明洞 (已搬遷) 新店位置

講起明洞真係可以話一間非常港式既韓食店，我只係幾年前幫襯過，當時仲係外賣店，但覺得啲炸雞唔好食就冇左幫襯過，直到最近朋友話想食韓國野，咁新北江選擇只有呢間，所以先再黎食，不過都係麻麻冇咩改善。前菜泡菜冇辣味又唔夠酸，翠玉瓜味道淡而無味，得黑豆甜甜地，有啲似食提子乾，比較好食。泡菜豆腐牛肉湯飯 真係冇咩韓國風味，湯唔夠香辣濃郁，牛肉比較碎，豆腐亦唔算多，一啲都唔滑，好普通既湯飯。

今天去了新北江搵野食，行過見到有間新開的韓國料理，便想試試，當天想吃湯飯，便點了個牛肉泡菜湯飯，下午茶時間$38蚊包一個汽水飲品，回家一飲個湯，個湯是偏甜的，而且好勁的味精，吃了幾口已不吃了，不會再有下次。

其實係呢個商場仔食野真係唔諗住會有幾好既服務態度...3個人去到嗌左個二人餐...半隻人蔘雞再加個撈飯....一開波到左碗湯嗌條女俾三個碗仔''不''湯飲....已經黑口黑面咁問我地已經有兩碗飯點解仲要碗仔...喂大佬我實係要湯撈飯嫁咩之後都唔鬼理佢繼續食....到食食下佢響格離汁碗...勁大力掉野掉到d汁都彈哂落我d野食到...我自己成手都係....到我問佢做乜春野個陣...佢仲扮哂無辜咁問返我做咩事...之後死左入廚房唔敢出黎明洞既老闆我真心想同你講...你既野食唔係差...但服務態度差到咁既情況我肯定唔會再黎...你可能覺得小我一個對你生意唔會有影響....但我相信我唔會係第一個更加唔會係最後一個...

雖然有報道馬鞍山頹食都排長龍,但天水圍也好不到幾多.所有的食肆都人山人海,在這新北江商場內間間都爆滿的,我與友人今天試試這商場唯一的韓食:明洞第一印象是這店的店員極少,很忙,禮貌也不是很好,總是粗聲粗氣的,加上一大堆人在門口叫外賣,自然是亂上加亂.不過也有很多點不太好的,比如說是客人一坐連餐牌也不給,總是要客人舉手問,無論那一客人是幾多位都好,前菜都永遠都是那三小碟,看著四位客人的吃前菜,都不禁露出尷尬表情.而且還有一位頭上貼著散熱貼的店員在店內走出來,一邊喘氣一邊幫忙,真是看到也覺得辛苦了.也罷,還好只是吃過一餐半餐,來的時候剛好天氣很熱,胃口也沒怎有,看到四週其他客人點的鐵板餐,未吃也己經覺得熱了.剛巧看到有一個水冷麵,二話不說的點了這一個菜.送上來的時候那半邊熟蛋是反著的,我看其他的食評都是反著的,不過我個人覺得不太美觀,友人替我反回來的時候才拍照,水冷麵湯底清清的,有微微甜酸,麵條很軟身的,有點像廣東粉絲,不過看到麵中間有點麥顆粒.雖然是挺軟身,不過帶點嚼勁,不是紅薯粉那種級數的程度,而且很掛湯.正如我說,很像粉絲,雖然有點麥粒,不過很依賴湯底的味道.配料除了那半顆熟蛋之外,還

Kawai 家住屯門十多年，不過我是老是常在屯門元朗玩蕩失路，所以人家問到有咩好食，我只是識答屯門市中心那幾間店，都真係好悶下～其實我返到屋企係落樓下都覺得遠，這些好像是叫宅還是廢物吧！因為這幾星期都要窩在天水圍開會及上課，馬死唯有落地行，被迫出去食飯了！所以這個系列是會不停出現，直至我做返中環人吧！這天放學後已經快７點，家中主廚罷工，我就去左新北江找吃了！老實說，新北江真的好混亂，一年多前因為要食紫薯手抓餅而入來，這次已經又亂了，也好，可以亂打亂撞看看有什麼好吃的！最後落戶了明洞，好明顯明洞是賣韓國食物吧～店員先送上兩小碟前菜，黑豆甜甜的很好吃，又不會太淋，泡菜酸酸辣辣味道正常，作為開胃菜也不錯。我點了泡菜豬肉湯飯 $47，個泡菜湯酸酸辣辣地味道正常，入面有好多泡菜同埋有豆腐，而豬肉係用五花腩片，鍋裡都有成七八塊完整的，不過湯就唔係太熱了，屬於即時入得口的温度，食到尾聲發現蛋白也未能煮熟。價錢對得住份量，屬於抵食，除左主菜湯飯外，仲會跟白飯一碗，前菜2碟，飲品一罐。女仔食完會飽，就算不夠的話，加炸雞紫菜包飯都是十多廿元，多Ｄ人食可以叫到成台好震撼的畫面都係人均幾十蚊。除左環境比較混亂

