明星海鮮燒鵝專門店

🫶🏻清蒸大閘蟹到咗酒樓，可以自己揀想要嘅大閘蟹要幾大幾重自行選擇😎最啱一班朋友開心share 清蒸大閘蟹原汁原味食到蟹嘅鮮味🤤🫶🏻帶子炒西蘭花西蘭花炒得偏老帶子都幾大粒整體不過不失🤓🫶🏻龍躉炒翠玉瓜龍躉份量有啲少食得感覺有啲唔夠喉如果再多番少少就正😎🫶🏻清蒸老虎斑可以自己揀要幾重自己因返人數決定對於我呢啲鍾意食魚嘅人嚟講幾正可以食到自己鍾意食嘅嘢食🤤🤤🫶🏻片皮鴨啲皮黐住晒有啲失望有啲兩三塊夾住咗🌚鴨就不過不失啦夾住來食都爽口😌…查看更多

呢篇純粹紀錄下，提醒自己母親節飯真的要提早提早提早食！即使早了一個星期仍然不夠，因為大部分茶樓都已經早一個星期前就取消平時晚市的特價精選或優惠，全部正價計算都幾貴，而且超級爆場，做到店員接應不暇，仲會因漏單而等了又等。不過單以菜式來說，今餐飯所食的片皮鴨(一食)都算OK，鴨皮算燒得香脆，鴨肉都算肉嫩細膩，配蔥絲、青瓜條及醬料用餅皮包住一齊食尚算不錯。另一道花尾躉（兩味)，份量比想像中少，不過真係即點生劏，龍𧄌確係肉質結實皮厚。至於等了很久的鮮果脆皮生炒骨，稍為太多肥肉加炸粉。今餐性價比偏低，但因為臨近母親節，無計。…查看更多

之前家人話係呢間飲過茶，點心好食，所以就訂咗呢間食晚飯。唔知係咪遲咗訂枱，我哋張枱比其他枱一樣人數嘅細張，食客都比較多，眼見大枱都滿晒，只餘四人枱幾張，坐低左就即刻開始點餐，菜式有多種供選擇，最後點咗有極品脆皮燒鵝、菠蘿咕嚕肉、家鄉鹹孫煎藕餅、海味魚腐什菜煲、脆皮燒肉、魚香茄子煲、上湯焗西澳洲龍蝦、蒜蓉蒸元貝、金銀蛋莧菜，仲有多款自選孖寶等菜式，每碟份量適中，味道不錯，最緊要係食完唔口渴，而等上菜時間都唔耐，侍應態度亦有禮貌。…查看更多

前嗰排同屋企人過嚟明星食晚餐，叫咗個長腳蟹，2斤幾，一千頭，非常鮮，肥美。之後叫咗個片皮鴨，不過不失，片咗好多肉出嚟🙈🙈至於咕嚕肉，外脆內暖，唔錯，但係個西蘭花鮮魷，係完全冇味，超差，整體可以，特別長腳蟹。…查看更多

政府宣布2 0 2 3年1月8日免檢疫通關，已經3年無返國內。疫情期間，沒有和子女出去食嘢。今日好高興，可以一家人去飲茶。就係附近蝴蝶廣場，明星海鮮燒鵝專門店。原隻鮮蝦腸粉：每件腸粉都有一隻大蝦，好爽口。南乳豬手：南乳味好重，但係好鹹。鮮蝦菜苗餃：味道不過不失，料都算多，但一夾起個皮就爛咗，可能蒸得太耐。明星流沙包：甜度適中，真的有流沙，蛋黃味重。白灼唐生菜：唐生菜上面加左D草菇，都幾大碟。蒜茸蝦春卷：有爽口彈牙嘅鮮蝦，好味。鮮蝦腐皮卷：腐皮卷蝦仁好細隻，但煎得都算脆口。環境方面，坐得舒適，服務尚可。…查看更多

