星海薈﹒譽宴

营业中

休息中

家人同我一致都認為石門萬怡酒店內gei 星海薈點心好食😋所以間中就嚟食最近酒樓推出下午茶～點心$16up （美味蝦餃先$18🩷）特色小食$38、即炒炒麵$68三個人食飽飽埋單唔洗5百蚊好抵食！坐得又舒服環境靚 食物好味💒好適合擺酒（❇️以下我覺得全部都好食😋！）🔸晶瑩蝦餃皇（$18）煙靭嘅外皮包咗滿滿鮮蝦，蝦肉好爽口，皮唔會痴底，好食😋！🔸米皇布拉腸（$16）超滑！有米香！混埋醬真係食唔停口！🔸燒汁百花西釀茄子（$16）炸到好香！蝦滑彈牙又鮮味，茄子外脆內軟，配甜豉油好好味😋！🔸蟹籽燒賣皇（$26）大大粒、有豬肉香、蝦仁爽甜，一d都唔粉，yummy！必食！🩷🔸潮州蒸粉果（$26）皮薄餡多，有沙葛粒、花生（炒得好香！）、韮菜等，食落有d胡椒粉香，阿媽大讚。🔸蒜香長春卷（$40）又係次次嚟都食，脆卜卜、好多蝦，沾喼汁食好正。🔸酸薑糖心皮蛋（$65）真係糖心架！酸薑酸爽甜，2者結合好完美！🔸化皮腩仔（$98）🔸蠔皇叉燒包（$30）🔸豉汁蒸鳳爪（$22）

一返到香港即刻去沙田萬怡酒店嘅星海•星海薈飲返啖茶，食個靚晚餐。餐廳好近新城市廣場，帶小朋友行完街玩埋Dino park就食晚飯，好方便。餐廳環境好大好舒適，非常適合飲茶、聚會同搞婚宴。招牌白胡椒蟹🦀招牌菜‼️蟹勁大隻又肉味鮮甜，配埋濃郁既白胡椒味，果然名不虛傳，非常惹味！用鐵板上既蟹仲撒上炸左既九層塔，香氣撲鼻😆 個白胡椒醬汁就真係送飯一流。1️⃣9️⃣8️⃣特惠孖寶依家仲有個勁抵套餐💲198已經有乳鴿同清蒸龍躉。條魚一啲都唔細條，火喉岩岩好，啲肉勁滑。淨係小小鼓油調味就帶出魚既鮮味。一上枱兩個小朋友已經爭住食，唔夠十分鐘清哂成條魚同飯😝

去酒樓飲茶食點心確實係賞心樂事, 夠曬休閒。酒樓位於沙田萬怡酒店, 鄰近新城市廣場購物MALL, 裝修富麗優雅, 還有特設舞台, 適合婚禮, 也是聚會和飯局嘅好地方。日間時段更特設逍遙下午茶, 點心種類繁多, 相當抵食。晶瑩蝦餃皇餃皮薄滑, 蝦肉饀料彈牙爽脆, 大大隻份量十足。蟹籽燒賣皇 燒賣柔軟有彈性, 口感滑嫩。餡料由新鮮肥美的蟹籽和少量調料組成, 蟹籽滑潤鮮甜, 調料恰到好處。燒汁百花釀茄子茄子大件好腍甜, 魚肉香滑爽脆, 即叫即煎夠新鮮熱辣。千層薑汁糕 熱辣辣薑汁味濃郁, 千層造型整齊, 入口甜糯。煎腐皮卷外皮酥脆可口,一咬下去會發出清脆的聲響。內餡綿軟滑順清爽, 整個口感層次豐富有嚼勁。XO醬蘿蔔糕蘿蔔糕粒粒好幼滑, 煎得香口, XO醬夠鹹香。椒鹽魷魚鬚熱辣辣椒鹽好惹味, 食落好酥香, 魷魚鬚爽脆彈牙, 份量都很多。還有懷舊棉花雞, 薑蔥牛柏葉, 蜜汁叉燒腸, 山竹牛肉球, 五香鹹肉糭和潮州蒸粉果等, 吃得滋味。

