明星海鮮酒家 (已結業)

以為平時飲茶食開明星，平民酒樓應該無呃人啦掛！又或者我孤陋寡聞$1748再加一半席但我地得5個人食呢D大時大節我好少出去食飯估唔到咁肉酸求其唔跟順序上菜已經算啦 一黎整碟咁ge野，肉酸 乳豬正常d 唉 一籠超細糯米飯 蓮蓉壽包 一條好肉酸又細條ge魚 無眼睇，你換個細碟我無咁嬲 …查看更多

柴灣無乜野好食，行過見到地鐵站上蓋間明星有長腳蟹食，於是就諗住去試下。閒日夜晚，都算有d人架喇，客人都坐左半間餐廳，見到咁多人，應該野食都ok卦睇到d野都幾抵食，但長腳蟹要成700蚊，兩個人又驚食唔晒，所以點左其他野。最後點左兩隻大閘蟹、上湯焗龍蝦伊麵底、同埋片皮鴨。片皮鴨一食$68，兩食好似加$50，如果攞走d肉就加$20。兩個人又驚太多。所以一食就算。個味其實就無乜野，但片得真係好厚，似鴨件多d。個皮就唔係好得，好厚，仲要全部切一半感覺好似膠紙皮咁，好似番蒸再番蒸好厚既鴨件龍蝦伊麵好大碟，龍蝦都有6-8件，肉質都ok，味道正常。大閘蟹就細隻左d有少少膏啦，但細隻所以d腳都無乜心機慢慢拆，食完無薑茶送，唯有番屋企飲。原本對呢家酒樓無乜期望，但原來食落都唔算太差，當普通一餐飯食都算幾好，位都闊落幾好坐，有個侍應阿姐好好禮貌又好笑容，下次可以試下其他小菜。…查看更多

第一次離明星餐廳食野，見到有好劣評，惗住都唔會好好食。但系絕對係喜出望外！宜家系大閘蟹嘅季節，佢地做緊優惠。咁於是就叫咗個套餐，套餐黎變包四隻大閘蟹。由於佢成日嘅老火湯賣曬:(:(:(，所以經理幫我轉左做蝦球炒麵。蝦球炒麵，絕對係大讚！首先佢嘅汁系另上，所以d炒麵出到嚟係絕對唔會林！炒麵有成六七隻大蝦球，啲蝦好爽甜！大閘蟹又系意想不到嘅, 雖然唔系好大只我惗都有4兩，有三隻好多膏。美中不足嘅系叫大閘蟹餐，竟然冇薑茶送！這個多套餐仲包咗條魚,條魚都好大,煮得啱啱好!好新鮮!餐後經理仲送咗生果比我地! 其實台台都有送！…查看更多

星期六唔洗番工，特登同屋企人落左樓下間明星飲茶。叫左兩個燒味，覺得味道唔錯值得推介。個三寶燒味飯有油雞，燒肉同叉燒。叉燒幾軟身個人認為幾好食但係個飯就乾身左少少:(:(而個燒肉河份都幾正，雖然肥肉多左D但係燒肉皮勝在夠脆總括黎講個個覺得幾好…查看更多

咕嚕雞球, 雞球炸過火很硬, 不合格. 粟米班塊, 腥味重味道差. 茶樹姑浸時蔬, 苦的很難食.芝士班腩伊面, 很淡很難食. 辣酒煮花螺, 很辣但沒有其他味道, 包括螺味. 蝦香珊瑚豆腐, 難食.咸菜炆豬肉, 豬肉鞋口鹹菜少味道很差. 海鮮粉絲煲, 份量少味道差, 那些海鮮未發育嗎? 胡椒豬腸肚湯, 很淡. 食完這樣差的食物真的無語了.…查看更多

