影片
招牌菜
星期五早上看过饮x男女的友记车仔面故事,趁去邮政局之便,也走来这里吃个车仔面当午餐。选择没有友记那么多,但一般的车仔𩠌也不会缺少;划纸仔的点了萝卜、劲辣鱼蛋、鱼皮饺、猪肠米粉,今次还要加点辣用来自虐!!加了辣的汤底很刺激,舌尖开始有点火烧感觉,爽!!米粉幼滑中带点爽口,不是软趴趴之流,不错;萝卜虽未至于很香甜但已没有上次那苦味,有进步!!只是体积好像缩小了;鱼皮饺外皮很Q,肉馅也没有腥味,ok;猪肠切得有点幼细,吃起来没有那么那么爽,味道较淡不算好吃、劲辣鱼蛋最初漏了单,要找阿姐才加回给我,鱼蛋又是变小了,质感有点实更加合自己的口味。帮我写单和加回鱼蛋给我的阿姐态度不错,不过仍未及老板娘的有礼,收钱时多谢前多谢后,还跟我鞠躬!!真的受不起呢~~~~
继续阅读
我以前住葵芳，日升真的算系我唯一叫系我挂住既食品店，咁细间，ｌｕｎｃｈ日日都爆人，好受欢迎！但早前听个老板讲因为，因为加租，所以ｃｌｏｓｅ左，最近听见佢系另一边开返，所以专登去食，ｄ老板仲系度，冇变到，仲大间左同干净左好多，至于食物方便都冇变，ｄ面都仲系好好，唔会好似出面ｄ车仔面咁淋哂，同埋佢ｄ汁好得！特别系加辣，又够辣，又够味，因为佢ｄ辣唔系普通出面食个ｄ辣椒油个ｄ，应该系自己调较出黎，同埋ｄ野食又好入味，冇食咁耐都仲系咁好食，我每都叫肥牛，鸡翼，ｄ肥牛佢应该系煮到８－９成熟，之后放落碗汤度，黎到我台黎就岩岩好，唔会难赵，ｄ鸡翼因为我钟意食，同埋都几入味，仲有多数都会叫公仔面或河粉同埋大碗，一定饱！服务都几好，唔会话发皮气，有时少人都会走黎倾下计！我有时间会返去再食～哈哈～
继续阅读
呢间店无喺葵涌广场做之后，一直喺葵芳都食唔到有水准嘅车仔面！原来佢静静地喺呢度开返，都系朋友话我知先知道咋！今日行完街，即刻去啦！依然见到老板笑面迎人，其余侍应都系旧人，有熟识感觉！店舖比之前大好多，又干净、又光猛，唔似以前喺条行入面，啲人一食烟，真系烟雾迷漫！而且坐位亦宽敞，比以前坐得舒服！一场嚟到，梗系要食返佢哋啲手本名典！不过一次叫唔哂，只叫了萝卜、猪红、墨鱼丸、贡丸、虾条、米线啦！呢度啲墨鱼丸唔会太林，唔似出面𠮶啲咁粉。贡丸亦好有香味，我每次都例必会叫！猪红就辣辣地，虽然我唔食辣，不过可以接受，味道真系正！友人就叫了油面、鱿鱼、鸡翼尖、猪皮、黑椒牛筋丸，佢话啲鱿鱼好爽，鸡翼尖好入味，猪皮焖得好好食咁话！我梗系唔执输，试吓佢𠮶啲啦，平时我唔食猪皮，因为出面𠮶啲林林地，无口感，不过呢度啲猪皮就好爽脆喇！以咁嘅价钱，食到啲有质素嘅食物，足见老板系对食物有要求嘅人！而家卖埋奶茶、咖啡添，车仔面都有奶茶、咖啡饮，都几特别噃！所以我叫咗杯奶茶试吓，几香！都有茶味！几似茶餐厅𠮶啲啦！整体上食物能保持水准！抵食！
继续阅读