星爺車仔麵 (已結業)

假日到深水埗買電腦用品， 經過星爺車仔麵， 就入去試下。 其實這條街附近都有很多冰室， 但今日特別想吃車仔麵😆。 上網見到餐廳裝修很復古， 但現在好似改動了。餐牌上車仔麵餸有$9至$13不等。午餐 🥢～ 車仔麵兩碗、紅豆冰和檸檬可樂， 帳單$126。 油麵+鮑汁 ( 蒜蓉辣醬微辣、咖哩魚蛋、豬紅、豬皮和鹵水大腸) 🍜 ～ 食不到鮑汁的味道， 蒜蓉辣醬只是食到辣味但沒有蒜蓉香， 另外各款配料味道正常。 油麵 + 鹵水汁 ( 麻辣醬微辣、龍蝦丸、魚片頭 魚皮餃和秘製牛孖筋) 🍜～ 鹵水汁味好香， 帶有少少麻辣醬都幾惹味， 另外四款車仔麵餸都是普普通通。 紅豆冰 ～ 我點了少冰， 但都幾多冰😅。 檸檬可樂 ～ 本身想飲菠蘿冰，可惜當天冇，所以點了檸樂。 整體味道正常，如果湯底可以再濃些，就更加理想😉。🏷️溫馨提示～ 整個用餐體驗均屬個人分享意見， 只作參考😊。

今天跟朋友到這間店吃車仔麵。坐底後侍應沒有理我。又不用掃安心出行。朋友告知我要在圖片上點餐。點完給司應阿姐。我想要水。後生阿姐話你自己倒水。我說水壺沒水。而且水杯唔乾淨。由於阿姐只和其他職員不停吹水。被我打斷。她立即黑面。情不願下幫我倒水。再加熱水。食物方便。我點了咖哩汁。白蘿蔔。牛腩。紫菜。除了紫菜可接受。咖哩汁無味。全碗麵只有咸味。牛腩超肥所以可吃的肉不多。白蘿蔔也不好吃。淡而無味。環境方面。個阿姐將塊擦枱布放在我枱上就走了。應該是她忘記放回。枱和椅子都油黏黏的。。點餐牌也是油黏黏的。最後問佢借厠所。我是食客理當可以用厠所。阿姐話壞左。跟本就是唔想借。早知不來吃。不包飲品。埋單41元。物非所值。差差差差差

本身好鍾意食車仔麵，見網上咁多人推介，特登過嚟試吓， 一試便知龍與鳳！叫咗油麵滷水湯底，加蒜蓉辣醬，豬紅，豬大腸，蘿蔔，樹記麵筋，熱檸蜜油麵質地好普通，唔夠爽口，滷水湯底好淡，蒜蓉辣椒醬冇乜特別，豬紅無味，豬大腸一般般，蘿蔔冇味，樹記麵筋太淋，熱檸蜜正常！好失望，個車仔麵完全冇特色，可以話係難食，我見好多講普通話嘅人過嚟食，完全被某平台過度吹捧，打著星爺其號，唔覺有啲咩特色！反而我去街邊一啲老字號嘅車仔麵，仲好味過佢

以車仔麵 黎講 呢間可以用一個字黎形容 正呀喂先講講 店內裝修絕對唔hea 場 有七八十年代嘅懷舊feel 枱枱櫈櫈 之餘 竟然 又加入 周星星 嘅攪笑 抵死 對白 仲播住 張學友 嘅歌 感覺親切 又唔悶 太用心了叫咗碗 五餸車仔麵酸齋 因為我太耐無食過 所以覺得好好味 豬腸 夠淋又入味豬紅 正到痺冬菇 用心烹制 好夠味大大舊 花膠 厚身又有咬口 絕對無揸流灘好味道吖喂

今晚上完堂搭巴士係汝州街落車，路經一間有懷舊裝修既車仔麵，見肚仔餓就試吓先餐廳入面有好多周星馳電影經典對白，餐牌車仔麵名亦都好鬼正，有💫無敵海景佛跳牆、💫唏噓豬肉佬、💫星爺嗱喳麵… 我就揀左✨攞你命3000✨ $58，入面有好多餸：瑞士汁雞翼、柱侯牛腩、手打魚肉、滷水雞腎、豬皮、冬菇、韭菜餃、香辣魷魚🤤🤤 每款餸都有2嚿左右，當然唔少得麵底啦，我就揀左米粉+腩汁+微辣🙊 成碗麵都算大份！個人最推介香辣魷魚同瑞士汁雞翼，雞翼入味得黎又唔會煮太霉，而滷水雞腎都唔錯。除左幾款組合好既車仔麵外，大家亦都可以自選車仔麵👍🏻====================推介度：❤️ 4/5CP值：👍🏻 4/5好味指數：👅4/5====================