這家高級酒樓位於香港沙田萬怡酒店之內，内部裝修華麗，大廳上方有星海，很有貴氣，環境寬濶，座位舒適，適合相約朋友飲茶或吃飯，附近有新城市廣場，方便購物及聚會。餐前小食蕎頭20元，口感爽脆，酸酸甜甜，很開胃。特價孖寶198元，清蒸龍躉班仔配紅燒皇子乳鴿，價格便宜。條魚被蒸得剛剛熟，魚肉嫩滑，肉味鮮甜，魚汁美味。乳鴿外脆內軟，皮香肉惹味。招牌白胡椒蟹638元，一隻大肉蟹，約重一斤半，胡椒香氣撲鼻，蟹肉味道鮮甜，配料主要是紫洋葱，吸收了白胡椒味及蟹味，滋味十足。白飯每碗16元，軟硬適中。茶介每位17元。下次光顧會考慮另一優惠，鐵板牛油上湯焗澳洲龍蝦伴煎腸粉268元。

今日同朋友一齊放假，住沙田咁耐，最好行嘅商場就係沙田新城市廣場，想搵一個靜靜地嘅地方食個lunch。今次朋友建議喺沙田火車站搭巴士，大概八至10分鐘可以去到沙田萬怡酒店裏面嘅星海薈lunch。我地兩個人叫咗幾款食物， 有金磚脆豆腐，黃金流沙包，士多啤梨大蝦球，花旗參竹絲雞海螺燉花膠湯。原來呢款金磚脆豆腐係大廚推介，豆腐形狀係長方形，炸起真係成塊金磚一樣，非常之吸引，外皮炸到黃金一樣嘅顏色，食落口感非常香脆，內裏非常軟滑細膩，口內每啖都充滿好香嘅豆味。黃金流沙包，聽隔籬枱嘅食客講每次嚟都一定會點黃金流沙包的，我哋都唔輸蝕，叫咗一籠嚟試吓，包非常之軟綿綿，搣開裏面啲流沙餡非常充足，陣陣鹹蛋黃嘅香味。士多啤梨大蝦球，賣相非常之吸引，每一隻蝦都係大大件，碟上鋪滿士多啤梨醬汁，大大粒蝦球又滑又爽，士多啤梨醬汁的香氣濃郁，入口都帶有繩為果酸，感覺非常之好。花旗參竹絲雞海螺燉花膠湯，非常足料嘅一個燉湯，清楚會見到花旗參，竹絲雞，海螺同花膠，湯味濃郁醇厚，滋味鮮美。

表姐回港探親入住沙田萬後酒店，一於帶佢到酒店內的【星海薈】食晚飯，之後仲可以同佢去新城市廣場購物，夠曬方便。❤️招牌白胡椒蟹超大隻肉蟹，蟹肉飽滿鮮美，肉質細緻嫩滑，蟹膏又多又鮮甜，白胡椒醬汁濃郁香辣，一上枱已經香氣撲鼻，果然係招牌菜🧡特惠孖寶(清蒸龍躉斑仔+紅燒皇子乳鴿)清蒸龍躉斑仔魚肉鮮嫩又足両肥美，清蒸烹調保留了魚肉原有的鮮甜滋味，點埋特製魚豉油加葱花食係絕配，蒸魚豉油仲可以撈飯食紅燒皇子乳鴿乳鴿肉質嫩滑，入口即化，外脆內嫰，完全食到停唔到口，點埋杰汁食，滋味層次更豐富除了菜品出色，【星海薈】擁有小型舞台設施，都幾啱舉辦婚宴宴會，早上嘅點心亦都非常有質素。 另外仲有一個71折新優惠就係鐵板牛油上湯焗澳洲龍蝦伴煎腸粉，下次一定要試下。😍

