旺旺冰室

营业中

休息中

今日去完街買嘢，就諗住搵個地方食下午茶，見呢間旺旺冰室係新開嘅，所以就入去試下。店內環境光猛乾淨，店員見到有客人覺得凍，仲主動將冷氣較細啲，非常細心！乾炒牛河：上枱就聞到香味，非常有鑊氣，牛肉片足料，腍身得嚟入味, 河粉唔會油淋淋，味道恰到好處，好快ko，好食。吉列魚柳配沙律：魚柳外層金黃色，刀切入脆脆嘅聲音，入口外脆內嫩, 配合沙律醬食非常滋味，雜果沙律又夠凍。奶油豬：咬落鬆脆, 入口香甜。茶膽幾靚，凍奶茶同凍檸茶都好飲，凍檸茶唔會太甜。紅豆冰，紅豆較多又夠大粒，入口清涼。