聽說深水埗區有一間以八十年代特色裝潢為主的車仔麵小店，當然要來朝聖一番。「星爺車仔麵」，這個名字除了讓人想起周星馳之外，還令人想起八十年代的電影、音樂和食物等等。這裏播放着八十年代的歌曲，還以當時的電影對白製成霓虹燈牌作內部裝潢呢！看了看餐牌，這裏有不少既定款式的車仔麵，例如有「攞你命3000」、「超級無敵海景佛跳牆」、「唏噓豬肉佬」和「牛魔王」等由各式各樣材料組合而成的車仔麵款式，價錢大約$50至$60左右。除了車仔麵，也有小食可供選擇，例如有「自製水餃」、「花生雞腳」、「秘製香辣魷魚」、「瑞士汁雞中翼」等，價錢大約$25至$45左右。不過我還是比較喜歡自選材料，自由在點餐牌上圈出想要的食材。麵底方面，我選了「幼麵」($10)，湯底方面，則選了「飽汁」，再配搭「獨家蒜蓉辣醬(微辣)」。食材方面，點了「牛丸」($9)、「炸魚皮」($10)、「鮮蝦腐皮卷」($10)、「鮑汁花膠」($13)、「瑤柱牛腩」($13)、「通菜」($9)。飲品方面，則選了被其名字深深吸引的「淫賤菠蘿圈」(+$10)。首先品嚐麵底和湯汁。鮑汁微辣，刺激着喉嚨，醒神開胃。麵條軟硬適中，不會難咀嚼或過份鬆散軟稔。吃一

經過深水埗見到呢開叫做星爺車仔麵既麵檔夠晒抵死,所有招牌車仔麵都係以星爺電影最特別名場面名命.自選車仔麵由各款既麵食,連平時較少見既薯粉都有得選擇.今次就揀左粗麵試試,粗麵唔會煮得過腍.湯底和試試佢清湯,清湯唔會好油膩亦唔會過淡,另外配上店內既辣菜脯爽脆惹味,令整碗麵更香.蘿蔔蘿蔔香甜無渣,煮得夠腍得黎入晒味.紫菜紫香夠香,咬入口易帶一陣爽口感.豬皮豬皮朝淨唔會有豬毛,入口相當彈牙又吸滿湯汁.波菜餃餃皮唔會過厚內餡菜比肉多令入口無咁膩,菠菜香又唔會澀.辣汁螺肉辣汁惹味開胃,辣勁十足,螺肉彈牙又唔會腥,作為車仔餸相當出色.樹記豆漿豆味特濃又香滑,最重要係唔會過甜.

每次來到星爺麵見到金句又再現得閒又講反兩句講完先再食碗麵🍝—————————今日又去搵星爺睇吓有乜嘢新嘢想懷愐一下星爺又時光倒流穿梭✈️—————————-嚟到呢度必食嘅就係八吋長花膠又平又靚車仔麵原來想見星爺面😂—————————🏖超級無敵海景佛跳牆粗麵套餐：再加配豆漿➕ 星爺三寶➕菜心❤️：佛跳牆麵有乜嘢🤔點解叫無敵海景🤣食物生活在海上😜螺肉爽口啖啖肉😚花膠八吋一定食😉香辣魷魚夠惹味😁手打魚肉夠彈牙😀炸魚皮又卜卜脆😋成個海景佛跳牆🤗仲唔係超級無敵🥳嚟到呢度車仔麵😊我D金句又再現😂——————————🌶️星爺三寶：配上星爺嘅三寶✌️第一寶係釀尖椒🫑尖椒微辣魚肉爽🐟食落梳梳脆好爽😄第二寶係釀茄子🍆茄子又甜又好食😋魚肉更加唔使講👍第三寶係釀豆腐🍞豆腐健康又滑溜😊食完皮膚夠白滑😂——————————🥬菜心：叫反碟菜夠健康🥳白灼青甜又爽口😊想食蠔油不蠔油😊任君選擇吃與否🤣——————————🥛豆漿：食完飲反杯豆漿😊濃郁豆味又可口😋皆因豆漿嘅出品🥳名牌樹記係好飲🤗——————————-🤷‍♂️食完呢個星爺麵..星爺金句又再現🥳↘️（人同妖都有呀媽生，人就人啊媽、妖就係妖那…..媽😂（人同妖都有父母，千叮萬

