953
321
109
港铁红磡站 B1 出口, 步行约5分钟 继续阅读
开饭介绍
深受大学生欢迎的快餐店,推荐搭配洋葱粒及牛肉的汉堡。 继续阅读
奖项殊荣
最优秀九龙城开饭热店 (2011-2016), 最优秀开饭港式餐厅 (2016), 最优秀开饭快餐店 (2011-14),
营业时间
星期一至六
11:00 - 21:00
星期日
全日休息
付款方式
现金
其他资料
酒精饮料
自带酒水
电话订座
外卖服务
加一服务费
电视播放
食记 (1486)
等级2 2018-07-27
1704 浏览
以往说起汉堡时,经常都有朋友提到时新汉堡,於是决定专诚来到黄埔,一尝传说中的时新汉堡,看看它有多好吃。这是芝士蛋汉堡饱,沙律酱。热辣辣的包就是好吃,汉堡扒很厚。有朋友说蛋很正,的确是不错的,拍得上妈妈的煎蛋,沙律酱很流质,令吃的时候颇麻烦,朋友说以前吃更多酱,更好吃,但会有分别吗?反正再多的汁都会漏走,可能是因为漏走些後,还可以相对上有多点酱留在包里。喜出望外的是,包里虽然有不少洋葱,但不惹歧视洋葱的我反感。整个汉堡是真材实料的,不过其实都冇咩特别丫,就系homemade汉堡feel罗。 继续阅读
(以上食记乃用户个人意见 , 并不代表OpenRice之观点。)
等级4 2017-08-08
2413 浏览
我觉得红磡、黄埔一带都几多野食,成都好想试下时新快餐店,奈何每一次都同佢擦身而过。今次终於特登空肚黎食佢既汉堡包喇!双层汉堡芝士蛋包 ($24)汉堡包唔算十分出色,但就系充满港式风味 既一款汉堡包。面包用左嘉顿汉堡包,微微烘脆,而中间既肉可以拣牛肉/猪肉,即叫即煎,小小juicy不过就好油,夹杂着芝士同蛋,而且配埋秘制既沙津酱 ,成个汉堡包真系几惹味架! 汉堡扒唔算超大块,但沙律酱令到呢个包变得更好味!呢个汉堡包既size对於一个男仔黎讲,可能有D细,最後朋友要食2个先饱,所以叫多左一个包~鱼扒包 ($21) 呢个包卖相就相对失色好多~ 鱼扒即系龙脷柳,两边都煎过,再加惹味既沙律酱,但始终口感冇双层汉堡芝士蛋包咁吸引!~我地仲叫左2款小食。炸薯条 ($18) 卤水鸡翼 ($19/2) 鸡翼几好食,唔算超过入口,但鸡肉就好嫩滑~~餐牌 睇新闻话红磡黎紧2,3年会重建,餐厅要搬迁,搵日经过要同朋友再去食呢个汉堡包呀! 继续阅读
(以上食记乃用户个人意见 , 并不代表OpenRice之观点。)
等级4 2017-08-05
1682 浏览
听讲时新好似就黎要结业/搬舖,即刻叫埋家人一齐黎食多次。帮衬过呢间店嘅汉堡包好多次,冇一次令我失望。可能今日系星期六,好晒都依然有人排队。佢嘅格局同装修完全系间七、八十年代嘅快餐店,相当怀旧,唔系夹硬堆砌出黎嘅新兴怀旧冰室feel。一行三人,叫左三个双层芝士汉堡、一只炸鸡脾同一碟炸薯条,食到饱饱夹埋先系食左$103,好抵食。讲返个汉堡包,屋企人第一次食,佢都讲左句「点解个沙律酱同个包咁夹」!其实$22蚊个汉堡,当然唔系有咩靓牛肉俾你,但佢就系做到个价廉物美嘅港式汉堡!面包松软,两块肉加埋芝士同特制沙律汁,热辣辣,真系好食过mc当太多!至於炸鸡脾就冇咩特别,普通货色。薯条都唔错,系波浪粗薯,上面洒满盐,感觉真系好似细个去快餐店。 继续阅读
