是你的餐廳

营业中

休息中

晚飯嚟到呢間位於鳳攸南街既是你的餐廳，小店經營，得十零個座位，座位偏窄，人多就不太合適，反而兩人去食就闊落很多。餐牌上樣樣都啱食，有點兒想食牛扒，就點咗個$99蚊既紐西蘭肉眼扒配白飯。不一會就上餐，塊扒煎得好香，又夠厚，差唔多成吋厚，有肉味，大慨六成熟，口感一流，個黑椒汁做得很好味，加咗紅椒，所以有辣的味道，彌補黑椒既不足，回味無窮，好味道！口味：🥚🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚

細細個已經食過，但舊址冇左，見到雞地重開，今晚有時間所以去試下質素都係冇變，都係咁好食今日叫左紅燒豬扒意粉個豬扒好好食，唔會好乾身，又夠入味老闆娘推薦肉眼，下次再去食

呢間字幾傳統既西式扒房，細細個我屋企人就帶我去舊地址到食，真係童年回憶🥹 咁多年都仲係到 、味道仲係好懷舊風，覺得水準同小時候食到的一樣不變各自點左兩份扒 ，配送有兩份餐湯（叫左白湯）同蒜包T字骨扒 及 安格斯西冷T字骨扒配黑椒汁 普通碟上 5成熟薯條既味道仲係好有細食到果隻味道，以前經過扒房都必定要啊媽帶入去食黑椒汁係偏辛辣，非常帶到刺激感而且都幾大份，好香牛味，食落軟嫩的唔硬、肉汁juicy😲 不過近骨位會帶有些小筋位要小心食另一份西冷揀左配蒜茸 鐵板上 3成熟上枱果下感受到鐵板既一股熱力，令到啲汁都會彈到身上，所以職員都比左一張好大既餐巾我地遮下西冷本身係比較厚身，咬感都會偏厚實、脂肪都偏多，但呢個先係精華所在，半肥半瘦係好食既

知道元朗有幾間食豉油西餐又出名 又老字號嘅餐廳 但係食過之後 最支持嘅都係呢一間是你的餐廳🍴平時我哋會夜晚時間嚟 但係今朝一起身就想起佢 過嚟試吓佢哋嘅假日午餐啦🤓我要左份紐西蘭羊架 配意粉 黑椒汁 加左5蚊要個粟米忌廉湯 餐飲凍檸茶少甜少冰🍋麵包 烘得好脆 但分不清是蒜蓉包 還是普通牛油多士 味道有點模糊 忌廉湯十份濃稠 有粟米既甜味 入面更有粟米粒 非常好味😋先旨聲明 羊架適合不喜歡羶味既我 每次黎我必點 外面煎得脆 入面保持到肉汁 單靠自身調味已經足夠 千萬唔好點汁食💁🏻‍♀️黑椒汁真材實料 會見到洋蔥 拌意粉一流👍🏻👍🏻意粉亦煮得恰到好處 唔會過硬過軟 但旁邊的蔬菜 就有點煮過龍 冇晒爽脆嘅口感😅

今次叫咗黑椒牛扒配意粉做午餐，黑椒汁非常入味，似係餐廳自己製造的，牛扒煎得剛剛好，當黑椒牛扒意粉剛剛上枱的時候，一切牛扒就感到牛扒的脆口，食到停唔到口，呢間餐廳的廚師煎扒技術一流👍

住喺元朗咁耐...一定會知道有一間...是你的餐廳...呢間餐廳屹立元朗幾十年...由我小學食到現在...我每次黎都係食全餐因為全餐好多嘢食又有麵包又有湯又有沙律又有飯...最重要有我最鍾意食嘅啫喱做甜品呢個全餐餐牌一直冇變過忌廉湯大大碗而且好足料淨係呢個紅燒豬扒沙律已經不得了呢塊紅燒豬扒真係好好味因為有炭燒嘅味道...香口有肉汁淨係沙律嘅份量都足以食到飽一飽其實煮食方面係有馬仙尼雞扒...但因為我唔食雞...所以餐廳都可以比我換埋做紅燒豬扒淨係又食飯又食沙律已經夠飽啦對於我來講最緊要就係呢個甜品花奶啫喱超級好味所以我久不久都會嚟食返個全餐感受返一下兒時味道

4點半想食個下午茶見新開番想試下供應時間2點半到5點免加一飲冰品都唔洗加錢我叫左個B餐雜果冰即係罐頭糖水薯條雖然係即炸但師傅啲鹽呢多左啲囉雞翼都偏鹹粟米正常(好難唔正常)40蚊一個下午茶你話佢平咩 又唔係不過係坐得舒服既

生意難做，雞地一帶餐廳轉手轉得好密，最近是你的餐廳就喺雞地重開，聽同事講之前係元朗係口碑唔錯嘅傳統西餐廳，於是去試吓。午餐有幾個選擇，餐湯要加$8，叫咗羅宋湯，辣辣地，好多料，有成幾塊牛肉。粟米白汁龍脷柳意粉，白汁幾特別，份量啱啱好，魚柳炸得好脆，價錢雖然大眾化，但一啲都唔hea。見隔離檯食豬扒都幾吸引，下次再試！