旦王

营业中

休息中

從食評照片看到招牌寫道"燒賣稱霸",食友所拍的燒賣也似乎跟一般的魚肉燒賣樣子不同, 因此對其抱有一點信心,希望重拾花園街美味魚肉燒賣樂趣,取道往新世紀前到來一試虛實。小店門前人頭湧湧, 不過都是吃酸辣粉多,燒賣反而沒人買。阿姐一打開蒸籠看到的竟然很像鯊魚燒賣,不過個子稍大而已,不是其他食評照片那樣不規則的樣子,何解??以小掃掃上豉油,噢....這不就是鯊魚燒賣嗎??顏色白白肉餡吃來偏實,燒賣沒有豬肉味,但魚味也不是,以這種水準距離燒賣霸有一大段路哩!!也許是我不好彩,又或是師傅製作手法轉了,所以才吃不到燒賣霸?? 所配豉油鹹鹹的應沒加工過, 幸好只掃上少許,不然一定更鹹。這種燒賣水準真不能稱霸, 有點名過其實了! 本來哭臉,但阿姐態度真的不錯, 月巴人以一百元買六元燒賣, 先來句不好意思, 阿姐也有禮回應:"一百蚊無問題! 多謝多謝!"拉上補下, 阿姐拉分不少! 也許吃酸辣粉會較好。

我一向都有食開呢間o既酸辣粉o既。我上星期五又去食, 但好唔對路囉, 我平時叫小辣已經幾辣下, 但今次叫小辣係完全冇辣味。 我同個哥哥仔講, 佢問我係咪撈唔勻呀 ? 我梗係唔會咁白痴啦 ! 之後佢加多左一倍辣油俾我, 但加多左一倍之後, 都只係得以前小辣o既 2/3 辣度。我同個哥哥仔 "交涉" 其間, 我隔離個女仔又係話唔辣, 要求加辣。之後我食食下, 我隔離再有多 2 個人又係話唔辣, 不過佢地冇 complain, 因為佢地第一次食, 唔知道本身唔應該係咁o既。真係唔知佢地近來攪乜呀, 我堂食就話可以即場加辣o者, 人地外賣果 d 咪懶晒野 ?我都唔知再買唔買好喇, 或者下次試下叫中辣睇下會點啦。

最近成日食酸辣粉(食開紅磡果間), 睇之前D食評呢間好似都唔錯, 所以專登黎"旦王" 試下! 前面D食評都話小辣都好辣, 所以我第一次食就試下小辣啦...點知... 唔係好辣咋噃!! 反而仲有少少過酸...同紅磡果間川菜比, 呢間始終唔夠麻唔夠香, 粉既口感唔錯 但價值錢平~ $12雖然多人排隊, 但老闆(我估應該係老闆) 仍然保持笑容, 好有心機遂樣遂樣配料咁落落落 好有HEART 總括係好吃的, 只是過酸~ 下次會叫中辣!!

發現向香港間間野都叫自己做咩王咩后, 今知食完佢既燒賣及魚旦真係發覺比人搵笨1, 魚旦還是OK的, 老實說只是辣, 好在魚旦唔會淋OR太硬2. 燒賣好流WOR - 太淋基本好似食緊粉甘, 無咩味道.... 一定無下次

係xmas 個日去睇戲...去睇戲之前經過就try 下!!其實我係一個唔食得辣但又要食辣既人....不過個d香料真係好香,,好吸引!! 已經要小辣.... 不過男朋友買到黎既時間都唔覺得點小法 辣辣粉 如果唔食得辣個d真係唔好try! 因為熱熱既粉再加辣真係咀都痺埋! 雖然成碗野都係素...因為真係得香料同花生,,,同炸菜...不過佢個隻彈彈粉好鬼好食!!ps: 小小教路.... 我企左係到成20mins 去 對付碗野,,,, 不過如果真係唔想咁辣可以吹凍d 粉...因為辣+熱會好激呀...

估唔到佢咁快就咁紅！第一次去都係2-3weeks之前，唔洗排隊。估唔到2-3weeks後，已經出現長長的人龍。今次要等成10minutes先輪到我。要了一個酸辣粉& 一串燒賣。酸辣粉d粉今次硬好多，唔知係咪因為太多人排隊，所以煮嘅時間較少。雖然我番到屋企，仲要隔咗一陣先食，d粉都仍然好硬好韌。今次仲要辣好多好多，辣到噴火。不過味道係好惹味，好酸又好辣，好夠味。仲有d炸菜好爽口又唔會太咸。燒賣$6/4粒，唔平。不過真係好好味，係魚肉燒賣。無腥味，又唔會成口粉，唔會溝埋肥豬肉。貴得黎係好味的！

