠晒重量級，厚切西冷牛扒沾上黑椒汁食起來啖啖肉，非常滿足。跟餐還有粗薯王，外面香脆，而內裡的薯肉夠晒粉，而且份量之多，一個人吃起來還真是有點壓力。小食方面，點了黑糖。水果雪山。一口西多。雖然個名係叫一口西多，但佢的size絕對唔止一口，包裹着花生醬牛油的西多，外邊再淋上一層黑糖漿，頂部再放上忌廉和水蜜桃片，味道認真夠晒層次。飲品方面有，特飲阿華田雪山和巨峰提子啫喱冰。

位於新蒲崗既時代冰室，經常大排長龍，今日同幾個朋友黎食午餐。午飯時間都幾多人，一去到門口攞左飛都要等一陣先入得。坐低睇餐牌，wah，午市套餐黎講真係算多，花多眼亂，選擇恐懼。喺咁多選擇中，我最後還原基本，食個咖哩牛腩飯先👍🏻，份量好充足，咖哩汁夠多，係印度既風味，唔錯，仲有兩塊印度薄餅，大滿足。另外，仲有跟例湯同熱飲，例湯偏咸，奶茶唔夠茶味，有進步空間。****************👍🏻好食 | 👌🏻可以 | 😔 難食評分 : 5.5/10簡評 : 茶餐廳價錢，茶餐廳食物

不知不覺又一年, 又到冬天趕deadline 既時候, 咁忙都唔知道為咩, 而食飯變左唯一可以放鬆既時間, 亦係唯一令我感覺到美好既存在, 聽人話新蒲崗開左間時代冰室, 我本身好中意食佢哋個肥牛麻辣刀削麵, 得閒仲會上慈雲山分店到食, 難得今日約左朋友係附近又點可以錯過, 坐低睇完餐牌, 個頭都暈埋, 本身已經夠多野揀,佢哋仲要推出咁多冬季餐牌, 樣樣都想試, 煲仔飯, 臭臭鍋, 雞煲, 我敢話黎呢度食一個月, 我都唔厭, 到最後朋友想打邊爐, 我哋又中意食魚就揀左個麻辣烤魚, 佢叫左杯水果茶, 我就試新出既阿華田雪山, 以為咁就完, 打邊爐梗係要加料啦, 我哋兩個人叫咗肥牛, 一個田園蔬菜盤, 餐肉, 蟹棒, 生蛋, 刀削麵同萵苣, 叫完就已經好興奮, 同朋友傾左兩句, 個烤魚就上菜啦, 上菜速度驚人, 睇落條魚煎得好靚, 加上麻辣醬汁, 同配料們既襯托, 見到後食慾大增, 未滾我哋就落筷, 魚肉好滑, 無太多骨, 加上佢哋麻辣既汁, 麻得黎又唔會太辣, 感受到食麻辣既爽感又唔難受, 恰到好處, 配料萵苣同蓮藕亦都好爽脆, 啲菇又吸曬味,真係一絕。跟住我哋加叫既食物亦都陸陸續續上菜啦

同朋友食一人份台式鍋，其中一份遲遲不來，30分鐘後詢問無果，50分鐘後再問，告訴我們沒有做是否要退掉。服務差，人生幾回飯足夠被破壞，人生多少50分鐘可以隨意浪費。心情瞬間到谷底，建議任何一個不能在被人刪了一巴掌後微笑送上另一邊臉的朋友不要來這家店。

今晚去左新蒲崗，之後順路去左時代冰室食晚飯。見Menu有好多食物選擇，無論中西餐都有，而且新推出煲仔飯晚餐，都好想一試。我地今次叫左常餐，入面有仿鮑魚火腿絲通粉，配火腿奄列+牛角包，飲品係樽裝鮮奶。全個餐份量都好多，通粉夠爽，仿鮑魚絲火腿絲足，奄列好滑，牛角包好香口，全個餐都好健康。另外叫左排骨配臘腸膶腸煲仔飯，真係好惹味，天氣開始凍食一流。而值得推薦係海陸空鐵板餐，有虎嘏、牛仔骨、乳鴿配上薯角真係好味兼抵食。龍鳳大檸樂一大jar好抵飲。最後追加嘅花生醬西多士及牛油砂糖多士好有港式味道，值得一試再試。

放工去了新蒲崗做瑜珈上堂之前去食飯，諗緊食咩好之際見到見面係這間冰室，見到餐飯裝修都很光亮，坐位舒服所以就進去晚餐啦～點左三人餐好抵食呀，有3個送、飯、湯和飲品薑蔥霸王雞鋪滿薑蔥在上面見到都好正，雞肉嫩滑很入味，啖啖滋味！媽媽蕃茄滑蛋牛肉好耐冇食過蕃茄滑蛋，炒得岩岩好加上牛肉，牛肉唔算好韌，配蕃茄味相當夾！粟米滑蛋脆脆魚柳魚柳炸得很脆口，加上粟米滑蛋更加美味滷炸妙齡乳鴿乳鴿較為細隻，肉質嫩滑可口最後餐飲加錢轉特飲👍🏻

