影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
原本是奔著 "避风塘焗蟹(HK$288/两只)* 去的，我要求1开2不要斩碎件及另外叫了 "酸菜水煮龙趸件(HK$148)"，经理入厨房Order出嚟就话D蟹沽清了，咁唯有加个 "琥珀青芥安格斯牛粒(HK$168)"，初初以为酸菜水煮龙趸件系水煮鱼既朋友，原来唔系，碟菜一上枱我就闻到好劲既大豆牙味，我本身唔食大豆牙，于是将所有大豆牙拣出，最后剩番5块龙趸肉(炸过)、5块鱼骨/鱼尾、同啡色既汁，约10分钟享用完，继续等下一道菜。到琥珀青芥安格斯牛粒，我以为会有芥末味，原来全是豉油味，D牛粒好咸同干，值得庆幸是琥珀无油益味😅，赶快享用完转场去食糖水🫠🫠。埋单HK$385(茶位17/位连加1)。经过咁多年呢间酒楼仍然䇄立不倒，一定有佢既生存之道，除了靠一班老街坊支持，仲有厨师们既精心制作，佩服。
继续阅读
是日和朋友们路经深水埗，适逢晚饭时间，于是决定到访明星金阁用膳。晚餐～～白灼生虾双冬枝竹羊腩煲避风塘软壳蟹鱿鱼须炆油鸭煲蒜蓉粉丝蒸扇贝份量多，味道普通，价钱经济，恰巧惠顾正价小菜，可以优惠价加$10元有个羊腩煲。
继续阅读
一年一度细妹生日饭，例牌简简单单约出嚟一家人食餐便饭当庆祝，佢同细佬对食无要求，地点当然就番佢哋晌石硖尾、深水埗一带，所以，拣咗「明星金阁」。虽然话依家餐饮业市道唔好，但当晚所见，都有8乘几满，闲日晚嚟讲，算喺唔错。酒楼环境唔错，一字长形，几大，枱櫈都排得算阔落。晚市有啲时令优惠、特色川茶菜、2-8人餐、孖宝三宝，以及各类海鲜、小炒……等等。既然喺生日饭，当然食丰富少少，可惜细妹对虾蟹敏感，所以，一向都唔会叫呢类菜。顺带一题，晚市茶位 每位收$15，另收加一服务费，但就无餐前小食呢类收费。蒜蓉粉丝蒸元贝 $68虽然虾蟹唔食得，元贝就无问题喇，加上做紧特价，点一客刚好够我哋一人一只。啲元贝都几新鲜，肉质好爽弹，配上大量蒜蓉，好惹味，粉丝又嗦晒啲味，好食。脆皮炸子鸡 $138一向都话香口嘢讨人欢心㗎，所以，叫一客炸子鸡实无得输 。虽然只喺半只，但个份量睇落都唔少，够晒我哋4个人食。而咬落外皮真喺几香脆，唔油腻，啲鸡肉亦都几嫩滑，有鸡鲜味，唔错！唔错！鲜果脆皮生炒骨 $118生炒骨又好，咕噜肉又好，基本上喺细佬妹嘅至爱，近乎每次同佢哋食生日饭都会叫呢度菜色。所谓鲜果除咗菠萝之外，仲多咗啲火龙果，讲到脆皮又夸张咗少少，不过，食落层外皮粉浆唔太厚，唔会成嚿粉咁，而且个酱汁调校得几好，唔呛喉，仲有就喺份量超十足。蒜蓉炒西兰花 $78都喺惯例啦，样样都喺肉就梗喺要加啲蔬菜菜式平衡下，俾细妹拣就拣咗呢个西兰花，原本蒜蓉炒西兰花就无咩特别，不过难得师傅都将啲西兰花排到整整齐齐，唔喺炒完hea放上碟就算，再者炒得够镬气，无过腍，入口爽爽地够蒜蓉香味。鸳鸯炒饭 $138虽然点咗几个小炒，理应叫几个白饭，不过都话食得好少少就索性叫个鸳鸯炒饭，又喺碟头非常足，都无数过，净喺知可以分到好多碗。白汁𠮶边啲虾仁几爽口，而茄汁𠮶边嘅肉丝又几松化， 整体味道唔错，唯一要挑剔嘅就过多芡汁。虽然今日叫嘅菜式唔系咩特别嘢，都喺好大路嘅款式，但整体味道确喺唔错，而且，够碟头，食得我哋好饱，招呼方面中规中举啦，啲姐姐都有礼貌嘅，客人唔太多，环境唔会太嘈，方便倾吓偈讲讲近况。
继续阅读
新年多饭局，就必然啦 .... 看看这一餐吃了什么 ~财源滚滚来：其实就是鲜果沙律炸虾丸， 虾丸爽口弹牙，吃落有虾味，算是不错啦 ~豉汁蒸大鳝：鳝肉鲜味爽弹，个豉汁做得很不错，非常不错吃的，但真是很多骨 ~姜葱焗美国桶蚝：香喷喷热辣辣，桶蚝味道一般，但都算入味，是中规中矩 ~团年喜洋洋： 其实就是发菜炆猪手，猪手炆得不够腍，肉质好硬好死实，牙周病的人一定吃不到 ~发财添好市：就是发菜、猪脷、蚝豉、瑶柱脯，蚝汁做底，味道一般般 ~蒸沙巴龙趸：火候掌握得好，鱼肉鲜嫩，是当晚最佳的一道菜。集腋聚成裘： 就是虾粒蒸蛋，鸡蛋蒸得都算滑嫩，虾肉冇虾味，味道一般般啦 ~本篇完 ~
继续阅读
少见，竟然会有搭枱同不搭枱茶钱唔同，不过都合理，亦可接受。点心品质不错，特别推介流心椰汁球，够热，入面真系有椰汁西米流心👍。另外，虾米肠粉亦唔会好好似其他咁煎到咁硬。
继续阅读