明將迴轉壽司餐廳 (已結業)

朋友係佐敦番工，佢話佐敦食日式午餐好抵食，價錢有係2X蚊起，睇落仲抵過係中環同人迫。果然朋友冇介紹錯，餐牌都係由2X 至 3X蚊，即使要加一都係四十蚊有找，計埋車錢都抵過係中環開飯。我地一行三人分別叫左牛肉野菜火鍋、日式叉燒拉麵同醬汁燒雞扒飯。牛肉野菜火鍋都係29蚊，材料一D都唔欺場，除左有牛肉外，仲有冬菇、粟米粒、豆腐、椰菜同烏冬，加埋一碗白飯，可惜碗白飯係凍，不過朋友話反正都係食火鍋，用番D湯整D熱飯喎! 真係飽到男仔都食唔落:)，味道就不過不失啦~我就食醬汁燒雞扒飯都係28蚊，雞扒已切開四件，細細件容易食，燒雞火喉剛剛好，唯醬汁唔多夠:(，我最欣賞莫過於D野菜，有椰菜、芽菜同紅蘿白絲，非常健康，大部份食肆都唔比菜，反而呢度有，值得加許。日式叉燒拉麵就26蚊，叉燒有3大塊，都算幾瘦的叉燒，可能都係放湯關係，日式叉燒味淡。但朋友話呢個拉麵好得，價位相當吸引，佢會再介紹老公黎食添~飲品就揀左蜜瓜牛奶、凍柚子茶同百香果綠茶，蜜瓜牛奶冇蜜瓜味:(，凍柚子茶太甜:(，百香果綠茶就正常。總括黎講，呢間就唔好期望特別好食，但勝在易揾位，價錢經濟實惠，大件夾抵食，值得再encore~…查看更多

今次已經係我第五次食呢間明將比我既印象一向都好好(以呢個價錢黎講)每次帶新朋友黎，佢地都會有驚喜，亦都包括我 今次令我有驚喜既係燒三文魚壽司，一般呢d繁複工序只會係較高級既放題店先搵到，但係今次用50蚊既價錢就食到！物超所值！！有d人會選擇比較貴既價錢食埋刺身，但係對於超級大胃王既我黎講，50蚊壽司已經賺左，大家都唔好嫌佢太差啦~只要食過深水步分店就知呢間有幾好食！一坐低叫三文魚壽司，包你有驚喜！…查看更多

朋友專程由澳門到訪,一心想挑戰明將,我心裏卻是十萬個不願意 :S 明將給我的impression差得不能再差!所以確是不想貼錢買難受.....但在朋友盛意拳拳.....所以都盛情難卻...就去了明將...到達明將後,看到長長的人龍,心想莫非這間明將真的跟其他的明將不一樣???因為朋友曾說過這間明將是明將至最.....幸好朋友一早就已經訂了位,所以很快就被安排入座.一坐下發現不是$4X任食而是$129...大家都百思不得其解....原來$4X是限於吃迴轉壽司.......中伏了.....只好選擇這個任食吧......朋友看到點菜的紙沒有明將有名的可樂糖壽司表示非常失望hahaha既然是任食,我們就甚麼也叫了一點要了一個麵豉湯味的火鍋,拿了一些大路的火鍋材料:娃娃菜,生菜,芝心丸,魚翅龍蝦丸,冬菇,餃子... ok lah..壽司不久以後都送上...最特別跟最具創意的就是菠蘿壽司,,,叫了一個,,沒有試,但都猜到是甚麼味道.....在朋友的慫恿下就試了一件肉鬆壽司,,肉鬆跟紫菜都很濕,,,無論是口感和味道都很差 :(試了一間芝士焗蠔...非常不新鮮...亦試了其他壽司...它們全部都有共通點就是,魚生不新鮮,還有飯是很大舊..每一件甜蝦壽司竟然有兩條甜蝦!!!!!我還以為只會有一條:S刺身都不新鮮....唉.....發現有兩款甜品,分別是"雪糕"跟"甜品"我就叫了一客"甜品"原來是涼粉加花奶....雪糕是芝麻味這頓飯最好吃就是這兩款甜品....結帳的時候服務員跟我們說"""""其實我建議你地唔好叫壽司,應該淨係叫刺身,因為咁樣好徙."""""""我地食完你先同我建議唔好叫壽司,應該淨係叫刺身,你一早唔建議?你咁叻唔好比我地叫喇!我夠知好徙喇!!你係咪真係以為自己D壽司好好味????所以吸引人黎呀嗎?!?!!!唔想人浪費食物就唔應該將舊飯整都咁大舊喇!!!!!!!而家你係咪有太多飯呀??好心你就減少飯既份量,慳番D錢, improve下你其他既食物喇!講真我難D再番黎,請我都唔黎!!!!不過多謝你既建議! 我都建議你等客人黎一早建議佢地 :)不可一.不可再明將列入黑名單…查看更多

