119
52
21
| 餐厅: | 星幕 |
|---|---|
| 优惠: |
于此国泰伙伴餐厅用餐赚里 ! 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
影片
港铁将军澳站 C 出口; 港鐡將軍澳站C出口
继续阅读
电话号码
39830638
营业时间
今日营业
12:00 - 00:00
星期一至日
12:00 - 00:00
以上资料只供参考，请与餐厅确认详情
有关奖赏计划
优惠
| 餐厅: | 星幕 |
|---|---|
| 优惠: | 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
相关文章
依家參加婚宴都唔一定晌夜晚去飲酒，都多咗好多晌中午舉行，舊年就去過「迪士尼」參加婚宴， 中式嘅，今次就嚟到將軍澳「九龍東皇冠假日酒店」，不過，就食西餐，地點晌為位處47樓頂樓嘅「星幕」。始終餐廳位處頂層，望出去睇到將軍澳大部分景觀，更有少少海景，非常開揚，而餐廳裝修優雅，樓底高，加上今日包場，賓客大概60、70人左右，所以，坐得比較寬敞舒適。其實外面仲有個露天平台，平時就擺啲高腳枱櫈俾人客飲下嘢，吹吓風，睇唔睇到星就唔知，但今日就佈置成證婚場地，但呢個部分就唔方便影相俾大家睇喇。早兩年就因為staycation試過酒店樓下嘅自助早餐同午餐，感覺幾唔錯，唔知星幕嘅質素喺點？晌門口有啲單張攞，佢主打喺半自助午餐同晚餐，以及英式下午茶套餐，不過，今次婚宴嘅安排就簡簡單單，4道菜嘅西式套餐。題外話，主菜有3款，主人家事前就已經問晒賓客揀邊款主菜，小弟揀食牛，仲會問埋要幾成熟，所以，枱上嘅名牌右上角就有隻牛仔標誌。餐廳對主人家有咁嘅要求，相信事先安排好以便出菜嘅運作。如果賓客多嘅，逐個逐個問，真喺有排都搞唔完，所以，我覺得呢個安排都算幾好，但有一點我都好奇，就喺如果個客臨時想改變主意，唔知得唔得呢！？柚子汁醃吞拿魚配牛油果、山葵沙律醬呢個頭盤好搞笑，同枱有朋友以為就咁俾個牛油果出嚟，其實喺刮空個牛油果打成蓉，再釀返落去，不過，表面就加咗黑魚籽、刁草同埋食用花做裝飾，再冰鎮住，賣相非常別緻，睇見都涼快。一羹刮到底，下面就喺新鮮嘅吞拿魚刺身，再用啲柚子汁調味過，所以，食落清爽、清香，牛油果蓉口感非常之柔滑，雖然話配咗山葵沙律醬，但個人嚟講，就唔喺話太食得出。松露野菌湯餐湯最緊要夠熱，凍咗就唔好飲，呢一點眼前嘅野菌湯就交足功課，而且，菌味非常之濃郁，更有陣陣黑松露香氣，而口感非常之順滑，配上小麥餐包，喺非常之好嘅配搭。美國肉眼扒配香辣薯條、本菇、紅酒汁件肉眼扒都幾大件，而且，燒得幾靚仔，有啲炭火坑紋，賣相吸引。一早已經揀定五成熟，落刀都覺得肉質都好軟腍，切開睇睇，色澤粉嫩，燒得啱啱好，唔會有血水滲出，食落好有肉香，又充滿肉汁，沾上少少芥辣，令肉味更突出。雖然話伴香辣薯條，其實，只喺普通炸薯條，無乜香辣味道，但另外除咗本菇，就仲伴有啲車厘茄、蘆筍仔，算喺一道幾豐富嘅主菜。芒果千層酥配雲呢拿雪糕隨著上甜品嘅時間，仲會送上咖啡或茶。單講賣相就肯定喺普通咗啲，因為只喺一件千層酥加球雪糕，無乜再有啲特別裝飾。而件千層酥本身就幾好食，除咗酥脆之外，好有牛油香，又加咗唔少富蛋香嘅吉士，芒果亦都好清甜，至於球雪糕香兼好重奶味。是次婚宴主人家無搞太多禮儀嘢，只喺有個敬酒，加個嘉賓嘅獻唱環節，大家都可以輕輕鬆鬆咁用餐，圍內一台嘅悠閒咁傾下偈，感覺幾唔錯，小弟就幾鍾意呢一類西式婚宴，精簡，無太多程序。
继续阅读
用餐日期：2024/04/09可用餐時段：12:00-14:30，2小時30分鐘用餐費用(每人）：$147.5餐廳環境：環境整潔乾淨 冷氣足 檯與檯之間闊落 坐得舒服 服務：服務員有禮貌服務態度好 收碟及時 食物及時refill1-自助區：有沙律吧 面包+牛油 甜品 水果1.1-沙律吧：有4款沙律菜 13款配料 6款已調好味的沙律 7款醬汁 1款意大利風乾火腿配蜜瓜 1款煙三文魚 4款芝士 沙律菜新鮮配料選擇多味道好 煙三文魚切的夠厚身不過咸 風乾火腿味道天然正宗有點咸 配料蜜瓜的甜剛好沖淡了火腿的咸 如蜜瓜更甜些更好 芝士除了常見的3款外 有較少見的羊奶芝士 羊奶芝士羊味十足味道好 這家的沙律吧整體選擇多用料好味道好 如有提供芝士碎粒+黑醋醬更好 