日本牛奶公司 (已結業)

今天和來到荃灣仁濟醫院探望剛入院的朋友，順路經過千色匯。見時間尚早，所以過到這間新開張的日本牛奶公司，吃個下午茶。叫得牛奶公司，多多少少令人想佐敦的那間，希望服務不會如此恐怖。懷舊常餐一個人當然吃過常餐便可以了。 因此選擇了 銷魂叉燒湯意粉，轉公仔麵。公仔麵煙韌爽口。叉燒肥瘦恰當，味道香濃。 湯底是用上忌廉味湯的。金妹火腿當然不多描述。但是招牌日本口滑蛋 實在非常吸睛，蛋味濃郁，香滑順喉，帶有濃郁的牛奶味。凍檸檬茶也不多描述了。總體而言，整體用餐體驗是良好的，港式常餐味道當然不會特別突出， 但是滑蛋實在令人印象深刻。 而且店員服務貼心專業，非常有禮。…查看更多

呢間新開張嘅小店推出咗一人鍋，一百蚊落樓仲有日式湯底同黑毛和牛食🐮—————————————————🔹壽喜燒黑毛和牛火鍋 ($98)另有雞或豬可選擇！呢到有壽喜燒湯底😍最緊要係個汁既調味。而呢到既壽喜燒雖然唔係最正宗既做法，但甜甜地唔會太鹹，亦唔會溝得太多水令佢太淡，越煮越濃味，重口味既小pin表示啱哂我！正啊🥰🥰 配料種類好多連海鮮都有，黑毛和牛都好大塊，食落唔係好高級入口即融嗰種，但幾冧身唔韌，牛味重👍飲品就叫左杯奶茶紅豆冰，奶茶用上日本牛奶，奶味幾濃👅配上紅豆好夾！😆…查看更多

見附近幾間都要等位，就求奇入左日本牛奶公司，好多吉，一D都吾忙，坐底吾夠1分鐘就有人黎寫單？我地連餐牌都未睇哂🙈 之後落左單，飲品先到，叫杯凍奶茶多奶，只有茶味，無咩奶味，糖水都飲吾岀，只有苦澀，問下侍應可吾可以加少少糖水，竟然指住枱上d沙糖話自己加，我話凍飲點溶沙糖？佢先囉去水吧，點知水吧個女人一聽完黑面成杯奶茶掉落洗手盆(完全發脾氣)之後沖過一杯，仲大大聲話:要糖水呀麻，夠哂甜嫁啦 ，仲要同其他同事單單打打話就係杯奶茶吾夠甜，要沖過打亂佢工作，其實我地只要求加少少糖水姐🤷🏼‍♀️ 食物普通，蛋同豬仔飽是凍的，只能講 通粉份量夠，但請都吾會再去 🙄 食個午餐咁受氣 :(…查看更多

之前幫襯了這一間餐廳確實不錯，今次要再來覆桌了，今次食了一個金牌特餐，羅宋湯通粉，迷你奶油豬，日本煎蛋，凍奶茶，先講羅宋湯通粉，好濃味，牛味好重，唔會好水，真係讚不絕口，而奶油包外面好脆，麵包好新鮮食落去感覺非常脆口，熱辣辣好味，凍奶茶好滑，但係我覺得佢茶味太濃，淡返少少仲好，𠄘為46蚊，幸好六點前沒有加一，聽說因為市道唔好，好多商場嘅食肆夜晚都有折頭，唔知依間日本牛奶公司有冇，我見到佢夜晚有鐵板牛扒餐，跟餐好似好多嘢食，好抵食，下次試吓等我再報告一下…查看更多

今日行下荃灣睇吓有咩食。平時荃灣人又多車又多。入商場行就最好啦。最尾行到千色匯。見到都係嗰啲扮晒懷舊嘅冰室。一個商場而家起碼有幾間。我自己最怕去呢啲。價錢又唔係懷舊嘅價錢。得個殼。行行吓見到呢間日本牛奶公司。好似新開張。終於係啲正正常常嘅茶餐廳。點左一個炸雞髀撈芝士出前一丁。下午茶是但食啲嘢。點知原來咁大訓。雞髀一切開啲肉質差啲射到我塊面。非常新鮮。芝士撈出前一丁完全唔制。再加多杯凍奶茶少甜。非常滿足。…查看更多

