日山 (合和商場)

東京米芝蓮一星名店「日山」進駐灣仔合和商場✨灣仔新店重現⽇⼭東京⽇本橋百年老店嘅獨特魅⼒，沿途有唔少打卡位，更設有特色獨立包廂房😍「鶴」房陳列東京總店各樣珍貴原裝百年古董，而「秘」房設有獨立吧台，由主廚喺客⼈⾯前即席烹調，近距離享受美食體驗❤️✨ 日山 · 和牛料理✧ 前菜5點、日本米飯、漬物、味噌湯及甜品 ✧❀ 前菜 🥢先上5款前菜：梅酒啫喱、枝豆、時雨煮和牛、千切大根配蜆肉及蟹肉茶碗蒸😍 每款都別具特色及心思，最鍾意酸甜開胃嘅梅酒啫哩及香滑鮮甜嘅茶碗蒸❀ 壽喜燒 A5和牛嚴選部位2片｜野菜盛 🐮席前即席烹調壽喜燒✨ 揀選了西冷部位，油花分佈均勻，肉質柔嫩多汁且重油脂香👅 和牛吸收醬汁嘅香甜，搭配豆腐、冬菇等蔬菜，濃郁入味，令整體味道更豐富🥰❀ A5 和牛三品盛合｜和牛清湯 🐮和牛三品分別係炙燒西冷、簿燒肩胛、慢煮腰脊，可以一次過品嘗唔同和牛部位❤️ 簿燒肩胛係冷盤，配以酸汁沙律清爽又開胃✨ 炙燒西冷外焦內嫩，入口油香滿溢，而慢煮腰脊整得非常軟腍，充滿肉汁👍🏻 旁邊嘅和牛清湯湯頭鮮美，每啖都有陣陣肉香，濃而不膩～❀ 柚子雪糕 🍨❀ Green Tea Fizz 🍹❀ Summer Passion 🍹另外試咗兩款mocktail🥰 Green Tea Fizz係抹茶乳酸梳打，抹茶味濃郁，飲落好清爽～Summer Passion以蘋果、熱情果及青檸調製，酸甜解膩😚…查看更多

同朋友慶生去咗日山位於灣仔合和嘅新店。餐廳入面嘅裝潢都非常有特色，除咗大廳係以「村上美術館」為概念，擺滿唔同風格嘅畫作，包廂嘅房間亦各有特色。好似「鶴」房就擺放咗由東京總店運過嚟嘅屏風同畫等珍貴原裝百年古董。而另一間需要預先預約嘅「秘」房就設有獨立omakase吧台，師傅會喺客人面前即席烹調，可以近距離欣賞到師傅嘅手勢。我哋分別叫咗七道菜嘅「松」($1298)同六道菜嘅「竹」($998)兩款套餐，套餐除咗有主打嘅A5和牛壽喜燒，仲有前菜、刺身/壽司、蒸物/溫物、飯/烏冬、甘味等嘢食，非常豐富。前菜「松」嘅季節前菜有四款，「竹」就有三款，每款都睇得出用咗好多心思配搭炮製，好似係清涼開胃嘅梅酒jelly 同沖繩水雲，用高湯焯過爽彈鮮甜嘅白梅貝、煙燻八爪魚刺身、黑松露和牛肉碎脆波波同鹹香Parma Ham芝士卷。刺身/壽司「松」嘅刺身三品盛有爽口甘香嘅兵庫縣黃金武士生蠔、幼滑鮮甜北海道海膽同吞拿魚。而「竹」就有三件唔同部位嘅和牛壽司，鵝肝A5和牛壽司用嘅係低溫烤焗嘅牛肩胛，肉味香濃，加埋火炙過嘅鵝肝，牛同鵝肝嘅油脂融合埋一齊，油香飽滿。海膽A5和牛散壽司用咗切成細粒嘅和牛西冷配搭creamy海膽，口感層次豐富。魚子醬和牛卷用上肉眼部位，魚子醬嘅鮮味進一步提升咗和牛壽司嘅味道層次。蒸物/溫物「松」套餐包咗清酒蒸鱈場蟹，蟹腳非常鮮甜，又有淡淡嘅清酒香。「竹」套餐雖然冇蟹腳，但都有青海苔汁煮鮑魚、車海老、蘿蔔同白舞茸。酢物「松」套餐另外仲有跟酢物，赤貝同車海老配搭柚子jelly同蔬菜，喺食壽喜燒之前可以先清一清味蕾。壽喜燒主菜嘅壽喜燒，師傅喺我哋面前即席烹調，無論係「松」嘅肉眼定「竹」嘅西冷，肉質都非常腍嫩，油香同肉香融為一體。跟壽喜燒仲有野菜五品，有日本大蔥、豆腐、粉絲、香菇、荷蘭豆、洋蔥等蔬菜。師傅會將蔬菜配搭埋和牛一齊上，加埋蛋汁真係非常好味。跟餐可以揀飯、熱或者冷烏冬，我哋就叫咗一熱一冬嘅烏冬，烏冬係扁身嘅稻庭烏冬，口感彈牙。甘味最後嘅甜品就有靜岡蜜瓜、沖繩黃金菠蘿配柚子雪葩，水果新鮮又夠甜，雪葩好香柚子味，酸酸甜甜勁消暑。話說喺商場去餐廳既時候會先經過一條模仿東京淺草鷲神社嘅隱蔽小路，入面仲擺咗象徵好運來嘅巨型吉祥熊手。好適合同朋友去餐廳食飯時打卡呀。。。日山 (灣仔)灣仔堅尼地道15號合和商場4樓416號舖。。…查看更多