對上次在這酒樓飲茶的經驗不良, 奶奶話去酒樓吃晚餐, 熊媽就不願置評。 $988半席「歡樂宴」包汽水 與/或 獅威啤酒 共6罐、加一、茶芥潮粵拼盆(半), 上湯焗蝦球,伊底(半席) ... 拼盆有鹵水鵝、鹵水豬頭肉、鹵水鴨舌、鹵水蛋、鹵水豆腐、鹵水翼等等, 鹵水味道以肉桂味最突出, 味道是甜甜地的；蝦球有點爽甜, 翠肉瓜瓜甜鮮味, 唯伊麵有點腍身。妙醬什菌鳳片蚌仁(半席), 金瑤扒雙蔬(半席) ... 妙醬似是XO醬, 翠肉瓜清甜, 其餘餸料都炒得挺好；金瑤= 金菇模仿瑤柱, 小棠菜新鮮爽甜。龍皇白玉燴翅 ... 翅絲都有一點點, 最犀利是把白玉(冬瓜)削成大量幼條, 口感不俗, 加上大量蝦肉, 湯羮是甜中有清清蒸海班仔, 明星極品雞 ... 雞皮脆, 肉算滑, 至少無雪味。龍鬆百花球, 籠仔鮮蝦飯 ... 百花球是蝦丸, 龍鬆是炸條條, 最無驚喜的一款；籠仔鮮蝦飯有好香的荷葉味, 飯是濕濕地, 飯粒也不會黏牙, 蝦就沒有之前餸菜所用的爽口。鴛鴦水晶包 (半打) ... 白色是白蓮蓉, 紅色就當然是紅豆蓉, 澄麵皮煙韌, 內餡不會太甜。…查看更多

食晩飯小菜。叫左四個餸：金銀蛋西洋菜：好淡，直情無味！粟米班塊：諗住係一道無得衰既菜，點不知！魚勁腥，粟米汁都可以整到無味！片皮鴨兩食：鴨皮好韌，塊皮整到出黎，又爛又凍，比人點果D汁勁咸！！清蒸走地雞：兩句講曬！急凍雞！一D雞味都無！全部淡而無味。食到一肚火！！…查看更多

星期日中午茶市, 非常多人。 七人枱等了一個多小時才有位, 午市價錢唔平都旺到咁, 香港無窮人。價錢咁正, 食物應該更「正」, 是嗎?味道普通鴨掌超級......鹹味道普通胡椒豬腸肚湯......無胡椒味味道普通义燒餐包......上面蜜蜜, 下面無乜义燒餡, 應該話多汁少少少义燒粒, 餐包輕漂漂, 包皮紙咁薄味道普通味道普通味道普通完全只見紅棗顏色, 但無紅棗味咁正嘅價錢, 咁正嘅食物, 咁爆嘅場, 唔荒謬嗎?P.S. 職員會好密咁推銷食物, 就算未執好枱都已經企喺度推銷, 我地唔啱食就自然話唔洗, 佢地往往賴死唔走, 落足嘴頭咁sale, 我地就係咁衰咗喺义燒餐包度:(…查看更多

是晚本人生日，朋友特意為我慶祝就揀左打邊爐．．見同區冇乜酒樓選擇就揀呢間呢間係逐碟計錢個種，湯底都係要俾錢既我地就揀左沙嗲同甘筍粟米2個湯食物都係叫左丸﹑菜﹑墨魚滑同其他雜料,仲有叫左生蠔﹑珊瑚蚌呢ｄ海鮮。生蠔係冰既同埋睇落大大隻，最後變左粒5毫子..珊瑚蚌1睇已經知吾新鮮墨魚滑好似俾人呃左咁．．1睇以為好大舊,點知原來係有舊菜係入面，實質都係得個10粒丸到飲品：西瓜汁，竹庶水同汽水揀。全部都係要俾錢既西瓜汁好似水咁，竹庶水1去到８點幾已經話冇哂．．汽水都係大路汽水環境：我地８個人，但俾張枱好似得６個人咁．．食野都要就住就住:(待應方面：好似黎黎去去都係得個1個牙姐serve我地咁,間吾中拎錯野俾我地都試過同類形式既火鍋，感覺稻香食物好準好好多…查看更多

