星月樓

营业中

休息中

今日來到上環星月樓4樓吃午餐，點了一些點心（三色燒賣、粉果、網腸、鳳爪etc.)，老火湯，班腩炒河粉及糖水等，個人最欣賞他們的老火湯（赤小豆豬展蓮藕），非常濃郁夠火喉，煲湯用的豬展也很淋。點心及糖水則一般。糖水（紅豆沙）只有甜味，沒有紅豆沙應有的陳皮香。環境方面，不幸今天酒樓所處大廈的升降機正在維修，要到旁邊的龍記大樓上去，幸好走時已維修好，效率也不錯。服務方面，服務員的態度也很好、積極，值得欣賞。

每年我都去這裡2至3次飲茶，因為地點對住在不同地方的朋友而言，都算係方便。咁多年以來，覺得這裡點心的水準一直維持得幾好。唔會令人食到有好味到曉飛天，但樣樣都算幾好食，點心種類都算有幾多選擇。服務方面，同其他街酒樓一樣都係唔會好夠人，但都算ok，未至於叫天不應，叫地不聞，而且態度亦幾好。

今日Lunch好想去飲茶就約兩位同事一齊去呢間位置上環的星月樓啦開頭都擔心無book位會唔會等好耐，好彩完全唔洗等位仲要有好多位，開心有好多野都想食，我地三個人一共叫左8樣野食haha 最後緊係食唔洗要打包啦好啦，當日我地叫左: 咸水角, 椒鹽炸魷魚酥, 雞絲粉皮, 鳳爪, 蒸排骨, 牛肚, 腸粉同家鄉炒火粉我覺得炸魷魚酥唔夠味, 雞絲粉皮唔太好食, 其他都正常如果平日想飲茶又無book到枱，呢間的確係唔錯既選擇

在繁忙的上環，星月樓以多樣化的點心和合理的價格吸引著不少食客。這次的午餐體驗令我期待已久。我們點了多款招牌點心，蘿蔔千絲酥外皮酥脆，內裡則是細緻的蘿蔔絲，口感層次分明；燒排骨肉質鮮嫩，醬汁入味，肉與骨的結合恰到好處；栗子餃皮薄而透亮，內餡的栗子清甜可口，不過略嫌味道偏淡；鮮蝦翡翠餃的蝦仁十分新鮮，餃皮厚薄適中，色香味俱全；黑椒金錢肚味恰到好處，口感亦不會像其他地方的過硬；椰香核桃包外皮柔軟，內裡的椰香味與核桃出奇地夾；春風得意腸腸粉滑嫩，伴隨著炸米網及鮮蝦，味覺及口感都很豐富；白灼芥蘭選用較嫩的部份，不會因價錢便宜而將貨就價；五穀什糧糕口感細膩，本來以為是煙韌的口感，但出來的效果是軟滑的，也很不錯。在我們用餐過程中，發生了一個小插曲。原本點的五穀什糧糕誤被送上了三星燒賣。店員發現後，立刻主動跟進，並迅速將五穀什糧糕重新蒸好送到我們桌上。這樣的服務態度讓我們感到十分滿意，為用餐體驗增添了不少分數。今次的午餐體驗十分愉快，多樣化的點心選擇、合理的價格以及優質的服務，都是這家餐廳的亮點。無論是與朋友聚餐還是家庭聚會，這裡都是一個不容錯過的好地方。期待下次再來品嚐更多美味的點心！蘿蔔千絲酥燒排

好差服務，我地10人，要求幾碟辣椒醬，職員不肯給辣椒醬，說衹可2碟，要加收費，要求加水黑面，經理不在管理服務，衹對熟客友善(相信因為快會收會議新年利是)，..香港多幾間這樣垃圾的服務的樓，真是拖誇旅遊業

本身同一位女侍應講一個「甜酸醬咕嚕肉」，之後佢幫我哋落咗「脆皮金薯咕嚕肉」，之後同佢哋講出錯咗，之後佢哋話「冇辦法，廚房出咗，彈返轉頭會比廚房鬧」，咁客人呢？最後我哋要自己食。。。我都係做餐飲，伙伴落錯，應該係自己孭飛。FYI:有位外國朋友過嚟，想帶佢嚟試吓香港酒樓嘅特色小炒，點知。。。完全試唔到，失望。

香港要搵四川菜好容易，北京菜就難好多。嗰日嚟食咗唔少傳統北京菜，包括北京填鴨，酸辣湯，高力豆沙。當日發生咗件搞笑小插曲，就係叫咗拔絲蘋果後，上咗一碟只有一舊拔絲蘋果，其餘三舊都係拔絲香蕉嘅甜品，但服務員亦都好好，立刻幫我哋重新換咗一碟，亦有講唔好意思。

食得多茶餐廳都會想去酒樓飲杯茶歎下經過上環 阿媽話呢間酒樓好出名咁就陪下老人家啦🤗🤗📍蛋煎糯米雞好特別 估唔到咁出色反而咁樣煎出黎無左個種‘膩’既感覺可以一試😋📍鮮蝦菜苗餃皮薄 大大隻鮮蝦 配上波菜苗 好食👍🏻📍燒腩麵脆皮嫩肉 最估唔到佢係跟生麵酒樓既麵通常都係伊麵但佢係彈牙生麵 真係very good😎📍香煎薄撐唔會太厚粉（蝦米+蔥）煎完出黎好薄仲脆脆地 正😄雖然係上環區但係價錢好合理👍🏻