見到係米芝蓮，滿心期待同男朋友去慶祝生日可能因為只有2個人，安排咗去一個大廳，係普通餐廳嘅裝修，完全無日式感覺，首先扣咗分我哋叫咗梅$888，雪$588然後就係前菜，職員會介紹每一樣前菜係咩。味道都幾好味，只係份份量好細，係正常嘅味。食完前菜，職員會比和牛嘅證書你睇跟住煮完就拎過嚟，唔係席前燒🥲和牛3塊，菜幾塊，豆腐2塊，冬菇2塊，洋蔥2塊，仲有啲粉絲係底。完。份量真係有啲少。大食嘅人會唔夠飽，好彩我哋食量細，岩岩好，但唔滿足到個胃🙂 和牛正常和牛，豆腐滑嘅，食材係新鮮嘅，但份量真係少。可能我想要嘅嘢呢次佢都無，見到openrice勁多人係包箱，話好味，環境日式，席前燒，結果係燒好先上菜，會感到失望。跟住就上咗個甜品，有寫生日快樂，個職員好主動幫我哋影相，服務係勤快嘅，仲成日幫手加茶水。整體而言，食材係新鮮，服務係殷勤，但覺得over price咗。如果每人$800嘅價錢，會有其他更好嘅選擇。 …查看更多

去左合和呢間日本料理食晚餐，呢間日本料理真係令我驚艷！一入門就俾佢啲裝修吸引，簡約又不失雅致，私隱度拉滿 ，係朋友聚會首選之地！日山嘅菜品不單止新鮮，而且每一道菜都擺得好精緻🤩展現曬廚師嘅用心。服務員熱情又專業，對菜單嘅介紹非常詳細，服務十分周到，令人感覺賓至如歸。作為一個超級鍾意食壽喜燒嘅人，日山絕對係我食過最好食嘅一間！如果鍾意日本料理，日山絕對值得一去！無論係食物質量還是用餐環境，都令人感到滿意。同行嘅朋友都大推，絕對值得一再光臨！🥳…查看更多

