日本黒毛和牛焼肉 牛太 (錦薈坊)

营业中

休息中

今日同屋企人去咗間日式燒肉店，真係好驚喜！一入到去就覺得卡位好寬敞，坐得好舒服，尤其係帶住細路，佢哋可以自由活動又唔怕撞到人，真係好適合家庭聚會。啲肉一上枱就知新鮮，油脂分布好靚，燒嘅時候滋滋聲，香味撲鼻，入口即化，連平時好揀食嘅小朋友都搶住食。服務態度真係冇得彈，店員好細心，見我哋帶住小朋友主動提供兒童餐具，仲教我哋點燒先最好食，完全唔會嫌麻煩。出面自助區更加係驚喜，雪糕款式多，仲有啲得意嘅日式小食任拎，小朋友開心到癲，不停去拎零食同雪糕，搞到我都忍唔住食多幾杯。整體來講，呢間燒肉店真係抵食，食物質素高，服務又好，環境又舒服，下次一定會再嚟！最正係見到小朋友食得開心，我哋大人都放心，完全冇壓力，可以慢慢享受燒肉嘅樂趣，真係好難得。

我本身book左枱29/5 7:30pm 3位於屯門店入座，我哋準時到達，但係前台員工先讓另外兩台客人入座，等佢處理於入座已經7:40pm，然後佢再表示我哋需要等多20分鐘到8:00pm先可以安排座位，佢當時已經清楚我哋係訂左位，但係就理直氣壯表示book左位都係要等架正常餐廳過10-15分鐘都唔留枱啦，點解訂左位準時到都要再等半個鐘？

之前喺屯門返工發現到呢間勁高質嘅日式燒肉。今日放假唔知食乜好就決定重遊舊地，睇吓佢嘅質素keep唔keep到同以前一樣😋佢total有四個唔同價位嘅餐，我哋揀咗第二個，因為呢個餐開始先至有厚牛舌💗前菜非常有心思，除咗有一般嘅小食同埋沙律自取，仲會有唔同款式嘅日式炸串，仲有唔同嘅味粉俾你自製shake shake薯條🍟肉方面佢都有好多唔同選擇，其中最出色嘅係👅厚切牛舌 基本上我係為咗呢一啖牛舌先至嚟呢度，佢每一塊都係牛舌芯，加上我多年燒牛舌嘅經驗，燒完之後好粉嫩，入口淡淡牛舌嘅油香。我哋叫完一碟又一碟，我諗前前後後食咗10碟都有😂🐂另外一樣出色嘅係厚切橫膈膜肉，對比起封門柳或者其他部位，佢好重牛味，而且好滑好腍一啲筋都冇。真係每一款肉都試過，呢一款係最好。🦐平時燒肉都比較少食蝦，但係今日佢啲蝦好新鮮，一啲都唔痴殻，入口淡淡鮮味。🐟平時呢度嘅鰻魚都好出色，不過今日就爭咗少少，叫咗兩round都係腥腥地。所以我哋放棄佢，唔好再浪費quota去試啦。頭兩round腥應該叫100次都係腥。下次睇吓會唔會好啲啦🧇🥞🍦🍨甜品嘅話款式都好多，除咗有得自己唧軟雪糕之外，另外仲會有雪米糍同埋其他自製嘅甜品

今晚同老婆食餐好 去左牛太 (日本產黑毛和牛 燒肉放題套餐）同以往一樣， 和牛質素好好。 唔需要燒太熟，半生熟咁食係最正。除左和牛，仲有唔同類型雞肉，豬肉，海鮮等等。 最後最值得推介係最後ge 夕張哈密瓜軟雪糕，但唔記得影相。

經過了此店多次才認真地試一次，因北上風氣影響，店家有$99午市特惠餐招來。自助Bar雖然較簡單，但重點的都無令人失望，例如咖喱牛肉用料十分好味也佳，炸雞塊的確的脆沾上疍黃醬很絕配，也有多種任吃新鮮蔬菜、菇類、醃菜、麵豉湯及沙津能餐前醒胃打底，主食分别有牛舌片及豬雞肉雙拼，份量亦了少，而肉質彈牙嫩滑可見鮮度，爐火則夠猛和少冒煙，冷氣很夠不覺太熱，環境清幽潔淨又再加分，最後要講到生果及飲品櫃不過不失，但軟雪榚奶味不夠就較失色了。兩個60分鐘半自助套餐共$218(包加一)，以高級商場來說算是誠意之作吧。

性價比超高！！高質燒肉放題！！！！餐廳位於屯門市中心，地點方便職員十分有禮貌，上餐速度快！！餐廳有唔同等級既Plan可以挑選，各有特色☺️和牛肥美可口，我最中意係厚切牛舌同埋鰻魚😝😝😝即使加點多次仍能保持質素，我已經不斷返去再食😝😝😝

6:50pm拎位，職員話下限枱要7:35交枱，叫我地留低電話號碼會打比我地，叫我地唔洗企系度等去到7:40我地發覺唔對路，就番去睇睇.原來佢已經叫左下一張，仲話要我地等下一張8:16😡話已經打左比我地好耐但冇人聽電啦. 最好笑係我一直等佢電話，一個電話都冇打過黎🤬🤬🤬員工話冇位，一係就等到8:16🤬🤬🤬唔想打電話話唔好話打黎啦🤬🤬🤬

