影片
今日27-11-2024下午打算去买嘢食俾小朋友放学做下午茶，首先叫了肠粉（$18/7条），跟著叫章鱼小丸子（$16/6粒），帮我手个姐姐好似唔太熟手，入面果位姐姐就走岀黎帮手喇，佢同我讲：不如（$19/7粒）俾埋你，我话：唔使喇！唔该！佢再讲（$18/7粒）俾你啦！我再答：真系唔使喇！我仲有其他野食架！佢再话：我净返一粒好难卖架㖞，你要埋佢啦⋯⋯重覆讲讲讲讲！我就话喇，我6粒够架喇况且我仲有其他野食，我真系唔使要喇，同埋你唔系送俾我，又唔系平左俾我，你系卖净左系咁迫我要！态度恶劣！好似我唔买果粒欠左佢咁😅，我黎买野本身系开开心心，搞到我一肚气！之后仲离谱，我见佢外面写住牛肉球（$14/3粒、或者系$5/粒），咁我之前已经同果位唔熟手个呀姐讲：要牛肉球3粒！跟著态度恶劣既呀姐走黎同我讲话，依款系酒楼牛肉要$6一粒！我话：你出面写住$14/3粒架㖞！我唔知你卖咩酒楼唔酒楼牛肉，我净系见到你写住左$14/3粒姐！最后佢夹住2粒牛肉系我面前话酒楼牛肉黎架！🫠🫠🫠，最后佢只有2粒，咁我就要埋啦（收$10），买完真系激到我一肚气！唔系个女想食都唔想帮衬呀！做生意做到佢地咁样真系唔会再帮衬啰🫠，绝对冇下次！同埋会打去海关举报你地易拎肠粉，因为你地违反了商品说明条例！希望你哋加价后都要更正返外面的价钱牌！客人只系睇你价钱牌去落order ，没有欠你们的。
继续阅读
如题本身帮衬开 但转咗手之后真系越嚟越难食烧卖同肠粉都好少少 冇咁易中伏但章鱼小丸子真系好难食 冇食过咁难嘢嘅劲厚食 一啲都唔脆 好似食紧蛋糕咁😥啲比例可以再调一调⋯唔建议大家去呢间嗌章鱼烧 一定中伏🙏🏻
继续阅读
黄大仙呢间肠粉喺马路边，好早就开门，店内都有得堂食，不过就得两人嘅位。平时经过都会买一份当早餐食。🙋🏻♀️肠粉 （$13）一般我都系买外卖拎返屋企食，我会叫多豉油，少甜酱加麻酱同芝麻。有时同老板娘讲咗要多豉油，但佢比得唔够多，所以每次我都会重复多几次叫佢多豉油😂😂肠粉好滑身，同埋啱啱蒸出嚟系热辣辣，加埋啲豉油混合一齐，非常夹❣️除咗肠粉仲有得叫烧卖鱼蛋同埋豆浆，粢饭都有。豆浆老板娘话系自己煮嘅豆浆，有冻或热可以拣。系一间非常唔错嘅早餐店。🥳
继续阅读
经过附近想食肠粉，叫左6/$15，见佢混酱既时候都心知不妙，所以酱汁都极少，所以即刻同阿姐讲要多酱，阿姐即刻比多两滴豉油我，感恩！算，照食，但真系太少酱汁，太淡，食咗一嚿，成包掉左，买个教训！不会再试！
继续阅读
今朝去左呢度附近买𩠌，贪佢价钱都好贴地，买完就谂住顺便买埋早餐返屋企，就见到呢间易拎肠粉。之前听过住附近既朋友话过呢间肠粉好好食，所以就决定买黎试下。肠粉佢有两个价钱，$7/4条同埋$10/6条。价钱都相当之抵食，咁我就梗系买左$10/6条，因为买完𩠌都十分肚饿架啦。 肠粉叫左佢要多酱多芝麻，果然好好食，肠粉够晒热辣辣，食到肠粉既皮都系好滑，酱同埋芝麻都有比多，好惹味，仲要十蚊鸡黎讲真系食到非常之饱，抵食
继续阅读