明師傅甜品 (已結業)

夏天整日都想食冰凍野，今晚過來食甜品，點咗一個聽起來就好清爽嘅甜品叫涼爽，其實喺一個椰青裡邊有好多西米涼粉上邊有雪糕球，仲配有一杯椰皇汁。我覺得朱古力雪糕球唔好食，怪怪哋。西米仲ＯＫ，食感好好，好煙韌。椰皇汁都ＯＫ。呢個下次應該唔會再食啦。…查看更多

和朋友剛吃完日本餐決定找家店吃吃甜品，看見這裡很乾淨，人也不多便決定一試，我們點了椰皇湯圓、芒果西米露、木糠布丁還有木瓜燉雪兒，味道還不錯，特別是椰皇奶味十足，很好吃，可木糠布丁就差點，大家可以一試！…查看更多

食飽飯食返個糖水完整返一日先🤤見呢間冇乜人等 就同友人入去食- - - - - - - - - - - - - - - - - - - - - - - - - - - - - - - -🔻黃色潛水艇💲33都幾足料 芒果菠蘿同西米都多芒果唔算酸但有渣 菠蘿唔甜仲好酸雪糕個味有啲假😂 整體唔係好食🔻椰汁紫米露加湯丸💲35個色好似好多椰汁但食落冇乜椰味紫米露份量偏小 湯丸尚算ok 都有啲咬口係芝麻餡嚟 唔會好甜 但整體唔算好食Btw,終於明白點解隔離排咁耐隊都咁多人幫襯其實都真係有原因既🤷🏻‍♀️🤷🏻‍♀️🤷🏻‍♀️…查看更多

海壩街出名多野食，咩餐廳都有，甜品舖又有，珍珠奶茶都有！而今次同男朋友就想食下甜品，咁岩經過呢間<明師傅師品>呢間糖水舖既款式唔算多，所以決定點著名既甜心（$45）同地獄球場（$29）地獄球場不算特別，主要有一個朱古力雪糕，西米，椰果加涼粉，食落不太甜，涼粉爽爽地都唔錯，但略嫌普通。至於重頭戲既甜心，熱辣辣，原裝一個椰皇送上，入面有西米，秘制椰汁，同自家制芝麻湯圓。宜家天氣涼涼地，食住熱騰騰既甜心暖胃真係唔錯，食完入面仲可以食埋側邊既椰肉，yummy…查看更多

30蚊一碗完全系垃圾中既垃圾-----黃色的冇味西米糊成碗粥甘樣 , 裡面全部系西米 , 西米煮出黎既水加椰奶加少少芒果汁變左淡黃色就當系楊支甘露...............食左兩啖就走人真系好嬲 , 西柚肉得5條........真系得5條...芒果用晒唔新鮮既熟到爛芒果有5小塊然後成碗粥咁既質地 , 全碗系西米.....完全冇芒果味....正常既楊枝甘露應該芒果汁打碎加入淡奶度,分量要一比一先夠味又夠稀呢間野...西米仲多過所有材料.....10分奶1分芒果..........好得人驚…查看更多

今晚同朋友响荃灣打完邊爐，就搵下D甜品食下，經過呢間明師傅，立下眼見到有客食緊個原盅西瓜，好特別，就即刻同朋友坐底試食，西瓜盅其實一般，可能D生果唔夠甜，下次試下其他先！…查看更多

食完晚飯就係食甜品嘅時間🤤荃灣海壩街就出名多嘢食，連甜品舖都有幾間，真係令我同朋友唔知食邊間甜品好🤔雖然上網睇到大家對呢間明師傅嘅評價一般咁，但我同朋友最後都係揀咗呢間明師傅😂.呢到都有唔少個名好新穎嘅甜品，例如「地獄球場」😂其實即係涼粉+椰果+西米+黑珍珠+朱古力雪糕+椰奶。同行朋友叫咗地獄球場嚟食，佢食緊同食完都冇講過任何comment😂咁正常本身呢啲嘢撈埋食都應該唔會有咩意外，又唔會有咩驚喜嘅😂.而我最後睇勻全本menu，都係叫番芝麻糊😛😆估唔到呢碗芝麻糊係唔錯喎，我同朋友都話幾鐘意😋我本身鐘意較「結身」嘅芝麻糊🙆🏻‍♀️而呢到嘅芝麻糊濃稠度同甜度都啱我口味😛然後其實我唔知金脆芝麻糊嘅「金脆」係指咩😂湯圓就冇乜特別，加唔加都冇乜所謂。…查看更多

