影片
有一日同妈去食早餐，咁妈咪好少出街食早餐，唔系好识叫，但个女侍应就系咁好冇耐性想催人点野食，收银个老板高高瘦瘦啲眼神又系好奇怪，态度鬼鬼鼠鼠，收完钱又唔讲句多谢，好似得罪佢咁，食过第二次，态度都系咁，唔系错过，唔会再嚟，再入去都唔系食得舒服，嘢食水准一般般，唔可以话系差，但态度就唔会好
继续阅读
📌粉岭有种味，叫街坊味。今次平民食堂系屋企附近揾食，说来惭愧，身为街坊今次先第一次黎帮衬。小店保留左旧式冰室既装潢，今时今日既香港买少见少，非常有味道，而老板同客人之间友善既互动，有种好似回到昔日香港既感觉 一 明珠冰室 🐔生炸鸡髀肠仔煎蛋饭 $55同和顺记一样，系坊间越黎越小见既生炸髀，炸髀都算大只，而且炸得几香口，加埋肠仔蛋同甜豉油，简简单单又一餐🤤👍🏻📍明珠冰室地址：粉岭联和墟联安街27号地舖
继续阅读
港式早餐不外乎都系一个面配肠仔/餐肉/火腿/蛋再加个包，个包一般都系多士或者餐包，又或者近年大热嘅丹麦多士，菠萝油通常都系独立存在，好少跟餐会有。 黎到明珠冰室，今次叫左沙爹牛肉面，面底系福面（比较少见，可能我见识少），牛肉唔会用好多粉去腌。火腿太阳蛋，太阳蛋最紧要有㶶边，蛋白唔会太生，蛋黄完整无烂。重点系跟餐迷你菠萝油，真系比较少地方有。 环境方面系怀旧装修，整体上都干净企理。怀旧冰室买少见少，近年好多都系新派扮怀旧，做唔出𠮶种感觉。
继续阅读
晏起身又想食早餐，钟意明珠冰室早餐到12点都仲有得叫。其实过咗早餐时段，都有常餐全日供应嘅，午餐唔想食得咁劲就啱晒。楔喺枱同玻璃之间嘅餐牌，望落简单唔系话好多款式，有啲系颓饭feel，但唔同嘅配搭都足够俾你选择，另外仲有每日更新嘅午餐牌。简约旧式冰室装修，环境干净企理，座位唔多，好多街坊都经常帮衬，平日都要等一阵位，假日直头好多人排队，所以我通常平日先去食。#港式早餐 $38叫咗C港式早餐，有唔同配搭可以选择，沙嗲牛肉大块，沙嗲汁浓郁，份量唔少，个面系用福面，面质煮得刚好，汤底够多。炒蛋炒得好滑，就咁望都见到有蛋汁，火腿有煎过，配咗迷你菠萝包。#西式早餐 $45另外叫咗D西式早餐，即煎猪扒热辣辣，腌得入味唔干身，猪扒边位同骨位都煎得几焦香，餐肉烟肉煎得香，茄汁豆我本来就一般，但系佢个茄汁豆有啲唔同，可能佢系有煮过，其他地方嘅茄汁豆系冻嘅。有牛油多士同炸薯饼拣，梗系拣炸薯饼啦。同埋钟意佢个冻饮够大杯，旧时啲冰室通常用透明细胶杯，有啲唔够饮。总括嚟讲系用心制作，有heart去煮嘅，食客一定feel到。#明珠冰室地址：粉岭联和墟联安街27号地下
继续阅读
传统冰室模样，一碗一筷都系𠮶只feel, 店员多系后生仔，感觉怀旧得嚟有活力啲。食过两次，第一次都系人地推介。嚟第二次，出面等候嘅人已经比等一次多好多，睇嚟已做到口碑。试过后果真不错。同区茶餐厅大把，同呢度同feel嘅少有。食物——配嘅面包竟然系菠萝油！正呀，抵食！个蛋觉得好足呀，又滑，出面有啲好似得半块蛋皮咁咖🥲福面，好虾人煮，但呢到都煮得岩岩好，唔会放到淋哂。卫生方面，餐厅唔系开好多年𠮶种，so far 2次去都好是正。服务就无乜，胜在快靓正，落单无覆单但系无漏无错嘅，classic 冰室style。餐厅系细，但座位枱面够阔，坐得舒服嘅。👍🏻
继续阅读