明星茶餐廳

营业中

休息中

係黃竹坑地鐵站附近做完gym行過呢間工廈茶餐廳見到都幾多人食應該無死錯人(1:15pm到，無哂是日精選)唯有叫個炒飯例湯清甜無味精奶茶正常發揮楊洲炒飯粒粒分明有鑊氣一定會有下次，同早d到，睇下d午餐點解咁快賣哂

喺黃竹坑食晏，最簡單就係食工廠大廈入面搵茶記，係業勤街有條樓梯有人行出黎先見到大廈入面有間明星茶餐廳，見佢都多客，一於試下先午市套餐50蚊仲包野飲或例湯邊到搵先，今日d套餐睇唔啱就叫左個新鮮大蝦楊洲炒飯$55，都跟野飲，阿姐話炒嘢要等我仲開心添唔係炒定喺度，隔離嗰個人選香豬扒睇落都唔錯，下次可以一試，玩住電話睇發現上唔到網但係好在有wi-fi。好快就有得食，賣相都幾唔錯有好多叉燒粒同蝦仁，個飯啱啱炒起熱辣辣，飯又夠乾身，蝦仁彈牙叉燒粒正常，係爭少少咸味，但好彩係咁畀我試到佢嘅辣椒油都幾香。熱咖啡都幾好飲，係細杯左d唔夠喉。p.s.凍飲加2蚊好抵喎

肉餅好Juicy ，尤其是湯好好好飲，價錢好合理，食得好飽，因為可以免費再添飯 ，周圍搵唔到 ，一個禮拜嚟三至四次，每次都有唔同菜單，配搭好得宜，希望可以出更多菜式，可以日日試唔同嘅嘢

日日有不同靚湯，平日自己都唔會煲，湯是足料宜無味精，因為飲咗無口亁唔洗去飲水,每星期都有新菜式,肉餅好食又厚又多肉，堂食唔夠飯可以再添一次，有家的感覺又多款選擇good

之前係黃竹坑返工，周圍都無乜好野食，食黎食去都係個幾間茶記嘅外賣🤮今日就講講平時食嘅其中一間，明星茶餐廳選擇都多變化，一星期就換一次餐單，每日都有我最喜歡嘅蒸肉餅🥰夠曬足料，又厚又夠味，唔會薄衣衣咁不過就算幾好食都好，其他選擇都係唔太吸引，都係將唔同嘅配料，組合，然後拎去蒸呀炸呀炒呀，有時都會中下伏😭不過價錢又唔太貴，45一餐飯包熱飲，港島區真係買少見少，疫情之下，真係好好珍惜，唔係又少一間本地茶記🤔

今朝早左返工，專登探索下黃竹坑既早上，睇下有咩靚早餐食。黎到業勤街，發現到「明星」招牌，就佢啦。叫左沙嗲牛肉面，呢到既面全部都係用出前一丁，唔使額外加錢，呢點都幾意外。食飽，開工！

見佢喺樓下派外賣紙好似幾有誠意,平時我都甚少叫外賣,第日就唸住試吓叫揀好咗之後突登提早啲避開LUNCH時間前打電話去點知一講要咩就即刻畀佢鬧, 話你睇清楚外賣紙啦!冇呀(原來佢日日張外賣紙都唔同既)張傳單就寫住每日不同歡迎查詢咁我咪問今日有咩啦,跟住佢勁惡話你睇清楚啦!!嘟------咁就cut左我線!喂大佬邊有人EXPECT你張外賣紙日日唔同?????又話歡迎查詢,咁你日日轉你唔講我點知有咩食呀? 

是日因為會計軟件的training course而來到黃竹坑遊蕩。一老早來到了，離9:30還有相當多的時間。在無人的工廠區街上不易一件開心的事。我趕緊打開手機的Apps，找地方食早餐。不過是難找的，因為食肆不多，而且以前常來的我，早已食過哂這兒的大多數工廠食堂。是日，行入山邊的內街，讓我找到了這一間 《明星茶餐廳》，可以安心的食一個早餐。店子位置偏僻，是位於一間建立在山邊的工廠大廈，而且這不是地鋪，要食就得要行上一條長樓梯，在2樓的側門出口入去才能找到。若不是一個大大的藍色banner，相信只有工廈內工作的人，才知 "架部"。早餐，是日的配搭是意粉，多士及炒蛋。意粉用上了忌廉湯來做soup base。吃起來特別的甜，亦帶有傳統叉燒湯意的味道，可惜的是，沒有叉燒而變了一片薄薄的餐肉。炒蛋未算最滑，奶茶也未算最滑，輕輕的早餐，只是提神良物。吃罷去上堂，可是提神力度未夠，釣了半天的魚。

八月上旬．晴如果控煙辦說捉人室內吸煙有困難，其實沒道理，去機竇捉就包佢地捉到手軟。或者來這裡，也可以。早上來到，沒有客人，也沒人招呼，因為店員正忙著跟熟客在吹水。主動的走去落了單，給我的感覺是，阻了她跟人傾計。但沒辦法，我都趕趕地的，唔好意思。當然，坐下不久，同一店員又來問我吃什麼，我知，說什麼也沒用，阻了她，就是阻了，對不起。不想吃太多，也不能吃太多，就只要了叉燒炒蛋加蟹柳卷。先來的是熱咖啡，淡而薄身，不是茶記應有的水準。說是叉蛋，來的是腿蛋，也沒所謂了。蛋煎得薄薄的，一無是處。反而蟹柳卷還有點創意，是好像西多士般的炸麵包，塗上沙律醬，卷著蟹柳的，幾好吃。做這裡的熟客，也真的難，因為要體諒埋這裡的低食物質素。不過可以在室內吸煙，可能就是增值位，因為我是當日除我之外，真的是人手一支煙的。埋單以為是20元（餐單上標明的），但收又收18元。不問究竟了，付了錢就走。

在這區工作咗一段日子, 每天到午飯時間, 總會渣車到市區揾食, 亦曾試過一支公到附近的食堂, 但始終唔係個皮! 今日同事就介紹咗呢度, 仲話d肉餅都唔錯.位置响工業大厦2樓, 大廈傍邊有長樓梯可直達2樓. 店內座位不多, 有四五張圓枱, 全店大約可坐廿多人, 地方也見得整潔, 還有八卦雜誌免費提供閱讀. 午餐日日唔同, 也有五六個選擇, 價錢一律$32, 凍飲加$2蚊, 當然也有例湯, 每天還有蒸鮮魚添!我哋幾個一人點咗個午餐, 大家share嚟食: 咸蛋蒸肉餅 - 肉餅蒸得都頗鬆化, 味道不錯, 絕對唔差得過民聲! 馬拉盞炒通菜 - 適時嘅通菜炒得入味, 送飯一流, 絕對有住家菜feel! 咖哩雞 - 住家式嘅咖哩汁相當惹味, 而d薯仔係先炸過至煮, 絕對用心唔馬虎! 有咁多好餸, 一白飯當然唔夠候, 呢度重有個好處係白飯任裝, 低食!估唔到工業大厦內都有咁美味, 又有住家菜feel嘅茶餐廳, 我哋即時封咗呢度係我哋嘅 can 天!