旺記冰室 (惠芳閣)

营业中

休息中

放假就出街食晚飯，原來而家旺記夜晚都有開！而且除左常餐仲有d特色晚餐添🧏🏻‍♀️.叫左個店長推介黑椒雞扒番茄汁滑蛋飯🐥 個汁都幾creamy ~有啲香甜番茄味，雞扒黑椒味重，肉質嫩滑！加10蚊要嘅滑蛋好厚身，又夠滑滑，撈飯一流😍.跟住叫左招牌番茄湯常餐，跟左米粉嘅，份量都幾大下。茄湯仲有d茄蓉，上面嘅午餐肉大大粒，口感十足😊 多士係麥包嚟嘅，焗得好香脆🤩 跟餐滑蛋同多士一齊食就正了💪🏻.餐飲一杯要左熱檸茶，一杯要熱啡，咖啡用左cream, 口感特別順滑☕️☕️

放假出去食飯，特登出小小出去就唔怕人太多啦🤪.叫左個最中意嘅番茄湯跟米粉😍😍番茄湯依然濃濃的，茄味偏甜，米粉吸哂湯所以好正😆午餐肉就係厚切粒粒🐽口感好好🐽.跟餐多士好香口，邊邊脆脆的🌺牛油幾重手，加上滑蛋就更加滿足了💪🏻.試左鮮茄黑椒汁雞扒飯加滑蛋🐥🐥 個汁好特別，黑椒味十足但又有番茄香味🥰 滑蛋份量滿滿，一齊撈飯食一流。雞扒肉厚又嫩😁.大家一定要試忌廉咖啡！特別香滑🧏🏻‍♀️🧏🏻‍♀️

忽然好想撈麵，但係個餸都好重要，醒起樓下有間冰室嘅下午茶正正就係印尼撈麵，而佢配搭係啖啖肉嘅豬扒。講真呢間野都幾多嘢食，早午晚個餐牌基本上冇咩大變化，除咗是日精選之外，就變咗成個餐牌一目了然唔使轉來轉去。最後當然決定試吓最想食嘅G-大滿足啖啖肉豬扒印尼雙撈麵$ 54個撈麵嘅份量比想像中大，如果一個女仔唔係好大食嘅話未必食得晒，分分鐘要同人哋share！而且上面嘅豬扒係非常之大塊，煎得好香，果然係大滿足同埋啖啖肉！下次外買就試吓其他常餐或者三文治，啲fusion風都好得意！

因為今日喺港島區傾野，就買兩個下午茶外賣上去一路食一路傾～始終最近疫情原因，都費事堂食。下午茶餐A特濃蕃茄湯午餐肉粒通粉 $45鮮牛油麥包多士4.3牛奶炒日本滑蛋呢個套餐都幾豐富喎，個番茄湯底味道濃郁，加上午餐肉一粒粒，好方便食，個麥包多士加埋牛油都好香，呢間用咗日本蛋同4.3牛奶，更加特別好食。F炸南乳雞髀餐$ 38配薯條或薯餅我哋就揀咗薯條，嗰份量比較多，口感都幾脆；另外南乳雞髀嘅南乳味好香，炸得香脆，仲要啖啖肉裏面仲juicy，正！下午茶真係好抵食，下次不妨試吓。

最近公司又home office過啦買定個豐富既早餐俾我同屋企人食留番係屋企抗疫啦其實早餐同出面茶記差唔多啫但旺記最令我念念不忘既係佢哋既奶油豬所以今日都專登落街買旺記始終而家疫情都嚴重 堂食真係無咩人不過外賣係屋企食都安心d啦門外都設置咗酒精搓手液為己為人出入都洗洗手啦另外佢哋最近都暫停咗沙律菜雖然平時我都鐘意食但都係個句為己為人忍忍啦蕃茄湯餐肉粒通粉外賣既份量一樣足㗎餐肉粒食落好香口又夠腍但最重點都係蕃茄湯底酸度一流食到最後飲哂d蕃茄湯因為實在太好飲沙爹牛肉公仔麵好彩拎到番屋企未索哂d湯麵都未發脹食落仲好爽 軟硬度適中沙爹味濃度恰到好處最後不得不講奶油豬拎到番屋企仲好熱好軟唔係平時食到個d硬身既豬仔包加埋d熱既牛油一流正呀！回頭度: 8/10