在跟大家討論我在香港的冰室推介的時候，面對有朋友問：「時代冰室如何?」，說真的腦海是空白一片。時代冰室真是未吃過，所以冰室類別中真的毫無印象。所以就趁這天過MIKIKI找朋友，來這裡吃一吃。如果多人時段都可以如GURU到拎飛，咁樣慳D時間又方便：D入面餐廳空間非常大...◾小菜套餐：總共大概有10個款式可以選擇：我哋嗌左個三人餐$193，入面包括「三款小菜、三碗老火湯、三碗白飯、三杯熱飲」，另分別叫咗川味口水雞例牌、XO西蘭花炒魚柳、韭黃叉燒大蝦炒蛋。呢啲小菜全部都係六點後開始供應◾川味口水雞例牌製法很繁覆口水雞味道層次豐富，有麻辣鮮香嫩爽等味，紛陳複雜，嘗完讓人流口水，忍不住一口接一口，四川人很喜歡吃。 傳至香港，也很受香港人歡迎，不單香港川菜館有賣，粵菜館也有口水雞,現在冰室也有口水雞啦。這道口水雞的醬汁，融合了鹹、香、麻、辣等滋味，趁熱淋在雞肉上，那味道光是用聞的，就能讓人胃口大開。◾XO西蘭花炒魚柳一道道鑊氣十足的小炒， 魚柳及西蘭花顏色鮮明，魚柳鮮嫩，西蘭花配XO醬十分惹味，賣相又吸引！相信很多人在家裡自己也做過這道美食吧，不過我出街照點，哈哈。◾韭黃叉燒大蝦炒蛋蝦仁炒蛋，是

今日係新蒲崗蒲到夜左，去左時代冰室慰勞下個胃仔。呢度設計好似自修室咁一排排，有2人位到4人位。晚上人流唔多可以自己揀位坐，我和朋友揀了相對較入的位置坐底。一坐底，侍應已經擺底2碗湯，比你一路揀餐牌一路飲湯！晚上設有小菜套餐，可以揀小菜，我地揀了XO醬西蘭花炒魚柳和特濃沙嗲肥牛煲。前者魚柳厚切咬落啖啖肉，配上蔬菜屬有營之選！可能係岩岩晚市時間，魚柳同西蘭花上都有黑色一點點，應該是鑊未清潔好就煮，味道沒有影響，但觀感唔太好，扣了少少分。而後者最岩重口味的朋友，沙嗲醬好惹味，配飯一流！XO醬乾炒厚切豬扒炒公仔麵，到茶餐廳必叫菜式之一，有鑊氣炒出嚟香噴噴，炒到公仔麵夠乾身，放低5分鐘唔夠就清曬！飲品方面，我揀了特飲大檸樂，嚟到有驚喜，超大杯冰底，再有2罐可樂，只係加$8，超值！

希望我們都能活在最好的時代，回味以前在新蒲崗返工的日子，今日約咗舊同事懷緬一番，這個舊區密密麻麻的食店，佢揀咗門面光猛、價錢實惠的時代水室 。小菜套餐 $ 128老人家喜歡食廣東小菜，可以任選2款小菜、老火湯（2碗）、絲苗白飯（2碗），我同阿姐講小飯真係做得到。川味口水雞（例牌）真心特辣，勁有風味，好辣到跳舞的川味口水雞，十分有驚喜。麻辣味道兼備，好經典的口味，雞肉嫩滑，送飯一流。特濃沙嗲•金菇肥牛煲特濃沙嗲可以加入關注組了，味道濃郁，煲仔菜熱辣辣香噴噴。金菇肥牛分量都唔少，牛肉入口柔軟，可口多汁，粉絲吸收晒沙嗲汁的精華，超好味。時代 • 菠蘿啫喱冰餐飲轉成特飲+$8，菠蘿啫喱冰夠晒凍又解渴，爽呀！特盛×XL+＄13特盛 •綜合 •水果茶好似台灣風味的水果茶，粒粒生果有咬口，甜度適中，茶味香濃，勁大杯兩個人飲開心share。最邪惡•煲仔飯 $68煲仔飯又係好吸引的飯焦，地上最強冇介紹錯，秋冬食就最啱，焦香撲鼻。爆芝滑蛋如果可以多啲芝士就當然 perfect, 拉絲感覺還可以，芫茜滑牛冇得輸。鮮果大蝦•千島沙律 $48很開胃的沙律菜，鮮果色彩繽紛，大蝦爽口彈牙，先有營•後有款，跟餐 仲可

