明明車仔麵專門店 (軒尼斯道)

嗌咗個車仔麵外賣，有個四眼嘅姨姨員工態度勁差，唔係矮嗰個喎係高嗰個。佢送包紙包飲品，我要蘋果綠茶，另一個員工叫我自己開，咁我開完遞俾個四眼阿嬸，佢一夜搶咗佢仲要刮到我啲手指，仲要啤住我，之後外賣到咗態度勁差，我企咗喺門口佢唔行出嚟俾我都算，我伸手去拎，佢完全冇反應，仲要一轉頭就講粗口。又唔係特別好食，純粹過下口癮食車仔麵。一定唔會再幫襯。平時個喎四眼年紀大小小嘅姐姐好好禮貌，今次遇到呢個真係影響晒心情。…查看更多

今日試咗碗自選車仔麵，餸菜揀咗咖哩魚蛋、豬皮、豬紅、糖心蛋同韭菜餃。重點推薦滷水豬紅和豬皮，呢兩樣絕對必食！麵底揀咗粗麵，油麵，麵質爽身唔會過淋。醬汁可自選兩款，極力推薦滷水汁＋蒜辣汁：滷水汁甘香帶甜，蒜辣汁蒜味重但不會太辣，雙汁混合後濃郁又醒胃，重口味，不過食完會有啲口渴。整體份量ok～咖哩魚蛋入味，口感較淋，味道正常豬紅用滷水汁煮，滷得入味，入口滑溜毫無腥味，必點韮菜餃餡料肉多韭菜少，我自己就喜歡吃多韮菜的，適合鍾意食肉的朋友，味道正常豬皮吸汁力極強，爽口惹味，必點糖心蛋用鹵水汁浸到味道剛剛好…查看更多

但員工態度好_差 , 由其個女人,粗聲粗氣又粗老又無禮貌,好似我欠佢錢咁款😑 做車仔面唔代表可以無禮貌嘛~彼此尊重得唔得呀? 我地食客都唔會睇唔起你係車仔面到打工🫤受過兩次氣, 我少去左,怕左個女人!!…查看更多

喺foodpanda叫咗碗招牌麵（河粉）$60聲稱有魚蛋、魚皮餃、蛋、牛腩先講餸最離譜係牛腩，比得一粒仲細過魚蛋嘅牛腩同一條牛腩絲少到有啲過份過份！另外啲河粉碎到，用筷子夾唔起，要用匙羹先食到啲河粉！…查看更多

灣仔搬office倒數，揀咗明明車仔面外賣🥡（$53），蒜🧄辣汁、油面、豬大腸、豬手、塘心蛋同蘿蔔，送紙包飲品🥤，揀咗道地檸紅茶，冇匙😅，想飲湯都難，湯🥣幾好飲，豬手冇乜肉，大腸同蘿蔔正…查看更多

我和媽媽趁非繁忙時間2：30後準備入內進食，因為媽媽要坐輪椅，所以我就先安排我媽媽入坐近路口的座位，我就打算將輪椅接疊好就放入餐廳最後面位置。因為之前已經入過餐廳食過幾次，我就將個輪椅放去之前員工要求我放在餐廳較後的位置。當時餐廳無客，只有3-4張枱餐廳根本坐唔滿，餐廳都預留大把位置給其他食客坐。當我準備放輪椅時候，其中一個明明的員工（短髮可能做廚房的中年女士）就喝止我，態度囂張要求我將輪椅拿走唔好阻住。我照她意願去做搬到另外一個角落，我話你哋之前都經常叫我放原本位置我點知道你想我將輪椅放邊度。她更再說：【你唔想做就唔好做囉！無人叫你過黎架，你唔想推（輪椅）咪唔好推囉！你唔想食咪唔好食囉！】此人懷疑已經觸犯殘疾歧視條例，我也打算去平等機會委員會投訴該員工的言論。我和媽媽非常氣憤所以都立刻離開該餐廳，另外打算以後都不再幫襯該餐廳。食物品質好但員工服務態度惡劣，並帶有歧視之嫌都留唔住熟客啦！大家真的要憑良心認真選擇餐廳先幫襯。…查看更多

這是第二次幫襯，今次叫咗外賣，雞翼尖，酸齋，通菜，要米粉唔辣，俾咗勁辣湯底，本人唔食辣根本食唔到唔，只能夠食到少少餸，雞翼尖，店家自己同我換咗酸菜，通菜同酸齋又得好少，返到公司食咗幾啖真係頂唔順，打去只係要求佢道歉，但佢唔道歉不得止，仲要話點解你會攞錯，我話係你員工比錯我，去到最後問我啱唔啱食，唔啱食攞落嚟換，連道歉，都冇態度差劣，其後仲要cut線，再打兩三次電話入去已經打唔通，不知所謂的員工令到香港飲食業蒙羞⋯ $44一碗你唔換都唔緊要，但道歉一定要有…查看更多