第一次嚟到呢間酒樓飲茶，見到comment都唔錯，所以打算試吓。我哋嗌咗- 椒鹽魷魚鬚- 燒賣- 鮮竹腐皮蝦卷- 叉燒腸粉椒鹽魷魚鬚睇個樣已經好吸引，食落去非常惹味，令人追之不忍放下。老公覺得炸鮮竹腐皮蝦卷好好味，因為其他酒樓普遍已經唔再有呢個點心，所以老公第一時間話要叫啊。上台見到賣相都幾得，而我亦覺得味道很不錯，尤其是蝦的口感十分出色及彈牙😄燒賣亦令人滿意😛叉燒腸相對遜色了些，但仍然可以接受😌兩個人共花了三百多元，用餐後我們覺得這家酒樓值得再訪，尤其是因為離家很近，下次可以帶家人一同來品嚐。酒樓唯一美中不足就是冷氣不夠，所以幾乎每張客人桌邊都有一把風扇，這點酒樓也認識到了自己的不足之處，能夠主動提供風扇讓客人感到貼心。

一家人去食飯，揀咗就近沙田市中心嘅星海會，佢喺萬怡酒店入面，勁方面，我哋喺沙田新城市廣場行完街，隔籬就係啦。招牌白胡椒蟹平時炒薑蔥蟹就食得多，白胡椒蟹真係第一次食，佢嚟嘅時候將啲醬汁淋咗上去隻蟹度，白胡椒味超級濃，加埋蟹味又香又有少少提神。不得不讚呢個真係佢哋招牌菜式，隻蟹超級多肉，係名副其實嘅肉蟹，實滴滴嘅蟹肉遍布蟹鉗同埋蟹身，蟹殼都有蟹膏，基本上成隻蟹都煮得好入味，啖啖肉感十分滿足。紅燒皇子乳鴿做緊優惠$68隻就有，我哋就叫咗一隻嚟食吓，估唔到細細隻乳鴿都有咁多肉，而且肉汁豐富，唔會燒到乾晒，每咬一啖落去乳鴿嘅肉質都喺口入邊浪吓浪吓，如果唔鍾意太騷味可以加少少醋點埋一齊食，成隻乳鴿都好多肉，呢個價錢好抵。時令冬瓜盅侍應推介話呢個冬瓜盅好新鮮，我見到差唔多每一台都有嗌，細細個冬瓜盅入邊有蟹肉蝦肉，仲有瑤柱螺肉同埋鮑魚，超豐富。夏日炎炎，食冬瓜盅，最合適不過，記得要飲埋啲湯先至消暑。鮮腐竹百合浸時蔬腐竹加埋百合呢個組合永遠都係100分，今晚嘅時蔬係白菜仔，好新鮮，食咗咁多肉當然要食返個菜啦，腐竹同百合又滋潤！

身為#沙田人 我哋上星期就去咗位於沙田萬怡酒店內嘅星海·星海薈品嚐晚餐😎 餐廳鄰近新城市廣場 所以我哋就去咗行完街就食晚飯🥰 餐廳環境好舒適 除咗有晚餐 仲非常適合飲茶🫖 食點心🥟 聚會同搞宴會🥳🦀招牌白胡椒蟹招牌白胡椒蟹果然名不虛傳🤫 勁大隻勁惹味 😋 原隻巨蟹放喺鐵板 再淋上白胡椒醬汁🍽️ 香氣撲鼻 胡椒味超香超入味！白胡椒醬汁令蟹肉更鮮美 真係一試難忘🤩🍲豉汁帶子蒸豆腐呢道菜非常老少咸宜🥰 帶子高蛋白🥚低脂肪 而且容易消化！豆腐超滑 豆味也超香濃郁🤤 醬汁濃甜惹味 配埋白飯一流💕 Noah勁中意食🤣🥣姬松茸花膠燉雞湯 雞湯湯底好清而且唔會太油😍 加埋濃郁松茸香 味道好鮮甜🌱 厚厚嘅花膠夠哂滋補 雞肉好嫩滑 好有咬口🥰

星海•星海薈位於沙田萬怡酒店𥚃 鄰近沙田新城市廣場購物Mall 食飽飽可以去Shopping🛍️閃爍天燈富麗堂皇 環境非常之優雅 飲茶好地方🫖🍵✨晶瑩鮮蝦餃蝦餃脹卜卜 皮薄薄的 ✨蟹籽燒賣皇飲茶必點蝦餃燒賣 蝦肉鮮甜彈牙✨鮮蝦菜苗餃菜苗餃晶凝通透 飽滿蝦肉與菜苗 食落鮮嫩多汁 💦✨鮮蝦腐皮卷腐皮卷炸到金黃薄脆 內藏滿滿鮮蝦 幸福到不得了❤️✨香芋鴨腳扎很久沒吃過鴨腳扎 芋頭口感棉密 鴨腳軟腍✨脆皮燒雞半隻 $168送：豉椒斑頭腩炒河抵食孖寶🤩燒雞皮脆肉滑 一試愛上🤤斑頭腩香脆肉嫩 炒河掛滿醬汁 濕潤可口

