星巴克咖啡 (已結業)

意式橙香鮮奶咖啡 Honey Orange Macchiato (T $34) 咖啡唔算香濃、鮮奶幼滑哮重，入口後有淡淡的橙味，不過唔覺有Honey味嘅？唔甜算幾好飲。野莓慕司蛋糕 (Raspberry Mousse Cake) $28大紅心形嘅野莓慕司蛋糕就算唔好味睇樣已經加分喇，外層其實都唔知係乜呢？甜甜地有Ｄ脆，似係糖粒整碎嘅....裡面的慕司甜中帶酸有好重野莓味，好味；底層係朱古力海綿蛋糕，不過已被慕司溶化變得有點濕，全冇朱古力味嘅，最中間有少少野莓果醬，酸酸的，如果可以再多Ｄ就更正啦！本來心形的確好靚仔，可惜職員放上碟時整爛左少少，但即時已經扣哂分囉......。雲尼拿朱古力絲絨蛋糕 (Red Velvet Cake) $29呢個係舊嘅出品，上年曾推出過，我也只食過一次，今次再試係想睇吓會唔會有Ｄ乜野唔同啫....食吓食吓，唔...同上年食的完全一樣，仍然係一個冇味嘅朱古力蛋糕，其實紅絲絨即係加入色素的朱古力蛋糕！！白色的buttercream先有Ｄ味，不過就好肥咯...，質感依然實實的，但都幾滑。

友人D這日客氣地帶來了茶點來聊天，茶點是我們都愛吃的藍莓芝士蛋糕和latte。蛋糕不錯，芝士算香濃，幾好吃;藍莓新鮮結實，又甜。整體藍莓芝士蛋糕有3.5／5分。咖啡很淡而無味，而奶泡鬆得像肥皂泡，賣相有點嚇人。這杯水一般味道的咖啡最多得0.5／5分。下次真的要再去Starbucks買茶點，都係單買蛋糕夠了

上次食完個velvet cake 已經覺得被騙今次再試埋個"荔枝慕絲", 令我可以完全死心淡而無味, 感覺係將一啖啖有cream o既海棉蛋糕放入口, 零 荔枝味賣$29 ? 點解唔買幾件美心西餅或者東海堂凍餅?

已經飲過好幾次Starbucks ge鮮奶抹茶!前幾日搭車去接男友放工,走左一班>< 即刻上Starbucks買杯鮮奶抹茶飲(中size)。試過其他店$1x 一杯,真係同Starbucks差得遠!不過最好飲個杯係澳門威尼斯人個間,係比香港貴$5,但係抹茶味濃d,糖同奶都岩岩好!今次係雅蘭中心個間都係甜味多過抹茶味><但係幫我沖ge姐姐幾好禮貌香港可能熱ge好飲d!有冇人可以介紹邊間$1x 又唔錯ge抹茶飲品

幾日前,男友o既男友人約我o地尋晚(4-3-2011 Fri)食飯,男友冇咁早放工,我同佢先行o係旺角會合,而距離我book o左位食飯o既時間重有30分鐘,男友人就話飲杯o野先,佢提議o黎呢o度,我o地o黎到都冇晒位,我求祈要杯$25.00細o既熱杏朱古力,男友人好似要凍薄荷朱古力咖啡.等o左一陣就有喇,我o地行出去企o係商場飲,我杯o野真係好熱好熱,杏仁同朱古力味都飲到,但未飲完就覺得好飽,飲完唔使食飯,慳o左一餐.而男友人話太甜.唔知男友人o個杯幾錢.

其實之前已經想試starbucks果3隻聖誕飲品, 今日經過雅蘭就先試peppermint mocha啦!買嘅時候問過個staff呢杯野同平時嘅mint mocha有乜分別, 佢話呢個薄荷味會last得耐d...同埋mint d! 唔知係手勢問題,定係其他原因, 飲起上嚟我覺得兩隻冇分別, 淨係貴左....不過我下次仍然打算試gingerbread latte...

吃過晚飯後想轉場坐晚點，去到朗豪坊的Main St.和Starbucks都是人山人海，坐下來都是背貼背的就無謂啦...想起一街之隔的雅蘭也有Starbucks，就過來碰碰運氣~上到二樓，店內只有小貓三四隻，氣氛跟朗豪坊大相徑庭!不禁讚一下自己聰明呢看見新產品是我愛的抹茶加芝麻組合，就點了杯黑芝麻抹茶忌廉星冰樂，他就點了樽西柚汁~未喝我的星冰樂前，先試了一口西柚汁，全因他的一個怪樣子...哦...真的...酸得要命=.=而我的星冰樂呢~先看賣相已相當吸引，雖然厚厚的忌廉是肥的了，但喝這些飲品就是要有高高的忌廉才開心呢~拌一拌勻大喝一口，有淡淡的抹茶味，黑芝麻相對突出了，還有打碎了的芝麻粒粒很有咬口，不過...這些組合經大腦分析出的...是Cookies n Cream的味道!哈...實在太奇妙~雖然有點風馬牛不相及，但我喜歡Cookies n Cream嗎~所以對這杯份子料理成品也十分受樂!這間分店人不多，慢慢喝著喜歡的星冰樂再一起把玩Google phone，快樂就是如此簡單不知不覺坐到店子關門，店員很有禮貌的跟每檯客人說店子要關門了，離開時還笑容滿面的跟我說再見，服務值得一讚。相比朗

