明記黑山羊專門店

营业中

休息中

讚1.湯底好，羊肉羶得黎唔會太強，仲有啲甘甜，而且唔油；米線質感相當爽滑；羊肉份量足，薄得黎仲有啲咬口，相當好2.服務快手，雖然一落單就收錢呢下做法好少見，但夠利落，仲會問客使唔使搬張檯放袋咁彈1.椰菜餃子既餡太爛蓉蓉，變左無乜肉汁，呢下我唔太鐘意

因為係黃店💛，所以去食（第一次食）我朋友落單，叫要54蚊個羊肉米線(注意：我哋兩個睇咗好耐，都淨係見到得1個米線係價值$54)跟住個姐姐A講咗一輪野我哋完全聽唔明咁以為佢幫我哋落咗單啦跟住姐姐B (黑白色短髮）上左一碗「淨羊肉」我哋就問點解冇米線？跟住個姐姐就好惡咁話我地無講清楚話我哋落左54蚊淨羊肉留意返😂睇左好耐個menu都搵唔到54蚊淨羊肉呢個choice 😂😂叫我哋唔好同佢話 「唔知」勁大火氣 態度勁差之後我請佢換返一碗羊肉米線佢態度都勁差另外我就叫咗一碗羊肉牛肉雙併米線我個人就覺得兩碗米線味道都麻麻個羊湯冇羊肉嘅羶味（唔夠味）米線又好硬（真心哽胃）🤷🏻‍♀️總言之，我就一定唔會再幫襯。。。態度已經係一個好大嘅問題。。。黃店都係甘話架啦😔😔

今天我和男友來到觀塘逛街，由於 APM的餐廳價錢都比較昂貴一些，所以中午的時候我們便來到東廣場找餐廳吃飯，剛巧看見這間賣羊肉粉的餐廳，喜愛羊肉的我當然立即來嚐試一下No.1【馳名黑山羊米線】$54這碗羊肉米線採用了姫松茸蟲花羊骨湯底，所以湯底的藥材味相當重，我滿口都充斥著濃濃的藥膳味道，小口品嚐過後，藥膳的餘韻更在口中久久不散，讓人一試傾心，鳳髓龍肝！可惜的是，羊肉的質感有點粗糙和堅韌之餘，膻味亦非常淡，我只嚐到一絲絲若有若無的羊肉氣息，而且同時由於湯底太過「重口味」，所以很快便完全蓋過了羊肉的味道，我吃多幾口之後便已經嚐不到任何膻味了，如果是喜愛羊膻味的朋友們，一定會失望至極至於米線方面，餐廳的米線口感略為煙韌和有嚼勁一些，所以我們點餐的時候，很多食客都要求米線要淋一點，不過個人正正最喜歡這種煙韌彈牙的質感，簡直完全是「我的菜」No.2【自選三餸飯】$46由於男友並不吃羊肉的關係，所以他便點了一份三餸飯，配料分別是牛展、牛肚以及牛腩，可以稱得上是「全牛盛宴」！可惜三款牛肉配料之中，只有牛腩的味道較為出色，牛腩的肉質非常細緻柔軟，嫩滑多汁，細嚼慢嚥的時候，鮮甜無比的的肉汁更立即傾巢而出

來到觀塘做私人事, 自然又會去明記吃它的黑山羊麵, 當附近的舖頭和食肆還未開門又或是準備營業, 這裡已經客似雲來, 而來的當然是為了其羊肉麵, 羊肉肉質結實, 肉香和羊羶味純而不過濃, 湯汁有陣陣的藥材甘香. 今次用上上海麵, 外面囗感黏牙, 但咬下去內芯實在, 對比感可喜. 在這晨早清涼的初秋, 吃如此的羊肉麵有種暖在心的舒適. 今日雙十除了是民國國慶, 順帶一提, 也是黃店的黃金週, 大家也可以多多支持就是.