經過兩日打風冇啖好食的日子趁今晚好天立即去食好西第一次嚟時代冰室，發現佢菜單有好多款式可以選擇：鐵板、小菜、炒飯、西式、日式、石鍋、小食、仲有季節限定嘅菜式，宜家秋冬季有雞煲火鍋。 我都用咗一段時間考慮到底食咩好，真係花多眼亂，樣樣都好想試，但兩個人可以食嘅都唔多，最終選了一個重慶麻辣雞煲及蒲燒鰻魚伴3.6牛乳滑蛋蓋飯。 蒲燒鰻魚伴3.6牛乳滑蛋蓋飯是一份份量很滿的大碗飯，蠢蠢欲動的木魚碎千軍萬馬的在滑蛋上向我揮手木魚的香味已經令人流口水，滑蛋大件得幾乎可以遮蓋到蒲燒鰻魚，而且滑蛋creamy又有厚度，一口鳗魚配滑蛋加上木魚香、濃、滑、惹味齊全，一啖接一啖停不了口。 重慶麻辣雞煲只是＄88,如不想四川麻辣，可選擇不辣的酱烤香茜味。麻辣雞煲可選大中小辣，小辣真的不算太辣，剛剛好。gas爐烤着雞煲，香辣味不經不覺的飄入鼻子來，雖然是88元，但雞的份量也不少，足夠二人份量，還有很多洋蔥及我最喜愛的芹菜經過一輪翻炒，直至醬汁均勻地沾滿所有材料，搞掂食得。看得出雞件應該是略有爆炒，看得見外表是脆脆的，雞件與四川麻辣醬烹調一會之後，四川麻辣醬完全融入雞肉裡面，十分惹味。 吃完雞煲後更可以加配料打邊

自從喺長沙灣食過呢間時代冰室，就覺得好抵食。今次經過原來新蒲崗都有間咁大的地舖，重點係見到有雞煲就嚟試下。醬烤香茜雞煲朋友係超級芫茜粉絲，見倒香茜味嘅雞煲一定嗌。雞煲嚟到香味撲鼻，係淡淡嘅香蔥芫茜味。雞肉嫩滑，估唔倒薑味超濃，辣辣地食完又想再食。$88分量都唔少，其實加多幾碟配菜，兩個人都幾夠食，性價比幾高！加咗$12的唐生菜都幾大碟，絕對唔係外面連鎖快餐打邊爐配菜得幾條嘅份量。越式蝦肉釀長春卷$29 四條大大條，仲非常之脆口，值得一試。巨人炸雞髀配蔥油肉燥撈手工刀削麵自從上次食過髀翼雙飛蔥油刀削麵，一直念念不忘。今日帶咗超鍾意食蔥油嘅朋友嚟試。果然都係咁足料，雞髀果然超大隻，蔥油一啲都唔少，仲有隻蛋，肉燥蔥油真係好惹味！果然係推介之選。卡邦尼巴馬火腿拼炸魚柳炒意粉估唔到中式茶餐廳竟然有西式意粉嗌，個樣仲幾靚仔。魚柳煎得幾香，隻蛋仲好靚正，意粉份量重超多。原來啱啱出咗秋冬限定台式火鍋，今次試咗雞煲下次一定要嚟試下個火鍋！

新蒲崗其實早餐有好多餐廳選，今日就去咗呢個時代冰室食早餐，佢早餐都有好多選擇，價錢合理。我叫咗個芫荽牛肉米線，雖然同想像中嘅芫荽米線有啲出入，但估唔到佢普通牛肉都可以煮到咁入味。炒蛋配丹麥麵包都一樣出色，重點係唔使額外加錢，十分抵食。

🫔台式蔥油芝士肉鬆煎蛋餅朋友堅持要試試，果然好味！😚蛋餅上面有滿滿的柴魚片，蛋餅非常酥脆，芝士和肉鬆是很好的組合，一口吃下來也不會太膩！😋👑🍳和風爆芝玉子燒❤️❤️❤️❤️這個是我超級想吃的，上面有超多柴魚片和沙律醬，夾起仲會有芝士拉絲，好有罪惡感，不過超滿足！分量好多，有差不多6舊，好抵食🧀🥦白汁芝士焗西蘭花分量不是很多，正常發揮👌🏻主食方面，我揀了🥩重量級西冷牛扒，配上🥗沙律，其實可以選白飯、意粉和薯菜的，不過我已經吃了上面的小食，很驚喜還可以要求熟度，我就叫左 5成， 蒜蓉汁。上菜用鐵板上，附有小紙圈，防止彈汁，最期待把醬汁倒上鐵板的磁磁聲，超香！牛扒切開是粉色的五成肉剛剛好，肉汁滿滿！口感軟腍，都有牛味👍🏻🤩朋友選了🍗法國烤串上春雞，真的是用串上的，吃的時候要用上手比較方便，或者整隻放上碟切。肉質好嫩👍🏻，不是乾柴的肉質，外面的皮烤得剛剛好，不會太乾，而且都幾大隻，抵食！😍肉醬意粉正常！