米線淋得來又煙靭滷水雞翼，雞皮好入味雞翼煮到啱啱好又有雞味牛腩香牛味唔會好韌少少肥肥地唔錯湯底加咗腩汁，食完又唔會口渴辣汁都好香覺得份量可以多番少少，不過女仔食就一定夠飽…查看更多

大大話話都幫襯左呢間舖頭幾年，上次去買外賣佢比漏咗個魚皮，即時打電話去跟進返，佢聲稱話會俾返$20我，但一整日都冇收到佢通知。第二日我又落舖頭食，一講話琴日比漏咗個魚皮第二個店員即時話記得呢件事，會補返俾我。然後今日收到個垃圾店員電話，佢喺度話上次已經補返$20俾我，但我check過銀行冇呢個紀錄，我叫佢俾返個截圖我，然後態度超差話我呃佢個魚皮，之後仲講粗口鬧我話我八婆，然後搵埋第二個男店員打嚟鬧我，都唔知係咩餐廳，仲WhatsApp留口訊鬧我，我都想問吓究竟呢間餐廳係咩事…查看更多

今日同朋友食個快飯，就搵咗附近呢間車仔麵，不過呢家車仔麵店附近都有間，朋友仲唔小心去錯咗😂叫咗個辣汁湯底配粗麵，都真係幾辣，有小辣至中辣咁上下。配料叫咗豬血、魚皮餃、蠔皇花菇同糖心蛋。糖心蛋夠流心幾出色，豬血都算入味，花菇略嫌細粒少少。朋友就嗌咗糖心蛋，咖哩魷魚、滷水雞翼尖同白蘿蔔。白蘿蔔都幾大舊，而且夠淋又冇渣，咖哩魷魚幾正，聽講係呢度出名嘅。滷水雞翼尖嘅滷水味重，食落又甜甜地幾惹味咁，呢家餐廳整體唔錯。…查看更多

四餸車仔麵｜$49蘿蔔清甜冇渣（推薦⭐️），瑞士雞翼入味，墨丸爽口彈牙，豬紅不過不失都食得出調過味。醫汁簡左蒜辣汁，辣度小辣，加左之後令到湯底好惹味。麵底簡左河粉，少少彈牙，唔會一夾就斷～…查看更多

有一人座位，唔會老監，咁都算啦，但呢度嘅食物真係好普通，唔係好出色。啲嚮玲浸曬去湯度，淋曬，都唔係幾好味，有D好慘嘅口感，真係冇食過咁差嘅呢！沙爹湯底其實係清湯+沙爹醬，沙爹醬仲分開上，真係冇晒味，仲唔夠咸，好失望。另外，如果係雨天既時候，呢度都係唯一一個choice，真係好嘥氣，唔知點解會有人咁唔識食嘅。總括黎講，呢個地方除咗有一人座位，其他真係一塊垃圾，如果你唔係迫不得已，就唔好嚟呢度啦！寧願俾多 30蚊去對面食 創活Cafe仲好…查看更多

大食之選，我全部都要🍺🍜招牌麵 $63甜酸齋 魚皮餃 咖哩魷魚 牛腩 雞翼 溏心蛋揀咗腩汁同埋辣醬，撈勻後非常惹味，自從小學之後，就冇再遇到個湯濃味到，可以揀油麵嘅車仔麵了，滿足😆…查看更多

5月23日早上要去金鐘高院辦事，中午時打算坐叮叮去湾仔甘牌吃燒鵝做午餐，誰知門口大排長龍，要等十多張枱，於是行過去298附近，見到一間明明車仔麵，裡面都有很多人，喜歡吃車仔麵的我就決定入去試試。點了最基本的魚蛋豬皮牛腩，端上來，喝了咖哩湯頭，很不錯，而且價錢合理，關鍵是吃完不可以口渴。後來晚上證實系無口渴。整體來說，味道很不錯，很少吃到這樣的車仔麵，因為湯頭不容易攪和不容易不下“師父”，這店是可以再來吃的。…查看更多

灣仔軒尼詩道平民車仔麵專門店任選各種麵類配料每款$10-$12不等📍明明車仔麵專門店 𝑴𝒊𝒏𝒈 𝑴𝒊𝒏𝒈 𝑪𝒂𝒓𝒕 𝑵𝒐𝒐𝒅𝒍𝒆 𝑩𝒂𝒓🧭灣仔軒尼詩道89號地舖💰人均消費: HKD57路過試下 #明明車仔麵專門店 👎🏻三餸車仔麵 𝑪𝒂𝒓𝒕 𝑵𝒐𝒐𝒅𝒍𝒆𝒔 $48揀咗油面+牛腩+豬大腸+韭菜餃，再加腩汁！先講湯底，真心唔得！加咗腩汁都唔夠味！牛腩好細粒，一啲都唔香！豬大腸有陣味，韭菜餃就普普通通！其實見到碗嘢都唔係太開胃😅#MFJ灣仔 #MFJ中菜 #MFJ港式#mfoodjournal #foodie #hkfoodie #foodblog #hkfoodblog #hkfood #hklocalfood #chinesefood #chinesecuisine #wanchaifood #相機食先 #灣仔美食 #港式 #中菜…查看更多