影片
以上资料只供参考，请与餐厅确认详情
食家推介
行行下经过，冇谂到要食乜嘢，所以是但入去食个lunchlunch set都有几多选择，我要咗寿司加乌冬，朋友要咗个牛仔骨定食价位算系中等下，同质素都算成正比嘅，唔好期望好高其实都算ok嘅，寿司嘅鱼生系薄切，但系有8旧，都算系咁啦，乌冬我就觉得胡椒味太重，感觉好似系味精汤咁食咗一旧朋友嘅牛仔骨，味道正常但系超多筋埋单唔使加一，服务都ok，不过你问我会唔会再去，应该就唔会啦，因为比佢好嘅选择附近都有好多
继续阅读
行过路过，见到唔错，入去试下，意外惊喜依家大环境下，改变左生活习惯，真系少左好多出去食野，今次一个人无咩做，行下街经过就入去试下，点左个午市套餐，价钱真系算 相宜，出到黎个剌身饭卖相真系一赞，食落材料又新鲜，真系有惊喜。唯一可惜是环境较狭窄，座位都比较贴，但系卫生不差，都几干净，再加上服务人员亲切有礼，你可以嘅佢仲会同你倾下计，依家讲真仲边有餐厅会同客倾计，会问下客人有咩意见，好唔好食等等......佢比到你佢地真系尊重客人嘅感觉， 唔系hea你求其吹下水，所以下次一定会再黎
继续阅读
放lunch一定要食好D，揾紧野食时无意中发现呢间餐厅，日式风格设计，本身都唔讨厌日本野就行入去食试下如何。入面其实空间唔系好大，但对于居酒屋风格黎讲反而都几合适，而且人唔多，所以都算舒适。我地嗌左两个餐同云丹寿司盛。乌冬汤底好似熬出黎既，几好味，块猪肉都OK，可惜附加的寿司盛得鲜虾比较好食，其他鱼寿司唔系好腥就系唔新鲜。云丹其实系海胆既意思，但成个寿司盛得两块海胆寿司，而且仲特别细缩水严重，其他鱼寿司都几腥，带子算系最好食。鲭鱼饭我觉得都算OK，本身都钟意食鱼，但份量就十分少，同吉野家个二十几蚊既鲭鱼差唔多大细，真系唔抵，份量太小。总体一般般，有待改善。
继续阅读
中午系佐敦做完野后，同同事一起去食饭，行下行下见到间日本野，大家都有兴趣就入去试下如何。我地嗌左两个餐，一个系黑椒汁牛仔骨饭同原条鳗鱼饭。每个餐都附有前菜，系中华沙律同一块甜品（有时系杨枝甘露有时系其他野），同埋有送面豉汤，味道正常但偏咸。黑椒汁牛仔骨饭其实仲有比几块炸鸡，份量唔系好多，但味道OK既，牛肉好入味；炸鸡好细块当系噱头，仲有少少辣味。全条鳗鱼饭个鳗鱼唔系好大，我估一定冇全条鳗鱼既份量，之前去其他餐厅食全条鳗鱼既份量系呢个两倍，不过我本人特别中意鳗鱼所以都算OK，但性价比就好低，缩水好多。
继续阅读
星期六晚好想食寿司又冇订位又唔想排队，呢间小店有位就坐低左。本身好钟意食海胆但又怕唔新鲜，唔新鲜既海胆会好臭好难食。当见到呢两件海胆寿司真系有啲犹疑，只颜色咁嘅……战战兢兢摆落口，冇怪味㖞，仲几鲜甜呢😆其他寿司嘅颜色都唔系咁讨好，但食落系ok嘅10件寿司当然填唔饱我个胃，食多个吞拿鱼腩手卷先，几足料，唔错丫
继续阅读