星巴克咖啡 (已結業)

假日的尖沙咀回復人潮，35度高溫下個個入商場避暑，想搵位坐低食嘢都幾難搵位，轉到大街街舖終於可以抖抖氣，強勁冷氣與街外實在天壤之別令人誇透心涼夏天除咗凍飲，水果入饌亦非常解暑，食物櫃花多眼亂，最終都係揀至愛嘅士多啤梨士多啤梨麻薯丹麥酥 $30小圓甜點賣相精緻，入口時稍嫌室溫及不夠鬆化，但食落都有驚喜，中間嘅麻薯好煙un有咬口，士多啤梨下唔係普通果醬，而係有粒粒雜苺肉嘅果醬，一口咬落去多層口感交織，互相配合令人難忘

放工係附近行左一陣之後已經5點幾差唔多六點，有啲攰就走咗入去Starbucks。諗住買一杯就走，我揀咗一杯americano 之後咁啱見到有個西蘭花菠菜芝士批，口痕痕忍唔住就買咗，員工好好人佢話距離關門仲有一段時間可以喺度食咗先，所以我就冇外賣啦。當然坐喺度嘅環境係舒服嘅亦都可以比我休息一下，員工服務態度都非常之好，個批芝士味唔重嘅西蘭花偏多，味道就偏淡。咖啡的話就正正常常行完街想抖吓呢度真係一個好地方，推薦

一連四日嘅 #假期，話咁快就完結👉🏻👈🏻 本來諗住繼續放假嘅我，因為 #boss 一早攞咗假，如果連我都唔見人，好似唔係咁好😉 一於早啲起身，準備返工😅#二人限聚令 適逢安排喺 #聖誕 呢個 #長假期，所以呢幾日我哋多數都安排喺 #屋企 #晚餐、或者去 #朋友屋企 搭食😅 不過 #BoxingDay 嗰晚，我哋安排咗出去影 #聖誕燈飾，所以只好提早食晚餐。嚟到五點鬆啲，時間唔想上唔落，之前三點幾食咗個 #下午茶餐 又未落格，只好喺附近搵間 Starbucks 飲杯嘢、順便休息一陣😉本來只係想要杯 #MatchaLatte 嘅我，#店員 提醒我哋 #Starbucks 呢排做緊 #promotion，#傍晚時段 任揀三件食物，都只係要$43🤩 咁抵... #小秘書 又點受得 #誘惑 吖👉🏻👈🏻 一於加件 #CroqueMonsieur（#火腿芝士脆多）過吓口癮🤤 好可惜店員整得唔夠熱，食落去冇咗 #芝士 同 #多士 融為一體嘅感覺... 不過咁多款 #StarbucksFood 當中，依然係我 #最愛 🤪 至於杯 #MatchaLatte 都ok呀，但係多少少奶就更好喇🤤 掛住 #吹水

約了朋友午飯，因未夠鐘又不想逛街，餐廳附近係呢間連鎖咖啡店，嘆杯咖啡消磨時間，要行樓梯落地庫，是餐廳一貫水泥地面+木傢具，樓底高加上人客不多，不會嘈吵，我先去櫃檯落單，不用排隊店員很快速出到咖啡！在餐廳搵了一個角落小圓枱坐低美式咖啡（$36/大杯裝）喜歡聖誕節主題嘅紙杯，咖啡夠熱，微甘唔帶酸味（自己不喜歡重酸味嘅咖啡）雖然呢杯無回甘嘅感覺，正常美式咖啡，店員只係落單時接觸，有禮斯文一刻靜靜的享受一杯咖啡，也是難得

周日早上去尖沙咀加连威老道买东西，店还没开，先到附近的 Starbucks 吃早饭。店离 The One 很近，吃东西时顺便坐着等。店子不大，但安间和装修也是整洁干净，环境相当不错，适合静静地休息一下。问了店员，他们推介了 Americano, 比 Coffee of the Day 浓郁，就买了一杯。浓度和咖啡香味算是保持出准，没有令人失望。看到有 wheat toast, 价钱又不贵，就点了一份配咖啡。面包上有果仁和提子，烘完后很香，擦上牛油会更香，喜欢这样的配搭的早餐，简单又健康。

行左幾間Starbucks都坐滿，終於搵到間少人啲，可以稍作休息 。試左新款的 #綿雲粉桃啫喱綠茶 。款飲品本身有冰的，我要左走冰，最底下的「啫喱」飲落有少少似真桃肉，不太像平時吃的啫喱，味道甜甜帶桃香味，見店員有加不同顏色的飲料入去調，但依然綠茶味夠幾好飲，帶少少果汁味，不過差不多全程睇住佢整，見到奶蓋係超厚，實質飲品不多，我慶幸無加冰，如果加左冰可能飲品仲少。自從比屋企人試左chocolate chip，佢就成日叫我帶佢再飲，但呢款係幾好飲，差不多次次Starbucks都飲佢，最耐飲的一款，其他的屋企人都鐘意飲，相信好多人都飲過，不作多介紹了。件藍莓餅$19，外帶拎走就未試，不過之前試過多款同類產品，味道都不錯，所以再回購。2杯野飲+件餅剛好埋單100蚊。#試新飲品(*๓´╰╯`๓)♡

經過食個早餐，見張相「火腿芝士脆多」$29幾靚仔就試試，可惜圖片跟實物就有d距離，不過都幾好食。另外試咗個Peach Cloud with Jelly $39, 其實味道ok嘅，不過size細咗少少，感覺貴咗少少。呢間環境都ok㗎，枱同枱之間都幾疏，好坐。

