影片
以上资料只供参考，请与餐厅确认详情
食家推介
因为要farewell从加拿大回来的亲戚, 咁啱今个月仲有3个家人系生日， 人数较多， 婆婆又唔系好行得，所以近近地book左明星，我地没有特别写定菜式，去睇menu order, 见到有个欢乐晏$1688,最好系佢没有牛肉，婆婆唔食牛，我地15人怕唔够食，所以叫多只片皮鸭。头盘以为系乳猪，但上左花支螺片同烩双蔬，待应话只猪要即烧㖞，咁我地又冇所谓既，就起筷，菜式味道不错，但头3个菜，螺片，双蔬同炒龙趸球，基本上差唔多味，都好大碟，片皮鸭同乳猪都中规中矩啦，冇失望既，反而后来的荷叶饭好有惊喜，虽然个个都饱哂，但都清埋。要投诉既系呢间野既入口 (近争鲜果边)，有好大阵up味同垃圾味，食饱闻到真系想呕，希望改善。
继续阅读
今天上了明星洒楼，心中没有寄望有明星级数的服务。去一个淘大商场的一家亲民的饭店又岂会期望洒店服务。不过重点是当我找到趐中有小强时。请事经理，对我的回答却是「不是正常人的应该的回应」。我说：「在趐中有小强」不是迷理版经理一手拿上手，说：「边有呀」「是豆鼓」之后用2只手指弄死它。大佬我见有脚同你讲你唔正视问题，还要以为我限你一様白痴。你要强词无问题。但我就是心中不讨不快。
继续阅读
标题「垃圾」两个字，系完完全全畀班员工，事原系周日朝早同埋父母、老婆同埋囡囡去饮早茶，上到去冇人带位要自己揾，但系所有吉枱都摆住留座，数埋有成十几张枱系咁，唔紧要，卒之等到一张枱，但喺正佢哋收碗碟嘅地方，砰砰嘭嘭咁，但系我阿妈有一边耳仔得两成听力，不断砰砰嘭嘭佢会好唔舒服，所以我就再去揾第二张，都系揾唔到，我就同其中一个员工讲话「留座𠮶啲可唔可以让一张畀我，我哋好快食完还返张枱畀留座嘅熟客」，但佢竟然答我「𠮶啲唔系留畀熟客㖞，系员工食饭㖞」但每张吉枱位置都系分散，好奇怪，咁我都冇再问，行返去我哋等到𠮶张枱，点知我都未坐低，佢好大声亦好冇礼貌咁同我讲「呢度咪有啰，有枱又唔坐！」咁我咪同佢讲话「我阿妈耳仔唔舒服，呢度咁嘈会好辛苦，可唔可以帮帮手畀其中一张留座嘅员工饭枱我哋交换？」，佢话「换咩换，你阿妈唔舒服怕嘈，我够唔舒服怕嘈咯，你阿妈好巴闭呀？有得坐你就坐啦！」就系呢句说话，我卒之忍唔住拍枱，仲要响个囡囡面前讲埋粗口骂佢，之后揾佢经理，但佢经理完全唔理当听唔到，然后我哋都冇办法唯有走人，真系一个非常差嘅经历。
继续阅读
是晚7位6点入去坐低，张枱系斜既，想揾人招呼下都冇，坐咗15分钟叫人开茶都叫到声都沙，有几个楼面经过都话等等就走咗去，咁几时先会有人招呼呢？1700蚊半席简直系食到成肚气，首先系野食黎得慢，乳猪唔熟要换过，蒸鱼有腥味，样样都超难食，服务态度好唔掂，8点钟要交枱，坐咗成个钟先黎得两碟野，到上汤个阵，传菜个个阿姐仲要成只手指裙晒黑边，浸咗落个汤度，我觉得咁大间酒楼，希望处理番好，有一定既卫生常识同服务啦！就算几忙都好，始终客人都想食得放心，坐得安心
继续阅读
真系不吐不快，星期日本来谂住开开心心一家人食饭，点知食到一肚气。我哋一行10人，晚上7:30到达酒楼后，谂住叫待应点菜，点知D待应好似睇你唔到咁,有的挂住执枱，有的行来行去，完全无视客人，但当时系好多吉枱，唔系繁忙。纪经幸苦才截停到个待应帮我哋落单，我哋叫了10个小菜，上菜后发现有个小菜嚟错咗，之后我哋睇吓张单，发现原来有2个菜落错单，于是我哋叫待应过来问吓，点知又系当你透明，见你举高只手就个个宁歪块面行咗去，终于刚才落单那个待应见到我哋，点知佢又叫另一个待应过来睇吓我哋咩嘢事，都唔紧要，但这个待应竟然掉头走咗，而之前那个待应亦都没有理会我们，真系火都嚟，跟住我哋再截停另一个较高级嘅过嚟向佢投诉，点知佢一句唔好意思都冇，重质疑我哋落单时系咪讲错no。之后佢帮我哋改返2个菜，我又发现张单没有取消之前错咗𠮶个菜，好彩有睇吓张单啫，唔系比佢收多钱。这间酒楼，食物已经唔系好好食，条鱼蒸到过咗火，其它菜不过不失，但服务态度如此差劣，难怪星期日食饭时间都咁多吉枱。以后都唔会再帮衬。😡
继续阅读