星小館

营业中

休息中

第一次光顧這間餐廳， 本來 枱邊望著泳池景，藍天白雲，心情輕鬆， 餐具也頗美觀， 但是餐枱沒有枱布 ，有些茶餐廳feel ，但食物款式不少 ，本來也歡歡喜喜食這一餐。可是不夠一個小時， 店員開始催埋單， 但旁邊的枱還是空著的。 跟著連續催埋單兩次， 最後captain竟然走埋走來，話我們己坐了很久，大约一個半小時，要收返張枱，問她有沒有限時間限制，她又說沒有 ，我說如果有時限，應該客人坐下就告之，最後她好似皇恩浩蕩，說最遲1:30要走。態度極不理想， 不會再光顧， 因為食完 ，一肚氣。

節假日期間外面酒樓比較難揾位，所以去咗麗港城會所入面呢間新開嘅酒樓試一試，當日都唔使等位。新年餐牌感覺都唔係貴好多，亦有啲特色點心，而且仍然維持加一，呢一點值得一讚。脆香芝麻芋絲夾 ($28) ★★★★★有少少芋頭糕嘅感覺，表面嘅芝麻脆皮幾香口，芋頭亦都有飽足感，呢份比較平價嘅點心幾有驚喜。芫茜鮮沙薑豬手粒 ($78) ★★★★★有整過豬手嘅都知道斬碎豬手啲骨有幾難，佢呢碟成功整到細細粒好索沙薑汁，吮啲豬手肉好過癮，而且份量唔細(有十幾廿粒)。巴蜀紅油抄手 ($38) ★★★☆☆話係巴蜀但係用廣東餛飩皮包嘅韭菜餃，而且係用泰式甜酸醬加豆豉整嘅紅油醬，所以唔係太似平時食開嘅紅油抄手，味道都一般般。香茜馬蹄牛肉腸 ($55) ★★★☆☆非常濃厚嘅芫茜味，而且都食到粒粒馬蹄，所以熱愛芫茜嘅食客可能會好中意。不過我略嫌腸粉皮太厚，顯得牛肉餡份量唔夠。整體而言，以一間精緻細細間嘅酒樓嚟講，點心款式有新鮮感，食物質素還好。至於有評價講嘅服務混亂，有啲點心真係等得耐啲，而且因為新開啲員工未熟練所以偶有上錯菜嘅情況，希望過一排情況會有改善。

今日太后生日,近近地在附近揾食, 坐落於麗港城會所內的星小廚, 環境清悠, 裝潢擺設各樣整體優雅, 椅子柔軟舒適, 吊天花式冷氣機安裝了防直吹風扇, 細心之餘, 空氣也流通.預早訂了兩席 , 先來頭盤五小碟, 鮮沙薑豬手粒, 肉質爽脆味道足, 川式青瓜魚皮, 魚皮爽脆, 沒有一點軟霖入口即溶的感覺, 不錯. 杞子海帶蓮藕, 藕尖酸辣開胃, 給味蕾另一個感覺, 如果有密集恐懼症的, 就不能凝視那幼細的蓮藕孔了. 江南家烤麩, 麵筋吸收了汁液, 海綿的質地, 好吃. 最後一道藍莓養生淮山, 淮山本身就是沒有特別味道, 配上了藍莓汁, 甜甜的粉粉的,  特別的配搭,別有一番風味. 主菜其中有兩個攞盤十分標緻, 味道也不錯. 分別是七彩燕麥脆米海生蝦, 像是炒飯又不是炒飲, 米通炒得香脆, 粒粒分明, 配上入味的炸大蝦, 口感非常好, 不禁讓我懷念菜茶的味道. 另一道是蜂蜜柚子脆珍寶元貝, 碟子上桌的一𣊬間, 還未入口, 大家已經讚嘆不絶, 當然相機先吃. 酸甜的柚子汁沾在脆槳上,提升了食慾感, 包裹的元貝大大的,  但鮮味略欠, 再把餘下的柚子汁配上脆米通一同吃, 酸甜爽脆共冶一爐, 值得一