(以上食记乃用户个人意见 , 并不代表OpenRice之观点。)
等级4 2017-08-03
955 浏览
看openrice访问说时新快要因重建而搬迁,吓了一跳;再看仔细一点原来说是可能在两三年後。心放下一点,但也勾起了我对时新汉堡包的怀念。毕竟这些传统港式小店真是买少见少,还是趁它还健在的时候多多帮衬一下。红磡站B出口一直沿天桥走,走到尽头走下斜坡便是时新。招牌大,非常易见。平日晚上七时到来竟然没有人,可能红馆没有开大show,不然应该会坐无虚席。可惜我只是路过,没有坐下吃,点了个外卖就走了。即叫即做,开放式厨房让人看见师傅在铁板上煎材料,也令整个快餐店内有阵阵油和食物香气。最有名的手打汉堡扒依然很有肉汁,这个包有两大块厚厚的,足料非常,光吃肉也饱了一半。配煮得caramelized的洋葱碎,甜甜的好惹味,也调起了牛肉的味道。🍔芝麻嘉顿汉堡包,加芝士加🍳煎荷包蛋,再配秘制沙律酱,是传统港式汉堡的做法。这麽丰富足料,就算$24比麦当奴的特价包贵一倍也值得,再加上港式风味和全人手制的小店人情味,是令时新汉堡包这麽多年仍屹立不倒的原因。希望这个港式汉堡包传奇不会因重建而消失,就算搬迁我也会跟着去吃的。 继续阅读
(以上食记乃用户个人意见 , 并不代表OpenRice之观点。)
等级4 2017-08-03
5812 浏览
相信不少香港人都食过时新嘅汉堡包,特别住在红磡的我。几日前听过关於时新将会搬迁嘅新闻,其实真系有些始料不及,因为时新汉堡包真系俾咗唔少回忆我哋,为咗可以重温呢份情感嘅味道,今次就特别同朋友喺佢搬之前食最後嘅一次。时新快餐店门口外相片有着真真正正香港特色餐厅嘅味道。虽然门口唔算光鲜,但食品味道真系有保证。内里环境亦唔算好大,约可以坐到20人左右,装潢都比较旧式,点餐方面就系去到柜枱同店员落单俾钱,之後煮好就去返柜枱拎,同而家嘅快餐店集团方式一样。食物餐牌都挂晒喺餐厅内嘅墙身,而且食物啲餐牌其实都非常之有历史。食物种类方面主要是港式汉堡包、炸鸡髀、炸薯条、同埋港式面食。说时迟那时快食物都好快就煮好,店员会叫编号跟住就可以拎返去座位嗰度食。今次就叫咗三样嘢主要都系港式嘅汉堡包、餐蛋面、同埋红豆冰。一开始就饮红豆冰先啦,红豆冰甜度适中而且入面嘅红豆粒非常之饱满软硬适中,咁热嘅天气底下饮呢个红豆冰真系消暑一流。双层牛肉蛋芝士汉堡包配沙律汁嚟到时新食当然唔少得就系叫呢个双层芝士蛋汉堡,汉堡全部都系餐厅自家制造之外,汉堡亦可以拣猪肉汉堡或者牛肉汉堡,而且酱汁都有几种选择可以睇返个人喜好决定。而我点解会拣双层芝士蛋汉堡包,因为贪佢材料丰富咬落去口感非常之满足,汉堡包丰盈嘅肉汁、加埋鸡蛋嘅嫩滑、芝士嘅香同埋沙律酱嘅味道加埋一齐食真系好难用笔墨去形容,而且现有嘅集团快餐更加难食到。餐蛋面餐蛋面材料非常之简单两块午餐肉、一只半熟煎蛋、加上公仔面就系咁就完成。虽然做法普通,但系非常有香港嘅特色。而进食期间除了可以重温旧日风味之外,亦对香港传统味道带点感慨,香港传统餐厅因为不同原因真系越来越少,希望大家有机会都可以试一试感受一下真正香港味道。 继续阅读
(以上食记乃用户个人意见 , 并不代表OpenRice之观点。)