日本橋海鮮丼 つじ半 TSUJIHAN

营业中

休息中

我今次第一次打食評因為真係好驚喜都叫係商場入面日本餐廳刺身我覺得係okay 既 係新鮮但係丼飯比熱飯 仲要係白飯 唔係壽司飯我就真係唔識欣賞仲有杯啤酒 雖然唔貴但你咁細杯唔知係咩意思，一係你收貴啲比番 330ml 人地啦原來要打 2百字先可以比劣評，鐘意食熱丼飯既可以去試下。

上次喺日本食過之後一直掛住，點知而家東涌東薈城都開咗分店啦！日本橋海鮮丼 つじ半 TSUJIHAN，主打一丼兩食嘅海鮮丼！😋特上海鮮丼入面有海膽、紅鱈蟹、鮭魚籽、赤蝦、鯡魚子、象拔蚌、螺肉、魷魚、金槍魚同金槍魚蓉🦪🦑🐟，料多到滿瀉，一碗就食到超滿足😋！食到大約剩1/3時，記得加鯛魚高湯🍲。先倒高湯落去，店員會再加三葉芹、名荷同日子柚子🌿🍋。鯛魚高湯香氣逼人，魚味濃到爆，加咗清新嘅日子柚子之後，丼飯即刻變身另一種風味✨。😋海膽帆立貝鮭魚籽丼海膽同帆立貝鮮甜得來不得了，配上鮭魚籽一齊食，再加蛋黃醬油，鮭魚籽爆脆、帆立貝爽甜、海膽濃滑，三樣嘢夾到天衣無縫🌟，食完真係令人回味無窮🤤。

今日嚟到Outlet Shopping見到呢間主打海鮮丼既餐廳好吸引❤️ 裝潢好有一種日式優雅嘅感覺🇯🇵 服務細節都有一種日式既SOP既專業🎏 味道新鮮而出色有體會到一種日本老店既精神✈️⭐️ 特上海鮮丼 🌊嚟到一定要試佢嘅招牌特上海鮮丼💙 用了豐富又海膽紅雪蟹🦀鮭魚子赤蝦金槍魚等既海鮮😋每一啖鮮甜嘅口感尤其係海膽絕對值回票價🥹 就咁食一口蛋黃醬油已經充滿鮮味🍳 食到一半配上時令刺身加入鰹魚高湯🍲 配上絲絲既柚子🍊鮮味更提升了一個層次🤪⭐️ 金槍魚丼 🐟完全滿足晒我呢個吞拿魚控🥰 每一塊吞拿魚都充滿油亮口感帶油脂香🩷 半溶既口感好新鮮🤩配上吞拿魚蓉鹹鮮口感一流😎

上次一整天的紀念日之東涌Shopping 出了上集，今天出下集-午飯吃什麼我是一個超愛日本文化及食物的人，所以午飯又是最愛的日本菜!在點餐後,店員送上了餐前刺身，有三文魚 / 油甘魚選擇，然後店員溫馨提示可以先吃兩片三文魚刺身，留兩片可以待丼飯食到一半後加湯時再加入一併食用。三文魚刺身配芝麻醬竟然有出奇的新鮮感，麻醬既香濃又不會蓋過魚的鮮味海膽帆立貝鮭魚籽丼海膽是採用加拿大海膽，與帆立貝一樣有差不多四片左右的份量，海膽非常鮮甜,沒有苦澀味，而且是新鮮食材，不是已起水 /溶掉的狀態;  將三種材料混合，配上蛋黃醬油，鮭魚籽的爆脆、帆立貝的爽甜、海膽的濃滑互相配合特上食材包括:海膽、紅鱈蟹、鮭魚籽、赤蝦、鯡魚子、象拔蚌、螺肉、魷魚、金槍魚、金槍魚蓉超級滿足的一碗! 鮮味及海水味十足，口感非常豐富，每種食材都各司其職，有爽脆的、有味道擔當的、有口感細膩的~之後可以根據店員的提示去品嚐，食到大概餘下1/3時加入鯛魚高湯。首先加入高湯，其實店員再加上三葉芹+名荷，還有日子柚子，鯛魚高湯香醇，超級好味! 魚香滿滿，配上清新的日子柚子，把丼飯直接換成另一個味道。特別一提，除了可以加湯外，店員也問需不

