影片
以上资料只供参考，请与餐厅确认详情
日日食的饭团🍙真系令人回味无穷🤤佢哋的饭团都系即叫即做，等左5分钟，新鲜制作的饭团就诞生啦！因为馅料多，食落好有层次好有口感😍饭团淡淡醋味，配上新鲜食材，真系独一无二咁好食！我今次拣咗店主的特别推介：泡菜饭团🍙（使用多种不同新鲜食材制成，包括青瓜，冬菇，泡菜，香酥❤️）如果想揾啲特色小食，一定要嚟华都一两47 A度帮衬，佢仲有好多特色饮品，例如露兜水，可以清肝热。#香港美食 #美食推介 #穷游 #食 #美食 #eating #日日食 #荃湾 #荃湾美食
继续阅读
佢位于一个都几隐蔽嘅位置系其中一个商场与商场嘅接驳位之间嘅露天地方外面有两张小台子饭团有多款选择....唔知选择边款好既情况之下拣咗原味饭外面有啲饭素入面好足料..靑瓜..肉松..菜脯...冬菇..加埋酱汁超正👍👍👍另外见到佢个冷面都好似好吸引叫多个粟米蟹棒冷面配麻酱有好多青瓜⋯⋯好清新❤️饮品方面见到佢有几款自家制嘅健康野其中露兜水因为未见过又味听过就试吓佢甘甘甜甜..蔗水d friend (不过冇蔗水咁甜）呢间野绝对有下次老板娘态度10分亲切好想试埋佢其他款嘅饭团啦
继续阅读
呢间位于荃湾华都中心商场的小店，虽然不起眼但食物质素真的有惊喜！原味肉松饭团 $30外表平平无奇，食第一啖就好味到大叫！饭团用上日本珍珠米，仲有劲多香菇肉松青瓜，配上沙律酱味道劲搭，而且超足料，好食到停唔到，jo好喜欢🥰.鳗鱼玉子饭团 $45一样好足料，大大条鳗鱼配上玉子青瓜，鳗鱼汁的份量又刚刚好，好好食👍🏻.露兜水 $20（细）$30（大）第一次见，原来露兜叫石菠萝，系水果一种，不寒不凉，真系长知识！又未听过又话系王牌独家当然要试下，自家制无添加防腐剂及人做色素，选用天然草本材料 绝对系真材实料，用自家果糖煲，话可以解肝毒，jo饮落觉得味道有啲似竹蔗茅根不错呀，几啱而家又湿热天气，好解渴.蜜枣薏米柠檬水 加$10呢款自家饮品可以美颜清热，岩哂爱美的jo😂第一次薏米水加柠檬，入口又不错几fresh..整体来讲几有惊喜，感觉系用心小店，店员又nice，饭团又大件又足料收工买好方便，食一件已经够饱，两支嘢饮都唔太甜又天然健康，如果经开附近满推介买番屋企食👍🏻
继续阅读
近排成日会嚟到荃湾区，知道呢区特别多美食，经过见到有间手作饭团🍙好吸引😍试吓主打饭团先😚小店主要制作饭团、炒饭、手作肠粉，仲有清凉解渴水✨鳗鱼玉子饭团一见到有鳗鱼既我心心眼就出嚟啦😍😍😍必定order，保鲜纸包包住厚实饭团，一打开里面爆多材料有青瓜、酸瓜、鳗鱼、滑蛋丝，加入香脆鳗鱼同烧汁每一啖带点甜味同埋其他材料都好夹，层次感好丰富，一件饭团lunch box好饱肚盒装包装得好精致唔怕食到周围都系😍✨露兜水呢个名比较特别第一次听，我就order左一支试吓，用咗10个钟去提炼，纯天然蔬果。饮落去有果香同蔬菜味带少少甘甜，容易入口😋清热、解肝毒同埋有滋润功效✨❤️✨雪梨海底椰水雪梨够晒甜海底椰水夹埋一齐简直够晒清淡解渴，仲有化痰止咳润喉，啱晒依个时候饮用好健康
继续阅读
手作饭团简直系打工仔嘅恩物，方便快捷，当早餐或者便当食都得！今日就系荃湾发掘到呢间小店，有惊喜❤️·🍙原味饭团 (HKD 30)饭团有成只手掌咁大😯！馅料有菜脯、肉松、香酥、香菇、青瓜、生菜配沙律酱，超足料💕。饭团仲采用左日本珍珠米配饭素，食落黏润有咬口，真系好好食呀😋感觉仲好健康添！·🥃露兜水 (HKD 20)见到露兜水觉得好好奇，因为未听过系咩嚟🤣原来露兜果系水果嘅一种，仲有好多功效，可以清热降火、解肝毒同补脾胃等等，岩哂都市人👍🏼饮落味道有d似低糖嘅竹蔗水，非常甘甜！·🍋蜜枣薏米柠水 (HKD 15)以前成日好怕饮健康嘅野饮因为觉得多数都好难饮，但呢到嘅饮品令我改观！！味道饮落好Fresh！有d似柑桔柠檬嘅味道，系好好饮！而且仲有美颜、袪湿清热功效❤️女士们要注意啦👆🏻疫情当下，大家都食多D健康嘅食物！注意身体健康呀💕-
继续阅读