深水埗這家星爺車仔麵，在門外看已覺得具懷舊氣氛，就決定在這裡吃晚餐。尤如綠色鐵閘的牆紙上，佈滿星爺電影中的金句，廚房甚至是中國廚藝訓練學院，非常有特色，讓人會心微笑，又適合打卡！餐牌定名相當鬼馬！攞你命3000、超級無敵海景佛跳牆是我們這夜的選擇。連隔板都有刻骨銘心初戀金銀情侶套餐，我差點以為真的有這套餐呢！上菜速度算快，拍得到大合照。攞你命3000的配料多達9種，相當豐富。大大隻瑞士汁雞翼、大粒韮菜餃、多汁冬菇、入味的柱候牛腩和滷水雞腎等等，配上腩汁湯，味道香中帶甜。手打魚肉是用新鮮綾魚製成條狀的，香辣魷魚更是一絕！爽口的質感卻每口都咬到有汁，好鮮！豬皮把湯吸好吸滿也好吃。超級無敵海景佛跳牆的配料當然全是海味！除了上面那碗也有的魚肉及魷魚外，還有鮑汁花膠、辣汁螺肉和炸魚皮。醒目如我當然要鮑汁湯，整碗都充滿鮮甜帶點辣的刺激味道！花膠超大又厚，份量十足，煮得夠軟易咬開。薄薄的魚皮炸得酥香可口，想沾湯吃，甚至會有滋滋聲！追加了錦鏽多舊魚餅，跟手打魚肉一樣材料，煎香後更好吃，跟甜酸醬好夾，有點像泰式。也加了蠔皇生菜，清開爽脆，大魚大肉後就是想吃點蔬菜。除了普通茶記飲品，這家有兩杯特飲，都會用

食晏時間喺深水埗，想搵間餐廳簡簡單單搞掂，行過呢度，見到餐廳名字幾特別😆，裏邊仲有啲鬼馬嘅標語，車仔麵亦似乎幾啱我呢日嘅胃口，咁就決定入去開餐😆叫咗「自選車仔麵」，多款麵底可以揀，全部都係 $10，要咗「米線」，湯底加「腩汁」同「獨家蒜蓉辣醬（微辣）」，加 $9嘅「豆卜」、$11嘅「自家製韭菜餃」、「樹記鮮枝竹」、$13嘅「瑞士汁雞中翼」、「豬手」、「柱候牛腩」；另外再加 $18嘅「時令油菜（菜心）」同 $6嘅「熱奶茶」😆基本上全部食物都幾好味，特別係「自家製韭菜餃🥟」脹卜卜非常有韭菜香味😋，「瑞士汁雞中翼🐓」帶少少甜有香濃嘅醬油味😋，「豬手🐷」炊煮得好腍😋。仲有，呢度份量都幾多，食得我相當飽😆

香港地人人都食過車仔麵，不過呢間車仔麵真係食到星爺嘅味道😋一睇就知道呢啲係食神嘅對白，香港人一定好有共鳴，未坐低就已經會心微笑🤣欣賞完佢哋咁有創意嘅設計，原來Menu都好有創意，真係好過癮😎呢兩杯「淫賤菠蘿園、含笑紅豆冰」，真係睇到都開心，價錢又唔貴，而且仲好味，尤其是紅豆冰，紅豆夠淋又唔太甜，正👍🏻而且佢哋仲有下午茶餐，價錢更加抵，我試咗佢兩款下午茶，全部都好入味，真係正，唔係剩係得個樣，性價比非常高，絕對好睇又好味😋咁抵食又好味，唔怪得都好多人慕名而來，真係旺得有道理😍

星爺既食神當中既經典, 今日係深水埗重現, 車仔麵店既裝潢佈置, 餐牌都好有心思好得意, 相信唔少八九十後都好有共鳴同回憶。可以揀既湯底, 餸既款式都好多, 當中最中意係玻璃魷魚同埋花膠,魷魚爽口花膠好大塊, 仲有酸甜齋都不能錯過, 平時一買太多又食唔哂, 最中意車仔麵搭一兩件黎食, 正! 經典街頭小食又點少得煎釀三寶同埋煎魚餅呀, 最中意就係食魚肉尖椒, 辣辣地夠哂香口, 點埋甜豉油, 係依種香港既味道啦! 仲有依度既豆製品全部用樹記既產品, 有質素保證, 所以個煎豆腐都好好食! 再配埋杯豆漿同紅豆冰, 簡單又滿足。