最近我地試左pickeat本土跨區外賣自取平台，佢地集合左5+1 良心小店，仲要零運費，買一盒都得！一定要支持下啦😉😉今次我地一口氣叫哂幾間同屋企人一齊試下外賣黎到包裝得幾好, 送到黎都仲係好夠熱架😍😍先呢間明記黑山羊 叫左兩碗都係餸同湯分開裝，確保黎到唔會淋哂，夠細心👍🏻🔹馳名黑山羊米線 配姫松茸蟲草花羊骨湯底 ($55)羊味好突出，連湯都係羊骨熬製，同羊肉非常夾架，唔怕膻嘅朋友一定會鍾意😛🔸馳名厚切紅燒牛肉上海麵 ($49)紅燒牛肉上海麵都唔錯，十分足料，牛夠哂淋同入味

係附近玩到夜左，十點幾先食晚餐但好多餐廳已經關哂門或者last order 左。咁岩行到呢間明記見到店內full哂，反而隔離有間一枱客都無，咁就入左明記食。🔷自選米粉 （三餸） 💰40（牛筋、豬紅、椰菜餃）叫左個自選米，因為實在太耐無食過車仔麵，自選米個湯底為金華火腿椰子雞湯，但老實說就真係食唔出邊到有椰子味同雞味。3餸方面就牛筋最為出色，好有膠源味而且口感好滿意。但個椰菜餸就普普通通，食落唔似係自製，因為個餸子皮扣左分。但店舖員工嘅態度都好唔錯，當日已經咁晏都仲咁好客。

只要仔細發掘，觀塘都有唔少好味、抵食嘅黃店！今日行過呢間觀塘見客，見到近下午茶時間，真係好肚餓！眼見佢公司附近都係得啲頹飯餐廳，真係無諗太多，打開app睇到呢間黃店就即刻去食了～果日叫左個羊米，湯頭好清新，無咩騷味，而且大大碗，抵食！最欣賞係佢個蛋，外面滷到岩岩好，入面個黃都仲係有點糖心。真係有好蛋店個比實心嘅boil egg架🙃 仲有麵底好滑，爽口彈牙，菜又多，呢餐食得好均衡！埋單都係同係譚仔加底、兩餸差唔多🙂食食下都好想飲野，可惜呢個餐無包飲品，如果品係就抵食過譚仔啦！

同朋友第一次嚟試，嗌咗黑山羊上海麵、細雜燴。 細雜燴好足料，三個人都夠食，豬紅有咬口多汁唔腥、豬皮爽口彈牙、蘿蔔非常清甜冇渣入口即化、魚蛋正正常常。個汁好夾，唔會搶咗其他食材嘅味。☺️黑山羊麵好香，雖然一嚟嗰下好重味，但食落唔覺，羊肉同湯底完美配合，帶到羊肉嘅香味，湯底調味適中，飲完都唔口渴。加埋辣椒油同酸菜更加正，成個麵昇華咗。🤤加咗釀豆腐，香口唔油膩，同個麵幾夾，魚肉真係釀到入去，唔同出面甩皮甩骨嗰啲。成餐都唔覺好重味，食完三十分鐘都唔會口乾，下次經過會再試😆😆

自從後面街間羊米難食又變左藍店決定要試下呢間明記唔經唔覺, 佢係附近就開左3間店心諗唔會伏得去邊今日行過, 嗌左個羊米多蔥返公司食打開個下好驚訝好多料有蛋! 小棠菜! 酸菜! 羊肉! 蔥湯就得返好少可能由東廣場返官中需時只好當湯既精華俾米線吸收哂味道方面有少少失望只能就配料太多花巧野,姬松茸蟲草花湯底好似好勁但就會搞到羊味不足翻2翻, 已經滴湯都無我覺得好似食緊自己屋企放假既食既野咁建議可以問多句客人需不需要分湯最後係一個忠告大家千萬唔好嗌咖啡如果嗌記得少甜糖水好多, 我飲唔到其他味

今日衝左出觀塘洗牙順便食個快飯🤪記起呢間明記紅燒厚切牛肉米線超級超級正，以前我係附近返工成日食，後來轉左工唔近觀塘冇乜點食會成日掛住，知道佢又係良心小店🥰💛我今日要再去重拾舊夢😋.我次次去都係食佢的厚切紅燒牛肉麵/米線（$49）一碗麵有四五舊大牛肉，大大碗之餘佢啲紅燒牛肉正到喊，如你所見一層筋一層肉，而且入口即溶！🥰超級嫩無牙都食到！超有我去台灣食牛肉麵嘅感覺！佢啲牛肉真係冇得彈，佢個湯底都好濃郁，不過我麻麻哋佢呢度嘅幼身上海麵因為比較腍，我通常會轉米線，今日忘記轉米線有啲失策😅.聽講佢嘅黑山羊米線都好正但係我本身係唔點食羊因我怕膻味，我幫襯左咁多次都冇勇氣去嘗試，不過下次都會試吓🤪.店名：明記黑山羊專門店 觀塘成業街7號東廣場地下G16號舖

