星巴克咖啡

今日同巴士迷朋友黎咗荔枝角頂，今次長沙灣廣場呢間Starbucks竟然有位～Grande Vanilla Latte $52十分，鮮忌廉俾超多，十分之好！雲呢拿咖啡味好重，冰量非常之充足。千祈唔好少冰，因為會唔夠凍，而且令到啲冰好快溶晒。一定要用堂飲杯，因為會靚好多。特大可能會抵啲。Grande 柚子沙冰冷萃咖啡 $51係本人飲過咁多次，沙冰最多的一次～天氣好熱，所以飲落去真係好爽。檸檬芝士蛋糕 $44十分，雖然已經食過好幾次，仍然覺得口感非常清新。而家已經係秋天，但今日又酷熱天氣，所以好啱食呢個蛋糕。環境座位非常之多，雖然呢度唔係好大，但係嘢食非常之充足。服務非常之好，紅日竟然有四個店員，一聽到客人落單，另一個店員已經即刻落手沖咖啡，所以好快就有得拎，效率非常之高。係一種特快嘅做嘢方式。呢度對面馬路就係巴士站，邊飲邊等車都係好選擇～…查看更多

這裡的食物選擇豐富，從咖啡飲品到輕食甜點都有，讓人每次來都有新選擇。我自己最鍾意飲星冰樂，特別適合夏天，感覺整個人都清爽了。食物方面試過好幾款，藍莓芝士蛋糕芝士層綿密濃郁，藍莓醬酸甜適中，還能吃到整顆藍莓，配熱咖啡一絕。雙重朱古力鬆餅外層微脆內裡濕潤，加熱後食用，朱古力流心效果更好。慢煮雞胸牛油果三文治，麵包烘得外脆內軟，雞胸肉意外地嫩滑，夾着厚厚的牛油果泥和番茄片，清爽又有飽足感，感覺不像預製食品。…查看更多

今個春季Starbucks出了一系列以粉紅櫻花草莓為主題，分別有全新草莓夢幻忌廉星冰樂，酸甜的草莓再加上雲呢拿，營造出夢幻的粉紅漸層，打卡一流。除了限定飲品，亦有一系列輕食，其中包括櫻花士多啤梨吉士醬牛角包、士多啤梨櫻花抹茶雪芳蛋糕及士多啤梨櫻花蛋糕卷等。今日我就試了其中一款～～櫻花士多啤梨吉士醬牛角包，牛角包面佈滿士多啤梨朱古力，中間就有濃濃士多啤梨吉士醬，喜歡士多啤梨嘅我超級滿足，so sweet…查看更多

因為星巴克出個 order to table 服務。可以掃QR碼，之後登入個手機網頁，登入個人帳戶。點咗個純素奇亞籽芒果燕麥奶芭菲，價值$38。下完單後服務員系數分鐘後送上。個純素奇亞籽芒果燕麥奶芭菲系甜品。將芒果肉混入燕麥及其他碎果仁。當中還有提子乾。混入這幾款乾菓，同芒果肉加奇亞籽撞埋，口感同珍珠奶茶差不多。但珍珠奶茶中珍珠粒係好大粒。奇亞籽等同西米露一樣。當西米露混入芒菓肉加乾菓，食到多種菓肉美味。清新易入口。減肥中的人士及素食者最啱食。我個人未食過此等甜品。加上第一次用手機下單。好方便。…查看更多

我至愛嘅lemon tart。 廿幾蚊平平哋 ， 加杯咖啡可以hea一個下午。個人而言佢嘅酸甜度對我嚟講係啱啱好， 少少酸得嚟又好清甜 。配合得天衣無縫😂 批底一般啦， 唔會一夾就散曬， 唔係鬆脆嗰隻但係又唔係太厚實嘅。 我鍾意批底佢有一層白朱古力， 可以中和檸檬撻嘅酸味 ，感覺上好似食得冇咁膩 。Tart 裡嘅檸檬醬好滑好creamy。 有時候啲檸檬撻會太酸，酸到乸脷，好重人工味道，但係佢唔會。呢間舖頭我鍾意佢有大玻璃，好多自然光，食個餐，飲杯咖啡，享受了一個下午。…查看更多