深水埗真係幾多特色野食，今日經過見到呢間星爺車仔麵，裝修好懷舊仲播晒舊歌好有feel。坐低睇下menu仲特別，改啲命好搞笑😆.🍴唏噓豬肉佬$48配料有：花生豬手、滷水大腸、秘製豬腩肉、爽脆豬耳、滷水豬肚、紅薯粉。湯底擇左小辣x滷水汁，配料夠淋又重滷水味，略嫌小辣辣度不太夠🙈要加辣菜脯😆 紅薯粉索晒湯唔錯 .🍴自選5淨餸咖哩汁配炸魚皮，牛柏葉 ，豬頸肉，自製韭菜餃，鮑汁花膠，咖哩汁比較香同重口味啲，炸魚皮分碟上，份量滿意，韭菜餃皮薄幾好食，鮑汁花膠最抵，勁大舊又炆得好好食。.🍴花生雞腳$26抵食小食，花生🥜勁多，雞腳炆到剛剛好，唔爛唔硬，勁鍾意佢個汁。.🍴錦綉多嚿魚餅$22好出色既魚餅，即叫即煎熱辣辣，魚唔鯹仲要夠晒脆卜卜。

今日經過深水埗見到《星爺》梗係唔係真人啦🤣🤣🤣係星爺車仔麵🍜戲就睇得你多啦😜入到去舖頭裏面全部都係星爺做戲嘅經典語句😉～就算係一張廁紙🧻、一條底褲🩲都有佢本身用處架嘛😜😜～睇埋餐牌笑著落單～餐牌有好多嘢我哋都好想食、叫咗兩個套餐👍🏻再嗌多個花生豬手(豬手炆得好入味啊👍🏻）錦鏽多舊魚餅（成塊都係鯪魚肉嚟㗎，原汁原味👍🏻）老公👨🏻‍🦱叫咗個～星爺嗱喳麵《呢碗嗱喳麵有晒去元素👍🏻就係豬紅、豬皮、蘿蔔、魚蛋、豬腸配粗麵》我就叫咗個😜唏噓豬肉佬😋呢碗麵有晒我最鍾意食嘅～豬腩肉、豬手、豬耳、滷水大腸、滷水豬肚、麵🍜底仲有我擊愛嘅番薯粉👏👏👏再嚟多杯淫賤菠蘿園～😂😂即係菠蘿冰😁😁(大大粒菠蘿🍍好甜）嗱👍🏻老公👨🏻‍🦱又讚呢一間嘅凍奶茶非常之好飲啦👏👏下次再食要自選唔嗌套餐😍😍😍再試埋其他小食👍🏻👍🏻#座位坐得好舒服#佈置60年代

小女子係周星馳嘅忠實fans， 對周星馳嘅每句對白都倒背如流， 突然來到深水埗一間車仔麵 ，發現佢都係周星馳嘅忠實fans ，整間鋪頭嘅裝修， 佈置都係圍繞住周星馳每一套戲嘅對白同內容來設計懷著超興奮嘅心情，終於都可以一嘗中華廚藝學院嘅師父親手整嘅車仔麵， 十分銷魂係中華廚藝學院畢業得嘅一定有番咁上下， 車仔麵餸菜款式多不勝數， 鮮蝦腐皮卷炸魚皮脆可口，酸齋波菜餃冬菇 又入味又惹味，手打魚肉，豬皮，魚腐，鹵水大腸，牛柏葉，鮑汁花膠，柱侯牛腩，爽腩豬頸肉， 豬肉有豬肉味，牛腩有牛肉味，魚肉有肉味，大腸係有……鹵水味， 真係攞你命3000 ，樣樣都獨當一面 ，爭在冇瀨尿牛丸打乒乓波 仲有秘製香辣魷魚香辣味十足，魷魚新鮮彈牙，唔似一般嘅魷魚浸過梳打水而無味， 同埋瑞士汁雞中翼大大隻 ，瑞士汁香濃入味 身為周星馳fans嘅你一定要去試下呢種黯然銷魂嘅感覺🤗