今日專登過嚟荃灣「千色店」買嘢，因為幾件家品都先後打柴，喺時候要換。完成任務，但行吓行吓都過埋食晏時間，所以，過咗嚟千色匯搵食，無嚟一排，都轉咗唔少餐廳。最後，見到間「日本牛奶公司」，日本九州雞蛋喺其亮點，老婆又喜歡食啲健康有質素嘢，就決定揀呢間:)。開放式設計，所以，整個環境晌門口都可以一眼睇晒，一室以白色為主調，格局偏向時下新興嘅冰室，走簡約路線。晌入門口位，樹立咗「招牌」菜式 - 「全日常餐」，賣點就喺採用九州雞蛋嚟做炒滑蛋。不過，題外話吖，個牌打少咗「滑蛋」兩個字，而變成厚牛油厚多士，此外，如果有留意到左下角有加一服務費嘅字仔，證明你睇嘢夠仔細，小弟當時就真喺無為意喇:(。我哋喺星期六晏晝3:00pm幫襯嘅，所以，既有是日午餐（無講供應時間至幾點完），亦有下午茶餐（同樣無提及供應時間），餐飲可以加錢轉特飲。再睇埋佢哋嘅「常餐」餐牌，標示咗供應時間喺10:30am - 6:00pm，咁……仲喺唔喺「全日」常餐呢？不過，唔知後尾會唔會番啲供應時間，總之，睇完晒啲餐牌後，唯一嘅感覺就喺啲資訊好亂！火腿、滑蛋、多士（常餐）睇樣就幾對辦，炒滑蛋亦都好多，入口啲蛋確喺好滑身吓，而且，蛋味亦濃郁，配上脆口嘅烘多士，已經好唔錯；其實，寫明喺金妹火腿，個人而言，就唔覺有咩賣點，覺得喺基本，因為坊間有啲來佬嘅火腿仲優質，正如我話俾你知喺嘉頓方包，你都唔覺得喺咩嘢，但如果喺某出名麵包店嘅方包，感覺先會喺唔同啲。金牌沙嗲牛肉麵（常餐）加上「金牌」兩個字聽起嚟勁啲，但實際上又真喺唔錯喎，因為，牛肉嘅份量足，又唔會碎濕濕咁，而且，好腍滑，個沙嗲汁亦調校得惹味香濃；公仔麵煮得火喉好，因為俾錢時問過喺咩麵，雖然都喺茶記常用嘅大光麵，但無話有過腍嘅情況。日式雜菜炒烏冬 $40另外，清清哋嗌咗個下午茶餐嘅炒烏冬，份量都大大碟，無欺場，而雜菜都喺啲菇菌呀、椰菜呀、甘筍呀之類。食起嚟有種好有鑊氣嘅感覺，味道亦唔錯，唯一較大嘅問題喺油多，感覺比較膩。熱奶茶、熱杏霜我當呢度喺茶記，所以，點咗杯奶茶，茶底醇厚芳香，不過，老實講，滑溜感就真喺欠奉。反而，老婆杯杏霜幾好，好香杏仁味。溫馨提示，餐廳暫時只收現金，晌呢個盛行電子錢包嘅年代，最起碼嘅八達通都無，真喺對普遍人嚟講好唔方便。仲有，埋單時，先見到收銀旁楝個牌仔，寫住星期一至五6:00pm後，及星期六、日、假期全日，收加一，感覺絕對唔好。因為，一來多多少少茶記格局，無咩服務可言，但侍應都好有禮貌嘅，二來至少晌啲餐牌明確列明，唔好等啲客俾錢先知（註：門口嘅常餐大招牌喺有，但啲字鬼鼠又細粒，星期六、日、公眾假期梗喺後加添）。…查看更多

一間茶餐廳，種類確實要好多元化，但係我今日去咗呢間日本牛奶公司，佢個名好似日本餐，其實係一間冰室，餐牌裏面有，柯仔煎蛋飯，又幾特別喎，等我叫返過嚟試吓先，佢哋嘅蠔仔，其實都唔係蠔仔，係大蠔，好鬼大隻，蛋好滑好滑，睇返餐牌，原來佢哋全店係採用日本蛋，唔怪得知食落去味道咁特別啦，同埋豉油汁好特別，好似有啲蠔油嘅感覺，完全諗唔到佢哋係用咩調配，豉油結結地，好香，真係估唔到普通一間冰室會有咁嘅質素，俾個叻佢👍🏼👍🏼👍🏼👍🏼…查看更多

