影片
营业时间
今日营业
08:00 - 22:00
星期一至日
08:00 - 22:00
以上资料只供参考，请与餐厅确认详情
原先想喺对面银津食点心，不过好多人就谂住帮衬吓呢间，点知中伏，首先点心好少，完全拣唔落手得啲好普通嘅嘢，员工落单极之混乱，话冇咸水角突然间又话有，帮我哋取消咗，之后又上返，令到我哋本身改点咗嘅嘢变咗多咗好多，员工态度差，亦都不熟悉上菜点菜程序，连位置都唔知，地方十分狭窄，个厨房竟然占咗大半间舖，坐得好迫，本身攞住好多嘢问员工可唔可以上阁楼，个员工发晒脾气话唔会开阁楼，点知转个头有其他人又可以上阁楼，谂住唔使派对试吓下次都系试返对面银津
继续阅读
服务系街坊街里感觉，大家要乜尽管出声，街坊街里。价钱$35 一碟到，没有加一，茶钱$5 位，好亲民。平平地一餐，又唔想去茶餐厅，可以选择呢度，对食物要求唔好咁高，毕竟都只系$35 一碟。午餐：1）鲜虾菜苗饺，可order , 味道正常。👍🏼2）鲜虾玉常饺，好多粉，成口粉咁，不要order, 带子三粒厚薄不一。3）斑斓生煎猪肉饺，可以打卡，但皮太厚，唔好食。4）脆脆红米肠，推介，加沙律酱好味😋5）星壹虾饺王，麻麻地🤦🏻♀️
继续阅读
寻晚食完饺子，但系间饺子店太丰富。今晚探完病人之后都系落旺角睇吓啲咩惊喜。今次试吓呢一间点心，成个厨房占咗成间铺嘅三份二位置，好彩唔算人多，两个人嘅话佢都照俾我哋坐四人枱。落完单之后啲人潮就开始嚟，不过原来佢好似仲有阁楼。整体食物嚟讲都系唔错，但系有改善嘅空间。尤其是希望佢哋唔好喺洗手盆洗饮水用嘅杯（分唔清女员工系收银员/侍应/负责人？），呢度真系有扣印象分嘅。先上咗个龙虾汤鲜竹卷，个龙虾汤唔算多，应该系因为佢唔想浸林啲鲜竹卷，因为佢啲鲜竹卷同出边𠮶啲有少少唔同炸到脆卜卜好似啲零食斋鸭𠮶啲感觉又想试真啲龙虾汤，如果佢可以分汤上就更加好。个小笼包同埋班兰叶煎饺都好有肉汁，尤其是个煎饺啲肉汁爆满到爆晒出嚟。不过蒸饺嚟讲就有少少改善空间，个瑶柱鲜虾饺瑶柱味唔系好出，个蝶豆花粉果都系啲特色嘢，但系蒸出嚟都系塌咗。但里面啲樱花就几香。沙白蒸烧卖，我就唔系好觉有沙白啲肉喺里便，可能已经打烂晒。另外嗌咗个百香果椰汁糕同埋「金屋藏娇」，个百香果几清甜，另外个「金屋藏娇」初头睇英文名以为系芒果卷，点知原来系椰汁冰粉再加啲芒果爆珠喺上边。佢话系师傅自己拉。个粉有几好食，但系如果佢唔系用爆珠，而家用新鲜芒果汁会更加完美。希望下次黎嘅时候无论食物同埋卫生都会有所改善，俾到好评呢一间餐厅。同埋值得一赞系个夜班男侍应，个叔叔好勤快亦都好有礼貌，呢啲好员工真系好少见。
继续阅读
环境：星期一大概12点几到，人流中等，唔使等有位直接入去，唔似大酒楼，同普通餐厅一样，不过有上下两层。茶：茶具几得意，不过茶包大，茶壶细，所以啲茶有啲结，建议冲多几次水。食物：菜饺好食，菜包一般般（好似有紫薯？个人唔太喜欢），灌汤饺啲汤几好饮（似系浓汤），凤爪不推介（甜味），杂锦海鲜卷（偏咸），红米肠推介！啲嘢好新鲜，系脆！热！唔似返整，不过整体偏咸。都好吃！*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*
继续阅读
本来去的点心店太多人排队，行吓附近见这间点心点新开及有位，便试吓，好彩D点心都好食，座位不是太多，职员也有礼貌，点心即叫即蒸，但也不算等好耐，食物上枱时热辣辣，足料好味，茶用功夫茶具，茶味会涩因杯太细，但有奶茶、咖啡和柠茶可叫，价钱合理及不收加一，点心选择不算多但有些款式都特别，下次会再去试吓其他款式点心°
继续阅读