影片
营业时间
今日营业
12:00 - 15:30
18:00 - 22:30
星期一至五
12:00 - 15:00
18:00 - 22:30
星期六至日
12:00 - 15:30
18:00 - 22:30
以上资料只供参考，请与餐厅确认详情
有关奖赏计划
同朋友庆生去咗日山位于湾仔合和嘅新店。餐厅入面嘅装潢都非常有特色，除咗大厅系以「村上美术馆」为概念，摆满唔同风格嘅画作，包厢嘅房间亦各有特色。好似「鹤」房就摆放咗由东京总店运过嚟嘅屏风同画等珍贵原装百年古董。而另一间需要预先预约嘅「秘」房就设有独立omakase吧台，师傅会喺客人面前即席烹调，可以近距离欣赏到师傅嘅手势。我哋分别叫咗七道菜嘅「松」($1298)同六道菜嘅「竹」($998)两款套餐，套餐除咗有主打嘅A5和牛寿喜烧，仲有前菜、刺身/寿司、蒸物/温物、饭/乌冬、甘味等嘢食，非常丰富。前菜「松」嘅季节前菜有四款，「竹」就有三款，每款都睇得出用咗好多心思配搭炮制，好似系清凉开胃嘅梅酒jelly 同冲绳水云，用高汤焯过爽弹鲜甜嘅白梅贝、烟熏八爪鱼刺身、黑松露和牛肉碎脆波波同咸香Parma Ham芝士卷。刺身/寿司「松」嘅刺身三品盛有爽口甘香嘅兵库县黄金武士生蚝、幼滑鲜甜北海道海胆同吞拿鱼。而「竹」就有三件唔同部位嘅和牛寿司，鹅肝A5和牛寿司用嘅系低温烤焗嘅牛肩胛，肉味香浓，加埋火炙过嘅鹅肝，牛同鹅肝嘅油脂融合埋一齐，油香饱满。海胆A5和牛散寿司用咗切成细粒嘅和牛西冷配搭creamy海胆，口感层次丰富。鱼子酱和牛卷用上肉眼部位，鱼子酱嘅鲜味进一步提升咗和牛寿司嘅味道层次。蒸物/温物「松」套餐包咗清酒蒸鳕场蟹，蟹脚非常鲜甜，又有淡淡嘅清酒香。「竹」套餐虽然冇蟹脚，但都有青海苔汁煮鲍鱼、车海老、萝卜同白舞茸。酢物「松」套餐另外仲有跟酢物，赤贝同车海老配搭柚子jelly同蔬菜，喺食寿喜烧之前可以先清一清味蕾。寿喜烧主菜嘅寿喜烧，师傅喺我哋面前即席烹调，无论系「松」嘅肉眼定「竹」嘅西冷，肉质都非常腍嫩，油香同肉香融为一体。跟寿喜烧仲有野菜五品，有日本大葱、豆腐、粉丝、香菇、荷兰豆、洋葱等蔬菜。师傅会将蔬菜配搭埋和牛一齐上，加埋蛋汁真系非常好味。跟餐可以拣饭、热或者冷乌冬，我哋就叫咗一热一冬嘅乌冬，乌冬系扁身嘅稻庭乌冬，口感弹牙。甘味最后嘅甜品就有静冈蜜瓜、冲绳黄金菠萝配柚子雪葩，水果新鲜又够甜，雪葩好香柚子味，酸酸甜甜劲消暑。话说喺商场去餐厅既时候会先经过一条模仿东京浅草鹫神社嘅隐蔽小路，入面仲摆咗象征好运来嘅巨型吉祥熊手。好适合同朋友去餐厅食饭时打卡呀。。。日山 (湾仔)湾仔坚尼地道15号合和商场4楼416号舖。。
继续阅读
之前食过尖沙咀𠮶间，今日试吓湾仔新开𠮶间，位置有点难揾，装修跟尖沙咀有点不同，比较新潮，侍应服务很好，有亲切感，不过每张枱距离比较近，感觉不太好，寿喜烧食物质素保持良好，总括来说，今天的用餐体验不错。
继续阅读
