影片
食家推介
呢间位于土瓜湾嘅小店，佢哋嘅肠粉我已经帮衬过好多次，好多种味道嘅馅料我都试过。肠粉皮薄馅料又多，配埋佢哋嘅豉油同辣椒油更加perfect。个人最喜欢系佢哋嘅蜜汁叉烧肠，姬松茸上素肠，同埋手切牛肉肠。😋😋😋👍🏼～蜜汁叉烧肠：咸咸甜甜，肉汁馅料又够多。～姬松茸上素肠：馅料全部切成粒粒，口感有啲似 鲍鱼粒。～手切牛肉肠：牛肉本身已腌好，切成一片片再同粉浆一齐蒸，嫩滑juicy 。 个人建议肠粉加蛋+生菜，更加丰富好味。另外，佢哋小店人手有限，而且有时都多人，要等好耐，电话落单再以唔洗等咁耐。
继续阅读
住土瓜湾未食过呢间石磨肠粉店嘅唔好话自己住土瓜湾😭又便又好味咁正嘅铺头未帮衬过真系好打极有限😭嗌左个最贵嘅$33肠粉😎牛粒肠，西班牙豚肉我地都食过，两个都好好味！口感丰富，佢系我食过最多料最便嘅肠粉😅，入面有菇、洋葱、肉粒🫰🏻肠粉皮薄薄一层 滑捋捋🥺啲豉油倒晒落去啱啱好！咁便 叫两份都唔肉赤💰两盒最贵嘅肠粉加埋分分钟便过你食其他野🥲肠粉都有半个胶兜咁大份架！一个人食两盒应该够饱！✨土瓜湾嘅老铁快快狗冲去食，记得wts落单，繁忙时段要企街等都几耐下📢📢📢📢
继续阅读
今日去开红磡，一早plan好先去土瓜湾，Encore Day and Night个ADB先，点知去到先发现周三例休😓。灰爆之下谂住求其揾间茶记算数，但系又唔甘心山长水远冇好嘢食，Search咗一轮比我揾到间食石磨肠粉，去到发现冇堂食又系灰咗🙄，但系又系行咗好耐先去到，所以就买咗个叉烧肠同豆浆($25+6)去公园食，再买多三个叉烧包（$20/3），叔叔问我要热定冻，原来可以拣冻，自己拎返屋企蒸👍🏼，要留意只收现金💴。果然塞翁失马，焉之非福😌，呢个石磨肠粉真系好好好好食😋。首先份量好大，肠粉非常滑，叉烧粒好多，仲加咗生菜可以解腻🥬，加埋豉油同自家蒜蓉辣油简直系锦上添花🌸可惜系冇咩机会会去土瓜湾🥺，但系如果行过路过我都会想再食过🤭。
继续阅读
同朋友经过呢间小店, 朋友介绍话呢间小店嘅肠粉,蒸米粉好食又抵食。既然嚟到,就买嚟试试。这间小店铺面不大,外卖形式。俩人买了一盒新鲜肉片肠, 一盒上素鸡蛋蒸米粉。因有很多电话落单嘅关系，员工话要等大概二十分钟。等候时，买了烧买来顶肚饿（$10/8粒）。烧卖唔错, 够弹牙又有鱼味。 新鲜肉片肠 $24. 肠粉份量不少, 淋上甜豉油, 肠粉入口超滑, 够软身, 有米香, 系有水准另一盒上素鸡蛋蒸米粉, 份量都够大, 足料, 味道都ok。但我觉得跟其他食店叫嘅米粉差不多。不过咁嘅份量卖$30, 系几抵食。
继续阅读
土瓜湾好多小店好食，知道呢度石磨肠粉好出名，特登揾日去土瓜湾嚟个美食一日游，真系有惊喜，系我食过最好食嘅肠粉舖头细细，只做外卖，一早嚟已经有条小人龙排队。今次叫左招牌美国安格斯牛肉肠，肠粉皮薄又滑而且最钟意佢烟烟韧韧口感！肉都算多再加上配埋甜豉油同埋佢地秘制蒜蓉辣椒酱，每一啖都有肉+菜+姑，好惹味！而且份量都几大，我无食早餐嚟绝对可以当一餐，下次一定会再嚟！
继续阅读