影片
以上资料只供参考，请与餐厅确认详情
招牌菜
食记 (30)
昨天跟4位同事去了食晚餐, 其实小妹对呢间餐厅就一定唔感兴趣o既, 事关呢度主打卖劲食牛肉, 而我就系唔系牛肉o既人士o黎o既~但系个个同事都好想去试吓wor, 咁无理由永远要别人就自己o架~ 所以就一齐去啦~ 广告都有写系有其他o野食, 包括鸡, 猪, 日式料理等等......去到要走过一段好靓o既路, 入坐时都好期待, 到我o地点餐o既时候先知道原来系有分$99 同埋$399 之分o既 餐。$99 系人头分量o既蔬菜, 猪, 牛, 鸡就一小时内任食; $399 呢就系同上啦~ 再加一d刺身同寿司之类o既o野但系我睇报纸介绍o既时候又无咁讲o个wor, 都无讲到食寿司o个d系另外计呢?? 咁都算啦! o黎到就当然系食 shabu shabu 为主, 如果真系想食日式料理我o地都唔洗o黎呢度吧?! 同埋我o地各人都计一计要唔要叫2-3个$399呢? 不过计来计去都好唔化算,所以商量咗一阵我o地就决定5位$99了。我o地落单o既时候个侍应(定经理我唔sure), 但佢不屑o既表情就系我o地大家都睇得好清楚。以$99 为噱头唔系我迫你出o个wor, 点解你d客人想用最优惠价钱去享用晚餐o既时候会遇到如此不礼貌o既对待呀?心谂我o地个个都开开心心咁来, 我唔想大家唔开心就忍住无出声, 当作时运高睇唔到。到时食物上枱o既时候, 我见到世上最犀利o既刀功, d肉超薄, 薄到透光, 都唔紧要, 如果好食o既话都系无问题的, 鱼生有时都系切到咁薄o架啦! 但系一食落口...... d 猪肉有腥味的...... d 鸡又有雪味, 薄到咁都有咁大o既"味道"...... 一定无下次。个汤底都ok o既配合埋d清菜都尚可o既, 但系不停食肉但只有少少菜就真系麻麻o地, 我真系唔知宜家d菜系比肉贵......(我真系食米唔知米贵了!!!!) 总括而言呢一度好唔好食就各人口味, 不过服务态度咁"好"呢, 我就无可能接受到啰!!!!一系就做d $199 or $299 o既 promotion, 可能都会有人来, 但系就唔好用$99 吸引咗d食客来就咁对人啰!!!!!!!!
继续阅读
七月十一‧雨在外边吃饭，我也算是有点经验。在我的字典中，「抵食」，就多数不会「好食」，而这里，是绝对的「抵食」。老早知道这里天天也提供一小时任食shabu-shabu，一直没机会试。是日放早，与同事心血来潮，就一起来吃吃火窝。周二的一时未够来到，可以想像这里人客不会多，说真一点，就只得我们一台。坐下向侍应提出说要吃牛肉火窝，火窝炉及食具已立即送上来，然后就是鸡肉及牛肉各一碟。正奇怪怎会有鸡肉的？侍应已说出原来除了牛肉，也可以选鸡肉、羊肉及猪肉的。那就每样来一碟，看看有那些好东西。吃shabu-shabu也少不得要喝啤酒，这里只得青岛及朝日樽啤两款，俱只要后者。牛肉吃起来不算是好货色，油脂不够，吃起来自然不会松软。但以99蚊任食的价钱，已算是交足功课；反而羊肉很不错，因为油脂够，渌一渌就吃，够膻香又软腍，点起麻酱来吃，很满意，我们也追加一碟；鸡肉算是不过不失，当然我们吃惯新鲜鸡肉的，吃雪鸡自然不是味儿；猪肉就是最弱的一环，吃shabu-shabu吃的豚肉质数一低，吃起来就如煲汤猪肉的，是日就是这样子。这里的任吃是货真价实的，吃完一碟，侍应已经立即问要不要再添。配套也是很认真的，有一大碟蔬菜，而窝底是用木鱼清汤，再加一片昆布。到最后掏点汤才喝，清鲜可口。如果不是很饱，拿来一碗米饭及蛋来做个「杂炊」，必定好吃到不得了。服务很好，侍应们快手又醒目，值得一赞。埋单每人一百七十五，已经连啤酒了，吃得饱一饱，几抵食。虽然看来看去，这里也只港式日本料理一间，但这个99蚊任叮一小时的shabu-shabu，又真的是几抵食的。