一直好期待食，價錢：比較便宜，但食物水準同尖沙咀比較的話，大家都差不多，我覺得仲好食啲呢但地太少，出出入入都被撞，不太舒適吧食物方面：夠熱，新鮮唔似整定，味道好仲要唔重味精感覺，抵讚

去之前沒有期望，去之後更加沒有期望。晚上7時左右去到無需等位可以直接入座，入座後侍應給了我們幾小碟前菜，泡菜偏酸，大豆芽及海帶沒有味道。原先諗住食韓國菜，點都要叫一個石頭鍋，但嗅到隔離枱嘅燒燶飯味後，立即決定不叫石頭鍋了。點餐後等咗一陣，食物陸續上菜，一如所料，全部都係港式韓食。餃子年糕湯內的餃子好味，但年糕淋到完全沒有口感，個湯好味精 ; 泡菜五花腩辛辣麵湯底的辛辣度連韓國的一半都無，五花腩亦只是碎豬肉片 ; 豬肉辣醬拌麵上枱時沒有辣醬，要送回廚房再補辣醬 ; 章魚辣醬拌麵得章魚碎，而且章魚的味道同前菜一樣係沒有味道的 ; 泡菜煎餅有泡菜汁顏色，但食落粉多過泡菜好多 ; 雙拼炸雞根本只係炸雞件加辣醬，而且份量好少。總括而言，如果預算不多，只係想食一個名稱上的韓食，而又對食物質素要求不高的話，可以一試。

其實他們剛搬大店的時候我已經想試試，因為門面看到食物圖也不錯。小插曲:第一次lunch來到問外面站在收銀的男人(應該是老板)有沒位置，他用大陸口音廣東話燥魯答我: 我好出奇問: 見入面仲有一半人食緊，仲有位置，佢沒答我，之後有人問menu佢又答，我覺得佢好無禮貌，就算有事唔開住都可以解釋返，都唔應該態度咁差!! 完之後過左成個月我妹妹話去試試，好! 俾多次機會佢，今次又係呢個男人 點餐叫貨都用10倍分貝大叫出黎，店內另一個阿姐都係咁 講返食物，點餐下來了2碟泡菜小吃，甜甜的黑豆好好食忘了拍照，叫左個芝士泡菜豬頸肉炒飯，芝士係整得幾好，都香濃，炒飯炒得唔錯，不過豬頸肉少都搵唔到泡菜聽說是自制，做得有點過酸~ 70分另外一款泡菜煎餅，嘩! 真係超厚粉，除左外層邊位脆其他的粉好似未熟咁 每人最多吃到2塊泡菜很酸沒辣味，希望唔好加咁多粉漿，薄一點就好!

一入去我老公已經想走因為個地面都幾濕滑...但係我想試下所以唯有忍la。我地叫左紫菜包飯，鐵板春川雞柳，海鮮韓式煎餅，仲有杯雪梨花蜜熱飲。紫菜包飯直接錫紙包住一條擺係檯面俾你...都幾方便？😞個煎餅太多麵粉料少，至於個雞柳係勁多油，個飯重要凍既！仲要漏單...食到一半問返我係咪有杯野飲。味精重到我係咁飲水都解唔到渴呀！試過就算

我見肚餓，就唸住下午無咁多人去食呢間，服務員的態度不是個個都很好，菜單方面，都係一般韓國食物，不算太特別我叫了一個辣雞肉石鍋飯。另外，一個餐附送埋飲品，送餐時間都算快，食落去都唔係好辣，而且有啲泡菜俾你開胃，感覺都幾好，啲雞肉唔算好多，食完之後好飽，整體來講，係天水圍呢啲地方算ok啦