平時好小寫食評的我，今天要出手了，因為真係抵讚，今晚放工喺公司樓下商場搵飯開，求其入左一間冰室，名字叫日本牛奶公司，求求期期食個焗豬扒飯啦，真係超好食，佢哋用厚切豬扒，好juicy，肉汁好似想爆出黎咁，茄汁同芝士黐住啲飯，好鬼好味，分量仲要好大份，我食咗一半已經飽啦，不過好食嘅嘢係唔可以浪費，另外一半我打包左返屋企，焗豬扒飯套餐有湯同飲品送，不過佢哋今日嘅老火例湯已經賣晒，侍應同我講通常中午兩點左右已經賣晒湯，佢話好多客人專登去飲佢哋嘅湯，因為佢哋唔家味精同永遠不加水，加分，佢哋夜晚只係剩返麵豉湯，不過都唔錯，有下次…查看更多

一個平平凡凡嘅茄汁炸雞髀意粉，點解可以整到咁好食，真正嘅用心創作，雞比好脆，但係咬落去，肉汁必晒出嚟，意粉彈口，連個伴碟西蘭花，都唔係求其整熟佢，佢係用蒜蓉炒出嚟嘅，果然有heart，至於杯凍奶茶就需要改善一下，茶味係夠濃，但係唔夠滑，同x龍，x華嗰啲差唔多，不過呢度坐得幾舒服，夠乾淨，多卡位，我見到隔離好多枱都食緊一人火鍋，下次可以試吓，和牛鍋都係$98，係抵食嘅，美中不足嘅地方係，佢哋六點後同埋星期六日都要加一，不過商場食飯係預咗㗎啦，算啦…查看更多

今晚本來約左女朋友去荃灣千色會板長食壽司，但係佢公司臨時有事放左我飛機，我自己一個都唔知食咩好，在板長隔離見到有間新野，叫日本牛奶公司，我就比佢個名吸引到，入左去叫咗個一人火鍋，牛奶雞鍋，喜出望外，呢個配搭得喎，牛奶好滑，雞亦都好鮮嫩，加埋一齊真係無敵，覺得自己真係去咗日本咁，$78呢個價錢，我真係冇嘢好講，我加咗碟和牛同烏冬，基本上我一個人係冇可能食得晒，我盡量嘗試食晒佢，但係真係搞佢唔掂，至於和牛，就冇乜特，和牛我俾佢70分，牛奶雞煲我比佢95分，下次一定要帶埋女朋友嚟再試，埋單$150，我覺得完全可以接受，呢個星期日晩雖然冷清清咁渡過，但係有呢個一人火鍋比我感覺䁔在心，食飽飽，早啲返屋企瞓，聽日星期一又開工啦…查看更多

今日收工同老公周圍揾野食，見到新開餐廳就走入去試下。我地見到有石板和牛即刻叫左一客，因為我地唔鍾意食太熟嘅牛，所以大約三成熟左右就食喇，肉質好、味道濃郁，非常好味🤤另外我地叫左一個壽喜燒黑毛和牛肥仔鍋，牛肉嘅品質一流，湯底恰到好處👍🏻👍🏻👍🏻肥仔鍋已有和牛，蟹棒，響鈴，金茹，冬茹，青囗，豆腐卜.... 我再加左海蝦🤭，海蝦好新鮮👍🏻，老闆仲請左兩碗例湯俾我地飲，係蕃茄薯仔豬骨湯，老闆話例湯係每日用新鮮材料煲架，所以D湯好濃郁鮮甜，完全零味精，十分好飲🤤👍🏻👍🏻…查看更多