偶然發現灣仔合和中心也開了分店——更驚喜撞上餐廳週優惠！人均$9xx嚐到連續十年東京米其林一星還解鎖獨立日式包廂😍🍱 餐廳週套餐亮點▫️ 前菜｜季節四品盛從精緻的開胃四品盛開啟完美的一餐▫️ 刺身｜A5和牛肩胛·鰤魚·松露油生和牛、鰤魚片圍成花環⭕️魚子醬+鮭魚子點綴如露珠松露油激發油脂甜香，生牛肉入口即化，鰤魚脆彈度滿分💯▫️ 旬夏｜白燒鰻魚佐白粟米關西風裸烤鰻魚，皮脆肉糯爆汁白粟米甜度破錶！▫️ 重頭戲｜壽喜燒雙肉宴✅ A5肉眼雪脂均勻，東京空運到港秘製醬汁甜鹹平衡不死膩✅ 九州地雞腿肉意外驚艷！滑滑似豚肉▫️ 收尾｜蜜瓜與菠蘿當季日本蜜瓜超爆汁，鳳梨酸甜解膩灣仔店很特別的是會由商場穿過一個竹林長廊，以為到了餐廳？怎知道是通往戶外餐廳真正的入口在戶外。整頓飯最驚喜的是每個職員都非常有熱誠、敬業和服務周到，有一種受寵若驚的感覺…查看更多

今日和朋友來日山餐廳吃午餐。從商場門口，經過走廊，才到達餐廳的門口。餐廳的桌椅設計獨特、顏色鮮明，在每個角落都充滿藝術感氛圍。在這𥚃吃午餐實在是非常寫意！午餐先奉上五小碟的前菜，非常精緻，每一樣都很好味。我選了和牛烏冬丶魚生飯。火牛烏冬湯底鮮味，牛肉柔嫩多汁，而魚生飯精緻美觀，份量足夠，魚生新鮮，兩款食物都各有特色。朋友選了九州地鋤雞，雞肉鮮嫩多汁，附有新鮮蔬菜和豆腐，平衡了肉類的油膩感，使口感更加豐富。總的來說，是一頓難以忘懷的午餐。…查看更多

有朋友生日，去咗試合和商場入面既日山未到門口之前，經過一道長長嘅裝飾走廊，有好多可以打卡嘅位置入店之後我哋book嘅鶴房原來先係真正嘅打卡勝地，店員亦有介紹當中嘅傢俬，柔和嘅吊燈原來係由日本運過嚟，報稱已經有近百年歷史，厲害👍入房之後，店員馬上遞上筷子俾我哋揀，每對都好似藝術品一樣，點完清酒之後亦都有清酒杯俾我哋揀隻隻都好靚👍我哋人數比較多，分別叫咗竹嘅套餐同埋梅嘅套餐，有前菜，主食，壽司，仲有主菜來自熊本嘅黑毛和牛一個前菜，分別係章魚刺身，水雲，Parma Ham配芝士另一個前菜分別係和牛他他海膽小丼，蟹籽和牛壽司，火炙和牛壽司全部用料非常新鮮，特別係和牛他他海膽小丼，直頭係鮮味嘅核彈，忍唔住食埋朋友嗰碗然後有一道車海老汁煮鮑魚，鮑魚非常入味，而且好腍然後主角出場了，一份係黑毛肩胛，一份係黑毛西冷肩胛嘅油脂含量非常高，店員烹調好之後就會放到你身邊，然後再點一點蘭王嘅雞蛋，再配以日本夢美人白飯，入口油香四溢，然後店員會烹調一些豆腐同埋芋絲俾你中和一下，但係佢哋都已經吸收咗和牛同埋壽喜燒汁嘅香味，食到呢度都已經係非常滿足，但係仲未完店員馬上再送上黑毛和牛嘅西冷，呢一份嘅感覺牛味會比較香濃，肉質同埋油脂嘅比例會比較平衡開頭仲會擔心可能會食唔飽，但係食到呢度已經係捧住個肚最後店員送上一個冰凍嘅桃子雪葩作結成個體驗絕對係you pay what you get5星星…查看更多

