星小宴

营业中

休息中

自從搬離巿區，一直都與女朋友致力於發掘附近的美食。適逢散步目送日落經過黃金海岸，就順道找一家吃晚餐。轉角看到這家中式餐館，還包納對海的平台位置，景觀一流，就決定牘此享用晚膳。炸海黃魚仔、秋葵干：作為前菜，海黃魚仔十分香脆更帶點魚鮮，秋葵炸得酥化，比原味更易入口。冰鎮菠蘿咕嚕肉：原隻菠蘿盅挖肉，盛著咕嚕肉及冰塊，配合底坐的冰氣迫人，視覺享受一流！咕嚕肉爽嫰，甜酸度適中，但這道菜要盡快吃下，避免冰塊溶化令味道變淡。秘製碳燒雞煲：餐廳用一顆顆鵝蛋形的碳粒替代電爐，相當特別。待碳火開旺，雞煲的香氣由煲內飄逸而出。雞煲的醬汁香濃，雞肉嫰滑惹味。火鍋配料：雞件吃畢後，就轉為火鍋的節奏！手切安格斯牛肉油脂分布均勻，肉質鮮滑，牛香醉人。鴨血鮮甜，沾著醬汁十分開胃。另外還有餃子、唐生菜及炸魚皮，很是豐富。最後配上兩杯黑啤，竟做著買一送一優惠，望著海金海岸的景色，酒會醉人，景亦醉人。

今次同朋友去完黃金海岸沙灘，就係附近搵食啦！商場入面好多餐廳，但我就揀左星小宴，因為有好有特色既炭火醉雞煲呀！仲可以坐outdoor吹住海風，又唔焗唔會成身味，同埋真係好chill！😋花雕醉雞煲 $188（半隻）煲同雞係分開上既，真材實料！花雕酒味好濃，個煲唔會太重口味！而且入面都有好多配料呀！雞唔會太肥，而且本身醃左已經好入味！落煲滾一陣就食得！香雞香酒又嫩口！正！🤣😋手切特級安格斯牛肉 $238（小）呢個必食推介！好靚既油脂分布，而且厚度岩岩好！ 食落係好有口感！牛味好出，加埋醉湯底食一流！小份既份量都唔少，兩個人都差啲食唔晒！超抵！😍😋巧手韮菜餃 $68個餃皮好煙韌，而且唔太厚，入面料好足！除左菜，仲有粟米、少少肉， 味道唔錯😆😋鴨血 $48本身好少食鴨血，但呢度既鴨血一啲臭味都冇，好易入口！大細切得岩岩好，快熟得黎又唔會散，好味！😍😋紅薯粉 $20大大碟紅薯粉好飽肚！好煙韌同吸味！食晒所有野再用佢黎索湯既精華就最正！😄😋本地生菜 $44一定要食番啲菜balance番！呢個爽口既生菜！兩個人食岩岩好！仲要洗得好乾淨，正！🥰

好耐冇黎黃金海岸行下沙灘啦，今日難得放假就黎呢度食下野放鬆下呢度可以坐外面一面睇住個海，一面嘆住美食！難得天氣涼涼地，見同圍都叫左一煲煲既野，仲要係用炭火，好吸引🤤跟著我地都叫個雞煲，餐廳用沙鍋去煮，加上炭火，keep住煲～～熱辣辣🥰呢個雞煲醬好好食，叫左小辣岩岩好，仲好入味每塊雞肉都充滿左辣醬汁既味，辣辣地～肉質又嫩。🤤食完雞煲再倒入湯再打邊爐，真係一次過滿足兩個食慾～打邊爐就緊係唔少得肥牛啦，所以叫左手切安格斯牛肉呢個肉質好滑，油花都幾平均，好好食之後呢個冰鎮菠蘿咕嚕肉打卡一流😍完隻菠蘿上，淋水落啲乾冰到果下仙氣出晒黎，好靚味道唔錯，冰凍既咕嚕肉係第一次食，外面都係保持到脆身，肉質爽口，幾特別～呢度用餐真係好好享受～好舒服，會再黎食

今日同屋企人過嚟黃金海岸依邊行下海濱長廊是一個打卡嘅好地方啊臨近黃昏嚟到青山灣海濱長廊，望住遊艇，加上夕陽染紅的天空，靜靜地享受海風，聽住海浪聲，可以放緩腳步，真係好寫意接近黃昏嘅時候我哋入左間中菜廳而最近天氣轉涼貪佢呢度有得坐outdoor又可以繼續欣賞日落同埋夜景職員介紹我哋試吓雞煲佢話係用炭火明爐，增添風味雞件經過爆香後，令到成個雞煲散發出陣陣香味。雞煲香辣得嚟又有刺激感將花椒香味的麻和辣椒的辛辣結合味道不像麻辣火鍋般嗆喉就算不食辣的人都可以一試另外我哋再加左啲配料作為火鍋鴨血味道非常鮮味安格斯手切肥牛油花紋理賞心悅目另外我哋加咗個冰鎮菠蘿咕嚕肉酸酸甜甜好開胃，令人食指大

