影片
叫咗个超值早餐（选择唔多，好似得三四样拣，但可以贵啲食其他早餐），我叫咗雪菜肉丝米（应该无得转面或通粉）、火腿炒蛋、牛油方包配热咖啡，28蚊，比较附近几间确实平得唔少，起码有得拣食平啲定食贵啲，对于日日要出街食早餐嘅人嚟讲，日日悭十蚊八蚊都好。讲返早餐个质素，雪菜肉丝米味道正常，软硬适中，（觉得有啲茶餐厅米粉偏硬，但系呢度唔系），多雪菜但无咩肉丝，呢样我ok，返正我都系要雪菜，但系可能有人觉得唔得，炒蛋炒得唔错，方包就系正常牛油搽面包，软熟就好，热咖啡正常茶记味道，总括系正常，加上只系28蚊即时好食咗。另外呢度啲位唔迫，坐得几舒服。
继续阅读
过开黎呢头番工，抱住走入嚟街市试吓嘅心态，行咗入街市入面睇。见到呢间升星餐室环境唔错，就走埋嚟望下。门口即刻已经有个哥哥仔问几多位，安排咗个位比我，无谂过而家仲有30蚊一个full set嘅早餐，正！本身谂住掋应该伏伏地，点知完全无伏！已经好耐无试过食咁饱嘅早餐，哈哈。虽然食紧嘅过程听到有个呀姐对隔篱枱态度麻麻，因为人地想叫特价餐转其他野佢唔准，所以个客就走左。所以如果想响个30蚊menu度转其他野食可能就唔好考虑呢间啦。
继续阅读
餐厅里座位不少，座位舒服 服务员态度非常热情鳗鱼炒饭：粒粒分明，用料十足，有锅气,饭上面仲有一块大大的鳗鱼 我最爱猪软骨拉面：猪软骨焖的软烂入味，汤底有三种选择（猪骨、麻辣、番茄）番茄汤酸酸甜甜非常满意仲可以选择手打乌冬 上菜速度快，整体味道不错，用餐环境舒适，性价比超高，值得再去。
继续阅读