最近為了預防感染新冠肺炎（COVID-19)，我都叫外賣吃。減少外出用餐，留家抗疫。去了旺記冰室，當然叫最出名滑蛋！我叫了牛肉蝦仁滑蛋飯，外賣好快就到喇！牛肉大大片+蝦仁大大隻，係滑蛋上面，非常吸引。呢到嘅滑蛋係用日本雞蛋整，加埋牛乳去炒，食落非常嫩滑，又香蛋味，加埋秘製嘅甜豉油，好好味，又有少少蔥粒增加口感，一啲都唔單調。蝦仁夠爽口，食落口相當滿足。牛肉份量亦不少，肉質腍滑，相當高質。飯煲得好好，一粒粒，唔會太濕，食得好有口感。

本人不嬲都好鐘意食冰室同茶記更加係一個滑蛋控一早聽過旺記好出名食滑蛋飯所以今日晚餐就揀咗嚟依到試下滑蛋蝦仁飯 ($57)無因為出左名就賣到7 80蚊晚餐嚟講都幾抵食雖然依碟飯嘅材料好簡單但係要煮得好食一啲都唔易架~講左佢個主角 - 滑蛋先滑蛋用左日本蛋 ！！咁就唔驚會因為雞蛋未經徹底煮熟 而食物中毒蛋一睇就知唔會好老身 炒到滑一滑可以覆蓋成個飯 應該有3至4隻蛋另外蝦仁大大粒，爽口彈牙再加埋 秘制豉油同蔥花成功令我食晒成碟飯另外覺得佢嘅飲品質素可以改善下杯奶茶一般般~

食神戲中令人感動嘅黯然銷魂飯（幾塊叉燒同埋一隻荷包蛋）印咗落我個腦海入邊，好想有一日食到咁有靈魂咁有生命力嘅叉燒蛋飯。一直有朋友介紹旺記冰室，雖然佢係滑蛋唔係荷包蛋但一食就覺得正，仲要公司附近有分店添，搞到成日同同事去食！不過唯一唔好處就係太多人啦成日排好耐隊所以依家同同事去食旺記嘅時間都盡量會避開lunch time，咁就唔駛等咁耐位，不過可能有一個風險就係自己鍾意食嘅會售罄。佢哋嘅滑蛋叉燒飯- 滑蛋用日本蛋同奶，自製叉燒，秘制豉油滑蛋可以覆蓋成個飯，蛋滑仲有蛋汁！叉燒半肥瘦，煮得夠軟，每碟大約6-8塊左右配上佢哋嘅秘製豉油，鹹甜適中，同個飯好夾，做到畫龍點睛嘅效果！滑蛋叉燒蝦仁雙拼飯，蝦仁大大粒，爽口彈牙，如果叉燒同蝦仁都想食嘅朋友就可以試吓雙拼啦！係公司同同事成日都讚佢係有生命力嘅滑蛋叉燒飯啊

早餐每日都要食呢間早餐種類唔多但係都叫做基本野同特色野都有入面幾多人食緊早餐見到隔離個米粉幾吸引經常都食沙嗲牛麵有點悶同埋都唔健康⋯食米粉好似健康啲我哋叫佐個五香肉丁米餐同沙嗲牛肉米餐個米粉有啲似新竹米粉幼身果種，都幾好味肉丁同沙嗲牛肉都ok炒蛋係幾滑～但塊多士放咗上去d蛋度⋯個底濕晒⋯麻麻地另外一份轉煎熟蛋，但係黎到個黃都係未熟晒⋯要拎入去再煎～咖啡d奶太多⋯少啲奶會好啲凍檸茶少甜幾好飲～如果可以大杯啲更好