今次同朋友聚會，放工之後一齊去日山食壽喜燒🍴壽喜燒嘅食材超級講究👍🏻有證書的和牛油花分布平均，和牛入口即溶😋鹹甜適中的醬汁配搭埋不同的配料令到整體的風味更加豐富🤤而且每道菜品嘅擺盤都十分精緻😍特色嘅甜品都係不可以錯過，清新爽口為整餐飯畫上一個完美嘅句號🥳特別值得一提呢度有獨立的房間😌今次我哋喺鶴房入面聚餐🦩環境安靜舒適又私密，而且配搭咗日式擺設🐅令我哋可以喺度無所詳談，絕對係聚會嘅好地方😚…查看更多

與太太在結婚紀念日這天，我們選擇了灣仔合和商場新開幕的「日山」慶祝。這家來自東京、連續十年獲得米芝蓮一星榮譽的壽喜燒名店，在香港的第二家分店完美重現了日本橋百年老店的精髓。我們預訂了「松」套餐（每位$1,298），從前菜到甜品共七道菜式，每一道都展現出對和牛料理的極致追求。環境與服務：穿越時空的日式美學踏入餐廳前，先經過一條模仿東京淺草鷲神社的隱蔽小路，擺放著象徵好運的巨型吉祥熊手，讓我們瞬間有種置身日本的錯覺。餐廳內部以「村上美術館」為概念，處處可見藝術畫作，而我們被安排的包廂「鶴」房更是驚艷—陳列著從東京總店空運而來的百年古董，包括原裝漆面大餐桌、和風玻璃球吊燈等，細節處盡顯大正年代的風雅。服務員身著和服，以日式跪式服務細心講解每道菜，專業而不過度打擾，完美體現了日式「おもてなし」（款待）精神。「松」套餐：一場和牛的味覺交響曲前菜四點開場便令人驚喜：蕃茄啫喱酸甜開胃，煮鮟鱇魚肝軟嫩入味，蜆肉清爽鮮甜，而炸芝麻酥更是香脆惹味，讓太太讚不絕口。刺身三品盛北海道海膽濃郁甘甜，入口即化；兵庫縣黃金武士生蠔爽脆帶礦物香氣；吞拿魚中腹油脂豐潤，每一片都展現了對食材的嚴選—後來才知這裡的和牛與海鮮均每月兩次從日本真空冰鮮直送，難怪鮮度無可挑剔。清酒蒸鱈場蟹這道蒸物堪稱當晚亮點之一。鱈場蟹腳肉質細膩如絲綢，清酒的醇香滲入蟹肉卻不搶戲，反而將鮮甜層次推向高峰。師傅特別建議先嘗原味，再輕蘸柑橘醋，兩種風味都令人回味。酢物赤貝與車海老酢物以柚子啫喱提味，清爽地為味蕾重置。主菜：A5和牛壽喜燒重頭戲的壽喜燒由專人席前烹調，選用西冷部位，油花如大理石紋般均勻。看著和牛片在鑄鐵鍋中與秘製醬汁共舞，香氣四溢。入口瞬間，肉質柔嫩多汁，油脂化開的甘甜與醬汁的鹹香達到絕妙平衡，搭配日本蛋液更添滑順。隨附的野菜盛（豆腐、冬菇、大蔥等）吸飽湯汁後同樣精彩，尤其日本大蔥的甜味令人驚艷。隨後選擇的稻庭烏冬（可選冷/熱）扁身彈牙，冷烏冬沾上和牛高湯尤其出色，湯頭濃郁卻不膩，為主食畫下完美句點。**甘味：靜岡蜜瓜與芝麻雪糕** 甜品看似簡單卻暗藏心思：靜岡蜜瓜甜度高如蜜糖，搭配冰涼透心的芝麻雪糕，為豐盛的一餐帶來輕盈收尾。整體體驗：值得紀念的味覺之旅「日山」不僅是一頓晚餐，更是一場融合視覺、嗅覺與味覺的儀式。從古董包廂的氛圍、職人對火候的精準掌控，到每道菜背後對傳統的堅持（如堅持手工切肉而非機器切片），處處體現百年老店的底蘊。雖然人均消費不菲，但考慮到食材品質、服務與體驗的完整性，絕對物有所值。特別推薦給追求極致和牛體驗，或想慶祝特殊場合的情侶與家庭—記得預約「鶴」或「秘」房，並留時間在入口的「淺草小路」打卡，讓這趟美食之旅更圓滿。…查看更多

