日昇小食

土瓜灣人必食小食店，同區開分店。正如一眾高手所講，最大既對手就係自己。 分店最大既標杆就係本店。驟眼望落去，本店主打食品好似都有齊，而且仲有幾樣分店限定。 至於營業時間，好似比本店開早少少。簡簡單單，試試韭菜餅，同炸豆卜。 韭菜餅外皮煎得好香脆，好乾身。 餡料仍然保持濕潤。 韭菜同肉亦都好平衡，係雙主角，而唔係主角配角嘅關係。至於炸豆卜，依舊香脆。 不過係淨炸豆卜，而唔係豆卜釀魚肉，但依然好食。整體嚟講，都應該算有本店既八、九成水準。 如果想行少幾個街口，都可以考慮。…查看更多

出土瓜灣必食既日昇小食 在同區開左分店 呢間分店更方便我之餘 仲要星期日都開！實在太好了～去到都唔少人等緊野食 啦啦聲排隊落單！韭菜餅、芫茜 各2件！如果叫夠6件 會有盒裝！但我食唔到咁多～等左唔算好耐 已經有得拎了 仲用唔同色既厚身靚吸油紙袋裝 仲同我講清楚 咩色袋係咩口味 超貼心 大讚～先食韭菜餅 一如以往的咁香口 同 足料！夠哂重口味！加d辣椒醬 可能都唔錯😌然後再試 芫茜餅 超清新 勁多茜 茜味十足 超級滿意😀遲下出開土瓜灣 希望會試到手工芫茜燒賣 見佢遮左 唔知係咪賣哂…查看更多

碗仔翅料多，飲木耳雞絲冬菇，但就係無咩翅咖喱魷魚牛柏葉無咩咖喱味，得辣味，魷魚同牛柏葉都爽之前食過佢嘅韭菜餅，香口好食，下次都係食返韭菜餅或者試吓芫荽餅應該比較好…查看更多