旺角海鮮菜館

营业中

休息中

上網見到好多人都話好好食，唔似得西貢嗰啲會劏客，性價比極高！❤️白灼韭菜花 韭菜花冇咗嗰浸草青味，仲好爽脆。裏面應該加有少少麻油，食落去有浸好香嘅花生味！ 白灼鮮魷魚 魷魚爽口好新鮮，醬汁鹹鹹地好開胃。杏汁白豬肺湯 推介❤️平時喺屋企懶得整呢個豬肺湯，工序又多，又要洗豬肺。 一飲落去杏汁嘅味道好豐富，個湯底好濃郁，仲要個豬肺都好林。裏面仲好多料添。 豉汁蒸蟶子皇 蟶子皇手掌咁大隻，蒸嘅火候啱啱好，爽口新鮮。個豉汁又唔會太過鹹同埋油膩。 白胡椒龍蝦粉絲煲 推介❤️平時出邊食龍蝦，好多時都係高湯或者芝士。呢一個粉絲煲非常考功夫，又要啲粉絲唔窿底，仲要吸晒啲白胡椒同龍蝦嘅鮮味。又有鮮甜味亦都有胡椒嘅辣辣地，非常惹味！ 龍蝦啲肉大大嚿，同埋斬開咗一嚿嚿方便進食。 食落去唔會太老，粉絲亦都唔會太林又唔會太硬，烹調時間啱啱好！ 高湯菜心個菜心軟硬適中，而且用高湯嘅話就可以解下啲油膩感！ 裏面仲有啲原粒蒜頭同杞子。呢度嘅海鮮都幾有特色，仲要味道都唔錯，價錢亦都非常合理。不過真係要book位因為真係好full ! 🤣

朋友介紹食呢間海鮮傳統老店，真係冇介紹錯。嘢食好食之餘，價錢都公道。見門面寫米芝蓮班底，所以都好期待！ 杏汁豬肺湯 呢個花功夫嘅菜式，豬肺炆得好林，咬落去彈口而且非常入味。 本身以為豬肺湯飲落有少少杏仁味🤣先知道係杏汁豬肺湯。個味道同豬肺非常夾，而且豬肺識落冇乜異味，清潔得非常乾淨！ 白灼鮮豬脷 必食我平時好少食豬脷，因為有啲會比較腥。 今次試食一舊，點知忍唔住食多幾舊！ 佢嘅豬脷非常新鮮，咬落去好軟身，而且好入味。白灼海蜇頭 特色成日喺出邊酒樓食海蜇，海蜇頭真係好少食。 不過味道相當唔錯，鹹鹹地又有麻油味，仲要係海蜇頭，比起海蜇特別有咬口！ 蒜蓉粉絲蒸大元貝 蒜蓉同粉絲非常多，元配都好大隻。粉絲吸晒蒜蓉同海鮮嘅味道，再加埋啲醬汁，上邊讚左一層油超級入味好好食。 招牌炸子雞 💯外表脆卜卜金黃色，識落啲雞皮真係好脆口。 裏面嘅雞肉仲要係非常嫩滑外脆內軟。而且隻雞本身雞味都好重，以為餐廳主打海鮮，點知隻炸子雞都好出色，好食過好多出邊嘅酒樓！ 蒸老虎斑 大大條魚，條魚好新鮮 ，蒸嘅時間啱啱好。啲肉仲係好嫩滑 。再加埋啲薑蔥同讚油調味，冇得頂！ 番薯糖水原來會送糖水，仲要係每日新鮮煲，唔

胡椒豬肚雞湯胡椒豬肚雞湯是一道經典的廣東湯品，湯底用新鮮豬肚與雞肉熬製而成，十分滋補，感受到濃郁的雞肉香味與豬肚的鮮甜，當中的胡椒粒更添香辣感，飲完格外暖身。🍲椒鹽斑馬尿蝦這道椒鹽斑馬尿蝦，絕對是我嘅最愛！蝦子外脆內嫩，表面上了一層椒鹽，香氣四溢，讓人忍不住一口接一口，每咬一口都能感受到蝦肉的鮮甜，嫩得來又不油膩。🦐油浸虎杉油浸虎杉的做法非常講究，首先用上等的虎杉魚，經過油浸後，魚肉依然保持了其原有的鮮甜。油浸的過程使魚肉更為柔嫩，外層包裹著一層淡淡的油光，看起來非常吸引。🍽️白灼海蜇,白灼魷魚白灼海蜇好爽口彈牙，魷魚亦都口感爽脆，淋上一點點醬油或是花生醬更提升口感。🐟杏汁菜膽白肺湯杏汁菜膽白肺湯是一道清新的滋補湯品，用杏汁煮成的湯底，香氣撲鼻，菜膽與白肺的搭配更是恰到好處，增添了一絲甘甜，能有效清熱解毒，讓人感到身心舒暢，十分養生。🥣