荃灣市中心嘅打工仔，相信都知道千色會3樓有一間餐廳長期唔開門，直頭係餐廳嘅死位，邊個頂來做隔幾個月冇幾耐就結業，依家嗰個位又有新野，叫做日本牛奶公司，就試吓佢係咩料，今日我2:15分到，問佢有冇下午茶，佢話未夠鐘不過問吓廚房先，佢話廚房話可以出餐，咁我就叫咗個肉操飯，餐牌上面係寫瑞士雞翼配肉操飯，不過我唔想食雞翼，問佢可唔可以轉佢哋嘅招牌炒蛋，佢話OK，唔使5分鐘個餐就到啦，e...又有意外驚喜喎，肉操好入味，味道很濃肉又唔老，掂喎，以佢嘅炒蛋同澳洲牛奶公司好相似，但係味道較為清一點，有一個好似老細嘅物體（因為着便服）我問佢點解呢一隻蛋咁清但係都好cream，佢同我講因為佢哋係用日本雞蛋，而一般餐廳都係用湖北蛋，湖北蛋較香，但係佢話日本蛋係佢哋餐廳嘅標誌，所以佢堅持用日本蛋，成本高三倍，我突然間覺得佢哋係良心企業，不過我見到佢哋個樓面有啲亂，唔係好留暢，我就多口問佢一句，你之前係咪搞餐廳，佢話第一次，我心諗係呢個咁嘅時勢搞生意會唔會太冒險，點知佢同我講原來背後有故事，佢本來係同人50/50，佢自己俾咗頂手費，之後先發現，另外果個partner原來係呃佢，果個人之前嘅餐廳又唔交租又唔出糧又欠貨錢，但係頂手費佢已經俾咗攞唔番，洗濕個頭唯有頂硬上，我嗰一刻覺得佢好叻，人哋30幾歲，自己又30幾歲，但係佢夠膽，乜都唔識就學人開餐廳，仲要係呢個‘好’位，不過食得出佢啲嘢食有用心做，我會帶埋啲同事一直支持，希望你哋唔好咁快結業，等我哋多個選擇…查看更多

今天要去眾安街見客，我是做保險的，上了去千色三樓，見到一間好光猛嘅冰室，見1:30都唔使排隊，咁就入去食個lunch，一邊等客人啦，見到午餐有蠔仔肉碎粥，即刻忍唔住叫，我琴晚飲醉，而家仲hangover緊，食返d湯飯就最好，碗粥到了，超熱，然後我落左勁多胡椒粉，好味，連湯都有蠔味，唔知佢點先可以做到，我本人覺得連九龍城好出名那一間都沒有這種味道，有下次，啱啱食完，我客人到了，呢個時候係叫野飲，我叫左杯凍檸茶，茶底唔得，唔香濃，檸檬有成5大片，有時太多唔係一定好㗎，冰又多，點飲姐，我客人只係飲左熱咖啡，佢話好得，好滑，不過呢間冰室我比佢嘅分數都高，因為我中意佢地出面有個花園，可以比我食支煙，希望佢地可以keep住食物水準，等我下次再食過…查看更多

下午茶時間，見未食過，又遇著個阿姐勁有心拉客，人流都正常，就入去試吓。一坐低，開放式廚房傳來陣陣篷篷聲，估唔到係商場餐廳，仲到開放式可以聽到梗嘅炒嘢聲。除下午茶外，午餐、常餐都有，香港人就係鐘意常餐，好多枱都食。想睇午餐份量幾多一直唔見，十幾蚊多碗湯又未有興趣，下午茶時間都係食下午茶。餐飲無特別，夠味，但開得幾個月，隻杯唔洗梗缺呀？喲角。和風雞粒炒飯，份量唔算多，色上得靚，粒粉分明，一放低就聞到香味，雞粒唔會太老，夠味。日式雜菜炒烏冬，同樣係炒，都要睇啲配件得唔得，烏冬係可以，味道都得，但啲菜想點？大舊成梗我係廚都炒唔掂，唔好話入味，都未熟。其實食物質素唔差，海報見到都好吸引，係細節位無跟足，改善返相信客量可以增加。…查看更多

見到公司樓下間中伏餐廳𨍭名兼轉曬新面孔，lunch 排曬隊，心諗唔通有驚喜？趁著下午茶時間有吉位，即管走入去試一試一入去就有待應笑笑口講聲歡迎光臨，感覺唔錯:)地方光猛整潔，可能過咗繁忙時間，雖然一個人，都可以坐到卡位舒舒服服抖一抖下晝三點幾都有好多選擇，有全日常餐，午餐同下午茶餐，加加埋埋三十幾樣，選擇困難症開始出現，正當沉思之際，抬頭一望有個是日特餐$48包湯再送熱飲椰香雞球燴意粉/飯，一於就呢個啦問個侍應可否轉焗飯炒底，然後佢話加$10，咁同佢啲午餐一樣價錢啫，即管一試大概10分鐘左右個飯就送上嚟，咦賣相唔錯喎份量亦都係一定夠飽嘅，見到上面有芝士焗香左，不起身仲有拉C嘅效果正有誠意，食淨三份一都忍唔住要打包最後特別要讚一下嘅，侍應個個企企理理有笑容，唔會好似機械式或者爭佢錢咁值得再來希望呢間餐廳係可以做得長老板加油💪🏻…查看更多