影片
猪扒牛脷都几好食，海南鸡都不错，咖哩够味道卫生欠佳，几次都见到有大大只曱甴，都几恐怖希望可以改善，可能要揾人灭虫或者装修，佢哋系开放厨房，𠮶个地下黐立立好似近几次少左人食，在改善都好难搞
继续阅读
话说两条友喺呢条街荡咗半个钟，拣嚟拣去，最后入去试吓☺️肉骨茶加配油炸鬼，大大煲，可惜唔系餐牌讲嘅明炉肉骨茶，放低10分钟已经冻晒，要同时间竞赛，快快手饮晒啲汤先得，材料都多，味道够浓，但冇药材味嘅😟小食拼盘$150嚟讲，好似有啲贵，鸡翼同春卷冇乜特别，串烧猪肉㶶㶶哋有焦香味，最好味反而系咖喱角，个辣味喺个口度徘徊咗好耐，好味道😋最后个咖喱牛腩农夫包，真心推介，个包外脆内软，啲牛腩有少少筋，软淋淋唔柴唔痴牙，个咖喱汁够浓郁，点包一流，好味道😋饮品嗌咗咸柠碧，冇乜特别，青柠梳打就系沟出嚟𠮶啲，冇青柠的，只能少甜，冇得走甜🥲
继续阅读
《平民抵食嘅新加坡街坊店新加坡🇸🇬》1. 海南鸡饭套餐 ($69)味道正常，鸡肉肉质一般，油饭好香鸡油香，饭都唔会太淋，不过酱料太少唔系好够点鸡，酱料味道正常，不过姜溶同埋黑酱油比较淡。🌟 评分: 6/102. 秘制黑豉油捞面 配招牌厚切猪排 ($58)炸猪排个皮好薄，而且冇翻炸热辣辣，肥瘦均匀肉质松软，而且好大块。捞面面底系公仔面，面质适中，亦都好够黑豉油。🌟 评分: 8/103. 拉茶味道好淡，似系冲粉冲出嚟。🌟 评分: 4/10🎖️整体评分🎖️❤️ 味道: 7/10🧡 环境: 7/10💛 服务: 7/10💙 性价比: 8/10✨星洲名厨 📍土瓜湾北帝街35号#hkoverfood_土瓜环
继续阅读
我真系好失望呀，呢间星洲餐厅嘅食物真系唔好食。我叫咗一份海南鸡饭，但系啲鸡斩到好多碎骨，又冇咩肉。有几旧仲要血淋淋，但系啲肉就鞋飒飒。一系就成旧都系鸡皮同肥膏，一系就全部都系骨得少少肉。收得呢个价钱，食啲咁嘅嘢，真系唔值得。去隔离街烧味档斩盒切鸡饭都冇咁嬲。而且啲服务态度都唔好，餐牌唔清楚想问下都唔理人。总之，呢间星洲餐厅嘅餐点同服务真系好令人失望。如果你想食正宗嘅星洲美食，我建议你揾其他嘅餐厅啦。
继续阅读
这间叫星洲名厨，看名就知吃星马泰的食物，而且有名厨这个名，加上午餐定价高于其他食店，那就令我大大提高对这间餐厅的食物质素。入到来就叫一客海南鸡饭。食物很快就到，海南鸡饭有齐三款调味料。鸡的份量都几多，不过是没有去骨的。所以就吃得没有啖啖肉的爽。鸡肉很厚，但不知是否与鸡的部位有关，鸡肉不滑，很鞋，亦没有味，所以那那调味酱就显得很重要。跟海南鸡饭的油饭不错，饭粒分明，有与料头一起煮的味道。这个餐还有菜和汤，都是满足的一餐，就是主角海南鸡的水准比下去。见其他人点炸猪排，份量好似很多和美味，都可以一试，但主打的海南鸡饭就算了。神级无味食评师-阿伟
继续阅读