小食店要排隊係近年"名店"的標準剛巧經過~~被"旦王"二字吸引魚蛋稱王~燒賣稱霸呢個對聯咁勁~梗係要食下啦~但原來要排隊的~係另有王中之王---正宗重慶酸辣粉沒有去過重慶~我唔理你係唔係正宗~~但又香又酸的味道~加埋只需12蚊~~就豪俾你吧以防萬一~叫小辣好了~(我食辣的程度大約以辛辣麵為上限吧)來一碗~香味四溢~聞落覺得係以酸味為重點知一食~~出事啦!!!!!!!!!立即咳!!!嗰一種麻+辣係令人咳的~上鼻的~唇在震的一食嗰d紅薯粉~就咳~食榨菜同埋花生就冇事但好香~~又再努力食多半碗(一路咳一路食)企位只有2張小圓枱~~咳聲~鼻水聲此起彼落~~大家都拎住紙巾~~十二蚊的小辣認真到呢個地步!!!!各位!!!請自備可樂~該店唔知做乜~只得唔解辣的維他檸檬茶...但對面有7-11~~~同場加映的旦王魚蛋~~入味但太油~~反而稱霸的燒賣好勁成個龍蝦丸咁大粒!!! 6蚊4粒~但嗰4粒的份量~係一定多過一串的份量了~加埋蒸魚豉油~~good!!!下次要帶鍾意食辣的朋友來~看看中辣大辣的厲害!!!

今日行旺角經過<旦王>見到有酸辣粉賣, 即刻眼前一亮, 二話不說即時整返碗先 「一碗中辣丫唔該 !」我見老闆落果d 調味料 & 配菜都係同我以前o係堔圳街頭食o既一樣架 ! 我當時心諗 :「一陣有好野食喇 !」一放入口, um.... 好香o既麻辣味, 再加上口感很好的紅薯粉。再繼續食.... 哈 ~ 今日係我今年冬天第一次出汗 (辣到標汗), 個咀唇仲腫埋, 不過愈食愈過癒。但係正宗o既四川麻辣有樣好, 就係食完之後果種麻辣o既感覺好快會散, 所以其實都唔使飲好多水。下次一定會再幫襯

平時上黎睇各位食家既POST就多自己就真係一個POST都未出過旦王係少數好食既小食鋪頭我同女朋友都未試過一星期食3次小食都係同一間鋪酸辣粉寅係好味到震(個人比較鐘意中辣) , D炸菜既咸度岩岩好燒賣就貴左D, $6得4粒, 我暫時未食過一間有佢咁好食~魚旦都OK , 中上其實每個人既心目中都有一間米芝蓮只要自己鐘意, 平至幾蚊既小食都係五星級既米芝蓮!!

重慶酸辣粉，酸辣麻都非常出色，d粉又彈牙，賣相和味道都有九成半似深圳川菜食館，扣左半成係無位坐企係度食，份量跟內地差不多，12元一碗物超所值，此終係香港食感覺衛生得多；還有秘制燒賣都好好味，魚旦係細細粒果隻，個咖喱汁係老細親自推汁，夠濃夠辣夠香！大家不防去試試!!!繁忙時間大排長龍

番咗成日工，四點幾仲要番公司繼續做。於是買咗碗酸辣粉填填肚。一碗酸辣粉，$12，要了小辣。番到公司一打開，好大層辣油在面，好似好辣咁！D粉好粗，原以為會好煙韌，但又唔係喎...軟得黎又唔會難咬，啱晒我！又滑嘟嘟，好食。配料有好爽又唔太咸嘅炸菜、花生同芫茜。味道好正，麻而不太辣，真係好麻，食咗幾啖個咀唇已經麻痺。又夠酸，我係一個超鍾意食酸野嘅人，呢度嘅酸度無10分都有9分會再幫襯啊！見佢d魚蛋都唔錯，下次試試。

酸辣粉好好味，＄12 only!!!!!足料，榨菜超爽，花生又夠脆，粉超彈牙，夠麻夠辣夠香，正！！！見倒Ｄ燒賣自己整的，於是試下，好大粒，加上辣油，熱辣辣香噴噴。p.s個老闆仲好好人!!

由於剛巧乘亡命紅van從港島回來，一下車就飄來麻辣的味道~本身已經吃過晚飯,但由於味道十分吸引,所以和男朋友買了一碗來試~店員非常細心的詢問要甚麼辣度,男朋友話太辣會咩味道都食唔出,所以要了小小辣~個湯好好味~薯粉"滑劣劣"易咬爛~對我這種腸胃不太好既人來說十分好~吃完再喝附近的椰汁更好~XD

今日經過弼街打算去搭車返屋企，見到呢間旦王小食店，於是買串魚蛋食下! 食落好有魚味，好似細個時食嗰種味道，唔似得其他D小食店魚蛋好似食緊麵粉咁! 跟住食埋佢地嘅招牌酸辣粉，師傅係現場即整，辣度適中，超級好味! 只可惜無位坐要企係度食或者可以外賣!