今晚想食海鮮，近近地搵左旺角一家老飯店「旺角海鮮菜館」，套餐每位四百餘元起，單點價錢一樣清晰，都幾均真。店員都係相當具經驗嘅叔叔，但反而好nice好有親切感，會同你介紹下菜式，問你岩唔岩食等等……白灼粉腸（$48）：粉腸軟腍之餘，非常爽滑有嚼勁，內裡帶粉粉口感，十分上頭，令人食唔停口。簡單以豉油調味，蘸指天辣豉油更惹味。白灼海蜇（$48）：海蜇頭顆顆飽滿，質感Q彈爽脆，其獨特口感加上少少辣椒豉油已能令人回味無窮。杏汁菜膽白肺湯（$68）：湯頭呈奶白色，濃郁杏香撲鼻，口感滑溜，杏汁味恰到好處，豬肺亦軟腍入味。豉椒炒蟶子皇配煎米底+$78 （$352/4隻）：蟶子皇夠大隻，二人其實食三隻都夠，其新鮮，味道鮮甜，煮製時間恰到好處，質感仍保持幼嫩爽口，以豉椒爆炒，調料亦沒遮蓋其鮮味。煎米粉底脆香，吸曬啲豉汁，非常香口惹味，但卡路里計算者慎點。清蒸虎杉斑（$388）：都幾大條，起碼成斤重，夠三至四人享用，虎斑非常新鮮，肉質爽實有彈性，條魚係咪靚，真係食清蒸就知質素，蒸魚豉油香甜，唔想曬就記得嗌碗白飯撈撈佢。

旺角海鮮菜館🦞已經吃了很多次了👍👍在旺角區也是歷史悠久，屹立不倒。由十幾年前的宵夜套餐開始食起，到今時今日凡有朋友聚會，想食海鮮也會想起它呢😍本身地點位置優越，旺角或太子站出口再行大概5分鐘便可到達，而且價錢明碼實價，店舖都以套餐為主，相應自己想食的海鮮品種去揀選套餐類別。套餐有魚有菜有肉有海鮮。如果本身有價錢預算或不知道如何選擇，店務員也會提供意見。相比鯉魚門/三聖，價錢比較明碼實價，唔駛好似人哋話齋食海鮮就要俾海鮮價😛😛這趟我們一行五人飯聚，我跟另外一位朋友主要是為瀨尿蝦而來，所以我們分別叫了一個二人瀨尿蝦餐及一個三人龍蝦餐。 這個大包圍的叫法，我們可以每樣都品嘗到🤟🏻套餐配有前菜六小福（自選）-白灼豬粉腸-白灼水魷魚🦑-白灼韭菜花-白灼海蜇-白灼豬肚-白灼豬脷🫢配上佢哋嘅自製醬汁，淨係前菜都食完一口有一口*湯可選胡椒豬肚湯及杏汁豬肺湯*兩款也是他們餐廳的王牌，各有支持者主菜：👉🏻豆豉果皮蒸鮑魚👈🏻果皮好香，鮑魚時間蒸得恰到好處，爽口彈牙👉🏻椒鹽瀬尿蝦👈🏻當日瀨尿蝦的來貨比較大隻，所以店員也會諮詢我們需要額外每隻+$60，套餐是每人足一隻份量，用上避風塘椒鹽嘅煮法係最惹味，蝦殼外脆