我最鐘意番茄湯，聽說這間冰室出名特濃番茄湯，所以今天專程來朝聖。由於中午有事要做，大約下午3時才到達，剛好可以吃下午茶餐，比午餐平了4元。先來期待已久的「特濃番茄湯午餐肉粒通粉」，吃了第一口，估不到番茄湯十分濃稠，杰身的，不是水汪汪的，感覺是將番茄打成湯，這是我飲過最濃的番茄湯，太好味了。配以煎香了的午餐肉粒，多了香口感，卻沒有油膩感。牛奶炒蛋十分香滑，炒得剛剛好，不會過老。麥包多士比較少見，雖然塗上了牛油，但因為用上了麥包，所以感覺比較健康。最後加4元便可以配愛爾蘭咖啡，為這個下午茶劃上了圓滿的句號。總括來說，番茄湯真的很濃很好飲，真的齒頰留香，難以忘記，一定會為它再來。

Lunch Time 時間又到喇,,今日我地早左出去, 所以等左一陣就有位喇黎到<<旺記>>, 當然要叫佢既招牌 🥚日本滑蛋叉燒蝦仁雙併飯🍤🥓不過叉燒已經無晒喇, 所以用牛肉🐮代替, 雞蛋🐣同以前一樣, 都係好滑好滑,煮得岩岩好,牛肉都係滑牛，無過熟再加埋佢地自家製既鼓油, 有D甜甜地, 幾特別,,不過蝦仁🍤我覺得唔夠鮮味, 所以我下次一定一定會叫叉燒黎試下同事就叫左””小確幸 旺記雜扒🐓🐖飯””雜扒係有豬扒同雞扒, 見到都煎得好金黃, 無煎到乾晒, 重有肉汁留出黎TIM 同事都話OK, 不過覺得價錢有D貴而服務方面, 可能係LUNCH TIME 時候啦, 所有侍應都係不太有笑容, 落單都係黑晒面☹️咁, 希望下次去會好少少啦

鰂魚涌越開越多標榜「蕃茄濃湯」及日式炒蛋作名物的店舖「旺記」便是其中一間。每次經過旺記門口都是人山人海，外賣堂食都要等上最少15分鐘。這天終於一試堂食了！午市套餐依舊是我的最愛- 「特濃蕃茄湯餐肉粒通粉」配日本炒滑蛋及多士麥包一片！蕃茄湯味濃，但未見鮮茄或茄蓉材料。餐肉粒煎香又彈牙，讚！但餐肉粒的份量就.... 有圖有真相 炒蛋沒花巧，簡單就是最好的原味，嫩滑。麥包卻有點失望，雖然烘烤了一點點，但可能放久了才出餐，所以完全沒有丁點兒香脆反而已經變硬了，失分了！套餐，我配以熱柚子蜜，柚子味未夠濃，味道一般。

星期五晚黎個TGIF一於試下以滑蛋崗名嘅旺記冰室果然係人氣店星期五晚當然需要排隊等位大約等左3 個字就可以入座店內位置不多 幸運被安排二人位 唔洗搭枱晚餐餐牌原來係無供應滑蛋叉燒 有d 失望黎到旺記當然係要揀滑蛋做主食最終揀左：爽滑蝦仁滑蛋飯及豬軟骨特色沙律配滑蛋豬軟骨有驚喜 煮得夠稔同有小小肥伴住 口感唔會一味齋稔滑蛋好滑 唔會煮得過熟 份量夠應該係有落牛油去炒主食有滑蛋，豬軟骨同沙律外仲有胡麻醬撈麵 味覺嘅衝擊爽滑蝦仁炒蛋飯 蝦仁好爽 份量亦夠多同蝦都大隻蝦蛋就較熟 似係中式炒滑蛋 滑蛋配埋蔥花 簡直係一絕聞名不如見一面 一間會令我想encore 嘅新式滑蛋冰室

日本滑蛋叉燒蝦仁雙拼飯 $58*店鋪標榜「只用日本蛋」🇯🇵炒蛋又香又滑的確出色 一碟飯大概有三隻蛋🥚配埋秘製甜豉油 真係好岩送飯🤤蝦仁同叉燒就正常啦 主要黎都係食個蛋😜好味程度💡7.5/10(by M)

推介茶餐廳旺記冰室！叫餐記得加錢轉奶油豬，好香脆堅好食炒蛋夠滑，每次食水準都保持得好好雖然款式唔係好多但樣樣都好好食👍🏻飲品有忌廉溝鮮奶🥛唔係間間茶餐廳都可以叫到😋😋