影片
招牌菜
平时屋企唔煮饭都会间中过黎食，因为真系几抵食同埋啲员工都唔错咁，支持下小店。但今晚真系失望，玻璃心嘅细路唔会再回头！是咁的，今晚落完菜，佢照旧比碗汤你。然后我一望碗汤就见到有只类似蚁嘅浮尸喺度，搅多几下捞起左三只，仲有啲已经被分尸嘅（因为见到粒黑点有触须突出黎，所以知系同类）。蚁其实都冇咩所谓，唔系老鼠曱甴就得，最多放埋一边唔饮，但见对间嘢印象唔错，谂住提下佢，唔好比到啲有昆虫嘅汤其他客人。可能我娘亲老人家比较啰唆，我讲完佢又重复讲左一两次。之后过左一阵，楼面个女仔突然行过黎，用倔擂槌嘅语气净系讲左句：「咁唔好饮啦！」，直接拎走左我个碗。而当时我等𩠌黎，又唔想饮蚁，所以喺度用匙羹研究紧碗汤睇下仲有冇其他残肢。首先，突然伸只手过黎，打断紧人地做嘢（虽然系无聊嘢）系好冇礼貌。其次，唔好意思都冇句，无论系话佢知有小昆虫定拎走我个碗时，头也不回咁走左。仲要系当时得我地一枱客（晚市第一枱客），又唔系话忙🙄 食物都仲系热到喷烟，好有诚意，好足料。厨师同水吧姐姐都仲系好nice。但玻璃心又小心眼嘅细路唔想再去感受负能量，唔想再好心但比人黑面了。再见！🌚
继续阅读
平时都会系屋企附近试吓唔同餐厅，而今期我就爱上呢间小店。呢间小店种类真系相当多，打边炉、排档风味嘅小炒都有，而食过两次都觉得食物水准相当稳定，唔错味。顺德小炒王一开始就点了呢个顺德小炒王，呢个菜送啤酒真系一流，啱哂同朋友一边吹水一边食，而且小炒王镬气十足，特别喜欢佢嘅韭菜花相当爽脆。而且店员其实安排我哋坐底之后同时就送上自家制汤水，味道滋润，啱哂平时冇汤水饮嘅我。招牌羊腩煲呢个羊腩煲相当出色，羊腩都好大件而且份量好多。食埋佢送埋嘅一碟西生菜，真系饱到八成。椒盐猪仔脾最后就点埋呢个菜式，猪仔脾啖啖肉，肉嫩多汁，相当惹味。整体呢间餐厅味道真系唔错，特别佢个羊腩煲真系抵食。
继续阅读
经过禽日lunch 一役，都系要揾下边度有斋食。都系食 罗汉斋饭。一入到去间餐厅就问下有无斋食先～例如无肉既斋菜饭。因为小店同无咩人手既关系，所以出菜时间自己衡量，我地有既系时间同埋早去^^所以系ok de食物质素不错～因为斋饭叫左小油～^0^健康少少，间唔中听到后镬炒嘢d 声好正～～有紫菜汤d 肉仔几好味～～有求必应～其实个饭系有d 细碗～我地加左个饭。^^ 斋菜饭d 汁都好好味～可以汁送饭。豆腐火腩男人的浪漫应该无味精～正～尤鱼蒸肉饼加左蒜头喺面～
继续阅读
冻冻地屋企人话想食羊腩煲，醒起附近有间小菜馆好似有就同佢哋去试下我哋夜晚8点几到，都有8成满，好彩唔洗等就可以入去好贴心嘅老板，一坐低就送碗汤，可以边饮边睇菜单。我哋6个人叫咗6个𩠌，等咗10分钟左右就有得食黑椒牛仔骨大大件啖啖肉，连啲洋葱都炒得好爽甜，唔会太腍椒盐鲜鱿即炸嘅鱿鱼劲脆口羊腩煲(细)劲足料，成煲都系羊肉，原本想叫个大煲，但老板见我哋叫咗几个小菜就建议转细煲，6个人食啱啱好。啲羊肉唔太骚，炆到啱啱好不过食到最后就有小小老，应该要快啲食晒啲肉先有枝竹马蹄吸汁，配饭一流，仲送一碟生菜不过腐乳太多油，唔多点到腐乳酱炒芥兰鸡蛋焗鱼肠屋企人好钟意，话系功夫菜，鱼肠长过只筷子，小小腍带有阵鱼鲜味虫草花蒸鸡鸡肉唔算滑，有屋企整嘅感觉食完饭最后仲送咗碗芝麻糊卖相 3/5口感 4/5味道 5/5番食率 4/5
继续阅读
大围呢个地方其实真系好多美食，尤其系充满大排档风味嘅小炒。而呢间明悦轩经朋友带我食过一次之后，真系觉得值得一试。除咗食物抵食之外，店员服务都非常好。喜欢店员安排座位同时就送上自家制汤水，味道滋润唔会觉得有味精。顺德小炒王一开始就点了呢个顺德小炒王，价钱都相当抵，而呢个小炒王内有韭菜花、鱿鱼、腰果等特别喜欢佢嘅鱿鱼好松化，唔错。招牌羊腩煲咁冻嘅天气当然唔少得食羊腩煲，而呢个羊腩煲真系好正，羊腩份量好多且件件都好大件。而且最重要唔会有膻味，因为我个人就好怕食羊有膻味。而且食埋佢送埋嘅一碟西生菜，已经好饱。椒盐猪仔脾呢个都系朋友点的菜式，呢个菜式真系相当惹味。而且猪仔脾啖啖肉，饮埋啤酒真系冇得输。整体呢间餐厅味道真系唔错，特别佢个羊腩煲真系抵食。
继续阅读