明閣 (香港康得思酒店)

米芝連 2 粒星中菜館，環境寬倘清靜，坐得舒服，出品一流、服務滿意﹗必試﹗食飽飯再落樓下酒店酒吧度聽 live band、飲返幾杯，勁爽﹗五香燒腩肉，又名燒腩仔，五層口感，香脆、嫩滑、爽口、嚥哽、軟腍，脆卜卜，肉質比例完全恰到好處，點少少芥辣，食到停唔到﹗明閣炸子雞，不容錯過既炸子雞，連個名都同餐廳一樣，即叫即炸，雞肉鮮嫰滑溜、肉汁豐盈，皮薄香脆、無肥膏，身材勁 fit，點甜醋食好特別又美味﹗伴碟有炸蓮藕片，好香脆，好似食緊薯片咁，但健康好多﹗龍皇披金甲，真係估佢唔到，究竟咩來頭？個名咁猛？2009 年銀奬﹗原來係蝦膠釀龍躉腩﹗最下面係龍躉腩、中間係鮮蝦膠、最上面再用龍躉皮夾住，三種口感，腩肉好重鮮魚味、充滿肉汁、腍滑非常；鮮蝦膠彈牙無比；魚皮嚥嚥哽哽、廉廉既口感，整件炸得十分香口，配搭近乎完美。如與配菜豆苗或小棠菜同吃，可去除多餘油膩及煎炸感，口感更清新﹗還有炸得香脆既蝦頭伴碟，連殼都食埋﹗脆芝士龍蝦伴醋香鮑魚天使麵，個人而言唔多咁口味，創意十足，仲攞過奬。鋪係開邊龍蝦上面既炸脆芝士太硬、無咩味，我每次都會去掉，淨係食龍蝦肉，肉鮮、爽口彈牙。鮑魚，覺得好似蜜餞鮑魚，我會去左外面癡笠笠

响 openrice 度見到好多人讚已經想試好耐, 但打過黎幾次訂位啲 2 人枱好快 full, 終於俾我今日夾到天時地利人和黎嗒嗒啦 ............我地揀左幾款點心, 仲煩惱緊好唔好炒野, 見到對面枱個伯伯好寫意咁一個人嗒緊碟肉絲炒麵, 即刻望下個 menu 啦, 點知有喎, 搵過姐姐問下原來果日廚房有材料, 就算 menu 冇都會整, 我地仲唔拿臨 order 整返個咩 ............. 香煎墨魚餅, 好爽口, 我好鍾意呀 ....... 鮑魚雞粒酥, 隻鮑魚話係 28 頭鮑, 都幾大隻架, 好有咬感, 正正, 個雞粒酥味道都唔錯, 但老公話轉用酥皮會仲好味喎 ........ 香茜帶子餃, 個皮好薄, 好似入口即溶咁, 正正 ........ 小籠包, 好 juicy, 個皮又薄, 又係正正 ......... 乾貝燒賣, 好大粒, 味道一般啦, 冇乜驚喜 .......... 肉絲炒麵, 麵線好幼, 炒得好乾身, 繼我响銅鑼灣辣蟹莊食過既炒麵黎講, 呢度係整得一樣咁好食, 但好大碟, 我地食唔哂要打包呀 .........難怪咁多食評都讚既, 真

真係好多謝R先生既介紹，這裡已經吃過好幾次晚飯。 水準仍然保持到，環境可以，服務又好，而且價錢亦不是很貴。 於是今天預約了枱請媽媽飲茶。鐵觀音，茶味可以。瑤柱蒸蘿蔔糕，好味，不是只用粉漿開，吃得出有一條條的蘿蔔絲!明閣流沙飽，甜道適中，流沙餡料做得非常出色，勁點推介。飽魚雞粒酥，飽魚原隻上，都大隻; 雞粒餡加蛋黃做成既酥都好好味，推介二!黃沙豬潤腸粉，豬潤新鮮嫩滑，配合厚薄適中既腸粉，都好好味。春卷，細細條好脆口，餡全是新鮮爽口既蝦，一絕!真係好滿意，會同老公再去食啊!