Starbucks 推出咗新蛋糕，試咗個伯爵茶巴克焦香芝士蛋糕，$45不算平。口味方面，伯爵茶味濃，我鍾意，只係茶渣比較多，理應軟滑嘅芝士都變得粗糙。定係我應該翻熱一下比較好？不過呢件cake嘅性價比真係唔高…….…查看更多

早上跑到荔枝角逛逛，差不多11点钟很多店都还没有开门，百无聊赖就到附近的 Starbucks 喝咖啡。这个时段也有不少客户人，加上限聚令，部分座位没有开放，好不容易才找到位子。餐厅内已经有圣诞的装饰，纪念品也是红色为主，开始有点圣诞气氛了。肚子不饿，等一下约了人吃午饭，就点了一杯 Americano, 今天还免费加了一个 shot，咖啡喝下去更浓。而且水够热，感觉咖啡的味道更好喝。其实在这里买一杯咖啡，静静的坐着上上网，也是一个消磨时间的好方法。…查看更多

最近睇緊營養師減肥，除了要注意食物的份量、烹調方法外，亦要將每餐的食物拍照發給營養師以確認是否符合“均衡飲食”的合格食物。而Starbucks的沙律是我的不二之選，這款日式照燒雞沙律我很常吃的。因為各款食物的比例完美，有少量澱粉質，適量肉及大量蔬菜，而且蔬菜的種類多元化，除沙律菜外，亦有秋葵、車厘茄。溫泉蛋呈半熟狀態，好好味。這款沙律有配和風芝麻醬，如果接受唔到完全唔落醬，食蕎麥麵時可以沾一沾會更加好味。減肥盡量要少碰奶類產品，而旁邊熱飲是Americano👈這款是適合減肥飲的😎如果接受唔到齋啡，建議嗌其他有奶類飲品時可選擇skimmed milk。…查看更多

近排去得P字頭咖啡店多，去少咗starbucks， 呢日咁啱要去長沙灣做野，但趕時間好肚餓又未開餐，就去咗starbucks速食。我平時都係食藍莓芝士餅多，今次見到呢個雜莓芝士蛋糕就心郁郁想試下，始終蛋糕對箍牙妹嚟講都食得快過芝士餅， 佢酸酸地好開胃呀，搞到我越食越快，唔使三分鐘就ko咗！至於杯美式咖啡，就so far so good啦，同平時其他分店差不多，不過我平時飲開熱飲， 呢日太趕時間，而且出面又熱又曬，就轉咗凍飲喇！可以邊行邊飲嘛！…查看更多

今日好清靜可以一個人食lunch，大熱天時無咩胃口只想食少少，勁需要凍飲😂見starbucks無乜人就入去order drink & food，野食黎黎去去都係麵包、cake、salad、pasta呢幾種。最黎就揀左佢既千層麵，真係好mini size，男士一定唔夠食，女士唔夠既可以加件cake。千層麵味道都好香，但cheese可以再加多d會更好味。野飲有 buy one share one，就叫左兩杯細size既 ice americano，剛好夠食，又滿足到凍飲既需要😋…查看更多

今日Starbucks有buy one get one free優惠，就同同事夾份買，去到已經好多人排隊。新出既Pure Matcha Latte同以前就咁Matcha Latte比的確抹茶味比較重，好飲左。第一次試Hojicha Tea Latte原來幾好飲，焙茶味既濃既香。記得要叫少冰。…查看更多

今日Starbucks 有buy one get one 即刻同同事落左去買勁多人排隊好似冇冷氣咁去買咗杯 chocolate 🍫 chip cream最好飲都係呢一隻甜味啱啱好 又有好多creamPerfect 🥰…查看更多

