影片
🤗 今日相约 “食家读者” 交换情报, 选址 “旭”, 食寿司厨师发板.🏘️ 餐厅位于中上环L.Place 高层, 接待处以圆形线条设计, 分隔背后嘅用餐区, 十个赞, 寿司区设一张十二人椭圆形吧枱, 另外两个铁板烧用餐区.🥢 今日点咗十二贯寿司套餐, $580+10%, 包括前菜, 沙律, 茶碗蒸, 十二贯寿司, 卷物, 汤, 甜品.樱煮八爪鱼沙律茶碗蒸羽太帆立贝金目鲷深海池鱼甜虾纹甲鱿鱼飞鱼喜之次赤身中拖罗右口鱼边赤海胆吞拿鱼手卷玉子烧鱼汤绿茶蛋糕🦑 樱煮八爪鱼. 送嘅, 靭韧哋.🍀 沙律. 冇乜特别.🍥 茶碗蒸. 卖相有睇头, 又够热, 过关!🍣 羽太, 又名 “黑瓜子”, 北海道, 配冲绳海盐, 青柠. 鱼味不俗, 而且越嚼越甜.🐚 帆立贝, 又名扇贝, 北海道, 配昆布盐. 昆布盐带领味道, 帆立贝肉质相对平淡.🍣 金目鲷, 配九州柑橘啫喱. 我唔食紫苏叶, 竟然换上金箔, 卖相加分, 金橘啫喱抢味, 结合金目鲷嘅油份, 有趣.🍣 深海池鱼, 配鲨鱼软骨梅酱. 我钟意红润嘅色泽, 可能鱼料太簿, 错失咗实净嘅口感, 味道唔算太梅.🦐 甜虾, 配盐𣚭. 师傅介绍甜虾尺码系 3L, 我又唔觉得特别大只㖞, 食落少少甘, 带杏脯味.🦑 纹甲鱿鱼, 配七味粉. 据师傅介绍, 此前嘅寿司用白醋米, 由呢贯开始转赤醋米. 讲番纹甲鱿鱼, 口感真系唔似鱿鱼.🍣 飞鱼, 配三升渍, 芽葱. 鱼料太簿了, 口感欠奉.🍣 喜之次, 炙烧, 配日式脆脆酱. 炙烧嘅喜之次逼出油份, 配合惹味嘅脆脆酱, 掂!🍣 赤身, 配日式芥辣籽. 芥辣冇抢味, 赤身俾到金属味, 有趣嘅搭配.🍣 中拖罗, 配山葵茎. 拖罗嘅肥美, 又保留到酱油嘅甘香, 掂!🍣 右口鱼边, 配炸京葱丝. 葱香, 紫菜, 鱼油, 完美结合, 搅掂!🐚 赤海胆, 配米饼, 淡雪盐. 海胆忌廉口感异常结实, 唔用紫菜, 换成脆口嘅米饼, 效果颇有新鲜感.🍙 吞拿鱼手卷, 配樱花虾, 天妇罗碎. 吞拿鱼蓉够唒香, 不俗!🍮 玉子烧. 据师傅介绍, 用兰王蛋, 虾肉, 低温煮. 口感少似芝士蛋糕, 一点点橙味.🥣 鱼汤. 极重嘅鱼味, 交足功课.🍰 绿茶蛋糕, 配红豆忌廉. 蛋糕软熟, 完美结束!🤗 总结: 餐厅楼面设计独特, 空间感十足, 值得再赞. 师傅详细介绍每款寿司嘅鱼料, 出产地, 同埋 调味. 败笔系: 坐满人嘅时候好嘈, 听唔到师傅讲嘢. 机械式服务, 合格但欠温度. 寿司鱼料偏薄, 口感差少少, 每贯都配一款调味, 卖相就系 “长方加一点”, 颇有新意, 性价比有吸引力.