見到日本天氣仲係負幾度〜旅行前去outlet買定啲大褸出發先！去到outlet行咗幾個鐘，餓到肚都攣，直接喺商場搵間餐廳開餐見個餐廳門面幾靚，仲係食我喜歡嘅魚生丼飯即刻唔洗諗，試試佢見到menu 佢主打係一丼兩食，叫一碗丼飯食剩1/3時可以找店員加湯，再當漬飯試第二種風味💛 枱上有放食法步驟，店員亦會細心講解，而且價錢比我心目中平，一丼兩食最平百幾蚊已經有，如果唔揀兩食就咁普通丼飯就更平，而且配料都多同新鮮！抵食

今次喺東涌Outlet行街時發現咗呢間主打海鮮丼飯嘅日本餐廳，由超豪華海鮮丼到平民價炙燒丼飯都有～餐廳環境簡約舒服，出品新鮮👍 ❀——❀——❀— 𝓦𝓮 𝓸𝓻𝓭𝓮𝓻𝓮𝓭 —❀——❀——❀ 特上海鮮丼 ｜$298真係堆到成座山咁高！鋪滿咗多款名貴食材如海膽、紅鱈蟹、鮭魚子、赤蝦、鯡魚子、金槍魚蓉等每啖都充滿海洋鮮味～食到一半時，侍應仲會幫你加上日本鯛魚高湯，瞬間變成暖笠笠嘅茶漬飯，湯底鮮甜，米飯吸滿湯汁，係雙重享受！✨ ---炙燒鰻魚丼 ｜$108CP值非常高！丼飯上有一大塊鰻魚，肉質肥美，配埋厚厚嘅 玉子燒，飯面輕輕淋上少許醬油，味道濃郁但唔會過鹹❀——❀——❀——❀——❀——❀——❀——❀——❀

睇見甘多笑笑諗住都ok啦星期六lunch 得2-3枱，心諗可能B層，d人未必搵到，價錢睇落都正常。點知...刺身飯個飯熱既，完全係白飯無醋味，個豉油得個鹹字，仲要係好鹹，刺身無味，所以靠晒個豉油？去隔離supermarket買個刺身飯都無甘嬲！另一個餐，個蛋好聽話海鮮味，難聽d係腥味，唔明點解蒸蛋甘既味，烏冬個湯就得味精味，好似食緊雲吞麵既湯底甘，刺身一樣無味，最正常係個牛肉飯！同吉野家差唔多！真係無下次！！！

📍日本橋海鮮丼 つじ半 TSUJIHAN (東涌)📍東涌達東路20號東薈城名店倉B1樓B13號舖🟡特上海鮮丼$298呢碗特上海鮮丼 真係誠意滿滿，食材夠哂澎湃！海膽、鮭魚子加量，紅鱈蟹肉甜美，赤蝦鮮甜，仲有象拔蚌、螺肉、魷魚、金槍魚等，款款都夠新鮮，口感超豐富。 食法有驚喜，第一啖先食原味，感受海鮮最天然嘅鮮甜；食到中段可以拌埋店家提供嘅特製高湯，變成一碗帶日式茶泡飯風格嘅料理，溫暖又充滿層次感。 雖然$298唔算平，但以食材質素同份量嚟講，確實抵食。如果你鍾意海鮮丼，又想試下日本橋名店嘅味道，呢碗真係值得一試！

📍 日本橋海鮮丼 つじ半 TSUJIHAN 東涌📍喺東薈城行街，行到咁上下搵地方食嘢，見到呢一間主打日本高級食材嘅餐廳，就嚟試吓。炙燒魚真係無得頂，火炙本身嘅焦香，加上被高溫逼出嘅魚油香🥹，配上匠心條配嘅醬油，每一啖都係享受。挪開密佈嘅三文魚，裏面仲發現有嫩滑嘅玉子😍。好食到清空成個碗😋😋。💙特上贅沢海鮮丼前菜四片油甘魚刺身，推薦先食兩片，配胡麻醬同Wasabi，風味十足。另外兩片留到最後，與鯛魚湯漬飯一齊食！主食份量咁十足嘅海鮮丼😍😍😍，真係特上嘅享受。食材分別有：海膽、紅鱈蟹、鮭魚子、赤蝦、鯡魚子、象拔蚌、螺肉、魷魚、金槍魚、金槍魚肉，超級豐富😍😍。每一啖都係真材實料，美味嘅海鮮🥰，推薦一試！食到最後三份一，可以叫店員幫手加入日本鯛魚高湯，搖身一變就變成湯漬飯。整個過程儀式感滿滿，仲會加入芹蔥同柚子皮增香，全都係嚟自日本嘅材料😍👍🏻。環境非常舒適，安靜，有日系風格。店員態度有禮。推薦呢一間餐廳！