之前都有食過尖沙咀分店，灣仔分店呢間感覺好唔同，好有懷舊日本風～今次仲book到包廂房，同朋友慶祝生日夠晒private，最緊要係唔怕嘈到人😂經理仲話其實兩三個人都可以安排我哋坐包廂，所以諗住下次再帶阿爸阿媽嚟食多次坐細房房入面嘅裝修都好有儀式感，一入房就比盞古式日本吊燈吸引住今次叫咗竹set，其實食物方面因為之前食過尖沙咀店都係咁上下預期之中🤣不過因為包廂關係，staff介紹啲嘢食個陣可以問得清楚啲同埋任我哋影相影到夠先開始燒牛😂😂😂我覺得2塊呢個份量真係好夠，因為餐廳經理介紹塊牛係必須要跟日本日山規定厚度咁樣切出嚟，所以超級大塊，而且前面已經食咗前菜啊溫物啊壽司，再食2塊牛加野菜其實我已經好飽😂所以最後個雪芭真係可以為味蕾refresh一下，超清新，食完成個set真係好滿足🥰呢間分店好啱朋友gathering食，因為包廂呢個特點真係好啱一group人～下次再有咩gathering都可以考慮再食過🤣…查看更多

最近同朋友揀餐廳慶生，發現日山喺合和酒店開咗分店，仲有包廂俾我哋傾計，感覺好有私人空間，唔似平時啲餐廳咁嘈，真係好正！🥰入到去發現原來係成間餐廳都係房既設計 好有型喎 😍😍我唔算好大食，就叫咗梅套餐，朋友就揀咗竹套餐。梅套餐包括前菜、逸品、壽喜燒牛配飯或烏冬、甜品，飯同烏冬仲可以無限加添，啱晒我呢啲又想食飯又想食烏冬嘅人。烏冬仲有凍熱兩款選擇，真係好貼心！😋逸品入面嘅慢煮A5和牛頰肉味道超入味，令人印象深刻。重點嚟啦，當店員送和牛上嚟嗰陣，已經震撼到我哋！梅套餐嘅A5和牛肩胛同竹套餐嘅和牛西冷，雪花分佈均勻，店員仲好有心機拎埋證書俾我哋睇，令我哋對質素好有信心。😂😂店員幫我哋煮得非常專業，仲問我哋想食幾熟，過程中已經令我流曬口水！見到佢將牛肉同啲菜菇舖得咁靚，已經覺得勁好味，牛香味勁重，忍唔住影咗好多相，但又驚凍咗會影響味道！最誇張係連啲菜同菇都好甜好入味😂本身食烏冬已經好正，見到朋友食飯又好似食得好滋味，於是我都加咗飯，份量剛剛好，超滿足！🍚最後嘅甜品係水果雪芭，粉紅色嘅其實係菠蘿，味道清新，完全冇令我失望，完美解膩，為成餐飯畫上完美句號。🥳🥳總結嚟講，喺香港都可以食到有日本水準嘅料理，去日山嘅感覺就好似去咗日本一樣，環境舒適又有風味，絕對會再嚟！…查看更多