與家人外出晚飯，他們都比較喜歡去傳統的酒樓用膳，附近商場的酒樓就成為首要選擇。每次來到明星食飯，都一定會點龍蝦伊麵，因為真係抵食，龍蝦大大隻啖啖肉，都算幾新鮮彈牙。另外今晚亦試了另一款新菜式—片皮鴨，熱辣辣鬆軟的餅皮，包住香口又充滿油香、而且肥瘦適中的鴨皮鴨肉，再加上香甜醬汁，一放入口，每一啖都好滿足。…查看更多

慶祝中秋節及生日，免收切餅費仲預備埋餐碟及膠叉，好好服務中秋節晚市6位套餐 $1288包茶芥六位，免加一，送6罐汽水或啤酒鴻運燒味拼盤叉燒，燒肉，油雞，青瓜，足夠6人份量上湯焗西澳龍蝦伊麵 (約一斤半）龍蝦份量好足好大隻，而且好新鮮彈牙清蒸沙巴龍躉 (約一斤）超過一斤好大條，新鮮滑溜紅燒竹笙翅好大盆可以分到七碗，而且真係有魚翅西蘭花花姿蝦仁轉了菜式完全無通知，到上枱時發現怪怪的，再睇返落單紙變了西蘭花炒雙蚌，食完都唔知雙蚌係咩，只知道炒得好咸蠔皇花膠金錢玉掌（各6件）鴨掌，花膠，冬菇都好大隻，夠入味，而且有大量生菜舖低合時生果埋單時忘記了有生果，所以唔知當晚合時生果係咩…查看更多

屋邨酒樓做特價選了上湯龍蝦伊麵 $168 龍蝦雖然細隻但肉質鮮甜彈牙伊麵上湯汁好濃.份量4個人有點不足！醬燒琵琶乳豬 （1／4 ）$80堅平價 皮脆但下面肉厚比較奇怪.2老咬不開肉位置. 所以不喜歡感覺如果可以起皮方式上枱比較好海皇冬瓜盅 $148材料好多：帶子.蝦仁.夜香花.絲瓜碎.瑤柱碎.鴨肉粒.豬肉粒草菇....海瓜湯很清沒味精。服務員還放下鹽給客人調味。全家都覺得不用加鹽.冬瓜好厚身.我們食了很多碗冬瓜肉.哈哈！家鄉咸魚煎藕餅 豬肉味道不足.只吃到咸魚香味.感覺豬肉沒有醃過偏淡.只能當小吃不能配飯！整體價錢合理.明星食材新鮮有品質食得放心！貴在茶錢和加一服務費而已。…查看更多

喬遷之喜，外出吃晚飯。我們一行六人，柯打咗兩個孖堡餐，另加一個餸。魚香茄子煲：入味兼且唔鹹都ok。。支竹大鱔煲，鱔片大舊脆口，條白鱔應該係有做運動，肌肉好有彈性煙韌。。上湯龍蝦球伊麵一隻，伊麵都幾多，龍蝦都算亦可以供人六個人，每都冇人倒食一件。味道同出面酒樓冇分別。金銀蛋莧菜，個菜比較老，鹹蛋皮蛋菜都多。椒鹽雞軟骨拼脆皮豆腐，雞軟骨冇特別，豆腐皮脆內嫩滑。。環境寬敞座位舒適，服務態度誠懇。冇諗到六點鐘去食，居然爆曬，還諗住早啲食冇咁多人添，剛相反。…查看更多

自從離開兆山苑呢個工作地方後，源哥又成日邀請我飲茶，結果就去左明星飲茶好多點心都幾好食，特別推薦燉奶 同 灌湯餃！燉奶 奶味夠濃 夠滑灌湯餃 真係好大盅 可惜冇影相！一盅都夠飽肚！同源哥都識左5年，飲茶之間傾開好多野！最抵死就係 經理比個保安指住黎罵問侯屋企人， 人地辭職，到最後都要求人地返黎做！ 想當初仲好型話我大把錢，你驚請唔到人轉眼間又同源哥飲茶飲到尾聲，大家都唔捨得走，哈！ 點都好啦 都要多謝源哥成日請我食野，關照小弟日常所需！經一事 長一智，離開才是正確的選擇！…查看更多