星期六日去屯門黃金海岸附近真係好有渡假feel，喺沙灘玩完、朋友搵咗附近一間餐廳食晚飯🥣 我哋專登揀咗坐戶外，比較通風又可以睇吓風景，七點打後就開始人多，如果大家想食就要早啲去～估唔到呢間餐廳外表好似西餐，但其實係食中餐㗎，仲有雞煲食，最驚喜嘅係竟然唔係用電磁爐，而係用炭火燒聽朋友講話呢啲係環保炭，唔會好大煙同埋好大陣味，加上坐喺室外，所以食完雞煲都唔驚會成身味。雞煲嘅味道唔錯，醃製得非常之入味😋😋 辣度適中，我平時食開五小辣食完雞煲就緊係要打埋邊爐，叫左碟牛肉嚟食，肥瘦適中😋😋 同埋大大碟4個人都好夠食另外仲叫咗鴨血、貢丸同埋酸菜餃子🥟質素都OK 唔會失望因為睇到有食評介紹冰火菠蘿咕嚕肉，好似好正，於是我地都叫咗個試下😋😋 好打卡able同埋係幾爽口同開胃，大家都可以試下！同行有大食朋友唔夠飽就叫多咗個炒飯食🤣🤣🤣鮑魚炒飯味道都唔錯，清曬👍🏻整體來講我覺得環境好夠chill，放假嚟鬆一鬆真係好正☺️☺️💗

最近的天氣忽冷忽熱，有時候中午熱到穿短袖，走路時汗流浹背，有時候又冷到穿了外套，冷風仍會吹進骨子裡。面對這種忽冷忽熱的天氣，我跟媽媽的最佳對策就是選一間好吃的火鍋，吹著海風，喝著熱熱的火鍋湯頭，最享受不過了。星小宴餐廳內的裝潢典雅，環境明亮，戶外坐擁黃金海岸大海，搭配上寬敞的座位，整體的用餐氣氛舒適，不僅適合遊客觀光，也很適合情侶和家人重要的日子一起享用美食。星小宴的火鍋絕對讓人眼前一亮，因為這類所供應的是買少見少的傳統炭爐火鍋，頗有風味，讓火鍋控為之瘋狂嚮往。每當炭火用盡之時，店員都能立即替食客替換新的炭火爐，其勤快有禮的態度值得一讚。媽媽說炭火配花雕醉雞煲最合適不過，炭火溫火精熬花雕醉雞及多種藥材，熱騰騰的湯頭充滿濃郁酒香與藥材風味，入口溫潤滑順，讓人忍不住一碗又一碗的喝，我們的胃完全被花雕醉雞湯征服。調味均勻附上雞肉上，雞件極富花雕和藥材香味，軟嫩不柴的花雕醉雞，肉汁豐沛，它的迷人只有在現場才能體會得到，教人欲罷不能。星小宴不單火鍋湯頭厲害，涮鍋的肉品也是很講究，嫩紅色澤的手切特級安格斯牛肉好不漂亮，帶點厚度誠意十足。手切特級安格斯牛肉別吃全熟，入鍋稍稍燙一下，趁牛肉轉變成粉紅色

老公生日搵野食，近近地就係屋企附近拉，見到group友分享黃金有碳火雞煲、羊腩煲！揀咗雞煲老公至愛🤩🤩餐前小食海黃魚仔 秋葵干，兩樣都係Super food😬非常脆口，一口蕎麥茶，一口小食，望住海景，非常有氣氛！秘制香辣雞煲 小辣 估唔到咁有質素，秘製醬汁非常香，真係充斥着成個黃金海岸🤣🤣用上沙鍋，木碳慢慢食，別有一番風味😜😜手切特級安格斯牛肉 大 非常之靚🥰🥰脂肪分布均勻，牛味濃郁，口感非常好，本地生菜🥬配雞褒非常正！鴨血，亦是邊爐常客，嫩滑彈牙、扎實！白菜豬肉餃唔知係咪自家製呢？有質素喎！鮮甜飽滿，大量白菜，又爽口！_壽星仔表示好滿意😝😝靚景、服務好，食物高質，價錢仲吾貴🤭🤭1