继续阅读
有两款Shabu Shabu套餐，分别是$99.00的牛肉任食及$399.00的寿司刺身餐。$99.00个餐有牛肉及一盆杂菜，只有牛肉是任食﹗大约要在1小时内完成，牛肉就无其他食评讲得咁好，不过$99.00你想要什么﹗我去过好多食店，d杂菜会黑黑黄黄，这里就好新鲜，样衰的部份都切掉﹗$399.00个餐有4件寿司（三文鱼、吞拿鱼同另外2款鱼类），4款刺身（一只牡丹虾、3片三文鱼、2件带子、2件不知名鱼类)，一只芝士焗大虾，虾+杂菜天妇罗，再有牛, 猪, 羊的Shabu Shabu，最后还有一个雪糕﹗Shabu Shabu、只系羊肉较好有臊味但较碎，其他就行货。寿司和刺身，够新鲜肥美。天妇罗炸得够水准，炸浆够薄少油。芝士焗大虾非常好吃，芝士够香，虾够熟但唔会煮过头，有虾膏。雪糕是绿茶味，够香够滑，佢地仲好细心，用两个碟盛载，其中一个碟是冰了的，值得加分。另外点了一个西瓜汁，是鲜榨无加水的。最后评论：如果为了去吃Shabu Shabu，就不值得去咁远了，但佢其他菜色，水准非常高，当然价钱亦较贵，如果散叫，应该会更贵。水准和收费，应该是一家高级的日本餐厅。个位置的确几难找，佢在二楼，但行来行去，都看不到楼梯。你从楼梯入浅水湾酒店，上完楼梯向左边行，会见到代客泊车场，见到前边有惠康，就行过去，去到走廊，就转左边行到尽头，一上楼梯就会见到间铺。
继续阅读
行过皇悦酒店,见门口宣传话原价299的日本料理自助餐而家做150,咁抵,讲番食物,前菜寿司刺身手卷天妇罗炸物串烧样样有齐,仲有火锅食,生料在自助餐纸自己剔,寿司虽然每件细左少少,但件鱼生大过旧饭就好识做,食物都好新鲜,尤以赤贝同凡立贝味道最鲜,天妇罗的份量亦刚刚好,唔太粉又食到入面食物既味特别系虾好新鲜!三文鱼刺身一客就有五六大件,上菜速度都好快,侍应亦好好服务,成日斟茶同加汤,值得一赞!加埋整体环境灯光暗暗够浪漫气氛,卫生情况一流,咁既价钱,仲想点!每人平均$180左右。鱼 生 好 新 鲜 , 寿 司 好 靓 好 精 致 ,又 有 海 胆 寿 司 ,熟 食 都 唔 错 , 几 入 味, 雪 糕 味 道 又 多
继续阅读
早前见到杂志写又有99元的shabu shabu 食,而又咁去开浅水湾,于是便试下!不过间餐厅其实不易找,虽说是在巴士站上的商场,但不问人真的不知在那...入到去环境一流,服务也非常好~进去之后叫了个shabu shabu ,任食猪,牛,羊,鸡肉,而菜只得一碟,限时一小时。可以当坐下他给你餐牌时...是不会比那张印有99元的shabu shabu你的...如果不是在门口见到有单张,也不知有没有提供。而且,当叫了只值99元一个的食物时,他是会不停的问你需不需要叫点饮品...问也问了3次...的确扣了点分,不过当然是很有礼貌啦,也不会迫你..但感觉不好...不过服务真不可挑剔,当个火不够时,他会帮你睇下,也会睇下够热未帮你开盖,最好的是当你吃完一碟时,他会帮你上过另一碟,令你不用每次都叫他上。我也未吃过很好的牛..也不知这些是否顶级,但以价值计绝对是超值的,因为牛羊的肉地也很靓,咬下去也不是像茶楼那些全都肥肉。最后值得一提的是,其他东西也很贵...比较无咁抵..
继续阅读