平心而論, 一百三十個大洋 一個兩小時的日式放題, 的確是平, but.............同區、同時段的其他日式放題要比明將貴六十個大洋, 但仍然爆埸, 為什麼呢????????老友極力推介, 終極一試, 是晚book了七時半, 我們七時到了, 即時有位, 實在有點"驚"喜, 一坐下, 侍應已即時安排火鍋及陶板燒, 方便我們燒肉及打邊爐, 但是.......我們不是吃日式放題嗎?回到食物 -1) 魚生 - 款式頗多 - 試了三文魚, 希靈魚籽, 鮑魚, 甜蝦, 立魚, 八爪魚 - 薄切, 不新鮮, 但還可接受2) 壽司 - 劣評如潮, 但返而有些意外 - 吃了燒帆立貝壽司, 蛋沙律壽司, 燒牛肉壽司, 蠔卷, 飯是機器啤出來的, 但壽司料令人滿意:)3) 飲品 - 沒有熱飲, 每枱有一壺熱水, 茶包在茶杯內, 試了金桔綠荼, 甜味適中, 還有椰果:)4) 陶板燒 - 沒有串燒, 自己取了牛肉, 牛肋骨, 牛舌煎, 美味5) 火鍋 - 烚了生菜, 蟹籽丸 6) 炸物 - 朋友極力反推介, 只試了炸蠔 - 很奇怪, 蠔不像炸過, 只把炸過的炸粉舖在蠔上:(7) 燒蝦 - 每人一隻燒蝦, 大概六寸長, 肉實, 小小膏, 沒什麼味道8)甜品 - 雀巢雪糕地方清潔, 包括洗手間(難得), 收碟快, 侍應環保意識強(席間發現沒有牙簽, 要求侍應提供, 他只給了我們一支, 我朋友說牙簽盒空了, 他才肯多給我們兩支, 因我們只有三人)明將是平, 但不是抵, 因我比在其他日式放題少吃了6 - 8 串串燒, 4 - 6 件炸物, 大概共少吃八十個大洋。個人意願, 絕無下次。…查看更多

近呢兩個星期黎左4次,過兩日又去.證明唔錯既推介6.15分到不用等位.今次食118(要加一)日式乜都有d la..魚生細件左少少..但佢任你食架.味道唔錯,仿鮑片唔錯..甜蝦反而麻麻地唔駛錢加火窩,可打邊爐既食物種類唔多.但基本要既都有豕肉好鮮,值得食水準算係咁..一分錢一分貨..唔太貴..仲任飲任食.加送大蝦.推介焗蠔上面有d 唔知乜.我掃開無食隻蠔真係新鮮好食金菇肥牛卷,蝦天婦羅.粉太厚..但夠熱夠脆.…查看更多

感覺好過元綠><完全唔似食緊明將今次係我第一次去,之前亦聽過不少"紅豆軍艦挑戰團"沒有想到喜出望外..師傅十分在意食客=)聽見我們在等就先留給我們了火炙肥牛及魚壽司...真是一絕入口即融,值得一試當日是去吃晚餐的才$50就有美食,心諗真是抵還有這個明蝦壽司真的是:)好處:-比其他明將都好-等待時間小-大多壽司好吃壞處:-位置不佳-服務一般-迴轉經常卡住喜歡肥牛的人,必定要去試一次..BTW來個小提示:想吃鰻魚的最好下order.因為數量不多,放出去不一會就容易被其他客人吃光=D我真的是在明將呀XD…查看更多

