影片
心血来潮黎住饮台式野，见到个店门面几靓就试试。一共买左6杯，除左水果茶系正常之外，什么鲜奶乌龙，鲜奶龙井都好好好甜(已经系少甜黎)。呢2杯野除左甜味，咩味都无，零茶味，十足系炼奶加水。最夸张系仙芋鲜奶真系难饮都一个点。成杯野都似沙冰，因为实在太多冰，但香芋味全无。我觉得似系饮完奶无洗杯加水嘅味道，饮左一啖就倒左，真系好差。总括而言，如果一杯野吾得都算，但咁多野都难饮就接受吾到。仲有店员态度有待改善
继续阅读
陪朋友去完湾仔VTC攞完资料，见口干，谂住去7仔买嘢饮之际，居然见到间还用纸封着招牌的茶馆，正好买杯珍珠奶茶解渴，顺便顶吓肚。台式饮品店咁多，新店一定有些特点才能突围。反正未正式开张，人流不多，就同店长吹了吓水，睇吓有咩好介绍。店长原来从台湾学艺归来，话茶底用贵价的"明前龙井"，并以之作店名。果汁茶饮的果汁每天在店内用鲜果榨，珍珠更是自家店内手搓，3小时内未卖出就会倒掉再做，保证Q弹。。。讲到咁坚，同朋友点了珍珠奶茶，红豆冰加椰果，鲜柚红茶加椰果。值得番兜再试。
继续阅读
今晚返学前经过，佢哋好似新开张，7-11饮到惊，试吓佢咩料，个个而家都话自己手制珍珠，即估试吓，哈哈，佢又真系几好饮，正宗台湾feel，上堂𠮶个几钟饮晒，晚饭唔使食😂！下星期再试下其他先
继续阅读
寻日去湾仔睇跌打去咗VTC附近,睇完有啲肚饿去咗食肠粉，食完觉得有啲口喝见到一间新开嘅台式饮品店，装修环境都几高雅几干净，睇完餐牌价钱好似比其他台式饮品店平少少，店员推介鲜果茶，于是试咗一杯西柚茶加椰果，店员话佢哋嘅果汁系新鲜榨嘅，我一饮亦都觉得好新鲜因为都好浓郁嘅西柚味，仲有啲细有果肉同有少少西柚皮嘅味道，椰果不过不失，茶味都好平均唔会比果汁味抢走晒，店员服务态度都唔错几好笑容，如果路经此地我谂我都会再饮😊
继续阅读
个日见佢试业就谂住试下佢d珍珠系话手制 咬落几烟韧 即整即煮好新鲜 唔担心d咩防腐剂对身体唔好 仲有杯水果茶 好有果味 甜度岩好 又唔会涩好fresh啊～仲买左杯海盐奶盖 好creamy 同d茶都几夹 d店员态度超好 我问左好多野 佢都劲有耐性解释仲要几靓仔哈哈哈 真系几正！
继续阅读