2人行,見到呢間野最近開於是試下,由於中午時段都幾多人,餐廳安排攞飛既程序都不見得好,有點混亂。一坐低,坐位超逼,侍應傳餐都係d客人頭上劃過,好危險。先有3碟小食芽菜,冬菇。餐牌選擇都算多,野飲都有5款以上罐裝飲品選擇,不過侍應忙既時候會叫你自己去雪櫃拎。叫野食本身想叫炸雞,但係話冇,所以轉左炒年糕,仲叫左韓式燒餅,海鮮湯。先黎炒年糕,d韓式湯汁好多,年糕煙靭程度,口感同平時係其他餐廳食開既冇大分別,不過不失。到韓式燒餅黎,張枱已經冇咩位,好逼,而且坐近走廊位,碟又突出左張枱既範圍,好容易撞到。直係一路食一路驚,韓式燒餅有d脆,又唔會太厚太多粉,調味都幾好,不過魷魚唔多,分佈不均,撞好食左有魷魚,同行朋友就食唔到,又且好多怱,成條成條咁。最後海鮮湯等左好耐先黎,見到隔離枱都崔。海鮮湯幾辣幾惹味,到左喉嚨辣出黎果種,而且泡菜都算多,有2隻蝦同2隻蜆,都算不錯。

住元朗就有好多餐廳選擇住天水圍要是想有多選擇就只有去新北江明洞位於商場二樓那邊食店多得很全部主要做外賣店子小小衞生程度好一般位於暗角位的店舖可以話真係未必個個人接受

昨天去食牛肉伴飯和豬肉大醬湯飯舖頭分別有兩邊 但只有一個侍應一個收銀（老闆），食物味較咸 沒特別好吃。當時晚飯時段，拎位時 老闆已語氣重問幾位，話等渦！都算⋯⋯最離譜的是服務態度很差，事情係因為因本人和朋友完全食不到辣，下單時已經清楚問到豬肉大醬湯飯會否辣，待應回答不辣，因此我才叫了。食物到了，怎知第一口已經辣得吃不下，然後跟侍應反映 要求轉其他食物，怎知得到他老闆理直氣壯答覆『繁忙時間，不能轉餐！』老闆不顧客人感受 而且還不休做 服務態度不好，感覺亦完全像被騙錢！完全吃不落，不會有下一次光臨。

聽囡囡講新北江有間韓式野，甘岩老婆又想去新北江睇野，一於去會會佢!!睇佢鋪仔細細，座位又吾多得三張凳仔，應該主打外賣同即食生意。成日睇D韓劇見D演員食年糕食得甘過癮，一於整個韓式年糕同炸餃子黎嘆下!!!韓式年糕酸酸甜甜辣辣~好鬼死似人既一生~有酸有甜又有辣~人生真係賤格~~嗚~(年糕都幾好味又醒胃)正!! 炸餃子係即叫即炸，脆皮好味又大粒配合埋果醋汁就格外出色^_^老闆娘又靚女又有禮貌，而且D小食又幾好味，不過個雪櫃吾夠凍，令到D飲品都吾夠凍，下次再黎試下D麵食。GOOD!

第一次燒牛仔骨飯 - 個幾件牛仔骨又大件又厚肉, 五係平價貨, 肉味濃, 煎得又香五花肉飯 - 同樣大大件,又厚身. 肉爽脆, 有些軟骨一齊, 好好味, 不會有豬so味, 附送泡菜, 味道也不錯, 如時間淹長少少時間更好.韓式炒粉絲 - 粉絲有d似港式瀨粉, 但係透明, 材料只係加了一些紅羅白, 菜絲, 味道一般 第二次燒牛仔骨飯 - d牛仔骨少左d, 又薄左好多…………可能d野貴左. 我寧願佢收貴少少, 用回厚身d個種, 食落感覺五同. D飯有d生米, 要改善泡菜拉麵 - 賣相不夠紅, 內裏也只找到幾片泡菜…….d湯果然五夠泡菜味………有d不倫不類. 好彩個拉麵拎返d分, 好軟滑, 又有少少爽口, 時間控制得不錯.炒韓式年糕 - 味道甜甜辣辣, 只有一些紅羅白片同炸魚片. 我食偏租甜, 友人說喜歡, 但係d年糕又係未夠熟, 中間仲有d粉係度咁, 扣曬分