係屋企附近開咗間明將，見佢大大隻字寫住 $49任食壽c，真係忍唔住都要去試下。入到去有bar枱同order枱，因為我地帶住bb既關係，所以選擇坐order枱，食物就要自己去bar枱攞。款式都唔少，三文魚都有，不過好似只係出咗一次，其他魚生既壽c都有，不過我唔食魚生，所以都無埋佢有咩供應，雖然都係大路野，但係只係收你$49仲想有咩要求，起碼好過金太X好多…查看更多

比起深水埗和灣仔分店，水準高很多，而且款色也比較多我們主要食三文魚壽司，後來上的還越出越肥中途有一些燒牛肉壽司吃，開頭很不錯，不過吃多了後開始覺得比較口乾，可能吃得太多的關係我們六時多到，不用等位:)…查看更多

"明將"二字已聽了多年，但這次是第一次有機會親身體驗何謂"明將"。當然，出發前已看過大家的食評，知道這間分店算是新開，水準和傳說中的深水埗店有一段距離，所以也沒有抱太大"期待"。wasabi一開始已被放在盛豉油的碟子中，是正常的wasabi，但對不太吃wasabi的我有點不方便呢~因為是任食嘛，我和友人又坐在迴轉帶旁邊，所以只要一看中甚麼壽司就把它拿過來，形成了壯觀的場面。飯果然是機壓的，和一般的壽司飯很不同，很涼又有點易散。但只要接受了它是機壓這點就沒問題了...大概。吃了太多，不能盡錄，以下只抽部分記得的款式來說。螺肉、八爪魚：多醬汁、濃味的外來品，所以是一定不會有問題的。蟹籽沙津：也是不會有問題的，只是沙津醬比較多。芝士玉子：玉子中夾著兩條芝士，嚐到芝士味，但玉子味不明顯。蟹棒：就是蟹柳啦。鰻魚：OK(畢竟都是沾上醬汁的)。煙鴨胸：意外地好吃!三文魚：沒有薄如紙的情況，賣相是不太好，不過味道還可以。加州卷、太卷：差不多是最好吃的款式!大概是因為它的材料(蟹柳、青瓜、玉子、蘿蔔等)不會出錯，加上卷物的飯向來都是受壓的，口感上的落差沒有其他壽司那麼大。明天會去試深水埗的"本店"(總結在那篇才寫)，我現在可是非常期待啊!!…查看更多

今日同幾個friend去呢間佐敦明將食sushi ,係openrice度見到呢間明將比起深水埗個間垃圾好好多 ,所以都較為放心去食 ~我地4點去到 ,明將講明係任食無限時 ,就當然食耐D啦 ~D sushi既質素都ok , 過得去 ,好過深水埗個間幾倍 ,尤其是三文魚壽司 ,係三文魚新鮮切出黎的 ,較為厚D 仲有限量出既燒牛肉壽司 ,質量幾好 ~但係離譜既野就開始啦 ,我地坐到6點個陣 ,有個侍應行過黎話 :「外面D人等緊入黎 , 幫你埋單先 」我即刻打個突 ,話明任食無限時 ,我地只係食左2個鐘 ,又點解會趕人走呢~?之後我地同個經理一番理論 ,都可以繼續食既 ,但係就比佢地調左去最山卡啦既4人卡位 ,(我地有5個人 , 迫到 .........)仲特登好串地同我地講一定要食完先好囉SUSHI食 ,未食完唔俾囉 ,跟住仲同我地講唔俾再order sushi ,但其他人就可以繼續order sushi食 ,7點都未到 , 我地就激氣地走左 .......呢D玩針對既行為 ,對於顧客黎講 ,係極之唔平 ,只係食餐SUSHI就俾你地玩針對 ?佢地所做出既行為 ,我會去消費者委員會投訴 雖然SUSHI質素ok ,但係服務態度就好唔掂 ,一定無下次 ,各位食客都唔好做第二個我 ........…查看更多