同朋友係荃灣食完飯，諗住食返個甜品作為今天完美既結局，點知.........有點點後悔黎左呢間明師傅，點解唔去隔離果間X記.....首先入到去環境係光鮮既，但張餐牌黎到就覺得好殘都算，仲痴笠笠，呢啲第一印象真係好影響跟住落黎既食慾，叫左個椰汁海底椰黑珍珠，一個非常普通既糖水，諗住實無死啦，但竟然令我更失望，啲海底椰淋既多，又過甜，好似浸左濃糖水咁，爽實既感覺呢？呢樣都算，點解啲海底椰係有酸味架....我未試過海底椰係酸架....呢碗野都成$28🤢 仲見到個碗啲罅位有積架...真係成個唔開胃...朋友食既黃色潛水艇都話好麻麻.....無下次...…查看更多

夜晚晚凍凍地最好食D熱糖水～約咗個fd係佢屋企附近一齊食糖水～一行3人路過依間糖水舖又未試過咁就試一試啦3個人叫咗甜心x2、香蕉斑戟、榴櫣斑戟～4樣野好快上齊甜心即係椰皇、秘制椰汁、西米、自家制湯丸所組成～椰香味足～不過D椰肉超硬咬唔到～細細個成45蚊有D貴香蕉斑㦸皮即叫即做好香蛋味夠軟熟～可惜賣相麻麻略黑少煎幾秒口感會仲好～裡面有香蕉厚厚一片加cream榴櫣斑㦸好夠榴櫣味～榴櫣蓉同cream各佔一半～食落好正…查看更多

夜麻麻3號風球，秋意濃，諗住搵間糖水舖飲個熱辣辣嘅糖水保下暖。又諗住收工已經好攰喇，所以求其搵間糖水舖食冇諗過我叫個木瓜雪耳糖水我聽到微波爐嘅聲音再攞出泥俾我嘅糖水，開頭都唔為意因為得兩台客，服務態度又唔好，見到我話一個人就求其指埋一邊叫我自己坐低，兩點鐘收工，我12點幾去，都已經想閂門咁，唔緊要3號風球當你收早。 但係你接得我呢台客就應該係做埋我生意我都盡量食快啲當我自己聽住歌食緊我嘅糖水仲要味道麻麻嘅時候。無啦啦有隻野飛上嚟跳去我後邊，我嚇到大叫出嚟即刻起身睇吓咩事，點知眼前見到三隻貓係我前邊，本身怕貓嘅我嚇到痴咗線，員工仲話唔使驚，唔使驚就唔會嚇到彈起啦！如果你呢間甜品係用貓主題材泥做生意我冇嘢講。又唔係，我唔介意佢養貓，但係都唔好放佢出嚟周圍走喺度嚇人啦有冇你嗰啲真係怕貓人嘅感受？糖水都食唔到一半，回神過來，只有嬲。食都唔食吖，反正都唔好食，走好嬲咁就出去問佢幾多錢碗微波爐糖水＄28，得啦＄30唔使找走都走唔切手都震埋真係俾佢嚇Q死。以後都唔會再嚟呢間度食:(:(…查看更多

本來見到這家甜品店門口沒人等位朋友說不要進來這一家店的但是在隔壁等位期間，開始下起大雨來這條街又不是特別闊落所以我們還是進來了.....本來打算叫椰子類甜品，應該是穩穩陣陣的至少在其他區的甜品店吃椰子類的都不錯於是便和朋友一起點了涼爽可我們錯了！涼爽，是椰皇內有西米﹑涼粉和雪糕另有一小樽椰皇水雪糕是自選味道，我選了抹茶味，友人則選了曲奇味西米和涼粉可說是本身已沒味道椰皇水很清，但也未能為西米和涼粉帶出味道雪糕很冰凍，直至雪糕溶化，混合了椰皇水這個甜品才有味道～雪糕也只是一般的貨色，抹茶味不夠濃和朋友都認為這款甜品不好吃！而且這裡的座位都編排得很窄坐得不舒適！…查看更多