海鮮館喺旺角波鞋街後邊，近旺角東火車mtr站。由地鐵站行過去數分鐘就到。餐館唔算大，大約有六至七張枱，蓋上紅色枱布，更顯裝修古色古香。牆上好似有不同藝人簽過名打卡。餐牌果然有好多海鮮，有二人餐四人餐選擇。頭盤小食係白灼魷魚，韭菜花。份量大概豉油碟咁大。杏汁菜膽豬肺湯，用個燉盅呈上，湯底奶白色，好足料。招牌油浸虎杉班，炸至金黃色，份量夠二人食。魚肉幾滑嘟，果然係新鮮魚。豉油王炒麵都算有鑊氣，香口唔太鹹。

今晚同朋友行完旺角後，朋友說想吃海鮮🦞，於是我們便來了這餐廳。我們決定了叫這個至尊二人杉斑套餐$788旺角六小福中選了以下2款：白灼海蜇：海蜇口感脆嫩,很好吃。白灼豬利：白灼豬利口感滑嫩，肉味濃郁又不油膩。白灼豬利肉質彈牙。杏汁菜膽白肺湯：杏汁為湯增添了清新果香，與菜的清甜和白肺的鮮味相結合，形成獨特口感。招牌油浸虎杉斑：油浸的烹調方式保留魚肉鮮味，虎杉斑味道清新可口，適合喜愛海鮮的人。蒜蓉粉絲蒸特大元貝：元貝的鮮甜非常明顯，搭配蒜蓉和粉絲的香氣，讓整道菜彌漫著海鮮香。蒜蓉的香味很好地提鮮，與元貝的鮮味形成絕妙的結合，使菜餚美味。豆豉果皮蒸大連鮑魚：豆豉果皮蒸鮑魚極具風味，將大連鮑魚的鮮美與豆豉的香氣結合，讓人垂涎欲滴。翡翠金沙蝦球：蝦球外脆內嫩，口感有層次。蝦仁彈牙，咬下去時感受到肉質的鮮甜。

旺角抵食高質海鮮菜館旺角呢間海鮮菜館好多人正評，今次又同朋友去試下先～我哋叫咗兩款前菜，一個係白灼豬脷，一個係白灼海蜇。豬脷好大塊，配埋佢哋自家製嘅醬汁好惹味～至於海蜇就爽口彈牙，口感清爽另外又飲咗兩款湯，杏汁菜膽白肺湯同胡椒豬肚雞湯。杏汁菜膽白肺湯好清甜，菜膽白肺味道好夾，飲完成個人好滋補舒服～胡椒豬肚雞湯就勁香胡椒味，豬肚雞肉鮮味又暖胃呢間嘢嘅招牌菜之一～個避風塘炒蟹有一大隻肉蟹蟹肉好鮮甜，配埋佢哋獨家嘅避風塘蒜粒，香口到不得了，真係勁惹味最後我哋食咗個新鮮菠蘿咕嚕肉，醬汁酸酸甜甜，肉質外脆內嫩，用黎送飯一流

旺角海鮮菜館位於旺角嘅洗衣街153號地舖，搭地鐵B3出口，行幾分鐘就到，今日第一次嚟試呢間海鮮菜館，真係米芝蓮嘅升級班底，完全冇令我失望，真係老字號油浸虎杉斑魚魚肉經過油炸處理，表面金黃酥脆，內裡肉質鮮嫩多汁，入口豐富的魚油,散發出濃郁醇厚的香氣，令人垂涎欲滴，魚肉本身肉質細嫩可口，油浸後口感更加柔軟嫩滑，鮮美多汁，魚肉十分新鮮豉油王炒麵即叫即做，麵條表面均勻地塗上濃郁的豉油汁，口感彈牙，麵條經過精心烹飪，既不會過硬也不會過軟，入囗咀嚼時有彈性，與醬汁融為一體，口感絕佳，還加入了芽菜，有種清甜爽脆口感，表面加上芝麻食起來，層次豐富,令人回味無窮。胡椒豬肚雞湯，湯底由雞肉、豬肚和各種香料熬煮而成,口感濃郁醇厚,充滿濃濃的香氣，入口帶有微辛的胡椒香，鹹香鮮甜好味 杏汁菜膽白肺湯湯頭入口濃郁醇厚，杏仁香氣鮮美味道相得益彰經過慢火燉煮,質地細嫩爽滑,與杏仁絲滑順口的口感完美融合，入口很濃杏汁味，口感細膩醇厚，營養豐富，有滋養肺，養顏護膚，湯水真材實料，沒有口渴的感覺