📍 星海薈 - 沙田萬怡酒店有個華麗嘅大舞台，好適合搞婚宴👰‍♀️環境都好闊落，燈光都令人好舒適～食物質素並非一般酒樓🥢真係好有水準❣️而且份量都好大碟，並不馬虎👍如果我住沙田，一定會經常過嚟✊✨乾燒伊面味道濃郁醇厚,麵條彈牙耐嚼搭配上色香味俱全的秘制醬汁令味道更提升✊綠色蔬菜增添了清新韻味,整體平衡有致🫶🏻✨鮑汁珍菌炆伊麵香濃醇厚既鮑魚鮮味與珍菌一齊,醬汁滋潤入味,醇厚濃郁。炸過既伊面好香脆爽口，細滑完全吸哂醬汁既精華，十分鮮美滋味🥢✨招牌白胡椒蟹店員會係客人面前淋上白胡椒汁喳喳聲先上枱，香味四散豐富咗視覺同味覺嘅滿足感🤩入味鮮美,肉質肥厚飽滿黃金色的蟹黃更是美味的重點。白胡椒的清香四溢,蟹肉有豐富既胡椒味口感滑嫩不膩🦀整道菜色香味俱全🫶🏻✨花旗參竹絲雞燉花膠湯花旗參竹絲雞燉花膠湯營養豐富,溫和滋養十分足料.有螺頭、竹絲雞、花旗參、豬展等材料～湯頭濃郁鮮美,入口即化的花膠與嫩滑的雞肉完美融合搭配清香脆嫩的竹絲,層次豐富🐥飽含珍稀藥材的滋補湯品,溫養身體，一流👍

今日同朋友喺沙田行完街，想食中菜，於是我朋友就介紹呢間中菜廳。一入到去店員就好熱情招待，枱與枱之間有間佢，坐得幾舒服。晚市餐牌都好多不同嘅食物款式，睇咗好耐先決定到食咩。鐵板白胡椒煎焗澳洲龍蝦見到餐牌已經覺得好吸引，上菜時鐵板好熱， keep住有好濃郁嘅香氣，店員幫我哋灑上白胡椒汁，嗰種香味係連隔籬枱都聞到，好震撼！龍蝦好大隻，肉質結實，而且好彈牙！食落去啖啖肉，配上白胡椒，相當惹味。雪梨無花果燉花膠湯呢碗湯好清甜，而且好足料，好適合夏天飲，消暑又滋補！啫啫蝦乾通菜煲一上菜已經香氣四溢，入面仲有好多蝦乾，鮮味十足。呢度嘅環境幾靚，應該係專做婚宴嘅場地，食物質素有水準，下次會想再約多幾個朋友過嚟食飯，試多啲唔同嘅食物，而且環境比較清靜，唔似其他酒樓咁嘈吵，係傾偈嘅好地方。

time to tea❤️ 來個酒店級的中式下午茶🍵🥢..平日想飲個中式下午茶，不妨來沙田酒店內既中菜酒樓【星海．星海薈】吧。呢度環境清幽舒服，人不多倍感捨意，室內設計帶點華麗優雅，亦設有舞臺，適合做婚禮宴會場地呢。而且地點方便，鄰近新城市廣場購物Mall🛍，岩晒行完街後跟親朋好友來個中式聚會喔！下午來飲個茶吧🥢，呢度點心款式多，不時推出新款點心 / 小吃 (傳統 vs 創新）你又愛哪一種？燒味推介 🔸蜜汁叉燒 $108 半肥瘦蜜汁🐽，而點心價錢 $3x 起，今次點左 🔸晶瑩鮮蝦餃、🔸蟹籽燒賣皇🔸蘿蔔煎蝦餅、🔸安格斯和牛腸粉、🔸脆皮蝦網腸粉、🔸䉀糖馬拉榚，大粒足料又味道十足。廚味推介 🔸沙薑豬手粒、🔸金磚脆豆腐、🔸蜆芥鯪魚球，價錢由 $68 起，款式不少可以過過口癮。另外下午茶位 $15 each 仲有餐前小食 $20🤗..×××××ש沙田安平街1號香港沙田萬怡酒店1樓..