天天老火湯: – 是日例湯係清補涼豬骨湯，都幾甜，應該真係煲咗好耐。乳豬拼义燒: 乳豬超脆，好香口。义燒就普通，瘦咗啲。龍皇披金甲 : 味道同口感都好特別同豐富，蝦膠同魚肉都好鮮味好配合。個炸蝦頭勁脆。橙花炸豬柳: 豬柳質感怪怪哋，好似用梳打粉醃過咁。但個汁都做得好好，唔係嗰啲好假0既顏色水，有新鮮燈汁0既味道，好開胃。澳洲大肉蟹: 隻蟹OK，都幾大隻。但係個伊麵底太 “淋”。蝦子鮮菌千層: OK，蝦子份量都唔少。鹽焗雞 : 應該個waiter miss 咗呢味餸，我哋差唔多食哂其他嘢先至發現呢樣嘢未嚟。問佢係咪冇落單，佢入去廚房check咗2分鐘就攞碟雞出嚟。Anyway, 隻雞好滑好有雞味，但係層皮超厚超肥，所以冇食到。鹽焗雞跟兩種醬:沙薑同薑茸，薑茸ok但沙薑就咸咗啲。連白飯茶介，埋單$1,768.80佢哋話食到呢個amount可免費join member，永久享有85折優惠。YEAH!!!!我哋一定會試吓嚟食午市

兩年前有位同事加薪，於是帶我去試食「明閣」。 果然無介紹錯! 我們若有喜慶節日都會去食飯。今次我們點了髮菜蠔豉燉湯、明閣炸子雞、腐竹銀杏扒雙蔬和咕嚕肉。 食物水準保持到， 味道好好。 尤其燉湯， 無味精又夠味。 一定要試既炸子雞， 皮脆肉嫩，連伴碟既炸蓮藕都整得絕不 “馬夫”。

同舊同學仔飯局... 友人F話試下明閣... 去到先知原來都米芝蓮二星...本來打算懶懶地 叫SET, 但佢竟然得4人餐同12人餐, 我地得8個人... 唔通食12人餐?結果同友人L點菜... 八個人一共散叫左十道菜... 菜式設計有心思... 全部都好好味... 環境幾好... 價錢唔算貴... 侍應服務唔算好超班, 但我地食到十點幾, 上菜都唔趕又冇黑面, 服務都OK...總括黎講... 係一個好既飯聚地方多謝友人F推介, 哈哈(只有滙豐platinum有85折)

在香港獲得米芝蓮星的食肆,暫時看來中菜的表現比其它的國家菜來得有驚喜,這是由早前兩局的夜上海及六福,再和其它星級食肆出品的驚喜度作比較後得出的感覺.這次的星級飯局來到了旺角朗豪酒店6樓的名閣.由KC發辦挑選了這裡多個得獎名菜和食友分享.看見這裡的食評多是提及飲茶吃點心,米芝蓮ニ星的食肆不會就這麽簡單吧?更何況這裡有很多獲獎菜式,如果人數不多也難以一晚盡嚐。這夜三圍食友就可一次品嚐十一道菜的晚宴.醉鴿----酒的香味很溫和沒有苦澀的味道,味道是不錯,皮層吃起來帶爽脆但肉質卻有點硬.芹香腐竹木耳----這款涼菜有濃香的麻油味道,唐芹的香味加上木耳的清爽是很不錯的開胃小吃.腐皮火鴨絲----上層的火鴨絲吃起來肉質有點粗嚡,但下層的腐皮吸收了鴨汁的味道,吃起來又滑又有鴨香!配上帶微辣的調味感覺很特別.海生蝦炒蛋白----以炸過的大蝦頭圍邊作拌碟,先取過一隻來吃,炸得很脆,蝦頭內藏膏豐富,很甘香!但中間混和了蝦肉的炒蛋白更精彩!從橫切面可看到蛋白是像日式蛋卷般一層層的排列着,厨師高超的手藝表露無遺,蛋白的香滑及彈牙的蝦肉混和在一起,是今晚第一度難忘的菜式.蝦子鮮菌麒麟斑----頭尾及魚鰭用蒸的方