這間星月樓在上環區算是數一數二街坊首選的酒樓，今次我因參加親友生日聚會，才第一次來試下晚巿套餐。碧綠珊瑚玉帶子帶子很鮮嫩，蔬菜新鮮爽口，正常好食的一道菜，如果份量再多一點就好了。松露榆耳伴蝦球蝦球肉質鮮嫩，食落口感覺似龍躉，而且不是太鹹，充分感受到蝦肉的鮮味，不錯。清蒸海東星斑豐腴肥美，口感绵密嫩滑，啖啖肉，入口即化，散發出誘人的魚香味。蠔皇蝦籽柚皮扣玉掌很有心思製作的一道菜式，不是很多酒樓提供。柚皮炆得軟淋，醬汁亦很濃郁，令鵝掌很入味。當紅炸子雞皮脆肉嫩，雞皮炸到脆卜卜，燒得金黃脆香，可以咬到索索聲，不會有肥脂肪黐住雞肉，雞肉嫩滑，肉汁鮮甜，就算雞胸位都不會乾柴。京蔥爆炒海參海參吃起來很Q彈，再加上蔥姜爆炒，濃郁的味道，口感特別。紅燒大鮑翅魚翅色澤自然，翅針彈牙，吃來口感細緻，絲絲分明而有彈性。水餃長壽伊麵水餃雖然只得兩粒，但夠大粒，蝦特別爽脆，加上鮮嫩嘅雲耳和掛汁的伊麵，口感不錯。菜單好豐富，而且有埋壽桃包，用來慶祝長輩生日就最好不過了。

由第一次到飲茶地下既知客 態度已經很不友善 問攞喜宴既餐單回答係冇 我真係唔明咩意思 個知客只係識得對啲熟客打招呼幫熟按票 但外來既客就不禮貌叫啲客自己按票 咁既服務態度 今時今日咁既服務怪唔知飲食業都比你整死曬 店長更加唔專業聯絡左訂幾枱 個店長都清楚確定左所有既野 但都唔可以唔會再聯絡要落訂及確場地環境點安排 還要我親自落到酒樓找店長去傾 咁既店長又算唔算叫有責任感呢 到尋日當日既安排我幾枱圍封又圍唔好 又放枱飲茶既枱係我既隔離咁我唔知你度個店長係咪只收人工乜都唔關事 完全冇責任既價值 自己明知個層中午有喜宴自己唔負責 交比啲 又係冇用既女部長 個店長淨係話我已經圍好 但個女部長就話我食飯唔係我負責 咁到點係邊個負責呢 係我負責定係要老細係度負責呢 搞到我個幾枱既親朋戚友都好唔高興 唔該你哋星月樓搵啲話到事既老細交代反我 唔係我一定會有進一步行動

我需然只係中午幾枱喜宴 店長安排失職，明知有幾枱喜宴店長話圍封好位置 但自己唔睇返個3樓，就交給一啲又係唔負責任既部長 唔知點解會折左個圍封放一張枱飲茶既係我個幾圍入咁既服務質素你哋覺唔覺得有問題呢 個女部長還要解釋一句我食飯唔知道 咁有邊個負責任呢 真的每人氣憤 唔該請有關既高層交代給我

落單三個菜，時間七點鐘，等咗半小時，好聲好氣問咗幾次都係話＂好快到”，結果係遲嚟嘅都食完走了⋯⋯成個鐘先上兩個菜。埋單仲衰，問句”浪費客人成個鐘時間都上唔齊三個小菜，係咪應該打折？”，個經理嘅回答係至多免碟花生錢，唔畀錢就報警！然後又開始等埋單，見到後面嘅客人都埋咗單走人了，於是問帳房點解仲未出單，帳房指住話係經理度，問個經理點解hold住張單，堂堂經理竟然可以推返去帳房身上！第一次幫襯晚市就享受咁特別嘅服務，唔廣而告之實在對唔住這種服務質素。

今日去咗呢間酒樓飲茶，我認為佢喺上環已經屹立左10幾年，佢有幾層，所以呢你個朋友都要知道係第幾層先得，否則好容易就會去錯樓層，我哋點咗蝦餃仲有佢嘅馳名鮑魚燒賣，另外我都好鍾意食佢嘅尖椒，因為都真係煎得鬆脆，當然唔少得嘅就係要嗌佢嘅叉燒包同埋佢嘅甜品，出品都係唔錯嘅。只係我覺得佢美中不足嘅係價錢上邊都貴咗少少，因為炒一碟飯都要150以上，可能因為佢嘅鋪租都貴咗，不過呢啲喺中上環嘅酒樓都係午市多人過晚市。

週末一定會去的茶樓，每次去都要拿號等位，等位的香港本地人居多，還有很多上了年紀的老人家，可見他家的茶點是很受本地人歡迎的。非常喜歡它們家的鮑魚燒賣，鮑魚入味，燒賣不肥不膩，一口咬下很滿足。蝦餃、鳳爪、腸粉、乳鴿都中規中矩，不會踩雷。酒樓的環境也寬敞，分兩層。三樓茶位費比二樓貴，但是等位時間比較短。如果想盡快吃到茶點可以選擇等三樓的位置。唯一缺點就是電梯比較老舊，每次只能進四個人喔，如果趕時間的話建議走樓梯。樓梯間的佈置也很雅致，連地磚都在閃閃發光。

屋企人夜晚好鍾意呢度嗌小菜食飯，今晚有親戚喺外國返嚟，就話喺呢度一齊食飯。啲嘢食好夠熱，份量都公道，而我最期待嘅就係個壽包，熱辣辣，超好食。入邊仲有啲鹹蛋黃， Yummy😋