以前都有去深水埗既分店食任食壽司, 感覺真係麻麻地, 可能太多人同太逼既關係, 次次都食飽就走同唔坐得耐...................同埋質素真係麻麻:(早前某個星期日早上行開佐敦, 未食早餐又到中午, 個肚餓到死, 但個頭間間連茶餐廳都唔平, 就醒起個頭有間明將, 都係壽司任食同一樣價錢($44.9), 咁就唯有張就下食呢間諗住醫肚啦. 上到去, 好驚喜! 環境比深水埗既靚好多, 開揚好多同闊落好多, 未夠12點又冇咩人, 陽光譜照, 同餐廳又播住d抒情既日本歌, 感覺好relax, 心情亦都即刻好好多. 而唔知係咪啱啱開舖既關係, d壽司飯係新鮮d, 特別軟d, 唔似平時個d咁硬同一粒粒, 而三文魚亦都好肥美好鮮, 所以覺得係呢餐超值囉...............我地食完仲係度嘆報紙, 坐足2粒鐘, 即使我地1點幾走時, 都唔係滿座, 可以冇壓力咁坐耐d都得, 所以之後我地都有星期日再去呢間食壽司放題brunch, 感覺依然咁正, 值得推薦大家去呢度嘆一個懶洋洋既星期日, 埋單每人都係$50, 平過飲茶, 仲要健康過飲茶同冇咁嘈呢~~~正:)…查看更多

我都食過明將好多次，通常食深水埔明將，真係幾難食，去都係為左方便有地方坐下。本來抱住慷慨就義既心情去食，點知呢間明將味道喜出望外，好到值得我上黎打食評。首先入到去個門面裝潢都唔差，靚過好多元氣元祿，仲睇到d師傅整壽司添。壽司再唔係以前既超司工薄切，基本既壽司都好齊。三文魚有d好靚，雖然都有唔少個賣相差d，但係都ok新鮮。鯛魚最有鮮味，仲有其他明將搵唔到既吞拿魚。其他創意壽司都唔同哂，絕對唔係嚇人用既壽司，有玉子入面有蟹子/鰻魚既壽司，有包住芝士既蟹柳壽司，都唔錯。最正係火炙牛肉真係好食到感動到我，通常一出就會比人拎走哂，而且限量出，去到都未必食到。…查看更多

從未試過明將，昨晚先看看西九明將的食評…我汗顏入到店內，這算什麼地獄啊？簡單是天堂沒有霉爛的紫菜，也沒有嚇人的外表，除了飯太鬆外基本上沒什麼能挑剔（＄４９，還想怎樣？就跟超市的壽司差不多起碼沒冰火二重天，變色三文魚，無味中華沙律和嘔吐物吞拿魚等等明將的壽司都很「創意」，不過這平原級boss的菠蘿壽司味道還好(?因為是新店所以人不算太多，有空可以再去試…查看更多

好多人都話依度的野唔好，我幫襯過好幾次，覺得有為它平反的需要。44.9元任食壽司，冇錯的飯算大左的，飯味也普通，不過配料都唔差，以呾價錢真係唔可以奄尖。不過我比較喜歡個$118放題，除佐刺身重有個火鍋，最仲意個火老天婦羅，好大的炸蝦，魚生都唔錯，我覺得咁價錢真係好抵食。我係去柯士甸道個間，氣氛好好，唔會好嘈。一分錢一分貨，如果你鐘意食日式食物，唔想太貴，又唔需要排場，我真心推介給你。…查看更多

聽聞尖沙咀又開左間明將又聽聞明將在剛開店的時候會有一定水準(超市水準)再加上銀包缺水就決定去試一試這間新開張的廉價壽司店由於事前冇做調查，只靠打電話向店員問路，所以都揾左好耐先揾到間店不過到達後唔洗等位直接入坐(根據過往食明將的經驗，以為冇個半鐘都唔洗入)，感覺良好可能因為太晚，店內人客不多，地方還算舒適食物方面名經久傳的紅豆軍艦和咸魚壽司等都不在列上反轉壽司碟，壽司會掉下來用筷子夾起來壽司飯亦不會散可能因為係新店，師傅刀工冇老店好，所以魚生都還算有一點厚度味道......就見仁見智啦我們只點了很普通的壽司來吃(三文魚xN, 鰻魚xN)，可以接受倒是那個腐皮船&和牛壽司出乎意料之外，賣相同味道都超出超市水準明將的水準一向是隨時間直線下跌的想吃正常廉價壽司的話，要快D去啦…查看更多