春水堂 (新都會廣場)

营业中

休息中

全店咁多吉位，安排我坐擺水，杯等位置，每次staff在我面前走來走去，開櫃閘櫃，張枱都震，又大聲，食唔落飯，煩到我都想拍枱駡街，仲收我10%服務，乜嘢服務？其他客staff有主動倒水，我杯水，等10分鐘無人倒，我自己倒嘅。舉手叫人幫我搬嘢去新枱，盲又聾，扮睇唔到行過，又係我自己搬。啲服務越嚟越差豈有此理，垃圾，唔會再食呢間嘢。啱啱寫咗email去台灣總公司投訴。最衰自己，lunch peak, 間餐廳仲會剩40%位，應該都伏㗎喇，仲走入去

下午3：30-5：00一排椅唔比客人坐，只准員工用膳坐，問取匙羹和杯時，又話d杯只供職員用又冇尾音和唔耐煩，只是撥一撥冷風機葉，職員想剎人大罵，今時今日態度係趕客走。

本來諗住睇話劇之前輕輕鬆鬆開開心心食一餐叫咗一個酥炸豬扒便當：豬扒好乾，好硬叫咗個肉燥菜：真係好油呢一個價錢，呢一個品質，不太能接受唔知係咪呢一間分店嘅issue ，之前食過春水堂是OK的

本篇食評主要分享用餐服務體驗，喺呢個經濟低迷嘅市道，到底一間餐廳幾唔夠人先可以容忍呢啲惡劣態度嘅員工站喺前線對待客人呢？經我哋用餐體驗後逐點慢慢分析俾你聽！星期二既下午四點幾，店舖冇乜客，門面冇職員招待，企咗喺門口差唔多30秒，因為金色頭髮嘅女侍應眼光光望住我哋，彷彿懷疑我哋來意咁款，攞咗枱之後，就展開我哋嘅惡劣服務體驗之旅啦！😎因為接下來都係由同一位金髮既女員工「招呼」我哋！1:入嚟食嘢要訓練觀察力：叫咗兩杯餐飲，兩個麵，同埋一個小食，第一杯餐飲嚟到，放低就咁走咗佢，我哋問返最近我哋張枱個位侍應，用一個完全冇尾音嘅語調話我哋聽杯嘢係邊杯，唔到2分鐘第二杯凍飲嚟到，依然放低枱面一話不說擰轉身走人！做人最緊要堅持態度，抵讚👍🏼2:埋單儲積分，唔早啲講就俾人鬧啦🐒到埋單嘅時候，發現枱頭有一部the point既QR Code機，我女友問客氣地佢有冇得儲埋分，金毛待應面露難色，接下來就同我女友講：「下次早啲講吖嘛……！」嗱，大家呢度要認清楚，尾音係好長！企喺側邊嘅我當堂都反應唔切突然其來嘅突襲，埋完單之後唯有就提高音量咁「唔該哂你喎真係！」黎回應佢！享受完呢一個惡劣服務體驗之後，我哋搭車上去

今日中午喺新都會廣場嘅春水堂食lunch，叫咗個細嘅滷肉飯同埋黃金地瓜條。飲品就揀左焙香麵茶珍珠鮮奶茶。滷肉飯不過不失，略嫌鹹咗少少。因為個飯滷肉飯係細碗，所以食埋個黃金地瓜條份量就剛剛好。地瓜條味道唔錯，甜甜地，個皮又唔會太厚，外脆內軟。個焙香麵茶珍珠鮮奶茶係呢餐最滿意嘅，呢個奶茶係固定甜度，只可以少冰或去冰。呢個奶茶好香麥味，飲落唔會太甜，而且個人偏愛食細粒嘅珍珠，所以春水堂嘅珍珠就最合我心意。杯嘢飲好飽肚，呢餐好滿足！🥰

最近在葵芳新都會的春水堂用餐，點了幾道菜，整體食物質素還可以，適合隨便享用。2️⃣ **麻油肉燥麵線**：麵線滑順，麻油的風味也不錯，價錢與份量相稱。3️⃣ **黃金地瓜條**：外脆內軟，地瓜的甜味恰到好處，是個不錯的小食選擇。飲品方面，**熱紅豆鮮奶茶**，豆腥味不重，挺好喝的。整體而言，春水堂的食物還算可口，適合與朋友隨意聚餐。🌟環境：💡💡💡💡食物：💡💡💡💡性價比：💡💡💡#春水堂 #葵芳 #紅燒牛肉麵 #麻油肉燥麵線 #黃金地瓜條 #紅豆鮮奶茶 #香港美食 #隨便聚餐

假日新都會廣場餐廳好多都客滿要排隊，見春水堂有位就入去，平時食開，食物質素無問題，入面仲有好多位就入去。一坐低，女侍應用嫌棄、嫌麻煩的態度話：「你要坐呢張枱？呢張無qr code，你要坐我要再印過！」⋯⋯咩態度，我哋只好坐去旁邊有qr code 嗰張枱。用餐時間，該女侍應不停同其他侍應竊竊私語再望過嚟，又躲在近廚房門口的餐邊櫃位置拎手機出嚟，鏡頭對住我哋。該侍應用金色鯊魚嘅盤起頭髮，戴口罩。最離奇係頭頂貼住一片髮飾，大大隻字寫住「冷漠」⋯⋯真係非常配合佢嘅服務態度。公司生意慘淡真係多得佢唔少。