星期五收工約咗一班朋友收工聚會，順便來個小酌談心！朋友介紹我哋去灣仔合和酒店新開的日山，佢本身都好多間私人房用黎食飯，不過我哋人數多所以店員預留一間和式懷舊風十足的房間，塌塌米座位、吊燈及傢俬都係日本空運過嚟，好打卡，坐得幾舒服，私隱度夠高！今次試咗梅同竹套餐，包括前菜、溫物、壽司、壽喜燒及甜品。喺開始之前我們點了清酒，仲可以自選清酒杯及筷子。前菜一共三款，八爪魚漬、水松及巴馬火腿芝士。壽司亦有三款，鵝肝A5和牛壽司、海膽A5和牛壽司及魚子醬牛肉卷。壽司飯size適中，味道有驚喜！最令我印象深刻就係壽喜燒，選用熊本黑毛和牛「和王」，西冷肉質粉嫩，仲有埋證書，而且有專人烹調！和牛入口淡淡油香，牛味濃郁！壽喜燒亦可以配白飯或冷熱稻庭烏冬。中，人夠多自然可以試晒飯同烏冬。食完和牛，職員會烹煮野菜，野菜掛滿牛肉及壽喜燒汁精華，味道濃郁，好好味！食到好滿足，餐廳好貼心送上解膩甜品 - 水蜜桃雪芭及粉紅色菠蘿，味道酸甜清新！最後嚟個驚喜生日蛋糕作晚餐總結。整體味道、服務好好，店員耐心介紹清酒種類及和牛，而且環境適應，好適合一班朋友去！…查看更多

朋友話日山喺灣仔合和開咗新店，仲話有靚房可以book，我哋成班嘈嘈貢梗係二話不說話要去試，果然冇令我地失望。餐廳就好似一間美術館咁擺滿藝術作品，打卡一流。我哋book咗ge「鶴」房個設計係將日本本店還原到香港，所有傢俬都係從日本空運到港，氣氛感滿滿 ！我哋一行8人一半叫咗「梅」套餐 ($798)，另一半叫咗「竹」套餐 ($998)，套餐除咗有主打嘅A5和牛壽喜燒，仲有前菜、溫物、飯/烏冬、甘味，而「竹」套餐仲有壽司，非常豐富。我哋仲另外嗌咗一枝日山清酒，注重儀式感ge最開心就係有得揀清酒杯同埋筷子ge環節。前菜：兩個套餐都有3款 - 煙燻八爪魚、微酸沖繩水雲、鹹香Parma Ham芝士卷，開咗個準備食A5和牛ge胃口！溫物：「梅」套餐係慢煮A5牛頰肉，「竹」套餐係鮑魚、車海老、青海苔；慢煮A5牛頰肉醬汁濃郁，個人偏好牛肉多一點。「竹」套餐仲有三款壽司，食完令我更期待壽喜燒！壽喜燒：「梅」套餐係肩胛部位，「竹」套餐係西冷部位，我好慶幸兩款套餐都嗌咗，因為好食到做唔到選擇！配夢美人白飯一流！配菜跟埋個汁都好出色。最後朋友為我送上埋生日驚喜，除咗有自己準備ge蛋糕，仲有寫咗祝福ge甘味，開心又好味！…查看更多

雖有米芝薘一星光環，但侍客之道令人舒服，不硬銷，不冷面，亦不過度殷勤，服務態度以客為先。分別點了松、竹兩個套餐，侍應主動問是否二人分享，並無白眼。主菜和牛質量、烹調都恰到好處，其他烹物、魚生令人滿意。海膽温度適中，入口即溶。連食具都很別緻，尤其喜歡那隻銀白瓷碟，清雅亮麗，與彩色竹筷成絕配，賞心悅目。特別推介和牛配冷烏冬，那碗高湯令和牛的豐膩濃厚轉化為清辛爽潤，令味蕾打轉，不容錯過。很滿意的一頓晚飯。…查看更多

試吓合和新場，從商場去很穩閉，入口走廊怪怪，從四樓平台入去又日曬雨淋！食咗拉麵，冇味，湯底如水，麪身也差，角切魚生飯都只係平價幾粒，午餐價錢也一點不平！但員工落力反應好，裝修有快歺店味道，配不上專賣和牛格局！…查看更多