約時間同姑姐食飯,可惜她遲到!!!我同妹妹由太子行過去旺角行街,等得又渴又餓!!去雅蘭中心搵下有冇野可以取代到鋸扒!!行下行下…咩都搵唔到可以取代!!!但係就好想飲starbuck!!買左杯綠茶牛奶(特大$34),好抵飲!!大大杯,而且太正喇!!!不過apm調既味道比較好,因為冇咁苦!!e度既就比較苦左d!!!但係飲完之後有餘香,好滑身!!綠茶牛奶苦中帶點甘香,又夠滑身!!!又係一個唔錯的選擇最後先發現蠢左,因為明明lp都有stacbuck而且咁近,我做咩唔去lp買呢?因為可以順便儲分

三十三度, 熱到嘔 唔買杯凍飲真係會曬到溶於是入去starbucks 買杯 vanilla 的 星冰樂飲, 不過飲完仲辛苦! 一黎佢一啲都唔解渴, 二黎杯冰勁甜, 甜到入唔到口, 咖啡味好勁, 勁到苦, 所以加埋係勁苦甜三十二蚊飲左一啖之後, 淨餘的解暑價值係, 擺個杯埋塊面去涼吓..

主人終於等到今年『星巴克』的聖誕紅杯仔甜品，所以急不及待與奴隸獸買了：1. 聖誕紅杯慕司（HK$39）：今年仍然是幼滑，香濃好味的朱古力慕司，雖然是平凡了一些，但是主人志在那個精緻的瓷杯仔，因此一點兒也不介意。2. 拖肥果仁鮮奶咖啡（特大杯，HK$37）：拖肥、果仁及鮮奶的味道極濃，但是咖啡味就太淡了。還有一款 Raspberry Cheesecake Box，看落頗吸引，有機會我們一定會試試。

上yoga半小時前貪方便去左starbucks ,又唔想食咁飽, 見到個肉桂卷($15) 大大件好吸引, order左一個堂食. 唔洗問, 一定要reheat 啦~ 一分鐘有得食~ 仲要去加d honey! 一叉落去,原來係咁soft 架!!! 我仲以後好實tim! suprise~, 食完一d 都唔漏~ 做snack / light meal fit 晒~

年卅晚,返工早放少少,到旺角逛o左一陣,想買件朱古力蛋糕俾陪緊媽咪o既細妹!起初睇朱古力慕思,但最後買o左朱古力軟心俾細妹!其實之前已經見過,但見$25,細細件,有D唔捨得!心諗如果細妹一陣唔鍾意就o徙晒D錢喇!不過又真係好想買俾佢試o下,唔理喇!$25就$25啦!我同個女仔話我仲要搭車,可唔可以叮耐(見佢即時擺入微波爐)少少?佢話驚叮得耐會塌woh!半個鍾頭後去到媽咪處,十分鐘後,細妹打開個蓋,真係塌o左少少!Oh~My God!我已經好小心拎o架喇woh~細妹試第一啖,我仲緊張過佢!驚唔o岩佢心水!好彩!佢話幾好味!佢話好食過Bread Papa Sweet o個D!Bread Papa Sweet賣$15,不過細過佢少少!朱古力漿亦冇咁多!睇見細妹鍾意,個心即刻安樂晒!希望下次再可以夾o岩時間買俾佢啦!我諗,如果可以即刻食會更加好!

5/13/2007 4:00PM原本跳緊3:30-4:30pm jazz, 但跳左半個鐘就好似無咩energy, 無晒mood, 於是決定趁break 時間走去樓上starbucks 食d野refresh下.望左個櫃好耐, d cake好靚, 但太heavy. 最後選了“蘋果玉桂圈”. Staff姐姐主動話同我翻熱, 真醒目! 坐在sofa, 感覺relax, 不消3分鐘, staff呈上一碟香噴噴, 熱辣辣既美食, 令人食指大動.用刀一切, “察”一聲, 酥皮脫落, 試一口, 卻有點乾, 好似欠缺什麼..?! 就o係呢個時候, 直望到自助bar上有一大瓶蜜糖, 心裡即時唸: “係你喇!!”. 下點蜜糖於碟邊, 一路切, 一路點, 就好似食西多一樣, 非常滋味呢~ 玉桂香同蜜糖甜味道非常夾, perferct match! 有點喉嚨痛既我, 食罷還感到滋潤了不少, 而且energy 返晒黎, 繼續belly dance!下次食開呢個圈既朋友, 不妨一試點蜜糖啦~