被全房型设计吸引😙 每间房门口都有佢嘅名，今晚食嘅系「鹤」房，听完店员介绍先知原来系百年房🫣 神还原日本! 都唔知原来咁有历史价值👍🏻 呢度全房型设计好啱我同啲朋友嚟💯 食饭倾偈一流!! 唔使怕影响到人😙 啲牛系国宝级牛💖 入口即溶，真系同我喺日本食嘅一模一样，唔使飞就有呢个享受⭐️ 啲staff 态度好好，好俾心机介绍嘢食🫣 喺香港饮食业好重要….！ 不过最惊喜嘅竟然唔系啲嘢食，我觉得系成个环境好舒服坐得，见到好多嘢都系日本空运到港，感觉有种半去旅行感觉…. 连住个商场去又方便又方便，我觉得除咗同朋友带屋企人都好适合!!! 会再嚟帮衬🥹🥹
继续阅读
衬住朋友生日先有藉口去湾仔合和商场嘅日山试一试一入到间房 就已经比日式怀旧的装修包围住未开始食饭之前仲比我地自己拣左自己中意嘅筷子同Sake杯 满满嘅情绪价值🤣因为好想食寿司所以我叫左「竹」套餐 价值$998个set 包左前菜+温物+寿司+寿喜烧牛+饭/乌冬+甜品 前菜+温物份量都比我想像中多寿司亦都估唔到原来咁大份咁足料！个和牛散寿司加个A5和牛寿司真系好amazing 三款各有特色嘅寿司我都已经食得好开心🥹跟住到个主角寿喜烧和牛出场 完全震撼到我味蕾块牛劲大块 仲要有两块 记得要配住个日本米饭食原来碗饭用嘅米都有名堂 叫梦美人 最后最后 一间餐厅能唔能够为食客留低好印象回唔回头系个甜品到真系可以见真章虽然望落去好似好简单 系时令水果雪芭但系原来有一旧粉红色玻萝 我人生都系第一次食个雪芭都好好食 食完好refreshing 解左啲牛嘅油腻 总括嚟讲成餐饭 好丰富 有私人房间个环境好静好舒服 可以同朋友倾住计 慢慢食 餐厅职员都好有热诚咁介绍所有食材亦都系细节到感受到师傅完全无手松 一啲都唔马虎 估唔到香港都食到日本人个种细心 日山真系有带到惊喜比我 特别日子绝对会再翻嚟一战
继续阅读
琴晚庆祝朋友系外国翻黎，上网揾左呢间新开既日山食饭，因为佢主打全房设计岩我地成班朋友倾计都嘈唔到人一早book定网红打卡个间tatami房，赞👍🏻👍🏻成晚坐系入面食饭真系好有feel，而且原来唔洗真系跪喺地下😂系有凳坐而且坐得几舒服添其实呢间米芝莲寿喜烧好耐以前食过尖沙咀𠮶间，所以嘢食水准都系喺我预料之上，但系呢度好似更加好玩，啱我呢班朋友，例如我哋饮酒佢又攞一大堆sake杯比我地拣，食饭对筷子又有十几对真系日本订返嚟嘅筷子俾我哋拣，因为样样都唔同颜色，拣嘅过程都好过瘾 由于坐房嘅关系，我哋更加有心机听佢逐个嘢食慢慢介绍，可以望住佢一路烧个sukiyaki一路比我地影相打卡，而且个同事仲一路比我朋友捉住系咁倾偈😆所以佢应该好multitasking 最后埋尾个甜品唔记得咗影，系个好清新嘅雪芭加好罕有嘅粉红菠萝，之前喺朋友屋企食过知道系靓嘢，证明呢间餐厅连饭后水果都唔系马虎，个人认为值得赞👍🏻👍🏻比较钟意留意呢啲细节位，真系俾返呢个价钱应该有嘅嘢你，再加埋服务同埋用餐体验都可以话系物超所值，因为我哋真系食得好开心。
继续阅读