今晚和同事吃晚飯，試吓呢間食店嘅長腳蟹，見佢價錢唔貴，一於試吓！隻蟹三斤重，食法清蒸，蟹肉鮮嫩味道鮮美！再嚟個蒜蓉扇貝，扇貝肉質有彈性，食味不錯！再嚟幾個小菜，有片皮鴨、蒜蓉白菜仔同咕嚕肉，都有唔錯嘅水準！…查看更多

朋友為慶祝小弟辭工離開兆山苑，舉杯暢飲！坦白講，16500月薪已經比人話我係傻仔！又要通渠彈到成身屎水，又要時常爬上爬落睇天台各水缸，最慘係冇假放，經理以為時常一句辛苦哂能抵消所有野，結果我既離開，佢再用18000月薪係勞工處聘請新員工，已經比佢呃左3年，要清醒了源哥難得慶祝小弟，當然到明星酒樓，源哥作為老細，佢話事啦同日經理約我食飯，我已拒絕！先講龍蝦伊麵，冇得輸，肉質鮮甜，就算唔係芝士醬都好滿足，最後食唔哂，打包比老婆食乳鴿又係另一道好味菜又係食唔哂打包比老婆 呢兩味餸老婆食到之後話要得閒帶佢去再食過炒腩肉 質素就麻麻，腩肉似隔夜，最後都係食唔哂6支暢滑嘉士伯確實抵飲，16蚊支，不醉無歸明星酒樓我會再光顧，有質素…查看更多

屯門蝴蝶邨商場頂層嘅酒樓 今次特登揀咗下午茶時段入坐 諗住抵食啲🙈 一點半到達已經可以攞飛 兩點開始入坐 菜遠鮮蝦炒麵炒麵係炸麵底 賣相一般 不過都見到有擺盤😂 但都有六隻蝦 蝦嘅質地幾彈牙 唔似一般雪蝦 肉質腍而毫無鮮味😗 另外有芡汁另上嘅 汁入面有啲冬菇絲 紅蘿蔔絲 草菇 俾客人可以根據自己嘅口味落芡汁 唔洗整腍晒個麵香煎鴛鴦糕有蘿蔔糕同芋頭糕 每款各兩件 芋頭糕喺外面比較少食到 所以都覺得幾有驚喜 臘味份量都OK 不過可以再煎得香脆啲🤪百花煎釀尖椒有三條半份嘅尖椒 百花份量多 而且上碟熱辣辣 尖椒都係有辣味嘅 非常惹味 好適合鍾意食辣嘅我😝蒜香蝦春卷上碟配埋個沙律醬 個餡料都幾足 不過春卷唔係好脆 有啲失望🙍🏻‍♂️整體嚟講 屋邨酒樓有呢個質素都幾好 不過我嗌嘅野食 下午茶只係平咗一蚊 下次可以午市嚟 價錢唔差太遠😺…查看更多

一直很喜歡去這街坊酒樓飲茶，光顧好多年，食物水準還好，不過價錢越來越貴了。最近兩次的經驗卻很扣分，上次幫襯時漏單，單上一些點心被忽略了；最近一次更離譜，2點鐘下午茶時間入座，落單等到2點20分都未有任何點心送上，追問才發現兩張點心紙根本未有入機，要重新落單。最後搞到2點45分才陸續上菜，餓扁了同行的家人，感覺貼錢買難受。附近還有其他人酒樓，但競爭對手不算多， 而且反正連鎖式經營，可能因此不太著緊客人吧…查看更多

        今日去見客戶，中午見到明星人都不算多，入到去試試啦。我哋人都算多，所以揀多咗幾件點心。原本都不報期待，但是食落去都算OK。最好味的是他家的排骨，有淡淡的蒜香味，排骨不肥不瘦，一口接一口的停不下來，比外面排骨好多肥膏食落好油膩要好味好多。        怕唔夠飽，客戶仲揀咗一件點心拼盤，點知又真是不錯。點心拼盤有6款不同的點心，叉燒包幾好味，不會太甜。蝦餃食落好新鮮，同埋皮都幾Q彈。燒賣就麻麻哋，不如外面7仔的燒賣好味，算是這個點心拼盤比較失敗的一個…查看更多