《飯局》之樂，在於食友們敢於跳出保守飲食法則，不再墨守成規於蝦子柚皮或什麼的，而是去發掘每道地方的招牌或特色佳餚，以往昔韻味為鏡，正往後廚．味之得失，這夜在KC統籌下於明閣筵開三席，看看獲獎無數的總廚曾超敬師傅，怎去處理平凡材料，令客人感受到廚功演繹出的驚喜。閒來無事相約幾位朋友來個即興小聚，已能嚐到不錯的粵式點心，實不用大費周章窮字當頭卻又高調地「追星逐點（心）」；《飯局》價值乃匯集一眾好嚐美食朋友，巧吃多嚐下比較不同菜館的特色及高下，是夜仗著人多，方能叫下龍皇披甲、蝦子野菌炒斑球及蛋白炒蝦中蝦等得獎名菜，連前菜起共十一道菜，席上相熟食友莫不期待。前菜剛清碟，主菜緊接而來，時間性拿捏得準，眼前蛋白炒蝦中蝦乃鎮店名菜之一，千層蛋白伴以脆炸蝦頭，伴以碧綠川椒葉，賣相討好，蛋白滑而不老，層疊層構成「千層酥」，較坊間平鋪直敘的滑蛋演繹，質感上就更為豐富圓渾，而伴碟的蝦頭膏香豐腴不可錯過。因越南之旅而錯過了六福一局，失之交臂，這回與眾人嚐到11道得獎名菜及店方招牌作，招呼及環境配套亦符合五星酒店應有水準，加上KC席間對菜式的解說，實在是打開新派粵之門的活動教學，謝謝搞手細心安排，亦高興身邊食友

Stir-fried shirmp with eggwhite $178: lots of eggwhite. the shrimp is fresh. tastes good!Deep fried pork loin with orange and honey sauce $128: the pork is a little bit hard. the sauce is good. Baked crab shell stuffed with crab meat and cheese $78x2: lots of crabmeat. light cheese. perfect!Woyu beef and musrhoom giftbox $98: very very small. the beef was dry. not good.Braised assorted musrhooms with fried bean curd sheet and dried shirmp roe $118: OK.Ming court speical fired rice with

跟舊同事聚會，去飲茶就最好，既然大家都對明閣有興趣，是次聚腳點就選在這裡。原本訂十二點半的，可是已經爆滿，要改至十一點飲早茶。大家笑說好耐冇較鬧鐘起身飲茶了。被安排坐偏廳，是寧靜舒適，方便傾計，但裝修不算雅緻，下次要搵個機會坐大廳看看環境如何。人齊，商議一番，最終叫些點心、小食和服務生推介的糯米飯，就是我們的Brunch了。打頭陣就是碧綠帶子腸粉，腸粉皮是明顯的偏厚，亦不滑，是要彈的；幸而帶子是大大隻，彈牙爽口又有鮮味，再配以不太咸的豉油，才挽回分數。賽螃蟹餃的皮則好得多，是晶瑩剔透，賣相吸引。賽螃蟹作餡料是第一次吃，又幾滑溜，但就不喜歡其加了薑粒，不單未能豐富層次，更影響整個餃的口味和效果。還有上湯浸鮮竹卷，外皮軟滑，但又不是過份的稔身，餡料豐富，亦有咬口，上湯味鮮，蠻有水準的。鵝肝豆腐千絲酥，原本是一客三件的，服務生見我們有四個人，主動說替我們多加一件，抵讚！外層是炸得香脆鬆化，可惜吃落鵝肝的甘香味薄弱，跟我預期的有所出入。炒蘿蔔糕十分香口，質地不會太削，很結實的，又有腊味既甘香，再配合炒過的洋蔥，更惹味，總的是很好吃。吃得辣的話，醮些豆板醬食，更是人間美味。這裡的豆板醬，同樣是很