現在是8月1日下午4:35，我在7月27日星期六中午喺長沙灣廣場這間星巴克買了兩包我一向飲開嘅星巴克危地馬拉咖啡豆，叫店員磨三度，因為在過去的六年經查究之下才知道應該用三度去磨咖啡豆才可以用塑膠咖啡漏斗加埋咖啡過濾紙來去沖咖啡，用三度去磨咖啡豆的粒子很幼，因為沒有機器製造的壓力去壓迫，所以如果咖啡豆磨得粗的話，沖出來的咖啡會非常之淡甚至沒有味道，點知呢間分店嘅靚女咖啡師話俾我聽呢間星巴克嘅磨咖啡豆機同其他星巴克完全不一樣，是新的，只要告訴她用什麼器具來去沖他們就會找到正確的度數，不要堅持三度，這部機必須用五度，我唯有聽她說，點知返到屋企第二朝早打開來倒入咖啡鐵罐之中的時候發現粒子太粗了，我以為她應該好專業，以為呢啲咖啡豆不知用什麼程序來做個即使粗也會很好味，怎知沖出來的時候淡茂茂，唯有在7月29日早上9:30打電話去顧客服務部投訴，不是要投訴這位服務員，而是要投訴為什麼訓練之中沒有教導服務員怎樣用不同的磨咖啡豆機以達到最佳的效果，當時顧客服務熱線的小姐要求我將我飲開的咖啡豆的粗幼及從長沙灣廣場分店買回來的咖啡豆的粗幼拍一張照電郵給他們，一直沒有回覆，我在7月28日早上打電話去顧客服務部聽到留言，說大概四至五個工作天才會回覆，真是摸不着頭腦，看來我可能要將這些咖啡豆攞去其他分店要求他們幫我磨番幼啲，希望盡快抽到時間去，因為我住的附近那間星巴克要裝修到八月尾才重開，我現在的存貨快要飲完了！我發現很多朋友都不知道星巴克咖啡店每天都有Daily Coffee（即是每日的咖啡豆都不同），我只喜歡其中三隻味道，分別是mild, medium及bold三隻不同燶度的咖啡豆，我是飲中間味道medium的，因為太燶那一隻飲完會便秘生痔瘡，每次問題都一樣，所以我有很多小妹妹朋友都以為星巴克的咖啡不好飲，味道太濃，亦因此我喜歡在家沖咖啡，因為可以飲到自己喜歡及沒有副作用的豆的咖啡。總之他們的顧客服務部就令我實在太失望了！以後我要去香港的星巴克買咖啡豆，要等佢哋忙完之後check下啲咖啡豆是否舊幼才會離開，今次吸取了一個寶貴的教訓。…查看更多

食完lunch就行下街，經過Starbucks見到新出既earl grey chocolate chip muffin. 感覺好特別，而個人喜歡茶味，咁就order左一個黎食啦😚佢既茶香幾重，但唔係咁鐘意上面果層icing所以挑走左佢。topping既碎開心果林左，但令到個賣相幾吸引。而muffin top係脆，內裏既muffin 係 crumbly 較乾，唔甜。整體黎講，呢個muffin係滿足既☺️下次再黎就試個cheesecake 先～…查看更多

果漾草莓星冰樂 (中$43，大$47，特大$51)由於晚上唔算多客，所以等飲品時間較短，而且晚上見周圍都算乾淨，有keep住清理，幾好。好快飲品可以取了。草莓味都重，有果香，味道同忌廉都平衡到，好似飲緊草莓奶昔，仲有原粒草莓，好夏日清新感，唔會好酸，比較偏甜。質感滑溜冇冰粒，今次星冰樂打得夠幼細。工商區附近晚上都較寧靜，係個幾好坐既時間，但快到關門時間，店員都開始準備關門，所以不能坐太夜，但平時日間都幾繁忙，會再來飲新品的草莓系列。…查看更多