影片
以上资料只供参考，请与餐厅确认详情
晚上大概9:30左右到达，小店位置不多，需要等候入座⋯店舖只有一位叔叔全权主理（门口有写只有一人，需要耐心等候）等了大概半小时便入座，因为已经肚饿嘅缘故，一次过叫咗比较多嘢食⋯叔叔会问你需唔需要辣，好贴心串烧制作时间比我想像中快（因为即叫即整）所有食物上枱都系热到出烟肉类首先上台，烧羊鞍生熟把控得好好，有肉汁但唔会硬⋯烧牛ok, 猪五花烧鱿鱼好有镬气特别推介烧啡菇肉质饱满，今晚MVP另外烧烧卖同烧葱油饼，都好唔错插曲：食完两串烧烧卖后意犹未尽，想追加（其实已到准备关店时间）叔叔见我哋好想食，即刻再帮我哋加制可能客人会觉得等待时间过长而不满意，但我觉得人地系小店，而且串烧本来就唔系快餐⋯叔叔讲野大声可能会以为佢好恶，其实佢好有人情味，而且好有幽默绝对会再帮衬
继续阅读
上星期日去到这店已经需要排队，我是等2个。这店只得4张枱，但每张或有2张基本上只坐到2至3人。烧烤炉得一个和煮食都是等一个人烧就是明叔一个。我已经等了一个钟都只是还在排第2位和已经坐了店内都还未可以叫得餐。有一个枱的客人本想给餐点给老板，但老板就不用我还需要处理现时外买餐。之后有个新来客人问他提餐点，但老板话不用你可能都等唔到排队就已经离开。这个就是这店问题，一个炉一个人烧还需要处理一份这样大外买，店内这4张枱客人还未可以点餐，在排队的人其实等多2至3个钟都未必有得开始点餐。如果再多几份外买就。。。。如果照看餐点价钱就同其他都大约一样，味道就不知，但是可以见得到就真的由生的烧起，不是一早已经做定。不过以后都不会再去，因为真的不知需要等几时间了。
继续阅读
本来都冇谂住打呢篇食评，因为惊夜晚去到嘅时候会冇位。呢间基本上都系做熟客或者街坊生意，佢都唔会自己做宣传，基本上都系得个阿叔喺度摆档。 去食得嘅阿叔都认得。呢个串烧档有好多人夜晚都会走去食，我哋𠮶日经开过就专登走过去揾佢吹水同埋玩佢只猫，通常我哋落咗order之后，阿叔就会比一大碟沙嗲酱俾我哋，𠮶个沙嗲系自己整，花生味好突出咁我哋去到多数都系叫牛柳、多春鱼、鸡、金菇、三文鱼头，同最紧要系佢个烧菠萝每次去到佢都好亲切咁对我地，睇吓我哋需要啲咩就会尽量帮我哋佢就唔系主打卖相嘅串烧，而系主打味道嘅，各位经过嘅时候都可以试吓😛
继续阅读
胡须师傅经过长时间研究，再推出新食谱益街坊！除咗招牌串烧，而家献新犹：即烧120g汉堡包及大条肠热狗，多款靓肠任君选择，小弟已经全部肠都试过，全部食得过，除芝士及墨西哥肠带辣味，其他都唔辣！仲有个人特别推荐：以前戏院门口煨鱿鱼！大大只香喷喷，特制豉油咸得嚟好回味~
继续阅读
由最先喺博文街只做外卖串烧，到之前拆楼搬去角祥街只卖正餐原来已经事隔两年，到依家终于开返卖串烧实在好开心，因为坊间真系好难食得返，外面食串烧一系烧得过火，一系就孜然粉太重完全盖过食物本身的味道，而明厨老板真系有用心去处理食物，事隔两年依然无生疏，串烧依旧好食，烧得恰到好处，保留食物嘅湿度亦同时香口！大推烧鳝，皮脆肉嫩；仲有烧墨鱼须串，亦系爽口得黎亦脆口有惊喜；其他食物亦保持水准:烧牛肉串、牛舌、鸡翼、鸡软骨、烧蚝、多春鱼……全部都无令我失望！食过好食嘅餐厅最怕系食唔返同一种味道，希望明厨可以继续做落去，亦希望老板卖返肠粉，因为出面都食唔返同样嘅味道。
继续阅读