牛咪牛，繼續牛…怕你啊…哈哈$268。黑松露油香煎和牛：輕煎的澳洲和牛入口即溶，和牛上有少許炸乾葱、黑松露、黑胡椒碎…其黑松露味芬芳…和牛嫩滑，肉味香濃，滿口油甘香，肥得有理！$198。巴辣黑真豬：個名好得意，又係辣野，我必定要試試。果然不失所望。是泰式燒黑豚肉，可吃到濃郁的滷水味，豚肉煎得很香，拌上酸甜汁醬同吃，十分醒胃，不足之處是略嫌未夠辣。 唔好意思，執意點左'豬'，哈哈哈

心癢癢想買一台相機，於是相約對相機甚有研究的老友記來討論一番。要買相機東西，旺角當然是首選要逛之地，不過此時一想到尋吃的落腳地，就大為頭痛了。總不想求求其其吃一頓，把心一橫，決意走入這米芝蓮星店喝一餐茶。買相機那樣大投資都用了去，對待自己的肚子，那就更不應怠慢了....被安排在偏廳中坐下，環境幽靜，位與位之間亦見寬敞，可以靜靜地與老友閒話家常一番侍者也算服務貼身週到，彬彬有禮，保持一貫酒店水準.....與老友談笑之間，一味味的點心已不知不覺的端來。談得興高釆烈之時，原來已將饑腸鏕鏕的感覺亦可拋諸腦後的.....蝦餃看起來賣相甚佳，在四件餃當中擺上一小件很微型的碧綠小餃，很有心思也很美觀。澄皮吃起來自覺有點過於厚身，登時有些失望不過夾起來卻感煙韌不易穿；餡內仍留有少許肉汁，不錯；蝦甚大件頭亦夠爽鮮，但筍粒下得不多，少了些爽脆之感。吃着起來，看來還是以蝦肉、筍粒及肥豬肉作平均分配的傳統貨色較合自己心意....义燒腸粉同樣感到皮厚，用來填飽肚子就固之然是恩物。义燒本身則蜜味甚濃，肉質不覺散及脢，豉油調得不過鹹，還吃得過....太太點吃了她最愛的流沙包。用手一搣，奶黃輕瀉而出，但份量只是輕微，

Full review can be retrieved on www.geoffstwitchen.com Finally I can at last focus on my food reviews in Hong Kong & I have definitely missed this side of action after writing so many articles for my restaurant visits in London, Paris & Lyon. Per my departure from Hong Kong to Europe, I recieved this very bright news that our beloved Ming Court from Langham Hotel has just be awarded with 2 Michelin Stars (http://geoffstwitchen.com/?p=810), now this is definitely great news for the restaurants on

係旺角行到倦, 男友提議食中菜walk-in 有位, 好彩點左花旗蔘煲嚮螺頭湯, 蜜盞火腿及菜苗個湯超甜, 好好飲蜜盞火腿有D硬, 而菜苗就一般

今日做個孝順女，帶媽媽嚟依度飲茶我不嬲都唔鍾意落旺角，但係睇完忽周推介依間酒家，就硬著頭皮點都要帶媽媽嚟食雖云得兩個人，但係我地都相當"擦"得，分別叫左梅菜叉燒包(一籠3件)，流沙包(一籠3件)，黃沙豬膶腸，魚蓉珍珠苖燒賣(一籠4粒)及東星斑粒煲仔飯讚：- 樣樣都好食，特別係流沙包，食得出起沙咸蛋黃，好有質感- 分量足夠又足料，相對地價錢合理- 服務周到細心- 環境清雅，雖然好多人幫襯，亦坐中間位，但係一啲都唔覺嘈彈：- 唯一彈嘅係佢開喺旺角囉 (其實唔關佢事，係我個人問題）雖然唔知幾時再有機會幫襯，但係我會推介大家喺依度飲茶，特別係for 啲鍾意靜嘅人