星廚坊私房菜 (已結業)

对于土瓜湾街坊嚟讲, 星厨坊绝对系富贵人家酒楼, 点心比另外两三间点心店贵.所以, 对于我哩D穷鬼嚟讲只系望门轻叹.女友小熊病痊之后话要食好嘢(其实佢成日食好嘢㗎啦, 食到成只白白猪咁!), 讲明要食芝士龙虾伊面, 记忆中新叶记有芝士大虾伊面, 于是去睇睇有无龙虾伊.其实..... 唔系小熊话要食伊面, 都唔会落新叶记, 点知新叶记嘅大虾伊竟然贵过星厨坊龙虾伊! okay, 即刻转场! 新叶记从此打入 black list!    由于怕龙虾伊面太腻, 所以都唔敢点太多𩠌, 叫多个黑椒牛仔骨. 第一次嚟帮衬, 座位阔落, 冷气足够.龙虾伊果然比较腻, 食半碟已经饱哂.芝士味入口香浓, 但闻上去嘅乳酪味唔重, 我本身唔受得闻上去果种芝士乳酪味, 所以星厨坊嘅芝士龙虾伊好夹我咀形. 如果芝士汁上加入洋葱粒更理想!龙虾新鲜所以肉质够实同弹牙.牛仔骨肉质够嫩同 juicy, 黑椒味啱啱好唔会太浓味.小熊话, 见到 Menu 有片皮鸭, 下次要嚟试试!唉.... 其实.....某程上，我都系一只片皮鸭啰 ~~>_<~~…查看更多

由细到大可能因为屋企有煮家饭食, 所以唔系特别钟意食中式嘢食, 不过口味真系会随住时间/ 年纪而改变, 慢慢就会发现原来中式嘢食可以有好多种类, 有好多唔同味道。🥢菠萝咕噜虾球虾球大大粒, d 肉好扎实, 咬落去会觉得好爽口。咕噜汁酸甜味适中, 好开胃。菠萝系平时d普通罐头菠萝, 无乜特别。🥢金砖豆腐粒细细粒好方便食, 外皮好脆, 里面嘅豆腐好滑。🥢泰皇咖哩牛腩煲咖哩系比较中式, 属于辣辣地𠮶种, 送饭食真系好滋味。牛腩恔得好软腍, 一咬就会散开溶化。除咗牛腩, 仲有牛筋, 软林林, 满满骨胶原嘅感觉。整体食物都几好, 不过价钱偏贵。…查看更多

酸菜鱼晚市$168依个价钱性价比高有水晶粉仲有超过15块鱼酸辣程度适中员工服务态度亲切虽然系平民嘅地方但环境干净卫生另外一赞系烧味好出色叉烧肥瘦适中烧肉又脆又香口…查看更多

本人是十分之喜爱饮茶的，系屋企、或者系公司附近，都会喜欢去寻觅一些好味嘅茶楼。喺土瓜湾呢一区，我都试过有两间饮茶，觉得中规中矩，但系碍于没有其他选择，就只可以接受。直到有一日唔打唔撞，见到一间门口冇乜特别，而且系不起眼的餐厅，就抱着求其一试的心态入去，点知喜出望外。佢系一间茶楼嘅形式，小店作业，场内大约有20张枱左右。Lunch时间，都系食点心，烧味饭，炒野等等。本身十分之喜爱吃烧味，当然要叫一个叉烧烧腩仔，试一试佢嘅功力。做得真系好！因为第一佢唔系专做烧味嘅舖头，呢间嘅烧味独立来讲，我比佢7-8分，因为叉烧算香，而且佢肉质都比较淋；烧腩仔都脆，又唔冻。其实我食过好多间烧味店，专做烧味，都未必比得上佢，有啲直头系麻麻哋，唔好食添。所以喺度食到呢个Level质素嘅烧味，我觉得好开心。跟住再叫咗两个点心，一个系香煎鲮鱼肉饼，一个系鲜虾腐皮卷。两个都真心好食。首先第一，系新鲜即刻整，个鲮鱼肉饼咬咗啖，啲烟出嚟，而且个皮系好脆好薄，一定唔系重复炸嘅食物。鲜虾腐皮卷都系好新鲜，佢嘅腐皮系好脆好薄，但系又唔算好油，用嘅馅料都好新鲜，好好食，口感好丰富。今餐我食得好开心，亦都发掘左一间好味嘅饮茶地方。但系睇佢现场嘅客流量，其实都几少，好似大约一半左右。可能因为佢门面真系非常之低调普通，其实经过都唔会发现有呢间野。希望佢可以多啲人帮衬，因为我仲想食好食嘅饮茶，而且用心制作。…查看更多

屯马全线开通左之后，梗系要去下平时唔会去既地方，今次嚟左土瓜湾揾食，原本谂住去楚撚记试下，因为之前听过好多人讲好食，不过去到门口就见到1700先开晚市，结果误打误撞就见到呢间星厨坊，见门口贴左d午市小炒就试试佢啦，我地成3点左右先嚟到，估唔到都仲有点心食，门口收银同我地讲如果要点心就要即刻落左单先，咁我地就要左虾饺同烧卖，又几抵食㖞两种都系$9.9（2粒），之后要左一个麻婆豆腐饭同一个鱼香茄子炆米，点心上枱热辣辣，都几大粒，之后2个先夸张，2碟都系超大碟，好彩果日同女朋友都好肚饿，先食得晒，2样都系$48，价钱对得起质数，几香几好食，会再返嚟帮衬，仲见到有d晚市外卖小炒都系$55左右，下次可以试外卖…查看更多