是晚去機場接落機兼放低行李之後～久違香港菜式嘅友人話勁想食海鮮餐喎～雖然時候已經唔早～但要食正海鮮唔一定要山長水遠走去食嘅😌喺旺角就食得到啦！帶咗佢去呢間老字號歎番餐🤝🏻🤝🏻.✨白灼韮菜花 $48由於韮菜花非常新鮮😍簡單烹調已可品嚐鮮甜味道！讚！.✨白灼魷魚 $48份量唔少👏🏻👏🏻鮮味彈牙魷魚只需沾上辣椒豉油已成絕妙小食🦑.✨旺角避風塘炒蟹(細) $698🦀巨型有睇頭❗❗以大量炸蒜辣椒乾炒起原隻肉蟹～一咬蟹肉啖啖鮮味湧入口腔～食到手指都要啜埋🥰🥰.✨蒜茸粉絲蒸元貝(三頭) $176 兩隻珍寶size嘅元貝🤩食落勁厚肉！加上海量粉絲及蒜茸清蒸～增添滋味程度👍🏻👍🏻.✨豉油皇炒麵 $118看似平平無奇！實質更考功夫！麵條每條都色澤均勻！而且炒得夠乾身分明！有咬口又帶豉油皇咸香美味🫶🏻🫶🏻.✨醬油 $16✨茶位 $15@位✨加一服務費

朋友長期住外國, 今次返香港我同佢食海鮮。我哋係旺角行完街就去左一間海鮮菜館食飯。我哋叫左一個二人套餐, 前菜有白灼魷魚和白灼韭菜花, 魷魚爽口彈牙, 韭菜花鮮嫩, 食落鮮甜。套餐有兩款湯選擇, 我哋揀左杏汁花膠豬肺湯, 杏汁味好濃, 味道清甜, 十分滋潤。蒜蓉粉絲蒸元貝, 元貝好大粒, 粉絲吸收晒湯汁, 十分惹味。 豆豉果皮蒸鮑魚, 果皮味好香, 鮑魚好新鮮食落彈牙爽口。油浸虎杉斑, 魚肉嫩滑, 時間控制得好, 食落好鮮美。食物整體來講都好新鮮, 朋友食得好開心, 唔使去西貢都可以食到海鮮, 十分方便。

位於旺角洗衣街嘅懷舊餐廳。呢間專門食海鮮嘅傳統粵菜入邊嘅服務員有禮。一入餐廳就看到附有懷舊特色的裝修嘅風格。首先配菜係白灼韭菜花同白灼海蜇。兩個小菜利用簡單嘅烹調手法煮出食材原本嘅味道。另外仲有花生作為前菜。花生偏大粒味道鹹香咬落香口。非常開胃。杏汁菜膽白肺湯第一次飲呢個湯覺得好驚喜。去飲呢個湯之前已經聞到香濃嘅杏仁香味。之前只係試過杏仁嘅甜品。估唔到杏汁加喺鹹嘅湯入邊都好夾完全沒有違和感。胡椒豬肚雞湯唔知豬肚湯味道濃郁，材料豐富食囉好有滿足感。油浸筍殼魚有浸筍殼魚味道濃郁。油炸過嘅魚皮香口但食落唔會有好油膩嘅口感。魚肉新鮮滑嫩。值得一食。瑤柱蛋白炒飯炒飯粒粒分明，飯粒嘅口感唔會太硬，又唔會太腍啱啱好加上蛋白同埋瑤柱嘅香味，味道唔錯。