依間位於香港沙田萬怡酒店既中菜酒家，鄰近石門同新城市廣場，係集團式經營，喺其他區都有佢嘅分店: 星海、星海薈，環境典雅高貴，一走進去就感受到奢華既格調，所以依到都係婚宴及宴會場地，而平時菜式以粵菜為主，講究食材新鮮和烹調技巧，供應高質點心及粵菜，適合一家人☕️🥟 飲茶, 點心, 聚會。 🦀 🌶️ 招牌白胡椒蟹 $638呢碟招牌白胡椒蟹，係依間酒樓近排推薦既菜式，有足一斤半，相當大隻，賣相都幾靚。一上枱侍應就幫我倒胡椒汁，大家都聞到陣陣胡椒香，每隻蟹鉗都有好多肉，蟹肉鮮甜，食得出係新鮮烹調嘅，肉質爽滑唔鞋口，仲有陣陣胡椒香氣喺口腔中迴盪。🐦 🍗 紅燒皇子乳鴿 $136呢間餐廳嘅紅燒皇子乳鴿，真係唔錯！🐦 個鴿肉好嫩滑，肉質好鮮甜，而且唔會太肥，啱晒我呢啲唔食得肥膩嘅人。 而且外皮烤得啱啱好，香脆易入口！不過我覺得個鴿肉可以再大隻啲，咁就更加好啦！🐙 🥣 家常海參豆腐鍋 $187依個豆腐鍋🍲既海參好軟滑，而且有咬口唔會太硬，豆腐竹問滑嫩，另外以椰菜同紅椒做配菜，而且唔會太散，而我略嫌個醬汁有d鹹。🦞 🦀 🥣 三鮮海皇雜菜煲 $148呢個雜菜煲湯底好惹味，又濃又鮮，加埋各款新鮮海鮮，包括大蝦、

今日約咗細佬飲下午茶傾下計，佢帶咗我去佢屋企附近嘅沙田萬怡酒店。星海薈是一間富麗堂皇的中菜酒家，裝飾充滿藝術風格，配合別緻的玻璃幕牆沿著宴會廳延伸開去，呈現高貴亮麗的奢華感。金屬感及幾何線條的糅合，配上華麗閃爍的水晶燈以及精雕細琢的細節安排，盡顯尊貴氣派的宴會場地。無論飲茶、飯局聚會、婚宴都有高貴亮麗的奢華感。所有點心都係即叫即蒸。晶瑩鮮蝦餃：蝦餃蒸熟後晶瑩透亮，餡料有蝦、肉、筍，味道鮮美可口。蟹籽燒賣皇：手切肉粒配搭蝦粒，爽口彈牙多汁，正宗傳統味道，配搭少許蟹籽，口感更佳。碧玉鮮蝦腸粉：腸粉外貌如玻璃般晶瑩剔透，粉皮做得薄很滑溜，每段腸粉內都有一整隻大蝦仁，非常爽口，加上甜豉油更美味！香芋鴨腳扎：以鮮竹包裹鴨腳、蝦仁、芋頭、豬肉，配上蠔油獨特味道，深受茶客歡迎。蠔皇叉燒包：外皮鬆軟，搭配內餡肥瘦適中的蜜汁叉燒肉，叉燒肉質香口軟嫩，甜鹹適中。鮮蝦腐皮卷：外層腐皮炸至金黃薄脆，內饀是清甜蝦仁製成，海味濃郁且層次豐富｜嚐來滋味鹹香、口感酥脆。五香鹹肉糭：肉餡脂香四溢，口感紮實，層次豐富。脆皮燒雞半隻：雞皮炸得好薄好脆, 油香味美, 超惹味! 雞肉非常嫩口, 又滑又多汁。送時菜上湯米粉一鍋：