同朋友行街行到有啲攰，想揾地方坐低傾下計，近近地就去左尖沙咀加連威老道嘅Starbucks坐下。呢間鋪都幾方便喺The One對面，要落一層到地底。果時已經係夜晚10點 ，所以唔想飲咖啡，驚飲咗夜晚會瞓唔着🤣就買左支奇異果汁+芝士野菌三文治叫左店員幫我地加熱個三文治，加熱後啲芝士溶溶地超好食，同啲野菌都好夾呀，本身想坐耐啲，但原來呢間鋪係收11點，所以食完野坐左一陣就走左喇環境都幾好，下次得閒都會同朋友嚟坐下飲吓嘢！

近排係日本嘅櫻花季，所以好多食肆都乘機推出左櫻花產品，當然Starbucks除咗杯之外，嘢飲都會有櫻花產品啦。今日我就試吓佢呢個紅豆花見朱古力咖啡。其實一向我都覺得Starbucks嘅嘢飲同Pacific Coffee比就甜好多同埋咖啡底冇咁濃，咁所以如果可以我唔會想叫甜嘅咖啡。不過可惜新產品只有摩卡呢種咖啡，唯有硬着頭皮咁試一試。首先要讚下佢，的而且確有好多紅豆而且紅豆係糖漬紅豆所以比較甜，飲到味成個杯底都係，非常之足料。我覺得呢個紅豆花見mocha同普通mocha味道分別唔大，只係多咗啲紅豆，增加左口感。如果為咗噱頭，比多啲錢去叫呢一個嘢飲，我就覺得唔係好抵啦😵😂

經過口渴入黎買杯野飲，因為我好少飲咖啡，所以就叫返杯中size hot matcha latte,唔算甜,奶味同茶味好夾唔會比任何一種味搶左佢既感覺，不錯!之前飲過熱朱古力就甜d,推介抹茶鮮奶好飲d

聖誕樹特濃朱古力咖啡一向飲咖啡都不會點朱古力咖啡，而且必定會走忌廉！這次選擇這杯新飲品，只是為了上面的抹茶忌廉邪惡一次吧！而這次用了奬賞換咖啡，再加上是這新飲品推出的首一星期，所以免費便有一杯grande size品嚐這杯咖啡，自己customise 左個份量，只是少了一泵雲呢拿糖漿，及轉換了脫脂奶，喝下去，果然係特濃朱古力，朱古力味很重，完全蓋過咖啡味，下次，或許可以少一泵朱古力糖漿吧！至於抹茶忌廉，岩曬抹茶控的我，好好味，不過忌廉很快便和咖啡溝在一起，結果變了抹茶特濃朱古力咖啡，下次，如果不怕胖的話，可以選擇多抹茶忌廉呢至於忌廉上面的是糖果，有咬感，也不錯。整體而言，這杯其實不太適合咖啡控，因為朱古力味太重呢！

跟老公两個人在the one看早場的Spider-Man，走過對面马路就是這家店。在地下一樓。這個時候的尖沙咀沒太多人，所以咖啡店裏也有空位。大家都安靜地享受着咖啡生活，很愜意。週末應該就是這樣過才是生活😊

做完Facial 仲要去行街，所以過左隔離地庫呢間starbucks買住少少野食醫下肚先。都七點鐘正值食飯時間，入面既食客都唔算太多，眼見有三個staff唔算多，但係客人唔多應該都唔會應付唔切樓面啦。都無人排隊買野食，但我企左係cashier幾分鐘都無人理我。我諗我企得係cashier拎埋銀包出黎都係買野食，d staff唔係咁都get唔到呀？等左幾分鐘終於有人理我，我話我想要個CHEESE SAUSAGE ROLL個STAFF同我講：我地無呢樣野食賣我即刻望一望個凍櫃，答佢：唔係呀，有呀個STAFF自己都行埋去個凍櫃度睇，用一個唔耐煩既樣邊篤住個MON答我：嗰個係 Cheese Sausage Rex Milano Bread StickStarbucks都係得兩個Sausage roll啫，一個有芝士一個無芝士，我講唔岩個product名唔係買唔到野食呀？我用voucher俾錢，張voucher已經放左係檯面，但係個Staff就拎唔到張voucher所以就屈一屈佢，點知就彈左落我度。其實呢D都係小事黎，但係個STAFF Sorry 都無句之後有對情侶企左係個凍櫃面前揀野食都無啦啦遭

Starbucks 我成日都去嘆咖啡，今次我係The One行街買野，行到累，又未到晚飯時間，所以決定去飲杯咖啡。見到餐牌寫住每日限量發售Cold Brew，問店員係咪新品，一問之下知道。原來全港只得三間Starbucks 有既Cold Brew☕️經過十小時以上慢速萃取而成。Cold Brew風味甘甜，口感順滑細膩。人大了開始懂得欣賞。我一定會再去品嚐

假期天去扮靚靚植眼睫毛，之後仲要等朋友來，就去了對面的 Starbucks 飲杯野先！這間Starbucks在地庫，座位算多，不過都差不多爆滿。試了新出品的草莓啫哩乳酪星冰樂😏，呷一口已是甜甜的乳酪味，不是太討好我，而草莓啫哩味道酸酸甜甜，還過得去，整體是偏甜。而朋友終於來了，她點了雞批，雞批放了差不多10mins，因為朋友在等候那杯飲品。但是切開雞批，仍然是熱騰騰的，有嫩滑的雞肉粒、磨菇粒等配料，個酥皮都幾香口，連我不太愛吃咸批也吃得津津有味。不過這間Starbucks衛生情況一般，店員較少清理檯面，笠痴痴的感覺不太好。