星期日，約左兩個舊同事出來飲下午茶，等到安排坐底就已經開始冇人理，連茶都冇人開，比錢出來飲茶點解仲會有咁嘅服務.......(連服務都冇咁咩叫加一服務費)我哋三個人叫左9樣嘢食蟹籽燒賣：賣相麻麻，口感淋淋地，蟹籽唔夠平均，但味道可以叉燒腸：皮夠薄夠滑，餡放得夠平均，唔會得塊皮灼西生菜：普通灼菜，冇咩油夠健康，但冇豉油同蠔油跟，只得菜味鮮蝦腐皮卷：普通炸嘢，睇落好似煎唔夠脆咁，但食入口又夠香口夠脆，最好的就是就算是炸油也不會好多食到成口都油水晶上素餃：皮唔算厚，素菜餡，味道夠清，適合食齋的朋友們豉汁蒸鳳爪：味道OK，冇咩特別招牌流沙飽：味道夠香奶黃味，飽皮夠軟熟，度食到流沙的效果，總算冇失望瑞士雞中翼：一碟5隻，賣相麻麻，味道淡了少許脆皮燒腩仔：呢碟脆皮燒腩仔都幾特別，D皮係腍架...........仲要成$26(假期)，一D都唔值呀呢度D服務完全唔得，開茶耐，加水冇人理，叫嘢食冇人理，個個都好似睇唔到人咁，到清場時間叫你埋單就最快…查看更多

在呢頭返工，早日通完頂同同事去食早餐，5個人叫了12樣點心竟然沒有一份係令我們覺得係好味(甚至合格都冇)牛肉球同埋燒賣，一啲牛肉味都冇，啲燒賣.....7仔果啲好過佢.....最離晒大譜係啲鮮蝦付皮卷，淋左啲喼汁上去，但係啲喼汁有啲腥味........都唔知佢做喼汁瓶之前是什麼醬油瓶......就連是茶....也只有一個苦字...........black list !!!!!!!!!!!!!!!!!埋單位位48蚊都唔知食左d 乜要咁貴.............…查看更多

ok 啦~ 都係咁既味叉燒燒腩飯 好多料WOR 今次 數一數都有成6舊燒腩 叉燒都有10舊左右 有條菜~ 飯煲得岩岩好~ 唔會太乾唔會太爛~阿媽唔記得攞黃芥末......唉 可惜可惜…查看更多

上星期六家中提早做節，慶祝年度中秋佳節的來臨。大時大節的餸菜，都會比平日更加豐富。早上由街市買了一隻雞回來，唯獨欠缺了燒味。之前經過多番的嘗試，發現明星海鮮酒家的燒味抵食又好味。今次做節的燒味，決定去明星購買媽咪至愛的半肥瘦叉燒及爸爸最喜愛的脆皮燒腩。半肥瘦叉燒 - 今次要左半斤，剛好三十元。在我落單的時候，已經講明要走汁。呢舊半肥瘦叉燒真係好淋，濃濃蜜味但並無蓋過叉燒的甘香味。不過唔知道燒味部師傅的手勢習慣了，整盒叉燒普遍切得比較薄身，無左一種食叉燒口感。我打開盒看看，同時用筷子隨便夾出幾舊，切得較為厚的真是少之又少。媽咪事後叫我下次再去明星買叉燒的話，提提燒味部師傅將叉燒切厚一點。脆皮燒腩 - 一斤賣八十八元，我要左兩條骨，秤到重一斤多點為九十五元。其實師傅用刀將燒腩斬出來的時候，我已經聽到非常明顯的「索索聲」。回到家中快手打開盒，用一分鐘時間看看，燒味部師傅用心將切好的燒腩，排得井井有條。細心留意燒腩的層次，肥瘦清晰分明。下午三點半購買，直到晚上七點開飯。雖然相隔三個半小時，但是燒腩皮依然好脆，而瘦肉食得出有一陣鹹香味道。燒腩骨的確好好食，只是附帶的三包芥辣醬，味道就真是極不討好。我們眾人只食得到芥辣的辣味，但是並無本身的香味。提提各位食家，以往購買燒腩都會有「搭骨」，但是在明星燒味部就沒有這個情況出現。其實酒家訂下這個規則，無論對食肆抑或顧客而言都是一件好事，至少不會因此而發生無謂的爭吵。就以今次的經歷而言，小弟是滿意酒家燒味部的服務。一方面滿足到顧客的需要( 叉燒要「走汁」)，同時又用心去整理食物( 燒腩排得井井有條)。不過如果他們在叉燒切功上，再能夠深入地花點功夫就更為理想啦!!…查看更多