東涌瘋狂購物完之後一定要食餐好👍🏻日本嘢一定冇得輸，呢間仲係日本過江龍，佢哋有吧枱位置可以睇住師傅用心準備食材，推薦佢哋嘅Bar枱位置。特上海鮮丼佢哋嘅食材好頂級✨海膽多到嚇死人，除咗海膽海膽仲有紅鱈蟹、鮭魚子、赤蝦😀😁魷魚、金槍魚、金槍魚蓉。刺身嘅份量仲多過飯。海膽色澤質感飽滿，食落去鮮甜。鮭魚子色澤靚粒粒分明，咬落去鮮香。佢哋嘅食法好特別，呢個海鮮丼首先會有四片刺身，食完兩片就可以食個飯，食淨三分之一，就可以問職員攞啲高湯倒落去飯，成為泡飯。剩低嗰兩片刺身再放入去，用高湯嘅熱力將刺身燙熱。刺身飯就變為油甘魚漬飯✨一個飯兩種食法豪華海鮮丼豪華海鮮丼都好正㗎，100頭就已經食到三文魚、吞拿魚蓉、甜蝦、帶子等等，多種海鮮丼飯，呢個價錢份量十足超抵！

呢日同朋友嚟咗依間食日式丼飯嘅餐廳食個午餐🤣前菜係加有 胡麻醬 嘅 油甘魚刺身 真係幾特別🤣$108「炙燒鰻魚丼」：餐牌咁樣形容《厚玉子燒堆疊上豐腴肥美的蒲燒鰻魚 口感鬆軟綿密》🤣；鰻魚長長一條橫跨響丼飯上邊，鰻魚肉厚肉質軟熟，蒲燒甜甜哋，鰻魚底下仲有日式玉子燒，全部撈埋一齊幾好食🤣；依家喺香港餐廳食到嘅鰻魚絕大部份都係嚟自中國，就算喺日本食嘅鰻魚都有超過50%係嚟自中國🤣丼飯其中一個主角當然係米啦問店員妹妹用乜米店員妹妹幫手問廚師返嚟話係用「愛知県嘅 一見鍾情（ひとめぼれ）米」，粒粒圓轆轆脹卜卜有光澤🤩；超有名嘅 コシヒカリ原來係 ひとめぼれ 一見鍾情 嘅母親（如果唔明就自己上網睇睇）🤣$298「特上海鮮丼」：材料包括《増量海膽・紅鱈蟹・増量鮭魚子・赤蝦・鮮魚子・象拔蚌・螺肉・魷魚・金槍魚・金槍魚蓉》，全部海鮮食材幾新鮮🤩，全部切成小粒或者剁到變蓉食得好方便🤣；海膽嚟自加拿大🇨🇦價錢大眾化質素穩定，係好選擇🤩餐廳安排「一丼二食」一碗海鮮丼有「淨食」同「湯漬飯」兩種食法，湯係用鯛魚煮成嘅高湯，海鮮飯食到一半就可以叫店員妹妹加湯，湯底幾鮮味，撈飯食亦都幾好味，咁樣有啲啲似喺日本好多地方食

丼飯是日本料理的一種。用大大的碗盛好飯，在上面覆蓋食材，俾人好豐盛好滿足的感覺，通常丼飯本身已經加入醬汁滲入飯中，吃起來味道更加升華，相信各年齡層都沒理由不喜愛吧！作為鍾情刺身鮮味的粉絲，大膽推介以下兩款菜式：特上海鮮丼$298前菜：油甘魚刺身+酸薑丼飯包含：海膽、紅鱈蟹、鮭魚子、赤蝦、鯡魚子、象拔蚌、螺肉、魷魚、金槍魚、金槍魚蓉橙黃色的海膽非常creamy，配合豐富的一系列刺身，再加上魚子的點綴，耀眼的金黃，未食已經眼球大滿足。當食到1/3時，還可以免費加飯和加入鯛魚高湯，變成鯛魚高湯漬飯，海鮮精華溶入湯中，帶來第二種美味。價錢比較進取，值不值就見人見智了。始終人哋係東京排名第一嘅海鮮丼餐廳。炙燒鰻魚丼$108鰻魚食得出是上乘材料，肉質比較實有口感但又不失軟綿嫩滑，味道比坊間一般的鰻魚濃郁。底層是厚切玉子燒，味道都好鮮好嫩滑，互相襯托。個人認為值回票價。另外，還可以加$18追加迷你沙律和茶碗蒸。茶碗蒸不止滑蛋咁簡單，還有肉和其他配料，以$18元來講，都值得考慮加。除非你胃口好細就吾好免強自己了。講下服務，會主動加茶，上菜又溫柔。整體環境好乾淨，整套裝潢都以日式為主題，彷彿置身於日本。