推薦1.2-面包：有3款麵包 1款有鹽牛油 麵包旁沒烤烘機關係麵包已變冷變硬味道一般 如有烤烘機烤熱麵包味道會更好 希望店方改善 1.3-甜品：有3款曲奇 4款西式甜品 不好曲奇沒試不作評論試了4款西式甜品 2款蛋糕味道一般 芒果芝士餅味道好 芒果布甸是用了高身的膠杯 膠杯內只放了1/5的芒果布甸 味道雖不錯但觀感上很不好 希望店方增加甜品選擇+改善甜品質素1.4-水果：有一個大盤內裝了3款切好的細粒生果 水果味道正常 但因3款水果是混好放一個盤關係 客人需要在盤內尋找想要的水果 對客人造成不便 不同的水果應分開放在不同盤內以方便客人拿取 希望店方改善2: 湯品-自助區沒提供湯品 客人需要通知服務員才會送上 對客人造成不便 是服務扣分之處 今天的湯是大蒜薯仔湯 薯仔湯夠濃夠香不咸味道好 推薦 湯品如是在自助區讓客人可因個人情況拿取/添飲會更好 希望店方改善3-主食：選了美國西冷牛扒配香草燒薯甘筍苗黑椒汁+意式芝士焗茄子配番茄醬3.1-美國西冷牛扒配香草燒薯甘筍苗黑椒汁(+20)：擺盤不錯 份量正常 牛扒有牛味不肥 牛肉烤得外香口內嫩滑 黑淑汁調得夠香濃不咸 也有另提供芥辣醬 配料香草燒薯甘筍苗也新鮮烤得剛好 整體味道好 如牛扒大塊些更好 推薦 3.2-意式芝士焗茄子配番茄醬：半自助餐習慣叫一肉一魚/菜 因今天菜單上沒魚關係 試了這款 這是2細塊意式芝士焗茄子配番茄醬+4條甘荀苗+大量粗薯條 意式芝士焗茄子配番茄醬焗得夠熱有濃芝士香味 甘荀苗爽脆 薯條外脆內軟 整體味道好 如意式芝士焗茄子的份量大些會更好 推薦 4-飲品：自助區沒提供飲品 客人需要通知服務員才會送上 對客人造成不便 是服務扣分之處 試了Latte 這家的Latte味道不好 奶泡很薄一層不夠多也不厚 沒咖啡香味 希望店方改善Latte質素 另飲品如是在自助區讓客人可因個人情況拿取/添飲會更好 希望店方改善 總結：這家環境舒適 服務員服務態度好 自助沙律吧沙律菜芝士選擇多味道好 在Kxday上買一送一+減$15折扣劵後半自助連主菜價錢吸引 這次試的牛扒和意式芝士都味道好 如份量大些 主菜有羊肉/魚肉選擇 Latte質素好些 會更好 整體是值得推薦的半自助午餐餐廳提示：現在storellet成為這家會員會有不同的優惠劵 其中包括1張$20折扣劵可直接用在餐飲中 如今天牛扒+$20是直接用這$20折扣劵扣除不用付款(利申：本人和這集團沒任何利益關係) 餐牌+餐廳環境：
继续阅读
閏蜜相聚之選😊😊放假梗係要對自己好啲，假期黎到皇冠假日酒店47樓的Cielo，都幾full幾爆場，環境舒適，可以傾耐啲。午市set包左一杯🥂，一個湯，仼食salad冷盤bar，一款主菜，一個餐飲幾豐富黑松露磨菇湯黑松露配上粒粒磨菇味道濃郁，但飲得多就小小膩扒美國西冷牛扒西冷牛扒肉質嫩，不會鞋口，如有更多汁醬會更好香煎檸檬鯛魚鯛魚魚肉滑身，沒有腥味炸雞配薯條香脆可口，一試想再試最鍾意呢度有2杯飲品，傾得耐都唔會口渴😇
继续阅读
九龍東皇冠假日酒店位於47樓嘅餐廳 環境裝修舒適 落地玻璃 非常有格調 。💫經酒店網訂仲做緊75折。由6:30 食到10:00 包一杯酒 。食足3個半鐘，環境一流 👍🏻，食物質素吾差 想慢慢同朋友係傾計食飯enjoy下 係一個好選擇。✨- 半自助餐 $321 （原價$428）✨🍾餐前 酒 果汁可選 紅酒 白酒 吾飲酒可以選 橙汁 -半自助區 （前菜&甜品)-🥗前菜 ： 4款調好沙律（青瓜蟹柳，薯仔，蘆筍雜菌） ， 自調沙津，煙吞拿魚，煙鴨胸，王子燒，蜜瓜配巴馬火腿，煙三文魚 芝士拼盤等 。 🍰甜品 ： 馬卡龍，果撻，拿破崙， 水果盤前菜選擇幾多 質素高 基本每款沙律 熟食前菜都出色 。自助區食物receive速度好快。甜品吾會太甜 味道正正常常 作為飯後食都吾錯🍵是日餐湯 當日餐湯係南瓜湯 。香甜南瓜湯 味道好濃厚 食得出係用足料嘅南瓜打成湯汁。-主菜 （4選1)-🥩燴牛小扒配黑松露薯蓉.澳洲西蘭花.砵酒汁份量足 牛小扒好大份 燴得入味 但肉質如果可以再軟滑啲 保留多啲肉汁會更好。配菜出色薯蓉有濃黑松露味🥩煎羊扒配里昂薯片.意式焗茄子 .百里香汁個人認為羊扒 更出色 。肉質夠軟淋 熟度剛好 煎得夠香 配上小許薄荷醬 口感更清新 解膩 。☕️餐飲 即磨咖啡 / 茶
继续阅读