觀塘吃黑山羊的店舖有兩間, 一是老表, 另一家是新開的明記, 前藍後黃陣容分明. 對我來說黑山羊和其他中式羊肉菜式, 味道與口感也很大分別, 黑山羊很少脂肪, 口感更實在, 羊羶味較輕, 簡單來說就是較易入口而且更健康. 明記黑山羊米線份量不少, 無論是肉和米線的份量. 米線口感爽口, 比傳統的來得硬身, 我頗喜歡. 羊肉先天口感和味道也不是傳統的那種, 但湯底用上羊肉湯底, 味道柔和, 加上湯內加上松茸 m, 其味道也和柔和的羊肉羶香互相配合. 至於我另點的牛肉用上牛𦟌, 又是大件頭之作, 鹵得甚為入味但和湯底不太配合. 不過單是以羊肉, 羊湯和米線而言, 舒服之餘也夠飽, 已夠成為我其中一道的Comfort Food.

經同僚介紹，今天打風過後首次去官塘東廣場堂食，品嚐明記店黑山羊米線招牌菜，食物比理想中爽口彈牙，羊肉亦嫩滑，湯底香甜，頗有新鮮感，但覺得飲品應包理，雖有優惠價，若$54包埋熱飲就更好，謹此爲首次去光顧而作一打油詩抒懷~😋🍜🍖🍗羊肉米線胃口開東廣場內明記來打風過後易堂食爽口饕餮嚐新菜😋🍲🍜🍵

對上幾次食都係食黑山羊米線羊份量都夠唔太羶配埋個羊味湯 好鬼正今次就試下佢個金華椰子雞湯車仔麵無油甘滯嘅湯底 正呀份量好足 我今日就試左牛展 釀豆腐 牛肚加埋任加嘅酸菜 少少酸辣 更加胃口大開樣靚味正架！！！朋友就食番招牌黑山羊配飯睇黎都係隔離飯香 我係甘夾佢啲羊同攞佢啲湯好快就成碗清左唔知我個車仔麵可唔可以轉羊湯底架呢加6蚊就有埋飲品 冷熱都得再加埋my favourite 腐乳通菜（$16）大胃bobo表示好滿足！1️⃣向好sensitive to味精嘅我 飲左咁多湯都無口渴呀

話說lunch約咗個靚女食飯， 但食完之後係唔夠飽嘅， 去到四點零五點鐘已經開始feel 到肚餓， 走在觀塘東廣場嘅附近~ 開app入去望一望， 呢間明記黑山羊專門店竟然係好L鍾意香港嘅， 正呀~我鍾意食羊啊~ 轉角位嘅呢間小店， 無可否認係設計簡陋咗啲， 仲有幾位類似x仔阿姐， 不過呢幾位阿姐都好有禮貌咖， 其實乜嘢image或者講咩語言~同取向係冇直接關係嘅。5點幾鐘啦~ 阿姐過嚟同我探咗熱問我食乜嘢快手落單啦， 最簡單就要羊肉粉~ 下午茶時間仲送嘢飲~ 招牌就寫住呢個羊肉粉係用姬松茸蟲草花羊骨湯~真係好鬼吸引，嚟到個賣相都好吸引， 其實都有好多片不過佢就擺得唔靚~ 作為一個肚餓嘅人亦都冇心機去幫佢擺返靚先影相， 中度厚切~好淋好鬆軟， 唔係燉到一pat嗰隻呀， 羊肉味香濃咬落仲有少少彈牙， 湯底清甜係清湯來咖~有清香嘅羊肉味~鮮，加埋佢前面嗰啲酸菜，成碗粉增加咗特色，不過咁~如果你想食清嘅就真係唔好加， 因為真係成碗粉嘅味道係變咗濃香~我食完先發覺呢原來佢仲可以揀上海麵同埋米粉嘅，其實我自己對米線就麻麻哋，下次要食米粉再試埋佢個牛羊雙拼~

客觀講，佢既羊肉同湯底還好少少un，唔算太酥但係，米線硬到好似未煮熟咁成個麵食唔到落肚，大佬🙄🙄🙄得我一個客，都煮成咁連飲品收成60元，真心完全唔會再來大家自己諗諗🙂我自己就嚴重地不推