明記腸粉

营业中

休息中

見收5點即刻1655跑過嚟，點知拉半閘，入去就兩隻手做晒手勢話關咗，如果明明開業時間提早關門，不如寫4:30前落單等等字眼，有個預算失望，態度亦冷淡回態，不會再去 1700關門得啖笑

【北區】【明記腸粉】我公司係乜人都有，有時都聽到唔少有關飲食嘅八卦。聽佢哋講，喺北區嘅臉書群組裏面有人投訴呢間「明記腸粉」態度差，但係佢哋就唔係好信。原來呢間「明記腸粉」係喺第二個位搬過嚟嘅，當時都略有聽聞，不過我冇為意，咁既然經過門口就食佢啦。朋友食咗碟 $23 嘅「腸粉四條配魚蛋豬皮」，就係有四條腸粉同埋魚蛋、豬皮，都幾大碟嘢，同埋係夠飽嘅。佢飲 $13 嘅「低糖豆漿」，都係豆美味嗰隻。我就食都係 $23 嘅「腸粉四條配咖哩魚蛋豬皮」，多咗咖喱兩粒字就係多咗少少辣，係有層次咗嘅。味道上我覺得成碟都可以，因為佢哋係自助混醬嘅，自己中意點落就點落，畢竟甜醬、麻醬、辣醬、芝麻都係一碟腸粉嘅靈魂，自己最清楚口味。飲品我飲 $20 嘅「明記斑蘭薏米水」，自家製，好飲。埋單 $79，我覺得店員態度 okay 喎，仲有自來貓玩。。。（地址：上水馬會道148號地下B號舖）

呢間小食店賣嘅野好簡單，就係腸粉、魚蛋、豬皮、燒賣、炒麵同炒米粉，咁少嘅嘢都頂到一間鋪嘅舖租真係一啲都唔簡單。嚟到唔使煩就當然會揀套餐，今日係做一個A1套餐一個B1套餐，大滿足。A1套餐就係四條腸粉加魚蛋同豬皮，佢嘅腸粉真係好食，好滑，豬皮我就嫌佢太過濕。自己出去唧花生醬辣醬同埋落芝麻，可以除自己嘅喜愛之多啲少啲都冇問題好正。B2呢個餐就係魚蛋同豬皮配豉油王炒麵，個自由和炒麵真係整得幾好，熱辣辣，連啲麵堆中間嘅地方都熱嗰吓勁。

腸粉尚可，醬汁好味。如果唔落醬的話腸粉並無驚喜之處，滑唔係特別滑，味道都唔係有乜好………..所以間鋪可取之處係醬汁，而且係可以自己出去落醬，落邊款醬～份量自己話事，個人鐘意佢嘅花生醬！如果唔想要鼓油記得落單果陣講走鼓油！ 炒米非常非常一般，不建議點，snack express都好過佢。魚蛋係陳皮魚蛋，咖哩汁並無特別。少少餓想醫下肚不錯的選擇，環境乾淨舒適，同埋店內有可愛貓貓。但女店員態度少惡囉著重服務態度的人勸你地就唔去入去喇……..

真係唔好睇小呢碟野，簡簡單單嘅腸粉豬皮魚蛋但係味道一啲都唔簡單，呢間店之前喺上水另一邊，原來衣家搬咗黎呢度，繼續都係自助混醬，繼續都係咁好食。腸粉夠滑，陳皮魚蛋細細粒夠彈牙，好香，豬皮繼續爽脆，撈麻醬甜醬芝麻就係人間美食，而呢間上水腸粉店直頭係上水名物，必吃。

以前喺巡撫街嗰邊舊舖食咗好多年，之後話光榮結業都不知幾傷心，原來搬咗去上水另一邊，今日終於去試咗，水準保持到，仍然係咁好食，感覺上價錢同之前差唔多，我覺得其實佢應該加少少價，因為老實講如果佢哋生存唔到損失嘅就係我哋呢啲為食人，因為佢唔做我哋就冇得食。新店依然有以前嘅套餐，就係主打腸粉然後再加魚蛋豬皮燒賣嗰啲，我哋一個叫咗腸粉加燒賣另一個就叫咗腸粉加豬皮，腸粉繼續係好滑同埋唔會黐埋一pat，豬皮繼續都係好爽，燒賣其實一向都係一般，不過就係心思思想食。

A4套餐 - 腸粉(4條)配燒賣 - $28腸粉都幾滑身，熱辣辣出爐，醬料係自行調加，唔洗好似其他店咁擔心老闆某個醬加得太多，某個醬份量好少咁。燒賣口感夠煙韌，加辣油食就更加惹味。B4 - 炒麵配燒賣 - $29想再飽肚d可以選擇叫呢個餐，炒麵份量多，麵條濕潤程度岩岩好，都幾彈牙爽口。味道偏淡，可自行加入醬料調味。

食物好ok. 腸粉滑。魚蛋豬皮好吃。醬料自己落。有皮蛋瘦肉粥吃，是自家制。有隻自家貓，叫星星，會親親啲客隻腳，得意。不過有位短頭髮阿姐，態度差到好像全世界欠了她，會隨意鬧啲客。見到有位容，想付八達通不成功，但咁啱冇現金喺身。佢又大聲話個客「點會有人連現金都冇就出街㗎！」。黑晒面咁。之後有個客自己落醬，吾知腸粉已落左鼓油，佢又話個客「腸粉白色加麻，落左鼓油咪吾係白色囉」都吾明點解會請咁嘅人做嘢……建議真係要再培訓先好出嚟做啦。吾好影響明記生意呀。

每次喺上水都好掛住呢間老字號腸粉，之前知道佢冇做超唔開心好彩後來見佢搬咗去新鋪，地點對我來講更加方便！新鋪更加光猛、坐得舒舒服服，保留開放式廚房，價錢同之前差唔多，一樣超級抵食！同一位老師傅，味道品質不變！腸粉有米香、超爽滑，最最正嘅係可以自己落醬 ！另外，亦好鍾意佢嘅皮蛋瘦肉粥，$21一碗算足料，食到尾都仲有皮蛋同瘦肉，食完唔口渴！仲要飲埋佢嘅自家製低糖斑蘭薏仁露，$18大大支，唔會好甜，天氣熱嘅時候超解渴！

上水重開地區老字號腸粉（4條）魚蛋（腸蛋）餐 $20明記喺上水多年嘅腸粉老店，先前因租金問題結業，依家重開捲土重來！新店保留馬老式搪瓷碟及油紙墊底嘅堂食腸粉，傳統感覺出哂嚟🇭🇰特別嘅係自助式醬料吧，重口味淡口味都冇問題！豉油係咸中帶甜，甜醬麻醬都夠濃，辣醬偏咸（建議唔好落太多）。腸粉較細&幼，偏煙韌，都算滑嘅。魚皮喺傳統陳皮魚皮，細細粒，又幾香口。價錢唔算好優惠，但考慮味道情懷下，都值得再食嘅🤔

明記搬左新舖位～ 地方光猛闊落左～我指定係會叫3式辣，魚旦豬皮咖哩汁，根往就係…最開心項目-有點狂既自助落汁🤣～～～ 🥜花生醬甜醬辣醬芝麻粒（因為呢～ 我係會將續條續條圈圈腸粉變腸粉皮食既… 掛汁掛汁寧捨好食😋 ）。粥呀～ 皮蛋瘦肉粥是綿綿的，又粥又腸粉飽飽der