孤陋寡聞嘅我完全唔知道有一間日本過江龍餐廳「日本橋海鮮丼 つじ半 TSUJIHAN 」，咁啱喺東涌搵食，所以……最出名嘅就係［贅沢海鮮丼］，有三個級別選擇（竹）、（松）、（特上）。前菜：日本空運時令刺身配特製胡麻醬。配搭幾新鮮。主食：特上海鮮丼，材料有增量海膽•紅鱈蟹•增量鮭魚子•赤蝦•鯡魚子•象拔蚌•螺肉•魷魚•金槍魚•金槍魚蓉。雖然有咁多材料，但係佢全部都係碎上，我自己本人就唔係好鍾意，我鍾意食一片片嘅刺身，全部剁碎晒嘅話唔知自己食乜😅日本鯛魚高湯漬飯：服務員會建議你食剩三分之一，然後加上鯛魚高湯造成湯漬飯。鯛魚高湯濃魚味幾好。雖然佢唔係難食，但係又唔係好好食，就我自己嚟講，應該唔會再食。

日本橋海鮮丼 半（TSUJIHAN）被譽爲東京排名第一的海鮮丼專門店，以食材的新鮮度及一林二食獨特品嚐方法享負盛名，更連續六屆榮獲日本全國海鮮丼金賞。嚴選頂級食材透過日本「旭一水產」從世界各地直送香港。「一丼二食」中湯漬飯之精髓爲所採用的鯛魚高湯，沿用日本秘方，用上大量鯛魚、各類海鮮及食材熬製，100%呈現日本原味道。特上海鮮丼：頂級食材份量十足，有增量海膽、紅鱈蟹、增量鮭魚子、赤蝦、鯡魚子、象拔蚌、螺肉。魷魚、金槍魚、金槍魚蓉。北海道馬冀海膽色澤呈鮮艷，質感飽滿，鮭魚子顆粒分明，充滿著甜甜的香氣，配搭其他食材，食起來如奶油般滑不溜口！店家提議食法：1.可以將芥末加入醬油中攪拌，然後將海鮮丼攪拌均勻後，將醬油倒上去。2.可以先吃兩片沾著胡麻醬的鰤魚生魚片前菜，留兩片搭配茶泡飯。3.當丼飯吃剩餘下約三分之一份量時，店員加入來自日本的三葉芹及茗荷後，再將鯛魚高湯加於丼飯中，然後在上面加入清香的柚子皮，丼飯隨即搖身一變成為鯛魚高湯漬飯！最後將預留的魚生片放入飯中，以高湯的熱力將刺身焯至微熟，令肉質更軟嫩可口，入口即融。同時濃郁奶白的鯛魚高湯更將所有海鮮完美昇華，鮮味十足！豪華海鮮丼：上枱時顏

上一次行街食過 ，念念不忘，總有迴響。今次特登all the way 入黎東涌再食，質素依然。叫咗兩個梅，另加咗一份三文魚子，同一份海膽。前菜可以揀三文魚或者油甘魚刺身，浸住芝麻醬，刺身新鮮，大芝麻油香，好食😋如果店員唔係建議留返兩塊陣間食，我一次過食晒。魚生飯，大部份切碎，倒入蛋黃豉油，再撈埋佢🥰🥰🥰食到剩返三分之一，可以同店員講，加入鯛魚濃湯，製成鯛魚湯漬飯，仲會幫你加少少柚子皮同埋蔥調香。我其實幾鍾意咁樣熱食，魚湯濃郁，好似食緊濃味嘅海鮮粥。