佢個環境係ok ge~不過d位就好鬼逼~而且仲好混亂添,d傳菜員根本就唔記得d枱號,好多都拎住d點心周圍搵枱,又不停問你有冇叫呢樣嘢,仲落錯單同重單,有個講普通話ge傳菜員仲問我地張枱係幾號枱(但個牌明明就好明顯咁放咗響枱),d服務員又唔多濕你,講哂唔該咁遞張點心紙比佢,望下你就走咗去,仲一定要自己拎張單去收銀台埋單~至於食物方面,d味道總體嚟講都尚算ok ge,食得落口咁la~但係個賣相就真係令人o哂嘴ar~鮮蝦腐皮卷同牛肉球就係其中ge代表,從來都未見過一間茶樓可以將個腐皮卷包到咁肉酸ga~牛肉球......可能我見識少,真係未試過牛肉球發生水浸ge情況ga~糯米卷勁唔好食,冇味道唔單止,個賣相亦都好肉酸,蝦腸塊皮好厚~超厚~勁厚ar = ="以佢ge服務加上佢d食物ge品質,佢咁ge價錢真係接受唔到~~佢ge價錢仲分好多種....分哂日期,時段,就連成張枱同搭枱ge茶位都有分ar....以星期一至五去食同星期日去食ge價錢嚟分,每籠點心ge價錢可以差成五至七蚊~試一次就好la~之後都唔諗住再去la ><"…查看更多

都很久沒跟家人上茶樓了..於是選了上址作一個早上的茶聚...先是媽媽去找位子..都不太久就有位了..不需等太久...到我們去到的時候,,剛看到服務員傳菜到我們的桌上,,(其實都已20~30分鐘了)然後看著桌上的茶壼..叫的茶是水仙...但茶壼蓋卻是「壽眉」...不知道真的壽眉茶又會用上甚麼名字的壼蓋呢:)先上的是皮蛋粥,,服務員很細心的問要不要胡椒粉...但倒不出來時,,她卻把瓶子在我們的桌上狂叩 0口0"然後我們點的菜陸續上的時候..我們永遠都不知道自己點的跟吃的有甚麼關系.....香煎蓮藕餅 = 炸魚蓉餅...(還要是有雲吞皮包的)炸兩腸,,炸兩軟綿綿,有如隔夜再重用 (汗"薄撐,, 很夠火喉,皮邊都是黑黑的=]說起吃的..真的眼不見為淨...竟讓我們看到傳菜員從炸饅頭和碟子之間取出那傳菜紙時..把那張紙在饅頭上抹了幾下-口-"是饅頭髒了要擦一下嗎 (囧)然後就是座位的問題...我們的桌據說是加給我們的,,但我跟鄰桌的距離,,1吋都沒有~是香港地少人多的問題吧~這酒家裝修前我家也有光顧過,,裝修前也許沒現在的美,,但服務員好像也沒現在的囧...以住頂多是人手不足,,你要親自去倒茶倒水...但現在的,就算足夠,,但不認識你的話,,你不找著她們問東西,,她們會視而不見~~~因為弟問關於菜式問題時,,我說「你該問服務員嘛」..此時服務員剛從後慢慢的走過,,但卻裝著看不到,聽不見...但最後還是可以讚一下那個布拉腸粉~卻是蠻滑,蠻好吃的=]…查看更多