是日喺荃灣食晚飯，落住大雨雖然都冇乜心情，但由於我地食完重口味烤魚，都想食個甜品cool down下個人，所以冒住雨行番黎海壩街呢邊。其實荃灣冇乜糖水鋪（平價果種），新式嘅我都知道幾間，但仲未有機會一試。所以每逢一講到傳統嘅普通糖水，我地都只好行番黎呢條街。一連有幾間糖水店，平時經過其實都各自都唔少客人，但唔知係咪因為落住大雨，人流比平時少。行到第一間見入面冇乜人，費事入。第二間就係明師傅，門口有個店員幾落力招呼人入去，加上見裡面都有幾枱客，於是入左。細看之下，先記起原來多年前都有食過，當時已經覺得一般。是日冇咩選擇下，估唔到又黎左。甜品選擇頗多，奶凍、班戟、綿綿冰、涼粉、黑珍珠、西米露、中式糖水等，定價唔貴，人均三十零蚊左右。質素十分之一般，尤其我點嘅【夏日脆趣新地系列】，同圖片已經不符，雪糕被埋喺底下。就係雜不lung乜都有啲，芒果雪糕、芒果醬、略潮嘅爆谷、棉花糖、有渣嘅芒果，加上一個唔脆嘅窩夫底，甜度較高。哈蜜瓜西米露+雪糕火車頭 夏日脆趣新地系列 $42有時唔係話唔想食傳統糖水鋪，係都要去追求啲貴幾十蚊賣相靚嘅窩夫，而係如果俾多幾十蚊，味道好的話，相信客人都唔介意。相信呢類糖水店只係剩低一個平字，有得揀都唔會黎。…查看更多

早排同朋友係荃灣食完飯，見個肚仲有空位就諗住去食甜品。一向都知呢頭好多甜品，水平不過不失，普遍都係大眾化，急急食完就走果隻。今次簡左明師傅。因為我好中意食心太軟，加上岩岩果餐晚飯又唔係話食到好飽，所以諗都無諗就點左心太軟，仲配左朱古力雪糕，諗住黎個特濃震撼。等左十幾二十分鐘左右，終於黎啦，但我一睇已經知心感不妙，表面勁乾，個底仲勁多焦(因為賣相唔吸引所以我都無影相:(), 一切開。。。說好的心太軟呢？？？太軟在哪裏？？？我朋友果個都係一樣，完全無朱古力流心非常失望 因為見鋪頭好多人，店員又好忙，就廢事換啦但下次唔會再幫襯。…查看更多

又是甜心！❤️❤️❤️吹水最愛的荃灣糖水舖！好吧哈哈😂😂😂偶爾一聚，我們都會把荃灣可以聚腳的地方討論一遍😂😂😂嘉樂冰室，華田沙冰和雞翼雖好，但太多人，坐不久；鮮芋亭，芋圓不得了，但沒有堂食；Idea Dessert，新派，但較遠；Beans，又是食物雖好，但難以無視眾人目光久坐😂😂😂所以，又回明師傅吃甜心🙈🙈🙈（超廢的）甜心太無敵（雖然好像除此之外，明師傅還是水準水準之中），椰味香濃，奶味濃郁，湯圓軟糯（真的比較軟）。重點是，坐多久都沒有人理會呀！！！！（因為客量真的。。。）Any肥，我愛甜心！❤️❤️❤️…查看更多

本來想去隔離果間～但超多人囉～又唔知排幾耐～之後去左明師傅～坐位坐得唔舒服～味道又一般～賣相差左少少～雖然上甜品速度超快～但如非必要都唔想再黎～終於明白隔離超多人既原因係咩= ='''''…查看更多