Happy Friday 一於一家四口外出食飯，大商場同出一轍都是大型連鎖餐廳，今晚一於試吓黃金，飯後吹下海風睇吓海景，咁樣先係happy Friday嘛😬😬見到這家 星小宴 竟然有炭火雞煲，對住海景食雞煲真係第一次🤩🤩蕎麥茶，吾驚夜晚飲完瞓唔着🤣🤣脆炸魚仔 秋葵干作為餐前小食很有特色，秋葵健康，海黃魚仔酥脆秘制香辣雞煲 小辣 $298香噴噴用炭火砂鍋慢慢煮，別有一番風味，涼涼地，凊涼嘅海風真係好寫意🥰🥰🌟🌟雞煲出色醬汁非常香濃惹味，雞肉亂畫有雞味😍😍手切特級安格斯牛肉 大 $368超級大碟，幸好我哋都是牛魔王，四個人食都差啲食唔晒，高質安格斯手切配雞煲真係好夾😬😬本地生菜 $44爽口新鮮，點解我平時喺街市買嗰啲冇咁爽脆嘅😅😅鴨血 $48份量好多，又嫩又滑，好味！白菜豬肉餃 $68有驚喜喎！大大隻，好飽滿👍👍支竹 $42會計部真係絕配，索晒醬汁，咁樣大大碟😬人頭$250呢個價錢真係超值，對住個靚海景吹着海風，仲要係炭火明爐，真係超值，店員服務仲好好添👍👍

早上到黃金沙灘玩咗陣，之後用咗大約10分鐘行去黃金海岸商場揾食，中午飲茶時間，人多等位必然了。先介紹 “黃金球泡飯” ，上枱後都等佢煲咗陣先啟動，中間嘅飯炸過脆卜卜，香口野，撈勻浸落湯度食，無敵！“金沙脆魚皮” 與蛋黃炸起的魚皮，雖然蛋黃味唔係好濃，但係勝在夠係脆，食落唔油膩，超正！“鮮蝦長春卷” 雖然賣相好似一般，但佢入邊都足涵，口感豐富。“野菌竹笙餃” 見佢個樣脹卜卜的，又係足料之作，皮薄，食落好香菰味。“流汁叉燒包” 包夠鬆軟，入邊叉燒涵汁不錯。“鮮蝦韮菜煎薄撑” 蝦我又唔覺得十分之多，粉漿較多，唯一讚是外脆內軟。“芝麻芋絲軟夾”，這個我十分欣賞的，上下層好香芝麻味，脆餅夾住中間綿綿嘅芋蓉“粟米慕絲” 無咩特別，可以不用試。

最近天氣轉涼係時候約埋班朋友圍爐食番個雞煲暖下肚餐廳位於黃金海岸商場設有室外座位對正海景淨係呢樣嘢已經贏晒黃茶(蕎麥)餐廳提供黑茶(普洱)、白茶(壽眉)、黃茶(蕎麥)以及綠茶(烏龍)四款茗茶選擇海黃魚仔拼秋葵晚市茗茶六位或以下會奉送碟海黃魚仔拼秋葵秘製香辣雞煲(半隻)炭火爐呢類咁有本土情懷嘅嘢通常都要喺啲老店先會搵到所以侍應拎個炭爐上枱嗰吓真係幾有驚喜雞煲可以自由選擇辣度辛辣刺激同時帶啲花椒麻香夠哂惹味而且雞肉肉質嫩滑好掂手切特級安格斯牛肉(小）小份嘅份量有成廿幾塊其實都唔算少而且手切都可以做到厚薄均勻值得讚賞再加上安格斯牛肉肉質軟嫩而且肉香濃重真心推薦巧手韭菜餃韭菜餃每粒都皮薄餡靚包到勁飽滿望個樣就知係自家製誠意十足本地生菜生菜選擇本地農作勝在新鮮翠綠而且脆嫩清甜打邊爐啱晒米線最後緊係要淥下米線索埋啲湯嘅精華唔好嘥嘢啦