首先，見到出面餐牌寫住buffet以為係燒肉放題，點知原來佢係指小食、甜品、飲品放題😅😅😅我哋一直抱住一個燒肉放題嘅心態入去食，入到去佢哋俾咗個Code我哋上面寫住「掃一掃下面QR code就可以點餐喇！」真係以為佢係燒肉放題，後尾入到去個網先發現原來唔係😅😅咁點解出面Reception唔講清楚？餐牌亦都無清楚列明係定食😅另外，Reception嗰個女人態度都好差，原來我哋啲燒肉可以揀口味，但係佢問都無問就幫我哋揀咗鹽味😅😅😅再者，食物質素好一般，肉嘅份量都好少，但係收$199，性價比好低。小食嗰邊嘅放題都好一般，得雞塊、章魚小丸子同薯條揀，最多嘅係沙律配料，燒嘅蔬菜類都淨係得六款，甜品都唔吸引，淨係得雪糕同埋糯米糍係ok，成個體驗都麻麻地。我建議呢間餐廳可以喺餐牌清楚列明呢個係定食，依家呢個餐牌嘅設計會令人誤會，希望reception嘅員工可以簡單介紹，依家出面reception嘅員工可以換走佢，態度好差，食物質素有待提升。

次次經過都話想試呢間，今次終於真係行動來食晚飯啦！要食就要食好少少嘅，同朋友一齊簡咗豪華燒肉放題～豪華燒肉放題💰每位HK$389主要係用QR code下單，肉類選擇都幾多，可惜款款嘅圖片都差唔多樣，好難搵得返想再食果款！另外，亦設有熱食、甜品、飲品嘅自助bar，都唔錯啊～結論係個人認為呢個價錢可以食到更高質嘅牛肉～

小朋友一向都很喜愛吃燒肉🥩當天陪他上興趣班放完電後我們就去「日本黑毛和牛」吃午餐喇😋餐廳設計是以江戶時代感為主⛩️整體感覺也充滿日本風味🤭環境舒適光線充足空間感也不錯今次最特別的是原來午市定食也有「兒童餐」🤗🐂兒童餐包括有燒肉、甜品、飲品、湯及飯/烏冬 ，還可以到自助區任食，我想說這牛肉份量都唔算少，又高質又夠味，還可以沾溶了的芝士夾埋牛肉一起食～超正吖！軒軒大大碗紫菜飯清哂👏真心性價比極高，對小朋友來說相當飽肚👍👍因為這𥚃還有熟食炸物區、甜品區、蔬菜及雜菌、水果、飲品、咖喱牛腩等等，所以我自己點了：🐂燒肉三品（牛肋肉、豚腩肉及雞脾肉）因為有齊三款肉類可以一次過嘗試😋肉質鮮嫩入味，個人感覺雞脾肉真心不錯👍

呢間野級大縮水，睇左某貓影片分享網站的介紹，去左另一間屯門牛太食午市60分鐘半放題，之前亦有睇過openrice的食評基本上所有回本位都cut左，炸雞-＞炸麥樂雞，冇炸蝦天婦羅，冇蝦冇蟹柳做沙律，冇冷泡茶，甜品冇窩夫冇班戟冇白玉丸冇紅豆蓉，生果應該冇封保鮮紙，搞到乾哂水最好是有雪糕同雪米磁，但雪糕是明顯是太多水份，勁快溶同埋勁淡味環境方面，寬闊好坐，但十枱有9枱都帶住小朋友，可能呢間野轉型想用平價野招呼家庭式客人，任小朋友玩足一個鐘，食物款式差到咁樣，想點呀

\\ 日本產黑毛和牛燒肉放題 //✨成人$469/位 120分鐘任食🥩和牛肉質嫩滑，油脂分布均勻每次可以叫一碟2片，就唔洗怕叫太多食唔哂😝🦐海鮮種類都算多，有鹽燒鮑魚/日本帶子/蝦等🍨甜品類都幾推薦，特別是燒朱古力棉花糖🍦牛乳+蜜瓜口味軟雪糕都很特別🪄自助吧有多款沙律菜、炸物、甜品、醬料選擇平時放題店唔會有既🍻生啤、🍹日本氣泡酒可以任飲👍🏻餐廳非常闊落 坐得好舒服，食完都無全身油煙味，超級推薦🎉

平安夜一心諗住食好少少，見不少好評以為沒得輸，點之中哂伏。點了多次雞翼，菠蘿都漏單，有啲食物要點兩次都黎1次。雖然話就話兩小時任食，但係半個鐘頭前已經截單，一講截單個code即刻叫唔到野食，last order都唔俾人地。比較叫好食少少係厚切牛舌，其他食物真係不值一提，以為和牛會好食d，點之仲衰過自己係佳寶買黎燒。最尾15分鐘啲服務員已經係到執枱，係執我張枱，野食又未食完。我坐到最尾一分鐘先走，叫個服務員過黎，想問下會員既野，點之佢黑我面，如果咁唔想做人生意就唔再黎。

3人行點左3分定食分別係牛舌，板腱肉，封門柳呢度非常推薦封面柳，份量足厚切肉質嫩滑🌟沙律配菜水果都任點任食仲要炸雞肉丸薯條🍟基本上呢啲都已經夠回本鋪面新裝環境闊落呢個價錢真係無可挑剔兩個大雪櫃野飲任君選擇冇錯仲有啤酒都係免費

又約咗朋友食飯，朋友見新開咗間燒肉就提議一齊去食，我哋揀咗銀色嘅套餐$469一位再加一，預先上網撳咗飛，去到等咗10分鐘就可以入座。呢個銀色日本黑毛和牛套餐，除咗任飲生啤，仲限時任飲波子汽水，雖然最後只係飲咗一杯啤酒同一支波子汽水，但其實其他嘅飲品都好好飲，例如蘋果起泡酒。講返食物質素，啲牛嘅quality都十分高，唔會得第一輪靚，由頭食到落尾，質素依然好高，亦都唔會因為叫得多而比少咗你，雪糕當日有牛乳同波子汽水味揀，兩款都好食。食滯咗，仲有沙律同水果吧，清一清口腔繼續戰鬥。必食！