继续阅读
见到食评咁好，于是就book左台黎呢度同朋友庆祝生日食 omakase。 一黎佢就系上个白粟米汤，好清甜！然后就有个沙律同茶碗蒸。然后就系12件寿司啦！每一件都唔错 但我特别钟意:-1. 左口鱼群边 - 好脆嘅紫菜包住入口即溶嘅左口鱼群边简直就系冇得输！2. 海胆脆脆 - 海胆好新鲜，用两块自家制米饼薄脆夹住食😋3. toro 👍4. 金目鲷 - 微微烧过，上面配埋一片柚子啫喱令成个味道好清新5. 鱼生紫菜手卷- 新鲜粒粒刺身加埋d脆脆同樱花虾用紫菜包住好好味😋6. 有旧烧左上面嘅唔知叫咩鱼 - 但个炭烧味好食🤤
继续阅读
男朋友最钟意食澳洲龙虾，适逢佢生日带佢嚟食铁板烧，师傅又识讲笑好啱倾，每道菜都介绍得好仔细，价钱非常合宜每道菜都一试难忘，本身好怕鱼腥味，但系佢嘅时令白金鲷整得好香，将鱼鳞煎到好香好脆，食落口感外脆内软，而且环境宽敞坐得好舒服，最后清酒煮蚬，系唔加水嘅直接烧将啲酒精挥发，每粒蚬大大只非常鲜甜。本身仲怕唔够饱加咗几只广岛蚝，又可以睇埋师傅表演一阵，所以如果真系唔够饱，佢其实有好多单点嘅可以加。加埋最后嘅炒饭真系饱到撑😅🤣好满足嘅一晚
继续阅读
🇭🇰昶·Lunch Sushi Course $580之后呢间系我朋友仔食过觉得好食带我黎食既 果然真系超级唔错 佢lunch系有呢个sushi set同埋omakase set拣 但系其实呢个sushi set已经超多野食🍣😍😍·前菜 l 沙律 l 茶碗蒸し因为依家系夏天 佢前菜首先系一个冻嘅水果粟米汤 佢系好似小甜品咁样 饮落去甜甜淡淡嘅粟米味 都几开胃🌽之后就仲有个沙律同埋一个好多蟹肉丝嘅蒸蛋🦀·握り寿司十二贯 l 卷物之后就系寿司啦🥳🥳佢啲寿司都几新鲜 第一嚿系鲂𫚒 佢呢个就咁用少少青柠同盐 都几鲜🍋之后佢个墨鱼中间系夹左块紫菜 不过我自己就觉得佢个墨鱼稍微浆口左少少 口感无咁好🦑之后个赤贝好大旧 好鲜 金目鲷就系微微烧过 配埋一块好滑溜既橘啫喱 几特别🍊之后佢个喜之次上面系加左啲辣脆脆 食落鱼油超香😍😍之后个深海池鱼都好肥美 个𫚕鱼就正正常常😎之后个左口鱼裙边我自己好中意 佢系烧到啲鱼油出晒黎 包埋块好脆身既紫菜 好正🤤最后个银鳕鱼鱼油都唔错 好入口即化 不过我就觉得佢呢个烧得稍为熟左少少🫢🤣个大拖罗配埋个葱油wasabi都相当唔错 超满足 唯一系我食个旧边边位有少少筋 之后个海胆薄脆都几甜 而且新鲜 最后仲有个手卷 入面好多刺身粒 加埋啲脆脆同樱花虾 口感好好 满足🥰🥰😌·吸い物 l 甜品食完寿司之后就有个暖笠笠既面豉汤 同埋一个好似布甸既甜蛋 不过呢个入面系有虾既 所以我就无食到🦐🤣🤣最后仲有个好清爽 上面有一层啫喱既蛋糕仔🥰佢呢度系真系一位师傅服务一组客人既 所以服务好好 我地系度慢慢食 慢慢吹水 食左两个几钟 开心🥳·#rbyeat#rby日本菜 #rbyomakase #rbycelebrations#rby中环 #rby上环·📍中环皇后大道中139号The L. Place22楼
继续阅读
昶 Hinotama开业一年多既Hinotama，有厨师发办同铁板烧选择，小编今次食lunch omakase set＄1280＋10％ 16个course，舍利酸味偏淡，个人喜好酸多少少会好d！＜前菜＞🌽白粟米冻汤 Tomorokoshi soup🦀蟹肉茶碗蒸 Gani Chawanmushi＜刺身＞🦪北海道昆布森真蚝 Kaki from Konbumori, Hokkaido🍣真羽太Mahata 🐚粒贝 Tsubugai🦐缟虾 Shima Ebi🐠赤身中拖罗 Akami Chutoro🐠 太刀鱼 Grilled Tachiuo＜寿司＞🍣 高部鱼 Takabe🍣 𫚕平鱼 Burihira🍣 池鱼bb Aji🍣 赤海胆紫海胆 Aka Uni and Murasaki Uni🍣 喜知次 Kinki🍣 手卷 Temaki🥚玉子烧 Tamago<甜品>🍇提子泡芙 Green Grapes Puffs⭐️比较有印象既寿司：😋白粟米冻汤 - 用粟米芯打成蓉整成既冻汤，非常清甜好味！😋粒贝 - 落咗d海藻盐，口感爽口，亦有鲜味!😋缟虾 - 用花雕酒料理酒等腌制而成，虾味同酒味balance得好好！😋𫚕平鱼 - 𫚕鱼同平政鱼生既鱼，有𫚕鱼嘅油脂感，又有平政嘅结实感，好出色！😋喜知次 - 上面加咗日本XO酱，加上本身烧过鱼皮，味道好有层次！😋高部鱼 - 油份重，加埋梅水晶(鲨鱼软骨+梅肉)，口感味道好balance！
继续阅读