黃金海岸好有渡假嘅感覺，初秋嘅星期五，船泊嘅海邊🚤⚓️，黃昏嘅晚霞🌅真係好靚，喺咁靚嘅環境影相打卡，亦見食店員工忙著set 枱，呢間叫「星小宴」嘅菜館真係佔盡地利，戶外餐區🌴望著無邊際靚景，可以一邊食飯，一邊睇星星，實在太寫意喇😘天氣涼涼地🍂，自然就唸起食羊腩煲，至正係用明爐炭火♨️，沙煲上枱更加風味十足，🐏羊腩滾到噗噗聲，入口Q彈腍滑，肉香四溢，炆得好入味，超級無敵咁好食💯羊腩食到咁上下，加D上湯再黎手切肥牛🥩，色澤光亮嘅肥牛，油花分布均勻，真係睇得到嘅新鮮，滿滿一大牒都係二佰零蚊，認真抵食👏👏👏。咁靚湯底♨️加個魚雲索下汁，好食到連手指都啜埋，食埋水餃🥟魚皮，已經飽到上心口。見到隔離枱有個好夢幻嘅飄煙波蘿，忍唔住又柯打左呢個冰鎮🍍咕嚕肉。菠蘿🍍咕嚕肉永遠都咁受歡迎，飄煙效果多左份儀式感，引唔住又係🎬相機食先，甜甜酸酸嘅冰涼外層，咬落零舍爽脆，夾心肉嫩多汁，食埋新鮮菠蘿，清新解膩，堅係正😍😍😍坐喺✨星空下，海邊旁，今日呢餐飯食得好寫意，露天大自然🌴嘅感覺，咁靚嘅天氣真係要好好把握，埋單人均消費$300元 ，勝價比超高，唔怪得知未夠八點已經全園滿座，精明嘅消費者果然識食👍👍👍

夕陽斜照，景色怡人，天清氣爽，心情都特別好，今日到黃金海岸，醉人美景，在戶外用餐，別是一番滋味🥰天色慢慢由光至暗，氣氛特別好，係咁嘅環境用餐，淨係個靚景都已經贏晒👍🏻大家絕對估唔到呢度竟然有羊腩煲，你冇聽錯，貨真價實嘅羊腩煲，而且仲係用最正宗嘅明火炭爐，真係零舍不同😋大家傾吓講吓，等佢慢慢滾起，肉香四溢，聞到到口水流，大家凝神注視，個個都變咗為食貓🤣唔係講笑，肉香嫩滑，好入味，唔會太咸亦唔淡，味道適中恰到好處，份量十足，我們四人也足夠，大家都讚口不絕，有圖有真相👍🏻食完羊腩煲，梗係唔好俾佢停，手切特級安格斯牛肉$238，又抵又靚，唔係講笑，自己買都未必買到，分量多又高質，仲有紅薯粉、炸魚皮、白菜豬肉餃🥟，真係越食越興奮🥰冰鎮菠蘿咕嚙肉$168，上枱時飄煙四起，連其他客人都好好奇，吸引晒大家嘅目光，我都係第一次食，真正外脆內軟，出面凍凍地，入面嘅肉又暖笠笠，真係冰火五重天嘅感覺，正😊叫埋甜品「網紅小白兔」，賣相精緻，好可愛🥰一啖一隻，煙煙韌韌，入面係紅豆蓉，好味又唔太甜，Perfect👍🏻咁好嘅環境，招呼又好，服務周到，如果唔訂位，真係未必坐到戶外嘅位置，呢啲天氣，坐到戶外享受真係冇得頂

今晚經過黃金海岸 發現呢間餐廳 有大閘蟹食⋯難得又到每年食大閘蟹季節，坐喺戶外望住遊艇食大閘蟹，別有一番風味，感覺超正！食完大閘蟹，叫咗個⋯炭火爐雞煲再加碟😋安格斯牛肉！值得一試👍

今日大清早黃金游灘晨運完，順便過去黃金海岸搵嘢食，就試吓呢間星小宴，9點已經開門了，一行二人叫咗4樣點心。芝麻芋頭煎餅⋯好油、淨係食到炸油味⋯失敗叉燒腸粉⋯從未食過腸粉咁經典，皮厚不突止仲要硬，义燒又乾又硬，跌落地都唔會散⋯失敗小籠包⋯蒸到過晒火皮都霉咗，飽頂乾硬飽底霉，一夾就穿底⋯失敗野箘餃⋯叫做正常唯一可以攞分就係可以望住遊艇會海景身心舒泰，但仍未足夠令我忘記食嘅差異。暫時未搵倒叫我再嚟嘅理由。

8號風球下冇選擇，唯有試下呢間飲茶冇人係出面派飛帶位，問完只會話等陣，咁啱出面十幾個係到等，冇派飛狀態下出面等位有啲混亂。點完野食，送餐態度真係差，擺點心籠落張枱可以一直迫住人地手揸住既筷子，搞到跌晒野食都冇道歉，點解擺點心唔可以睇清楚，係要一直迫迫迫，兩個人坐4人枱，空間超大唔係話張枱冇位擺野啲點心賣晒亦都唔通知，直到問兩個侍應先有人跟進話賣晒同埋漏單。問佢地點解唔主動告知，竟然同我講唔知道之後送錯點心黎就咁擺係張枱到，真係估佢地唔到既服務態度完全冇下次