因為帶了寵物，而有寵物不能坐室內，只好外賣了幾杯凍飲，但不小心在門口倒瀉了一杯未開嘅飲品落地，雖然封了口，但一到落地就瀉到一地都係，唯有再買一杯新，再想麻煩員工幫忙把倒瀉的杯丟掉到垃圾桶，但員工說他們的垃圾桶不方便掉這杯，因為有未飲完的飲品 （倒瀉剩1/5左右）要我們掉到商場的垃圾桶內。未見過一間舖頭係唔可以掉自己餐廳的飲品！原本有一個員工肯幫我哋掉，但收銀姐姐話交返比客人自己丟出去商場的垃圾桶！！

話說去開嘅分店已結業, 咁 lunch 就响公司附近食佢啦~今次食完早餐無幾耐, 仲未餓, 所以就無叫小食了~ 香醇奶茶 $34/杯始終真係佢最好飲, 甘香順喉, 我地都鍾意呀!我地都會叫 小冰+微糖 的~酸菜白肉湯麵 $88呢個初開時話期間限定, 好濃好味~ 所以今次見到出番, 梗係再食!嗯!無哥時咁濃了, 但, 比起坊間一般的, 都仲係香濃~ 紅燒牛肉麵 (半筋半肉) $92呢個係我地嘅例持續都唔錯的~ 不過呢間分店坐得比較迫, 爭啲啲~

假日去商場行街, 攰攰地想搵個地方坐下, 見呢間春水堂好大又好多位, 但無人排隊, 反正響香港未食過, 所以一於試試.兩個人都唔係好肚餓, 所以叫左一個照燒雞排便當, 雞排份量都幾小又細舊, 肉質比較乾.側邊既菇同菜都好淡, 白烚一樣, 成個便當唔值呢個價錢.之後要珍珠奶茶, 茶味唔香, 珍珠軟腍正常, 無咩特別.叫左呢2樣已經係百幾蚊, 味道一般, 祗係環境OK可以坐下, 都係去台灣旅行再食好過.

餐點的選擇不太太多，而且價錢有點貴，三年內我吃了三次，大約頻率係一年一次😅，因為其實覺得味道同其他台灣麵店舖都係差唔多，而且不能選擇其他麵條，只能夠跟隨餐牌上是幼麵就要吃幼麵，而不能揀粗麵，除了味道，餐點選擇少，也會納入評分的因素，所以不會給予太高的評分，而且紅燒牛肉好像有點鹹，其實他的飲品茶底是不錯的，如果重點是去喝一杯珍珠奶茶或其他飲品，也是不錯的選擇，但是如果食物配搭飲品一起品嚐，那就不值得這個價錢了！

平凡生活中的美食体验平时的饮食中，我很少提及难吃的食物，因为我喜欢分享美食的喜悦。然而，今天，我却遭遇了不愉快的用餐体验。这两道菜，无味至极，让我无法下咽。我心中不禁感叹，原来生活中也有这样的不如意。回想这次经历，我想到了生活中的许多方面。相反，我们应该学会从这些不如意中寻找教训，以便更好地享受生活中的美好。首先，我们应该珍惜那些真正美味的食品。在平凡的生活中，美食是一种享受，也是一种幸福。我们应该学会欣赏食物的味道和质地，感受它们带来的愉悦。其次，我们也应该学会接受生活中的不如意。我们应该学会面对现实，从中吸取教训，不断改进自己。只有这样，我们才能真正地享受生活，感受到生活的美好和幸福。总之，生活中的美食体验虽然有时会让我们失望，但我们不能因此而放弃追求美好的生活。我们应该珍惜那些真正美味的食品，学会接受生活中的不如意，用心去体验和感受生活的每一个细节。这样，我们才能真正地享受生活，感受到生活的美好和幸福。平凡生活中的美食体验

同朋友食 其他人叫果d我唔評論我自己叫既食物及飲品連加一 食左$140我叫左紅燒牛肉麵+凍鐵觀音奶茶紅燒牛肉麵 $92紅燒牛肉麵都算間野既招牌菜牛肉同麵既份量一般 唔多湯底無咩味道 麵唔掛湯 食落去真係無咩味…重口味真係唔駛試 麵質就一般 無驚喜牛肉就好少少 起碼食落有d咬口牛筋係成碗麵最好食凍鐵觀音奶茶 走冰走糖 $35成杯野係無咩味鐵觀音茶味唔出 奶味混落去唔覺飲緊奶茶$35 飲出面好過佢

春水堂係呢個地點開左一排都未食過咁岩今日黎到葵芳於是約朋友一齊食啦，唔駛等位就有位，之後用電子app點餐啦。點了雞扒便當，凍愛玉檸檬茶。呢愛玉檸檬茶， 其實味道比較一般， 還好既不過要40蚊就真係唔多抵啦。。雞扒便當，味道還可以，雞扒味道正常不過份量唔多，只係飯又唔夠熱，所以成個餐質素就比較一般。而且配菜都唔算好熱，暖暖地咁。。。不過服務真係要改善，個侍應放個便當落枱時應該有唔少水蒸氣，佢打斜房令到啲水流出黎落左枱再流落我度。相個張已經抹走左少少水，希望職員小心啲。。。總結，普通質素價錢有點貴要留意服務質素。

春水堂台灣同香港嘅味道真係差無幾，都係咁好飲😋珍珠鐵觀音奶茶基本上無得輸，試過東涌店，九龍站店同葵芳店味道都一樣，珍珠係細珠，香港珍奶舖都少有，走冰都仲係凍嘅，但少甜就仲係好甜囉😅野飲外賣自取8折