多年口碑💯老字號海鮮菜館🌊米芝連班底⭐️💫鬧市鯉魚門😍😍💎 白灼海蜇、白灼韭菜花 $48可以一試✅ （😋：7.2/10）👍🏻：兩樣都偏向淡味道，不過兩款口感都非常爽脆，調味嘅係麻油同豉油味👎🏿：。💎 豉椒炒蟶子皇 $88/隻值得一試‼️（😋：7.7/10）👍🏻：有鑊氣嘅小炒🔥濃濃嘅豉椒味，蟶子非常大隻，而且都爽口彈牙🌊👎🏿：。💎 油浸虎杉斑 $368必食💯💯 （😋：8.3/10）👍🏻：本身以為酒樓食開嘅通常都會係蒸魚🐟估唔到呢個有少少似炸魚嘅口感😍煎得非常之香脆可口，有啲似我之前喺泰國食過嘅一款炸魚，都係令人想食唔停口嘅感覺😚😚👎🏿：不過啲骨係未炸到食得嗰種🙊所以都偏向多骨，大家食要小心👀💎 新鮮菠羅咕嚕肉 $138必食💯💯 （😋：8.8/10）👍🏻：超好食！其實平時普通餐廳嘅咕嚕肉，我都唔係太喜歡的～成日都覺得唔知食緊啲咩肉咁，淨係得啲醬嘅味道🫣🫣但呢一個可能係我咁耐以來‼️食過最好食嘅咕嚕肉‼️真係用新鮮豬肉整嘅🤤而且真係超有口感，每嚿肉都肥瘦均勻👅👎🏿：。㊙️我覺得要讚嘢一定係菜館用嘅茶壺🫖杯杯碗碗碟碟🍽️🥢都非常之靚💫好有舊式茶樓嘅特色😍而且每枱一坐低就有嘅開胃花生🥜超好食🤤真係食唔停口‼️

想吃懷舊粵菜，於是去了旺角洗衣街153號地舖～旺角海鮮菜館港鐵旺角站B3出口，步行約5至6分鐘。店內充滿懷舊特色，近門口有魚缸，內有多款新鮮海鮮供客人選擇。菜譜豐富，各款海鮮烹煮、粵菜小炒、多款老火靚湯，服務員禮貌推介招牌菜和今日游水海鮮。白灼海蜇$48、白灼韮菜花$48口感特別，肉質圓潤彈牙，與一般的海蜇大有不同。韮菜花非常嫩綠，鮮甜又脆口，是六福小菜其中兩款。杏汁菜膽白肺湯$68、胡椒豬肚雞湯$58火喉十足奶白色的白肺湯，香濃的杏汁味，豬肺煲得嫩腍，入口非常潤喉舒服。胡椒豬肚雞湯，胡椒味極濃，但不會奪去雞和豬肚味，一飲便知火喉十足。油浸虎杉斑$368油浸功夫了得，虎杉斑肉質新鮮嫩滑彈牙，魚脂香濃，味道剛好。旺角一品炒飯$138份量十足，飯粒分明，炒得夠乾爽，配菜相當豐富，色彩繽紛，提升口感的層次。

白灼韭菜花呢道白灼韭菜花，簡單清爽，韭菜花經過白灼處理，保持住原本既鮮嫩同翠綠。🥗白灼魷魚經過白灼之後，保持住脆口既質感同彈牙既口感，保持住魷魚原本既鮮味，非常爽口，配上少少調味，更加突顯出魷魚既美味。🦑杏汁菜膽白肺湯呢個杏汁菜膽白肺湯，係一道充滿廣東特色既老火湯。湯底用上白肺同菜膽，熬製出濃郁既湯底，再加上杏仁既香氣，令到成個湯既味道更加豐富同有層次，感覺非常滋潤同清香，對身體有好好既滋補效果。🍲胡椒豬肚雞湯胡椒豬肚雞湯係一道充滿暖胃效果既湯品。豬肚同雞肉煮得非常嫩滑，胡椒既香辣味道滲入湯底，再加上豬肚同雞肉既鮮甜，令到湯品味道更加濃郁同豐富，令人感覺非常暖胃同滿足。🌶️油浸虎杉斑油浸虎杉斑呢道菜真係非常考廚師既功夫。虎杉斑用上最新鮮既魚，經過油浸處理，保持住魚肉既嫩滑同多汁。油浸既過程令到魚肉吸收左油既香味，令到成道菜既味道更加豐富同濃郁。🐟豉油皇炒麵豉油皇炒麵係一道簡單但係非常美味既家常菜。麵條炒得乾身香脆，每一口都充滿豉油既香味，同時保持住麵條既彈牙口感，加入少少蔥花同芽菜，令到成道菜更加清新同有層次。🍜